بسم الله ....
والله في رأسي مليون شي ودي أقوله لك .. علشان كذا إعذرني لو كانت جملي غير مترابطه لأني أكتب (( على سجيتي .. بدون تدقيق ولا تكلف )) < --- وش يبييييييييييييي ذاااااااااااااااااا
المهم أول شي ودي أمدحك وأشكرك ولا ودي في نفس الوقت ؟؟!! ما ودي أمدحك علشان الأعضاء ما قصروا (( دخلوا موسوعة جينيس لأكثر مدح )) بس والله قليل بحقك ... وودي أمدحك علشان أعبر عن نفسي وعن مشاعري تجاه عمل (( أسطوري )) بمعنى الكلمه ... طيب.. تصدق إنى كنت من أوائل الناس إلى عرفوا الإنترنت في السعوديه (( ما كانت فيه خدمه!! كنت أدخل الإنترنت عن طريق البحرين وكان الإتصال كأنه مكالمه دوليه)) المهم... كنت أعرف هذا المنتدى في بداياته وسجلت فيه 3 أو 4 مرات (( مره بإسم فوكس ومره سنيك ومره سولد سنيك ومره.......)) وكنت أشارك وأنقطع فترات (( وش يبي ذا قاعد يهرج قصه حياته؟؟)) بس والله ما لقيت موضوع متعوب عليه زي كذا ...
المهم والله من لعبت mgs1 وأنا في الإبتدائيه إلى أمس وأنا ما أدري وش الطبخه!!! وحاولت وسألت لكن بدون فايده ... بعد ما قريت إسطورتك فهمت كل حجه وإنسجمت لدرجة إني أنهيتها في يوم واحد (( لدرجة إني نسيت أقطع الخط ..!!)) وإلي هو أمس واليوم أكتب الرد .. وفيه حاجه فيك.. هي إنك والله أكثر واحد فاهم قصة mgs عرفته في حياتي...
ألحين أجي للمناقشه ...
- بما أن لديك كل هذي المعرفه.... ليه ما تكتب قصة البيتريس وليكن الموضوع هو (( البيتريس ... القصه الكامله)) حيث تتكلم عنهم وعلاقتهم بالقصه نفسها .. أعلم أن المعلومات عنهم شحيحه لكن إنت عندك قدره إستنتاجيه ممتازه ممكن تعطينا حقائق مع تحليلاتك الخاصه يطلع لنا الموضوع أسطوره ثانيه....
- ليه ما تسرد وقائع أجزاء mg إلي لعبتها (( أوتر هافين , زنجبار , 2&3 ...)) والله مع إسلوبك هذا ومع إخلاصك بتنجح نجاح ساحق...
- هل فكرت أن تستخدم مواضيعك ماديا ؟؟؟ لا أعرف كيف لكن بتلقي طريقه (( ترجمه, تعريب ....)) لأنه لو جت عندي شركه وقالت جهز لي مواضيع زي مواضيعك هذي وحطها في المنتدى وبنعطيك 5000 ريال شهريا لما وافقت ((لأن ما عندي القدره أصلا )) وكنت بأقولهم بأدلكم على واحد إسمه Soliden (( بس عطوني نسبه!! ))....
المهم ما أذك إلا حديث الرسول عليه الصلاة والسلام (( من صنع لأخيه معروفا فقال له: جزاك الله خيرا فقد أبلغ في الثناء))
جزاك الله خير جزاك الله خير جزاك الله خير جزاك الله خير جزاك الله خير جزاك الله خير جزاك الله خيرجزاك الله خير جزاك الله خير جزاك الله خير جزاك الله خير جزاك الله خير جزاك الله خير
جزاك الله خير جزاك الله خير جزاك الله خير جزاك الله خير جزاك الله خير
جزاك الله خير جزاك الله خير جزاك الله خير جزاك الله خير
جزاك الله خير جزاك الله خير جزاك الله خير
جزاك الله خير جزاك الله خير
جزاك الله خير