" جــGYM ــــيم المنتـــدى "

[الناعسي]

;p
انا برى الثوره
الله يسعدكم
ههههههههههه
هذا هامستر

الكويت قبل اشوي 2_0

والله ما اشوف بعيني ولا فريق عربي في مجال " كره القدم "َ
مصـر يطلع منه
والله يعطيكم العافيه واصلو ياوحوش

اليوم اكتاف و مثلثات , وبعد اسبوع راح يتم تغيير الجدول

كل اللي قلته صحيح حتى الجدول توني مغيره الاسبوع ذا

[iMut3b]

شباب عندي سؤال بسيط

اليوم غيرت المدرب ورحت لمدرب قد عالجته بالكلية ,, فكان حريص علي وهلكني بالتمارين " ظهر وتراي "

الحين احس التراي اذا ريحتها تتحرك من حالها " ترجف " وش السالفة :/

[مشاري الرياض]

ياهلا مشاري حياك ربي وتسلم على هالكلمات الطيبة والله مادري بس اشوف نفسي نحييف حيل : ) وان شاءالله راح اضخم اكثر فأكثر
ووانت ماشاءالله جسمك رائع بالنسبة للفترة التدريبية بس شد حيلك شوي ووالله الصدر عندك تمام بس الاكتاف شد عليهن وان شاءالله كللششش تمام والمشوار طويل وسنسعى له : ) اتمنى لك التوفيق يارب

هلا ولله بخوي عمر حياك بالغالي .... بالنسبه للاكتاف بشد حيلي مع ان اشوف الصدر مش ولا بد واحس الاكتاف عندي حليله .... مشكور يالغالي

حيا الله الاخ مشاري
جسمك لا بأس به وكل شيئ يستوي وأهم شيئ العزيمة والصرار لبلوغ طموحك
ونظام الفتنس راح يمشي معاك بشكل جيد كارديو + وزن متوسط + تكرار عالي
مع مكملات : واي بروتين + bcaa2200 + حوارق دهون
وجسمك راح يطلع حلو ، ولا تنسى كريم إزالة الشعر

الله يحييك يالغالي وان شاء الله اصل للهدف عما قريب بخصوص الشعر ( امس واحد بالنادي شافني اشرب بروتين قالي انت مايبي لك بروتين يبي لك نير << مزيل شعر ) قهرني ههههه

انا قايلكم من زمان الشعر عندي مشكله بس صعبه اني بشيله بعد الله يعين

البـــــــــــطـــــل إبراهـــــــيـــــــــــــــم

أولا : بارك الله فيك على طرحك للافكار المفيدة .

ثانياً : يابطل كم نسبة الدهون لديك سوال مهم .

ثالثا : ايش هذا الكائن ههههههههه.








أولا مبروووووووووووووووووك نجاح الثووورة .

ثانياً : ماشاء الله , جسم جاهز لمرحلة التضخيم .

رأيي أن تدخل تضخيم حتى تكون بنية جسمانية ومن ثم تبدأ بالتنشيف ..

قرر هدفك أخوى مشارى وبعدها أبشر بالنصائح والفلسفة ههههه .

هلا ولله بالغالي النسبه تقريبه 12.8 والجمعه بتاكد والنيه ان شاء الله اضخم لمده سنه ع الاقل بعدين انشف وش رايكم



مشكورين ع الكلام االطيب واتمنى تزورون موضوعي الخاص بالاسفتسارات وفيه بعض الصور

ننتظر نصايحكم مانستغني عنكم

http://www.montada2.com/showthread.php?t=734611

[الناعسي]

حلو شغلك يا مشاري بس ليه السريس ماس

ليه ما تضخم صافي احسن لك

[مشاري الرياض]

الله يسلمك

ولله كان وزني ثابت وقلت ازيده شوي بالسرياس ؟؟؟

[Booyaka]

اليوم كان عندي ظهر وتراي وتم كسر أوزان جديدة لله الحمد
لعيونكم بس صور مصورها قبل شوي ..

ملف مرفق 350228ملف مرفق 350229

عضلات البطن ماشديتها صح فمو مبينة عدل ..، اما المتوة هي صديقتي تعرف تقول الله أكبر من فترة طويلة كنت بدربها على هذه الكلمة

[daughtry]

الله يا عيسى
عاش .. ما شاء الله

---
يا اخوان اليوم بالنادي صارت شغله غريبه
;/
واحد معاي من 3 اشهور واشوفه طول هال 3 اشهةر
طبعا 3 اشهور فتره تدريبه
واهو كان مبتدا ومرات انا اوجهه الطريق الصحيح
يعني اهو مبتدا ما صار له غير 3 اشهور
اقسم بالله ياجماعه جسمه بهال3 اشهور تحسب انه لعب له 3 اسنين !
الباي والتراي والصدر بارزين بروز مو طبيعي وكذلك الكتف
بس المثلثات مايلعبهم عجزت وانا افهم فيه يارجل العب العب مايبي
ما ادري شنو القصه
علما انه مبتدا ولا يعرف شي , بس يستعمل امينو !
واعرفه لو احكم على تغذيته بتكون سيئه
شلون ما ادري

[Booyaka]

^^
هلا اخوي منصور << مو متأكد من الاسم

اممم ثلاث شهور كل شيئ جايز والله ، لكن أكيد ماخذ شيئ صاحبك مع الهرمونات مو بس ثلاث شهور ثلاث او اربع أسابيع وشوف التغييرات اللي تحصل في الجسم .

[daughtry]

ما اعتقد والله لانه اهو كل مره يشوفني يقول تكفه الا الهرمونات اقوله مو سوالفنا
يخاف من هالاشياء حتى الامينو يسالني 100 مره عشان يشتريه

[بردان1]

اخوي عيسى ماشاءالله لا اله الا الله : )
اول كنت اشوف جسمك واقول ماشاءالله بس لو الصدددر .. والحين كل صورة بعد صورة اشوف تطور ملحووووظ بالصدر احييك صراحة وشغل عدل وحلو التركيز على نقطة الضعف .. ولما اقول نقطة الضعف الصدر مو قصدي انه الصدر عندك ضعيف جدا بس ماشاءالله باقي الجسم تمام التمام بس الصدر هو الاضعف *_^ وماشاءالله ليه ماعلمتنا من قبل انك صقار ههه

---
اخوي منصوور
ثققققققق ثقة تامة ان 90 بالمية يارجل تفرق مع بعض الناس بالجينات
انا اقولك ولد عمي تمرن شهرن صار ازين من جسمي وانا لي 6 اشهر واقولك الاكل ماياكل يقوم من النوم يجي على النادي ويجي خدران بالموت يشيل الاوزان بس جسمه تطور والحين توضف وترك النادي ومو قصدي انه صار مبين عليه عضل بس صار لافصخ التيشرت فرق كبير ..
هذا موقف بسيييييييييييط جدا جدا جدا عند احد الاخوان معنا بالنادي
الان بالضبط له 5 اشهر ووالله العظيم لو اشوفه من اول مره اقول بالقليييييل له 3 سنين ناشششششششششششششششششششششف حيل والعضل بارز والاوزان ماشاءالله لا اله الا الله مكسر الصالة بالاوزان ومايعرف غير بروكمبلكس او نيترو تك من جي ان سي هذااااا كل شي جربه بالمكملات

يعني هي تحصل مع اشخاص سبحان الله يكون عنده جسمه بالاساس متقبل يزيد عضل تلقاه حتى لو بس يداوم على السباحة تحسبه يلعب حديد


--

اليوم كان راحة تامة
وبشرونا عنكم شباب : )

[daughtry]

صدقت
تدري وين المشكله
اني انصحه واوقف فوق راسه بكل تمرين

يابن الحلال لا تلعب غلط جسمك نشط وبسرعه يطلع
العب عدل العب عدل
مايفيد
حتى الباي عنده افضل من الى عندي =/ كضخامه مش تقسيم

[daughtry]

^
ازيدك من الشعر بيت
تامن بالله انه طول 3 اشهور ؟ ما ارتاح بيوم من النادي
متواصل
;/
هذا الي مجنني !!
مع ذلك اقوله ما شاء الله واحسنت

[Booyaka]

بالفعل كلام عمر صحيح بخصوص الجينات فهي تلعب دور كبير في سرعة تطور الجسم
وأنا يوم سألني الكابتن عندما سجلت أول مرة بالنادي قالي كم خذ لك تلعب حديد قلت له خمس شهور تغيرت ملامح وجهه كذا
وانا خذ لي اللحين شهرين بالنادي ، سبب تسجيلي بالنادي هي عضلة الصدر و الظهر السفلي لأن أجهزة هذه العضلات بالذات ماعندي
ولكن عندي هوم جيم وبار ودنبل و جهاز عقلة ، علشان كذا باقي العضلات عندي نموها أكبر من العضلات اللي ذكرتهم

وانا أعرف تمارين كثيرة بأشكال مختلفة لكل عضلة لين اتدرب انا ملاحظ المدرب يجلس يشوفني من بعيد وتارك الباقي
وأكثر من مرة يقولي انت بتتدرب كويس ، أقول له الفضل يرجع لمنتدى المنتدى ، يقولي أيه ده

[الناعسي]

معنا واحد في الكليه قسم بالله لو تشوفون صدره ما تصدقون كيف ضخم ومرتفع والبطن ما فيه وهو اساسا ما يلعب اجل لو يلعب وش بيصير . يعني زي ما تفضل بردان جينات مدري كيف قايله

[daughtry]

ياجماعه والله والله مافيني نوم
كله من الانيمال كاتس
وفوق كل هذا المصيبه شربت جاي اخضر بالغلط ;/
هذا كله امس طبعا
ولى الحين مو نايم
خخخخ
راح اقلّل جرعه الانيمال كاتس بحيث كيس واحد قبل التمرين فقط !!
والله يعين