ورقه وقلم رصاص و وقت فاضي يساوي وناسه

[kirby64]

السلام ^^

فلاش انمي , الأميرا زيلدا ..صراحه روسماتكم روعه ..

وهذه رسمه رسمتها قبل كم يوم "بطل المانجاD.N.Angel" اعرف انه ما يشبه له ولا شىء لكني حاولت :6

[L.B]

مرحبا
ما شاء الله النشاط في هالموضوع ازداد
kirby64 .. رسمتك تجنن ..عجباني كثير .. و ذكرتيني اقراء باقي اعداد هذه المانجا
الاميرة زيلدا الرسمة نعومة و معبرة
فلاش انيمي .. لازم اسميك ملك التظليل .. رسمك يجنن وخطوط التظليل قوية .. رهيبة طريقتك

[ديابلوس]

[Flashanime]

شكرا للكل...اسعدتموني جدا بمجاملاتكم الطيبة
و شكرا جزيلا ايضا لL.B اسعى جاهدا للحصول على لقب و عدم ربط اسمي عندكم بالفلاش فقط و الان حصلت على ملك نياهاهاهاهها
ننتظر مزيد من الالقاب

على كل حال
زيلدا رسمة جميلة عجبني جدا اسكتش الشجرة و وجه البنت و الشعر و القميص ....عليهم حركة حلوة

كيربي ما شفت DNA بس الرسمة طالعة جميلة جدا و التلوين فيها ايضا حلو

اما ديابلوس فالرسمة قوية الجسم ممتاز و اجنحته جميلة جدا....اكثر شيء اعجبني الشعر حركة جميلة و الوجه ايضا


و هذه مشاركة جديدة
و هي عبارة عن الواجب الاسبوعي المطلوب مني

[Flashanime]

المطلوب مني خمس اسكتشات لليد و خمس للقدم مفروض اسلمهم باكر الثلاث للحين ما سويتهم و علي امتحان رياضيات :"

[Flashanime]

اما هذه فرسمة في الفاضي اثناء المحاضرات
ايه مفروض تكون جنك بموضوع اورنج رود بس متكاسل اروح ادور على الموضوع و ....لا تسالوني عن ايديها لاني ما اعرف ارسم الايادي :6

[Flashanime]

اوبسي ...
نسيتها :6

[Touya]

فلاشششششششش....:!

هذا واجبك الاسبوعي؟؟:!

أجل ياحظ مدرسك:" :"

[X-kitsune]

السلام عليكم

مما يصيبني بخيبة امل
ان ارى امثال هذه المواضيع في مؤخرة منتدى الرسم الحر

اذ انها امتلأت بمواهب فنية

بلوحات خيالية

باعمال لا تضاهى

لذلك سانعش الموضوع
لعل وعسى ان تعيدوه الى نشاطه المعهود


.
.
.
ولا زيادة

[Dagger]

السلاااااااااااااام ^^

فعلا موضوع رائع ورسومات اروع من فنانين ومبدعين
حسافه ينزل جذي
المفروض يتم دوم مرفوع
الابداع الي فيه مو قليل

kirby64 : الرسمه حلواااااااه وناعمه ههههههههههه
ما شاء الله عجبتني العين والملامح ^^

ديابلوس : ما زلت مبدع في رسم الوحوش ههههههههههههه
ورسمك في تطور ^^


Flashanime: رسمك دقيق ورائع فعلا
وتظليلك مميز ما شاء الله شئ لا يوصف
ابهرتني دقتك في رسم اليد وتظليلها

ما علقت الا على الرسمات الي بالصفحه الاخيره
لاني لو بتكلم عن الي قبل ماراح اخلص ههههههههههههه :6

اتمنى نشوف مشاركات اكثر

وهذي مشاركتي
قديمه شوي >_< وكنت بعدل فيها اشياء واجد
بس الوقت ما يسمح >_< وما كنت ناويه اعرضها اساسا:6
لكن الموضوع يستاهل ^^ فقلت اعرضها

[X-kitsune]

لم اتوقع هذا الرد السريع

جزاك الله خيرا اختي

ساهمي باكثر من مساهمة

لا يوقف لا يوقف
.
.
.
.
ولا زيادة

[Tidus]

هاااااااااا موضوع مزمز ارتفع :0)

هالموضوع له ايام ^^ ما قصرو الاعضاء عبووووه و ملوه فن ما شاء الله

كيربي : فنج يتطور و رسمج للملامح من احسن لاحسن ^^ على تاريخ مشاركتج شوي قديم معناته بهالحزه متطور رسمج بعد شاركي بزياده وورينا

ديابلوس : هالرسمه مثل ما تعودنا من فنك برسم الوحوش ^^ هذي بعد التعديل ؟ :0) اثنينهم كانو تحف ^^

فلاش انيمي : مو معقوله دقتك برسم الايدين حتى العروق ماخذه حقهم بهالسكيتش @@ هذا تحفه مو سكيتش ما شاء الله عليك ... فعلا متمكن و متفنن بهالسكيتش ^^ حركة ووضعيات الايدين فيها صعوبه و مع ذالك اتقنتهم و زدت من روعته ... موفق

ديجر : و أخيرا شاركتي يالغايبه @@ ويييييييين مختفيه بالمره ... تطلعين فجأه تنشرين رسمه كلها احساس و موضوعيه و تختفين >_< و بين كل فتره و فتره التطور ملحووووووظ مره وواضح ...

هالرسمه اللي فوق حيل حلوه ^^ رسمج للجنحان ماخذ حقه و الولد و البنت اتقنتي وضعياتهم و ملامحهم و الريشه بايد البنت تحفه ^^ ... حتى الخلفيه موجوده و عطت جو حلو للرسمه @@ رسومج دووووووم لها معاني و احسها فن تشكيلي قادر يعبر عن شي ...

إستمري تقدرين تعطين اكثر و اكثر و موفقه

مو حاب اكتب رد من دون مشاركه ^^

قديمه ... الاعضاء اللي عندي عالماسينجر شايفينها ^^ بس ماكو جديد >_<

[لوجــــــين]

السلام عليكم ..

كيف حال الفنانين و الفنانات

أحب أول شي أوجه كلمه شكر لأخوي X-kitsune لأنه رفع هل موضوع الرائع اللي غرقان فن

مشكور أخوي هل موضوع عزيز جدا علاي .. و مع اني ما عدت أشارك في هل منتدى من زمان بس ما حبيت أردك أخوي

راح أبدي رأيي في الرسومات اللي موجوده بآخر صفحه و السموحه من الأعضاء اللي رسمو و لا كتبت تععليق انتو كلكم على العين و الراس

* kirby64
كيف حالج يا فنانه
اشتقت لرسوماتج كثير ..

رسمج مثل ما عهدته دوم رائع و كله فن و ذوق يا كل الذوق

العيون عندج مجنونه .. استمري يا مبدعه

* ديابلوس
كيف حالك أخوي

أبدعت في رسمتك و رسومك دايما في نظري و نظر الكل كلها ابداع

معروف عنك اتقانك في رسم الوحوش .. رسمتك صج رائعه

استمر يا فنان و أتمنالك المزيد من الأبداع

* Flashanime
كيف حالك اخوي الفنان

ماشالله .. أبدعت في رسم اليد

اليد شكلها حيل طبيعي و خطوطك متقنه

و رسمه البنت عجبتني كثير .. أبدعت يا مبدع

* Dagger
كيف حال فنانتي المفضله ديجر ^^

ماشالله .. رسمتج وايد حلوه و لها جوها الحالم يا حالمه

عجبتني عيون البنت المسحوبه .. و طريقه مسكتها للريشه و شعرها المجنون

و المجنح اشلون فاتح ذراعه كأنه يستمد طاقته من نور القمر ^^ .. رسمتج كلها فن يا مبدعه


* Tidus
كيف حالك يا فنان

رسمتك وايد حلوه @@

الطريقه الي فيها الملاك تلف ذراعينها حوالي الولد و الولد شابك يده بيدها

و الريش المتناثر كأنه ريش حقيقي و تظليلك فيه حلو ^^

و لو تكمل بقيه الريش اللي بجناح الملاك بنفس طريقه الريش المتناثر بتطلع الرسمه و لا أروع

^^ الرسمه وايد حلوه و عجبتني كثير .. انشالله تركع تكملها بسرعه

و بالتوفيق للجميع ..

[لوجــــــين]

هاذي اهي مشاركتي

انشالله تنال رضاكم

مع السلامه

[sakura wakky]

ما شالله عليكم رسوماتكم كلها عجيبة ^^


أنا ما ادري ليش كل مرة علبالي إني حطيت رد بهذا الموضوع

بس الظاهر أنا غلطانة ?:


مو مشكلة ...


بصراحة الموضوع وايد حلو و الرسومات روعة ^^

للأسف ما راح اقدر ارد على الكل ...

بس برد على اللي شفته ^^

أو المشاركات اليديدة


أخ تيدوس:!

إنت وينك من زمان ما نشوفك كلش...

ما شالله عليك رسمتك وايد عجيبة و عجبتني حيل^^

البنت و الولد ...ما شالله عليك و الأجنحة إبداع;-)

أختي لوجين :واو:

وااااااااااااااااااااااااااااااااااء:"

لوجين وينج أنتي بعد من زمان ما نشوفج تشاركين><

مع غنج ما تعرفيني و أنا متأكدة ....بس قبل لا أدخل المنتدى كنت اتابعه و كنت أشوف مشاركاتج^^

بس للأسف ما قمتي تدخلين إلا نادرا ><

إحم ..إحم
الحين بعلق على رسمتج:0)

رسمج ما شالله عجييييييييييب

تهبل رسمتج روعة و قمة في الإبداع ...أنا أستغرب ليش ما أشوف منج رسومات وايد و ما عندج جالري بالأساس:"


جان زين لو تفتحين جالري تعرضين فيه رسوماتج


أتمنى غني ما طولت عليكم

و أشوفكم إن شالله
سي يو ;-)