Super Street Fighter IV

[RogerM]

^ ما وصلت نسختي للاسف، انا ساكن في مكان بعيد شوي عن المدن الرئيسة لول. بالنسبة لفايبر فما تغير شي، ألا شي واحد و هو أنهم زادوا من سرعة مشية فايبر ( شي ممتاز بالنسبة لفايبر ). لكن فايبر في سوبر أحسن، لأن باقي الشخصيات ضعفوهم مثل روفس ( اكثر واحد يوهقني ) و زانجيف الضرر ماله قل شوي. متى توصل نسختي بس

[evil-kusanagi]

على فكرة الاخ dmcking هذه الحركة غير مجدية بتاتا لان اغلب الناس الفاهمة بتصد j. hk
يعني ما لها اي نفع و ممكن تورطك اذا اسرعت بعمل الترا.

[Alucard.4.ever]

بلاك انصحك بالتريلز تراه مفيد كثيراً ...

الله يعينا على اكوما ..

بخصوص حركة ماكوتو ما دري اذا تستوي لاني ماجربتها ...بس اكيد سهله اذا متوافرة في هذا الجزء ...

بالتوفيق لك

[Sanadax]

Lezard Valeth
أهلين بخير الحمدلله , أنت شخبارك ؟
ياريال لاتمدحني وايد .. وترا مستواي ما يوصر شعره ويا الي عندي في قائمة الأصدقاء
وكنت العب ياليد العاديه ماحب يد الأركيد .. ومستواك بريو كان هو الأفضل من بين الشخصيات الي أنت أخترتها
إن شاء الله نلعب مع بعض مره ثانيه .. بالتوفيق

تان

عالعموم يا جماعة الخير و الله انا بروحي متوهق و ماعرف اذا خليت السوبر العب شوه بالضبط

لهذا السبب أنا أقولك أرجع لسوبر لأنها لها شعيبه كبير ومستحيل تحصل لعبه ثانية يلعبونها كثر سوبر
والشي الزين في سوبر الأون لاين لأنه نظام غرف وتدخل ويا ربعك .. صحيح أن تركيزي على ثرد سترايك أكثر لكني العب سوبر لأني ماحصل حد العب وياه في ثيرد سترايك لكن سوبر أدخل الأون لاين في أي وقت وأحصل الشباب يلعبون والعب وياهم

للجميع
لو أدري أن الكلام عن سوبر بيظهركم كان من زمان تكلمت بأشياء مب زينه عن اللعبة عشان تطلعون وتشاركون بلاك وروجر والباقيين

[محمد شعيب]

كسناجي
..ماعندنا الا تشكن جماعة ال2d متفرقين لكن بطولة ستريت يمكن تلقاها في الفيس بوك
و ياحسين ... انا مع عبد العزيز ..و بالنسبة كومبو ريو (( رجل قوية في الجو الى شن شوريكن )) يعمل في 3s و cvsnk2 و يمكن ex كمان ((تعصيبة ريو كانت تخسف اكثر من هنا))..على اية حال هذي الطريقة رسكي الا امام واحد عبيط يكثر من استخدام الفوكس كأنتي اير...لا تنسى ان في ثيرد ايضا تحس ان التعصيبات توقف الوقت..
حسب كلام مخرج جلتي جيرDaisuke Ishiwatari ان من المهم في اللعبة ان تكون جذابة للمبتدئين و النوبس لكن في الوقت نفسه كلما تعمقت تجد ما يكافئ هذا
التعمق..

. In designing games, you have to decide when the player is going to hit that wall, early on, or later. I prefer it to be later, so that even beginners can enjoy themselves.
And it's a bit subjective for us as designers, as we're the ones who have to control the difficulty and complexity. We have to be very careful that this "wall" doesn't just turn people away, no matter how bad at or uninterested in the game they might be.
That said, we also want to cater to our core audience by implementing solid and more complex gameplay that rewards those who really delve into it. It's sort of difficult to explain. In my own opinion, no matter what the game, it's important to make sure that beginners and non-gamers can pick it up, and have fun just mashing the buttons

http://www.gamasutra.com/view/featur...he_.php?page=3
لأن هذا الشيء ايضا يجعل الشركة تربح من كلا الطرفين تفكير تجاري صح ^_^

لهذا تجد مثلا في بعض الالعاب حركات و تقنيات كثيرة لا يستخدمها اللعيبة يستخدها اللاعبين العاديين لأنه ممتعة و ((تبدوا فعالة )) قارن مثلا في مقدار استخدام التعصيبات و الدحرجة في كوف بين لعبنا و لعب الصينين مثلا..احص عدد الحركات التي يستخدمها محترفي تكن الكوريين للاعب ما مقارنة باستخدامنا لها..و ايضا في تكن انظر للتن هت كومبو و مسكات كنج الطويلة التي لا يستخدم منها الا اثنتين..

[hell-bottom]

لهذا تجد مثلا في بعض الالعاب حركات و تقنيات كثيرة لا يستخدمها اللعيبة يستخدها اللاعبين العاديين لأنه ممتعة و ((تبدوا فعالة )) قارن مثلا في مقدار استخدام التعصيبات و الدحرجة في كوف بين لعبنا و لعب الصينين مثلا..احص عدد الحركات التي يستخدمها محترفي تكن الكوريين للاعب ما مقارنة باستخدامنا لها..و ايضا في تكن انظر للتن هت كومبو و مسكات كنج الطويلة التي لا يستخدم منها الا اثنتين..

يا سلام عليك

محمد اصبت كبد الحقيقه i would've not said it any better

في النهايه اللعبه الجيده راح تعطيك مثل ما تعطيها وفي هذا الجيل لا أجد لعبه قتاليه تفتقد لهذا الشي, كلها تدعم اللعب التنافسي الى درجه عاليه.

[محمد شعيب]

ههههههه بعد الكلام عن سهولة ستريت 4 تذكرت هذا الفديو الطريف الذي يسخر من بعض الالعاب منها تكن و بليز و sf4 صحيح انني غير مقتنع معاه 100% لكن الفكرة طريفة ^_^
http://www.youtube.com/watch?v=fzkI83bnnNc
شكل اللي مسوي الفديو مو مطرطع و بس

[hell-bottom]

هههه اما الرقص في النهايه تحسهم مغصوبين

[Lezard Valeth]

سانادا

اذا هذا كلامك عن مستواك عيل انا شقول عن مستواي

ان شاء الله نلعب مرة ثانية قريبا, عموما أنا مستواي average or above average ماركز على الفايتنق قيمز لهدرجة والشباب الي اعرفهم ولي يلعبون فايتنق قيمز انا مستواي احسن منهم

فحط ابالك هالشي اذا مرة داش تلعب Endless ويا ربعك وشفتني أونلاين وسويتلي invite وياكم <<< يعني جنه ايقولك كل ما استمر بتحدي الي مستواهم احسن منه بيتحسن مستواه مع الممارسة

وانا ترا من النوع الي احب اتعلم بالممارسة.. أصلا بالتدريب عموما بس ادرب على حركات الشخصيات الي العب فيها والكومبوهات الي انا اخترعها فيهم
يعني ما اراجع حركات باجي الشخصيات واعرف اشلون اكونترها مسبقا أحب اتعلم اشلون اكونتر اثناء التحديات

[Black_Berserker]

جربت اللعبه...أفضل من 4 وخصوصا الأونلاين....جوري حلو اللعب فيها...ماكوتو مادشت مزاجي كثير...أكوما حلو بس مب مثل ثيرد سترايك بس ممتع....Guy لسه مالحقت عليه...ومثل ماقلتوامرحلة أفريقيا ممتازة....خصوصا "تيمون" الي يرقص

أما عن حركات الكارا في ماكوتو فجربت ومافي فايده....طبعا في التريلز فيه حركات وغيره بس بعد....وأتوقع ماتقدر تعمل HP +Ultra 2

يعني هذي كانت ممتازة في الثيرد سترايك....كاراكوسا وHP و تسونامي وكمل بعدها

بشكل عام اللعبه Fun

بلاك تصدق قبل يومين شغلت اللعبة بعد ما تركتها فترة طويييييلة ( شهور ما لعبت شي ) و دخلت الترينينق و قدرت اسوي 2 tackles بيورين تقريباً بدون مشاكل لول. حتى makoto's karas طبقتهم من اول مرة مع اني قبل كنت أغلط فيهم وايد، أما يوم لعبت قبل يومين أسويها مثل شرب العصير. لكن للأسف لو بدخل و ألعب بتسطر لأني من زمان ما لعبت مباراة صح، وانا ما عندي القدرات العب بلعبتين بنفس الوقت فخلنا مع ربع ال sf4. سلّم على rizu بالمناسبة

ممممم نفس الحالة...صعب جدا هالشي....فبلعب ثيرد سترايك كالعاده وهذي بلعبها للمتعه....فكروا فيها....كم شخصيه في سوبر 4؟ كثيير وكل واحد وله حركاته وبلاويه ولازم تفهم كيف تلعب معاه....خلينا على ثيرد وشوية سوبر 4 خصوصا الأونلاين المغري

سانادا

حالتي من حالتك ليش ماندخل بفرق؟؟ مثلا إنتوا فريق العين وأنا المسكين بشحتلي فريق...أو تتكرمون وتضيفونا عشان نخسركم في الفريق

ألوكارد...التريلز زينه بس ماتعطيك كل شي...لو إنت تلعب بشخصيه قديمه بسيطة اليوتيوب مايقصر ولو جديدة...اصبر كم يوم وتحصلهم خبزوا هالشخصية وأتوقع هالشي صار لكم لاعب مثل دادلي

بس سؤال....الحين لو أخذت السوني 3 ولعبت على تلفزيون قديم....اللاق بيكون صفر صح؟ حتى لو الرسم يكون تعبان فماعندي مشكلة....المهم أتعلم صح على التوقيت

كوساناقي

مممممم نعم....العدد قليل....لكن تصدق إنهم زادوا...يمكن كسبنا 3 لاعبين خلال هالسنة ويمكن يصيروا 5 ومستواهم جيد...يعني العدد يزيد رغم عدم شعبية اللعبة وتواجدها

لكن صدقني...سنة كاملة وأنا ألعب اللعبه لوحدي وصمدت...ولما نويت أبطل فجأة حصلت الشلة الحلوة "شلة ثيرد سترايك" وشوي شوي نتطور مع بعض والعدد يزيد...وحتى لو ماكان في إلا شخص واحد فهذا يكفيني طالما إنه لعيب...ولو مافي راح أسافر للخارج وألعب...ولو خلاص الدنيا كلها بطلت تلعب راح أعلم أولادي عليها....صدقني راح أغريهم بالمال...فوز على أبوك شوط ولك 30 دولار طبعا هذي الخطة للمستقبل لو خلاص الناس بطلت تلعب

وعلى فكرة....فيه مشكلة كبيرة هنا...طيب أنا جتلي فترة حبيت ألعب ميلتي بلود وأركانا هارت وجلتي جير...الوحيد الي كان يلعبها صاحبي وقلتله إذا تريد نلعب صح راح أتدرب وغيره بس أريد إلتزام...طبعا إنسى شي إسمه إلتزام وكالعاده أبقى وحيدا

فحتى لو أريد أحول على لعبه ثانية لازم أحصل ناس صح تلعبها وملتزمين باللعبه ويقدروا يساعدوني في تعلم اللعبه وأسسها بسرعه وهالشي نادر وعائق لأي شخص يفكر يلعب لعبه ثانيه...طبعا استثني تيكين وستريت 4 لأنه هاللعبتين منتشرتين بشكل كبير...

ماقلتلي...مافي أخبارعن بطولة جديدة عندكم في المغرب؟

[AL999e3ry]

تان: لول ماريد نخلي النقاش شي تافه و طفولي

عن شوه ترمس انت!؟ مادري شوه اللي قلب مزاجك بالضبط
... و عن ثيرد سترايك انت قلت لي مستواي مب شي و انا اقولك صح و الشي الوحيد اللي انا قلته عن اللعبه انها احسن عن فور بوايد
... و عن السوبر انا قلت ان اللعبه لو انهم ضبطوها اكثر من ناحية انك اتسوي الحركات بشكل صحيح عسب تظهر وياك بدون ما تخبص كانت روعه
... في النهايه انت اللي قلت كل شي و انا رديت عليك و يوم رديت عليك قلت لي لا تخلي النقاش بينا يكون طفولي و تافه مع العلم انا اكبر عنك بثمان سنوات و المفروض ما تظهر منك هالرمسه, صدقني لو فويهي ما تقول هالكلام!

[hell-bottom]

كلنا اخوان ويمكن الرجال بس خانه التعبير قليلا والا انا متأكد انه ما كان يقصد شيء هد أعصابك وما صار الا الخير.

[RogerM]

عن شوه ترمس انت!؟ مادري شوه اللي قلب مزاجك بالضبط
... و عن ثيرد سترايك انت قلت لي مستواي مب شي و انا اقولك صح و الشي الوحيد اللي انا قلته عن اللعبه انها احسن عن فور بوايد
... و عن السوبر انا قلت ان اللعبه لو انهم ضبطوها اكثر من ناحية انك اتسوي الحركات بشكل صحيح عسب تظهر وياك بدون ما تخبص كانت روعه
... في النهايه انت اللي قلت كل شي و انا رديت عليك و يوم رديت عليك قلت لي لا تخلي النقاش بينا يكون طفولي و تافه مع العلم انا اكبر عنك بثمان سنوات و المفروض ما تظهر منك هالرمسه, صدقني لو فويهي ما تقول هالكلام!

و هو أنا كل ما أكلم واحد يقولي أنا أكبر عنك و حتى لو في ويهك بكلمك بصراحة لأني ماعندي شي اسمه مجاملة خصوصاً على النت.

و انا مادري كيف اللعبة بتكون أكثر احترافية لو خلوا ال inputs " صارم " أكثر عادي الناس بترجع تتعود و بتشوف الماش و غيره! انت تشوف هالشي غير احترافي تعلم اللعبة على ال inputs الحقيقية بدون اختصارات shortcuts محد مسك

[Cold Aura]

للاستمتاع بسماع الموسيقى الخاصة بكل شخصية ..

1- اختر لك title من قائمة الـ Titles التي لديك .. و اختر أيقونة من الأيقونات التي لديك ..

2- عد إلى قائمة اللعب الرئيسية .. ستظهر لك نافذة تخبرك بأنك حصلت على خيار تشغيل الــ BGM ..

3- اذهب إل Options >> Sound Settings >> Arrange BGM >> Yes

4- ستسمع مسيقى الشخصيات فقط عندما تلعب player vs player و المسيقى التي تظهر هي موسيقى الــ player 2 .. أما عند اللعب أونلاين فموسيقى الخصم هي التي تظهر ..

[Black_Berserker]

الصراحه أحلى شي في اللعبه الأونلاين...ماشاء الله خيالي...آآآآآه لو ثيرد سترايك فيها هالأونلاين بس...وماشاء الله ناس وايدين وكلهم من بلدك مب مثل قبل كانت الشغله ملخبطة غير خاصية إنك تشاهد المباريات...ممتاز الصراحه

روجر م...بسألك...كيف توقيت الmeaty hits ? أحسه هني أسهل وأكثر أمانا من قبل؟ أو يمكن يهيء لي لأني مالاعب اللعبه من زماااااان...ولو عندك ضبط خاص للتلفزيون لاتبخل علينا...خلنا نحاول نضبط اللعب صح