أي مساعدة عن زيلدا في خدمة

[TeamFlex]

انا جربت طريقتين
الاولى في نفس المكان

بدلت مكاني وياه
شوف بالصورة..قربت منه ودرت في المربع
واخذت مكانه بعدين رجعت لاخر للطوفة..
يصير جمبك زر على الارض
لما تضغطه راح تشتب نار قدام الباب المغلق..
وصدفه راح يكون الوحش فوق هالنار فراح يحترق

الفكرة بقتله هو انه يسوي نفس حركاتك
لما تقرب يقرب ولما تبعد هو يبعد.. واليمين و اليسار نفس الشي

الطريقة الثانية جربتها وانا كبير يعني ماراح تنفع اهني
ترميه بسهم ناري.. راح تمر عليك مرة ثانية

[العطط]

شكرا اخي ولكن انا عملت معه طريقة النار التي معي ونجحت الان اواجه مشكلة وهي اريد الوصول الى الجهه

الاخرة للضغط على الزر لفتح باب الزعيم

[TeamFlex]

الزر ما يفتح باب الزعيم.. يطلع لك صندوق في نفس المكان

لفتح باب الزعيم ..
لما نزلت فيك الارض الى هذا الطابق وجه الضوء باستخدام الدرع لوجه التمثال
خلك ثابت حتى تتقشر ويكشف عن الباب

يعني لازم تكون موجه وجهك للزاوية اليسار
مع الحفاض على وضعيت الحماية حتى تثبت انعكاس ضوء للتمثال

===============

ما ادري اذا جربتها ولا لأ
بس اقفز على يد التمثال راح تلاحظ وجود علامة المملكة
اعزف لحنها وراح يطلع لك صندوق اخر على اليد الاخرى

وما اتذكر كيف وصلت للزر
اما اني مشيت على يد التمثال بعدين قفزت
او استخدمت البوت الطائر حتى اقرب من الجهة الثانية

[العطط]

تمكنت منهم الان ما المهمة الجديدة او المرحلة الجديدة اين اتوجه؟

[TeamFlex]

توجه الى معبد الزمن
====
يمكن ما انتبهت لاسئلتي

انا عندي كذا سؤال محيريني من نص اللعبه

المخلوق الي لقيته بالغابة ( غابة الضياع القريبة من مسكن لينك ) عاطني فطر نادر وديته لشخص في قرية كاكاريكو الي تحت البركان (kakariko village).. والشخص نفسه عطاني بودره في ورقة اردها للمخلوق.. رجعت للغابة وما لقيته ..
ما تدري وين مكانه؟

في مدينة زورا المائية( zoras domian ) بعد ما انهيت المهمة لازالت مجمده..
شلون اذوب المكان؟

انا بعت لحد الحين قناع القط للحارس في مدينة كاكاريكو
والحين في قناع ثاني على شكل وحش .. لمنو ابيعه.. وبالنهاية شنو بستفيد من بيع الاقنعه
خاصة قناع الحقيقة

اذا تعرفهم اتمنى مساعدتك

[ahmadkb]

أهلاً أخي TeamFlex

بالنسبه للسؤال الأول بعد أن تحصل على البودره أرجع للمكان الذي وجدت فيه الرجل المريض ستجد أن هناك بنت صغيره أعطها البودره وهي راح تعطيم منشار. إذهب إلى وادي غارودو (GERUDO VALLEY) ستجد شخص واقف أمام الخيمه أعطه المنشار ليبني لك جسر. هو سيعطيك سيف مكسور. إذهب إلى قمت جبل الموت (DEATH MOUNTAIN) حيث ستجد الغارون الكبير (BIGGORON) يعاني من مرض........ أعتقد البقيه سهله ولكن إذا أردتني أن أكمل فقل لي.

بالنسبه للسؤال الثاني

أعتقد إذا لم تخني الذاكره بأن الثلج في هذه المنطقه بالتحديد لن يذوب.

بالنسبة للسؤال الثالث

القناع الثاني يجب أن تعطيه للديكو الصغير الذي يعزف لوحده في غابة الضياع. وهناك الكثير من الأقنعه حتى تصل لقناع العين الواحده الذي به تستطيع أن تكلم الصخره التي تعطيك الوقت فلديها بعض الحلول لبعض الألغاز.

إذا أرتني أن أذكر جميع الأقنعه فلا تتردد في السؤال. ^_^

أتمنى ان أكون قد أفدتك

[العطط]

اخوي حدد لي بالضبط اكتب لي اسم المعبد بالانجليزي وقولي شنو اسوي بالضبط

لاني مافهمت

[TeamFlex]

ahmadkb مشكور اخوي على المساعده
وياليت اعرف حلول بقية الاقنعه لانها وراها حوسه ودوارة راس
لك شكري و امتناني لمساعدتك
تحياتي

================
العطعط روح لـ tample of time
الي موجود بالقصر
راح تلقى الشاب المتلثم.. وتكتشف انه هو الاميرة
راح يعطيك سهم النور الي باستخدامه راح تهزم قارون الوحش الاخير
روح على القصر ماله ( مكان قصر الحاكم سابقاً )
و السيقا الي انقذتهم راح يطلعون ويصنعون لك جسر يوصلك للبوابه

بالداخل راح تلقى مجموعة ابواب كل وحده عليها رمز السيقا
الماء الغابة النار الريح ..الخ
ومن كل باب يطلع شعاع يحمي باب الوحش
كل باب عبارة عن غرفة وحده تتخطاها وتوصل لباب ثاني
تلقى فيه مثل الكرة محاطة بغشاء كهربائي
ارمه بسهم النور وراح ينقطع الشعاع الي يحمي باب الزعيم

ادخل للريح اول وحده
داخل الغرفة راح تلقى القفاز الذهبي الي راح يساعدك تشيل الصخرة العملاقة
اول ما تاخذه وتنهي الغرفة
اطلع بره القصر وتوجه للزاوية في باحت القصر راح تلقى صغرة عملاقة شيلها وراح تطلع لك جنية القوى
الي راح تخلي دفاعك مضاعف ( يعني راح تكون ضربة الوحوش تنزل للنصف)
بعدها كمل المراحل لين تقطع كل الاشعة عن باب الوحش
لحد اهني انا وصلت وما قطعت كل الاشعة وما حاربت الوحش

[العطط]

انهيت بابين وتوقفت عند هذا الباب لم استطع الوصول الى الجوهرة كيف؟

[العطط]

بفضلكم وصلت الى الزعيم لكن كيف اقتلة

[العطط]

اخواني لقد تمكنت منة ولكن هل هاذي هي النهاية؟؟

[العطط]

على العموم انا انتقلت الى الجزء الثاني من زيلدا ومشكلتي هي كيف انقذ المدينة من الدمار ماذا افعل لكي انقذها؟؟

[عاشق رزدنت ايفل]

السلام عليكم اخواني

انا عندي مشكله في اوكرينا اوف تايم بعد ما افتح الباب اللي مقفله الجورون الاكبر وطلب مني نغمه راقصه
وانا بعدني ما اخذت نغمه ساريا ( البنت صديقه لينك ) ....

كيف اخذ النغمه هذي ممكن تفيدوني بسرعه ....

[TeamFlex]

العطعط اسمحلي انا بديت اللعبه معك وما اعرف تفاصيلها
والحين انا واصل عن الوحش الاخير الي انت قتلته بس ما دخلت غرفته لاني ما فضيت للعبه

===========
عاشق ريزدنت ايفل

اعتقد انه بيطلب نغمة الشمس ما اتذكر عموماً للحيطة بحط لك كل النغمات

نغمة زيلدا
يمين فوق يسار يمين فوق يسار

نغمة ساريا
يسار يمين تحت يسار يمين تحت

نغمة شروق الشمس و غروبها
فوق تحت يمين فوق تحت يمين

نغمة الحصان ايبوناس
يمين يسار فوق يمين يسار فوق

نغمة معبد الزمن
فوق يسار يمين فوق يمين فوق

نغمة الوقت
تحت A يسار تحت A يسار

نغمة المطر
فوق تحت A فوق تحت A

نغمة ( لحظات الغابة )
يمين يسار يمين يسار فوق A

نغمة ( جبل النار )
تحت يمين تحت يمين A تحت A تحت

نغمة (بحيرة هاي رول)
يسار يمين يمين تحت A

نغمة الضل
تحت يمين يسار A يمين يمين يسار

نغمة الصحراء
A تحت يمين A تحت A

ابدئ من اليسار الى اليمين
واتمنى اكون فدتك

[العطط]

ماادري وين راح اخ ahmadkb يمكن عنده جواب