مجلس المنتدى العام The Whatever!

[Lena]

نهاية ... رجاء حار مني انكم تكملون مشكلتكم بعيد عن القسم ... كل اللي صار ان الجو صار ثقيل ... ناس صارت تفكر شو بيصير في المنتدى و أعضاءه .. و أكيد انه لازم حد بيطلع من المنتدى بعد هالسالفه
لو سمحتوا .. انا ما احب أخسر اخوان و أصدقاء أعزاء بسب مشكله سخيفة ... ارجعوا حبتين ورا ... روحوا اشربو رد بول ولا قلاص شاهي الله يهديكم .. بس هدو والضع و بسكم من الضرابه ... تراها فتنه والله و يلا بسكم اعقلوا

لا فوض فوووك

خلاص بأة -__- ..

اتمنى يوم نشوف الدفاع عن فلسطين زي كذا T_T تبارك الله

[Classic Evil]

أصلا المشكلة انتهت ..

بس الحين واقفين على الاطلال ..

[Classic Evil]

إي - ماد :

بما إنك في القصيم .. متى بتعزمني على كليجة ...؟؟

[Lena]

الحين لذي الدرجة الكليجة شي محبوب ومرغوب جماهيريا؟؟ بصدق أسأل

مدري ممكن مب حاسة لأنه فيه مليون تنكة في المستودع زهقانين منها

جميع الاشكال والاحجام والنكهات..بالعسل السايل الي ينقط وانت تاكله ولا الجامد وطلعو التوفي بعد..

يالله زين لقينا نقطة ايجابية من كوني قصمية._.

[Electro M]

اتمنى يوم نشوف الدفاع عن فلسطين زي كذا T_T تبارك الله

يعني الحين تتوقعين لو لنا القدرة على الدفاع عن اي بلدان المسلمين بنبخل بهالشي؟
تصوير عجيب
اولا احنا ما دافعنا لمجرد الدفاع فقط
هي نخوة او شهامة يمكن البنات ما يفهمون هالشي زين
لان البنت ما تفزع الا للي تحبه بس حتى لو كان هو الغلطان
عشان كذا الرسول صلى الله عليه و سلم قال ان النساء ناقصات عقل و دين لانهن يحكمن العاطفة اكثر من العقل
ثانيا اذا كل واحد حصلت له مشكلة مننا نبي نتجاهله
فهذه ما هي علوم الرجال
برضوا شي ثاني يمكن ما تفهمينه

يمكن كلامك رميته عن غير قصد لكنه قوي بحقنا

اي فلوه
ياخي تبي كليجا بس؟
الكليجا و الاقط و الحنيني كله يفداك ياخي بس انت تعال للسعودية اول

[Rory]

نداء إلى مس روري

يا روروي .. أذكر إنك مرة اتكلمتي ( إذا ما خانتني الذاكرة كالعادة ) عن أحد الأفلام المظلومة والي ما أخذت حقها وذكرتي فيلم Antitrust !
كان ودي أعلق وقتها لكن ما مداني -_-

بصراحة - ولأول مرة - يتشابه ذوقانا وأتفق معاكي ( لازم تسجل في التاريخ )

الفيلم روعة بصراحة.. والموسيقات أحلى شيء فيه o.O ( فريت النت كله بس للأسف ما لقيتها ) !

لكن عليهم هجوم كبير >_<

قرأت بعض ردود المهاجمين وبصراحة وجهة نظرهم غريبة!

يقولوا عباقرة الكمبيوتر من الهكرز وغيرهم .. أشكالهم مو كده !

يقولوا لبسهم غير ، إختلاطهم بالناس غير ووو .. إلى آخر هذا الهراء!

وممكن كان هذا أكبر سبب للهجوم عليه >_<

بصراحة ما أعرف هكرز وعباقرة كمبيوتر لكي أحكم .. لكن بنظرتي الآن حرام يخسف بالفيلم مثل كده!

قهر والله

مدري ليه أفتكرته الآن ، ممكن لأني أفتكرت إن التعيس صالح كامل محتكر كأس العالم :mad22:

امممممممم وبس

فقط حبيت أنوه على الفيلم ، الي ما شافه يشوفه بصراحة يستحق المشاهدة ..

أحييك على ذوقك الرفيع يا مس روري ، عالم قليلة تقدر الفن

ما أعتقد ها الشي الوحيد إلي نتفق فيه بمسأله الأذواق
I am a cowboy bebop fan .. the series.. the manga and the movie.
وشكلك يعني -من كلامك -ردودك -تعليقاتك وتوقيعك من محبي بيبوب بعد ..

المهم ..
تصدق الفيلم ما كنت بعطيه ويه .. بس شفته في قسم التخفيضات على الديفيديات وجذبني قلت نشتريه .. ما كان في شي ثاني يستاهل.
بس تفاجأت إنه الفيلم فعلا رهيب .. ويستاهل .. والغريب إنه ما كنت سامعه فيه من قبل أبدا ..

ههههههه .. النقاد معظمهم ما عيبهم الفيلم .. بس النقطة إلي ذكرتها حرام تكون هي السبب ..

موسيقى الفيلم فعلا حلوة ..
نبغي الـ OST ..




سؤال يمكن يكون سخيف ..
شو هي الـ كليجة؟
يعني فهمت إنها أكله .. بس .. شو؟

[القــعـقـاع]

سؤال يمكن يكون سخيف ..
شو هي الـ كليجة؟
يعني فهمت إنها أكله .. بس .. شو؟

نوع نادر من انواع السلاحف يتواجد فقط و حصريا في منطقة القصيم...

[Electro M]

نوع نادر من انواع السلاحف يتواجد فقط و حصريا في منطقة القصيم...

صحيح و تطبخ السلحفاة بعد ان يتم حشوها بالعسل حسب الرغبة ثم تؤكل كالهامبورجر

[SNOoOP]

شوية جوجتسو برازيلية على mma بس متوقف حاليا للاسف >__<

و انت؟؟

ياطويل العمر خبرتي كاراتيه ((حزام بني )) وتركتها لي سنه او اكثر

وحاليا العب في ارنست جتسو

عندك خبر عن كابتن يدرب kick-Boxing ولايماطل في التدريب!!

[Lezard Valeth]

القعقاع

قريت موضوعك لأوياما, اول شي ثانكس على اللينك والموضوع الممتع , ثانيا تبين لي انه أوياما قوته ما أبتدت تصير اسطورية الا لمن عدى الثلاثين , وبروس لي مات وعمره 32 يعني ما لحق يسوي شي , لو كان عايش جان اكيد شفت انجازات أسطورية منه بدورات عالمية, وبالنسبة للي قلته شكو الاستعراض الحين , أنت قاعد تنسى انه ضربات ريله وأيده كان فيها قوة مو طبيعية تكسر أثقل ال punching bags من طقة وحدة, وكان يشيل أثقال خيالية على أضعف العضلات بالجسم وكان عنده تدريبات قاسية ومتعددة لدرجة انه يكهرب عضلاته عشان يقويها وما كان ياكل الا عيش مشخول ويشرب ماي بس, وأسلوبه بالقتال طوره بنفسه بعد ما قرا وتعلم أهم أساليب القتال بالعالم حتى ال fencing أستخدمه بأسلوبه , أنصحك تقرأ عنه عدل لانه شكلك مو قاري شي دام تعتقد انه قوته أفلام بأفلام

[Classic Evil]

أخييييرا رجع المنتدى مبروك


لينا :
عدنا حد من القصيم وما عزمنا على كليجة آخ بس لو يدري عنكم حاتم
طرشي لنا تنكة وحدة للإمارات والله يخليج كثري عسل و زبدة
بس أخاف ماتعرفين تسوين فشلة قصيمية وماتعرف تكلج ..

يالله زين لقينا نقطة ايجابية من كوني قصمية._.

هذا عز الطبل قصدي الطلب
بس لينا سؤالٌ يراودني : هل لتغيير افاتارج علاقة بموضوع أنجل ؟

إي - ماد :
اول دز لنا كليجا يالبخيل في شي اسمه بريد مستعجل HDL ..
وعقب بناكل حنيني من غير فرم ترى (طرار ويتشرط )

روري :
الكليجا من الافضل تاكلينها قبل لاتسألين عنها ..
أظن من الوصف شبعتي ..

[Lena]

إي ماد:
طيب لا تتحمسXD
ياحليلك بس



ههههههههه ايه والله انها خوش سحلفاة ياروري
وعد علي اصورها واحطها متى مماقدرت
it looks so cute




ايفلو:
ماعرف أكلج أكيد @_@ فيه مرة تقرب لنا تعرف تسويها تاكل اصابعك وراها
بس خلصت>_>
(بخيلة)والافاتر هذا شفته كأفاتر لصديقتي بالمسنجر وأسرني فسرقته;-;

[BOOOB_2002]

مرحباااااااا



لينا

أختي الدوبه نعتذر عما حصل أمس من هواش أنا وبقية الشلة وامسحيها بوجهي

نسيت اقولك مين الأمورة اللي حطيتي صورتها أمس <<< عريس جاهز من مجاميعه بلا عماد بلا كرونو



على طاري الكليجة تصدقون كم لي هنا بالسعودية وما عري فكرت اجربها طعمها حلو ولا شلون

[SFS]

الفيلم روعة بصراحة.. والموسيقات أحلى شيء فيه o.O ( فريت النت كله بس للأسف ما لقيتها ) !

شوف هالموقع واكتب اسم الفيلم...
لأني كتبت اسم الفيلم وطلعتلي أغنية باسمه..
http://www.yourmp3.net/

[Doel]

صحيح و تطبخ السلحفاة بعد ان يتم حشوها بالعسل حسب الرغبة ثم تؤكل كالهامبورجر

والله تحصل عليكم أسنان من التيتانيوم عشان تاكلون سلحفاه مثل الهمبورجر


ما شاء الله بس


بس سلحفاه و عسل؟ .... مب قادر أتخيل

Doel 'su