موضوع الباتش المتكامل لـ WE7

[أبومروان]

العفو أخوي ...

بس ها ، لا تنسى ...

موقعي وسط مهاجم ، وأهم شيء التسديدة الخاصة لميهالوفيتش اثناء الفاولات

[Dark_Devil]

اول شي اقولك مشكور اخوي ولد البوكواره على موضوعك المنسق

بس عندي مشكله شيبت راسي ياليت تساعدني .. اول شي في الصوره الي انته حطيتها قلت .. قم بانشاء مجلد جديد باسم weninnig وضع البرامج المرفقه بالرد في داخله ..

المشكله انه ما في برامج مرفقه في الرد .. ثاني شي انا ابي اسمع الاغنيه الي بعدلها وابي اعرف وقتها ..

استخدمت الهكس ايدتور بس يوم اسوي save as ال file type ما يطلع لي adx مثل ما قلت ..

ياريت ترد علي لاني تلعوزت بصراحه .. شكرا لك

[أبومروان]

هلا أخوي ...

أفهم من كلامك إنك تريد تسمع و تعرف حجم الملف الصوتي اللي تريد تغييره ...

أبشر ، البرنامج تلقاه في المرفقات ...

بس خلني أعطيك معلومة يمكن تفيدك ..

مو شرط إن الوقت يكون نفس الشيء ، تقدر تنقص على كيفك أو تزيد بس بنسبة لا تتعدى 40% من الوقت الأصلي ...

يعني الأغنية طولها 45 ثانية ، تقدر تخليها دقيقى مثلا ...

و هذا هو البرنامج ...على فكرة ، البرنامج راح يطلب ملفات adx، انت اختر all files و ثم اختر ملف الـ bin و راح يفتحه على طول ...

يعني باختصار ، ما يحتاج تغير من bin إلى adx

[Dark_Devil]

تسلم لي اخوي ابو مروان على الرد .. ربي يعطيك الف عافيه .. ياريت تاكد البرنامج في المرفقات

عندي استفسار اخر اخوي .. انا خلصت تعديل في الفايل filedata.asf ابي ارجعه واحطه بدال ال filedata.asf القديم .. وانسخ السيدي ..

حاولت اغيره بالcd image لكن ما حصلت خيار يخليني اغيره .. يا ريت تجاوبني بو مروان على الاستفسار لك الف شكر على الاهتمام والرد ..

[أبومروان]

هلا اخوي

هذا هو البرنامج ...

و شوف آخر رد لي ، هناك شرح بالتفصيل الممل لكيفية الدمج ..

CD Mage

[QataR NighTMarE]

خخخخخ بومروان مو كأنك سرقت موضوعي
لا امزح معاك يعطيك الله الف عافيه
اخوي سو مثل ماقال بو مروان والسموحه نسيت ارفق الملف بذاك الرد بس بومروان ماقصر

[أبومروان]

خخخخخ بومروان مو كأنك سرقت موضوعي
لا امزح معاك يعطيك الله الف عافيه
اخوي سو مثل ماقال بو مروان والسموحه نسيت ارفق الملف بذاك الرد بس بومروان ماقصر

ويش رايك نغير اسم صاحب الموضوع ؟

نخليه أبو مروان + ولد البوكوارة

[QataR NighTMarE]

ههههههه مايحتاج لأن مو انا و انت بس نرد
اي شخص يبي يرد حياه الله

[أبومروان]

نعود من جديد شباب ...

راح أرد اليوم على استفسار أخونا الحبيب "بوجاسم" عن كيفية إزالة اللون الأخضر من الأطقم ....

على فكرة ، تراه أحيانا ما يستخدموا اللون الأخضر بل يستخدموا ألوان ثانية ، أو درجة مختلفة من اللون الأخضر ، هذي الطريقة لكل الألوان ...

أول حاجة افتح برنامج المود سنتر ، طبعا افتح ملف الـ file data و ملف الصورة اللي تريد إزالة اللون الأخضر من عليها ... هكذا ...



ثم قم بختيار Texture ثم transparencies مثل ما في الصورة ...



الحين طبق اللي في الصورة القادمة ...



1) اضغط على الزر رقم (1)
2) حركه و ضعه على اللون الذي تريد إزالته و اضغط عليه بزر الماوس . (2)
3) الحين روح للمنطقة رقم (3) و غير غمق اللون إلى 0% ...

اللون اللي الــ Opacity تبعه 100% راح يظهر واضح ، أما اللي Opacity تبعه ( صفر % ) راح ما يظهر على الإطلاق ، بمعنى آخر ، سيصبح شفاف ...

الحين إضغط موافق و أدخل الطقم في الفايل داتا و انحلت المشكلة ...

[Bo-Ja$$im]

اخوي ابو مروان انا عارف الطريقه بس لما اخليه 0% بعدين اسويله انسيرت راح يصير الطقم بدون انفيرت يعني يطلع الطقم شفاف باللعبه اتمنى انك فهتني

[Dark_Devil]

مشكوور اخوي بو مروان على التوضويح تسلم لي ايديك الغالي ..

انا سويت كل شي مثل ما قلته انته بالتمام والكمال .. وخلصت السي دي وعدلت كل شي ورجعته داخل وبدلته مع الملف الاصلي القديم ...

ووصلت لنقطه النسخ .. اول ما نسخت الفايل نسخته بسرعه X4 لكن ما اشتغل معاي كل ما اشغله في البلاي ستيشن يطلع لي Insert Disc رديت ونسخته من اول ويديد بسرعه X1 لكن استوت لي نفس المشكله .. مع العلم انه الفايل داتا الجديد اقل حجم من القديم .. الجديد الي عدلته مساحته .. مساحه الجديد 526,264 KB

والسموحه منكم على كثر الاسئله .. وانشالله ايكون اخر سؤال لي .. يا ريت تساعدوني ..

[أبومروان]

أبو جاسم

أخوي ، انت راح تضبط الـ Opacity للون واحد فقط ، اللي هو اللون الأخضر ، أما بقية الألوان خليها 100% ... و كذا راح يضبط ...

Dark_devil

هل استخدمت الطريقة اللي أنا وضحتها في النسخ؟

شوف آخر ردود لي ، وضعت شرح كامل للنسخ ...

[Dark_Devil]

انا استخدمت طريقه الfire burner الموجوده في هذا الموضوع

الموجوده في الصفخه الرابعه بالتحديد .. اذا هذي الي كنت تقصدها .. ولا لك مشاركه غيرها يا بومروان ؟؟

[أبومروان]

غريبة أخوي ....

هذي هي نفس الطريقة اللي أستخدمها أنا لكن ما أعرف سرعة النسخ ...

هل غيرت شيء في إعدادات البرنامج ؟؟؟

أو تأكد من تعدلاتك ، لربما حفت بعض الأشياء الضرورية في اللعبة ...

[Bo-Ja$$im]

انشالله بجرب يا ابومروان

بس انت مجربها؟؟

[أبومروان]

أخوي بوجاسم
انا مجربها و ناجحة 100%

[TAM2003]

السلام عليكم ورحمة الله
حياكم الله يا شباب... في مشكلة صغيرة ودي أشارككم فيها وهي.
أكثرنا ما نستطيع تحديد المشكله هي في التعديل أو في النسخ، يعني الكثير يخطء في التعديل ولذلك ما تشتغل اللعبة معاه، ويعتقد أن السبب في نسخ السيدي، ولحل هذه المشكله ومعرفة الخطئ أين ممكن بالطريقة هذي وهي:
أنك تتطلع الأمج ولا تسوي أي تعديل وتنتقل للخطوة الأخيرة مباشرة وهي النسخ الى السيدي،،،إذا نسخ معاك السيدي وأشتغل معناه أن النسخ ما فيه أي مشكله والمشكله تكون هنا من التعديل،،، وإذا ما أشتغل السيدي يكون بالفعل المشكله من طريقة النسخ.....وبكذا نحدد المشكله ويسهل على ولد البوكواره وابو مروان حلها لنا
عموما يا بو مروان لو تتفضل وتعمل التعديلات الازمة في الأوبشن لبرنامج النسخ في الكونفقريشن ...لأني أعتقد أنه لازم نختار طريقة mode 2 في النسخ الظاهر أنها كذا .
ألف شكر للجميع والى منتدى متكامل في التعديل ====>

[أبومروان]

هلا شباب

انا مع الأخ Tam في فكرته ..

حاولوا إنك نتنسخوا السيدي بدون أي تعديلات ..

و بالنسبة للــ Configuration تبع برنامج النسخ فهي بهذي الطريقة ...
أولا: كيفية الوصول إلى Configuration

موجودة هنا ...




التغييرات موجودة في قسمين ...

الأول هو General Options ويجب أن تكون كما في هذه الصورة ..




الثاني هو Save Track Options و يجب أن يكون كما في هذه الصورة ...



و كذي أكون انا بريت ذمتي

[TAM2003]

ما قصرت والله يابو مروان...
بصراحة رد سريع ما شاءالله ما توقعته .
يعطيك الف عافية وأحنا محرجين من طولت بالك معانا الشكر لك أخوي.

[أبومروان]

العفو أخوي ...

بس الصراحة أنا مستمتع باللي أسويه ..

يعني لاو انتوا ما تطلبوا كنت مت من القهر لأني ملااااااااااااان على آخر .. هههههههه