جالارييّ وأمري لله(ESOZ)

**Ranma Saotome** · 18-06-2002, 08:24 PM

WildKitty

long time no c هعهعهع
على قولته انها حركه..
يبي يشوف ردود افعال الشباب اللي ماردوا عليه ولا افتكروا ابدا...

مسكين كاسر خاطري...

**ESOZ** · 19-06-2002, 10:41 AM

أنا خليت الرسمه جذي علشان أشوف رايكم وأعرف إذا في أي خطأ في اسلوب الرسم ذي. وأنا بديت باسطوانات ودواير وخطوط علشان أحدد معالم الجسم وأخلي رسمه أسهل

**لوجــــــين** · 19-06-2002, 10:35 PM

هااااااااااااااي عيسوز

الرسمه وايد حلوة

حتى فكرة الدوائر من المهم انه يشوفها كل الرسامين على شان يعرفون اشلون تنرسم اليد و تكون متناسقة بها الطريقة

بس عندي ملاحظة على الدموع

لازم تكون اشوي متناثرة اكثر و فيها شفافية

ذاتس أول

أشوفك بعدين

باي

**Ranma Saotome** · 23-06-2002, 12:05 AM

سلاااااااااااااام للجميع...

طبعا انا رديت هنيه عشان ارفع موضوع رفيجي العزيز عيسسسووووز..

انا ماحب ارفع لكن مسكين رسمته واااااااااايد حلوه لكن محد انتبه لها.. ترى هو عرض رسمه جديده في الصفحه الثالثه..
قولوا رايكم بكل صراحه ولا شكله مب مكملها

هعهعهعهعهعهع اقص عليم... شنو على كيفه مايكملها.. الا يكلمها ونص..

المهم شوفوها وعطوه من تعليقاتكم الثقيله...

**ESOZ** · 23-06-2002, 07:02 PM

و من بادي الوقت..هذا طبع الأيامي...

**ESOZ** · 23-06-2002, 07:33 PM

قبل لا تردون, أبي أوضح بعض الأشياء:

1-المسدس ما ركزت عليه أبداااا!
2-الريل: هو لابس جوتي متين (لون الجوتي أزرق ولابسه فوق البنطلون!)
3-نسيت أعدل الاذن! :6

وأنطر أراءكم....

**lonely star** · 24-06-2002, 11:24 AM

انا قايله ابي اعطي دماغي اجازه انتو ما تفهمون:غضب: يعني لازم اجلس اعصر واتخيل الرسمه بمسدس عدل واذن مرتبه:غضب: اوف بس الحمد لله طلعت بنتيجه بعد التعب وطلعت الرسمه حلوه بس تذكرني بكبتن ماجد:6

**Ranma Saotome** · 24-06-2002, 02:56 PM

احححححححححم.... اقول خل عنك الكلام الزايد..

اولا.. رسمك للويه عجيييييييييييييييييييييييييب (عبدالله بالخير) هعهعهع..
لا صج يعني الويه وتلوينه واااااااااااااااااايد حلو.. والتظليل بعد..
ولمعة الشعر كششششششششششخه صج رهييييبه..
انت ركزت على الويه اكثر شي.. وهذا اللي بط جبدي.. ركزت على الويه ونسيت باقي الجسم..
وقمت ترقع في الرد..هعهعهعهع

يعني الاذن.. مشيناها.. المسدس اللي ذبحتني لما شفته.. قلت يلللللا بمشيها.. مع ان المفروض ركزت عالمسدس اكثر شي بعد لأنه مهم ويبين دقة الرسام وفنه.. لكن في شي ماقلت لك إياه من قبل وتوني مركز عليه..
الحيييييييين هذي تسيمها يد بالله عليك..:غضب: يد مافيها اصابع!! لا بعد قول لي لابس قفازات.. لاترقيع بعد اليوم.. خطوط الاصابع كلللش مافيه... اما صج انت!! ركزت على الويه ونسييييييييت كللللل شي..

ولا عاد الطقانه الكبرى.. انا صار لي سنه احاول افهم فيك عن الجوتي.. انت تقول ان البوت اللي لابسه ازرق وفوق اللبس.. اللي يشوف الرسمه يقول ان البوت تحت اللبس.. تدري ليش؟؟؟ خلك معاي..
شوف الرجل من تحت كللللش.. عند الكعب.. امش مع الخط لين فوق شي مكان مايلتقي الخط باللون الازرق.. الخط مكمل انحناءه كأنه كمل على داخل.. وبعد لو تشوف الازرق اللي تقول انه البوت.. نازل تحت وقاسم الجوتي نصّين.. وكأنه نازل مكمل تحت الحوتي بعد.. يعني حسب اللي اشوفه من خطوط الرسمه ان البوت متين لكن تحت البنطلون.. ولو كان فوق البنكلون كان المفروض ترسم خط واضح وبارز شوي يبين ان هذا بوت ومب جزء من البنطلون... اووووفففف تكلمت وايد..

المهم الحين لازم تركز على جميع زوايا الرسمه في المره الجايه.. وياريت لو تسوي شخصيتين زياده وتكوّن لك فرقه مكافحة الجرائم في نيو طوكيو ;-)

ياناس ردوا على الانسان مسكين زهق وهو يعرض رسوم لكن محد يرد.. الرسمه اللي فاتت محد رد عليها الا انا ولوجين.. شلون تحمسون الواحد ان يشارك إذا كنتوا ماتردون عليه

**ESOZ** · 24-06-2002, 09:23 PM

هههههههههه..بوالشباب اشتط!

يا ناس أبي آراءكم...

**jojo_1412** · 24-06-2002, 11:04 PM

وااااااااااااااااااااااااااااااااااااااااااااااااااااو :واو: :واو: :واو:

ما شااااااااااااااااااااااااااااااااااااااااااااااااء الله الصراحة :واو:

really really fantaaaaaastic:واو:

الرسمة الأخيرة صج مضبوووووووووووووطة

....

و اللي قبلها مثل ما قالوا الشباب :6 يبيلها بعض التعديلات

أما الباقي فما علييييهم أي كلااااااااااااااااااام

و زيد مشاركاتك مع أنها all ready زينة و بعدد لا باس فيه

يا ناس يا هووووووه يا عاااااااااااااالم في فنااااان هنا يا زلمات :6

ههههههههههههههههههههههههههههه

المهم الله يوفق الكل

**orange road** · 25-06-2002, 01:09 AM

عيسوز...

الرسمة الاخيرة حلوة

الوقفة والتلوين عجبوني

ذكرني باكوما من ستريت فايتر

انت ترسم على الكومبيوتر ؟؟؟

**ESOZ** · 25-06-2002, 11:48 AM

الرسالة الأصلية كتبت بواسطة orange road
عيسوز...

الرسمة الاخيرة حلوة

الوقفة والتلوين عجبوني

ذكرني باكوما من ستريت فايتر

انت ترسم على الكومبيوتر ؟؟؟

هههههه..ذكرج بأكوما لأنه هو أكوما (الله يهداج بس...

) كخخخخخخخ:6 وشكرا على الرد
-----------------------
جوجو: مشكوره وانشالله أحاول أزيد مشاركاتي...

----------------
وهذي الرسمه الأصليه قبل التلوين

**Ranma Saotome** · 25-06-2002, 02:58 PM

هعهعهعهعهعهعهعهعهعهعهعهعهعهعهعهع الله يغربل ابليسك.. مشتط هاه.. اوكي معليه..
انت بصراحه.. كل يوم تبين انك طقن اكثر واكثر.. انت كاتب في الرسمه الاخيره Gouki.. يعني هذا مب اكوما... طققققن.. وشكله صج ان معصب لكن كيوت.. يعني كللللللش ماله خص بأكوما.. (الله يهداك) اكوما وكيوت.. ماتترقع ابداااااااااااااا

تصدق.. والله انا بعد بديت افكر ان انت ترسم على الكمبيوتر على طول.. لكن ريحتي لما حطيت السكتش..

شوف انا مب متكلم.. انا بصراحه لو مكانك اصيح واصرخ واتهاوش.. الحين حسيت شلون يحسون الناس لما ماينتقدونهم.. مع اني مارسمتهم.. لكن صج الرسوم فيها عيوب واضحه.. لكن محد يقول شي..
رسمك للمفاصل.. خاصه الكوع لااااااااازم تعدله.. لأن الكوع عندك كللش تعبان..
تلوين وااااااااااااااااااااايد حلو.. يعني اللمعه عندك تمام.. اوهوووه مب متكلم..
خل غيري يقول لك هالكلام.. مع ان ماظن حد بيقول شي..

**ESOZ** · 25-06-2002, 07:25 PM

رانما: والله أثبتّ لي انك طقن وتستحق مكانه رفيعه في "الشلة"!
أكوما هو اسم الشخصية في النسخة الانجليزية, وGouki هو اسم الشخصية في النسخة اليابانية!!!:غضب: :غضب: :غضب:

وأنتظر آراء باقي الأعضاء...

**GM Custom** · 25-06-2002, 11:15 PM

أولا مبروك على الغاليري

ثانيا خليت Gouki وايد كيوت

المفروض يكون : شرير , دموي , لايرحم , قلبه من صخر و عينه يلمع أحمر

أما باقي الرسوم فهي جميلة و متقنه شكل أعجبت و أصعقت لأني ما شفت الموضوع بالمرة

عيني عليك باردة , والله يسلم أيدك ;-)

الموضوع: جالارييّ وأمري لله(ESOZ)

أدوات الموضوع

ضوابط المشاركة