قصة مانجا جديدة من رسمي... خاصة للمنتدى!!!

[shaheen]

[shaheen]

:6

[shaheen]

وهذه الصفحة الرابعة والاخيرة من الفصل الثاني... انتظروا الفصل الثالث واريد تعليقاتكم

[Touya]

وااو صراحة أربع صفحات بس مضغوطة الأحداث فيها بشكل عجيب:واو:

والحرامي... هو حفلة الموسم... والله يضحك خوصاً لما بكى هههههههه
أحسن ماسويت أنك خليت صفحة كاملة عنه ههههههههه

بس خليت أبو البطل كشخة.. أنا حبيت شكله الأول صراحة هههههههه:6

[Rex]

واو


الرسم ما شاء الله والأحداث عجيبه !!

والخبرة !!!
يعني تشوف أحداث كثيرة .. وتفهم القصة بشكل مضبوط وما تحس أنه شيء انقطاع ...
بأقل عدد من الصفحات

رائع أخ شاهين ...
وأترقب التكملة بشوق

[GM Head]

يا سلااااااااااااااااااااااام على التكملة ;-)

قائمة بما أعجبت في التكملة
الصفحة الخامسة: إمساك الفتى بالحقيبة و مفاجأة المرأة بها بكل برودة أعصاب.

الصفحة السادسة: صدمة اللص عندما لم يجد الحقيبة في يده و إمتلاء عينه من الدموع(ههههههههههههههه يكسر الخاطر), و الفتى يمد علبة المشروب كأنه مطاط.

الصفحة السابعة:عندما ذكرت أحد الفتاتين عن البطاقات الرومانسية (ما قلنا يوصل حب البطاقات إلى هذا الحد?: ) , و عندما يركضون خارجين من البيت (طايرين ).

الصفحة الثامنة: عندما تصل الفتاتين إلى المتجر و علامة الفرح بين على شعورهن (ليش مو على وجوههن؟ :6 ) بعد الإعتزار لبابا عدول.

[shaheen]

تويا.. كيف حالك اخي العزيز
يسعدني ردك كثيرا

الحرامي له دور مستقبلي^^

أخ ريفلكس^^ الحمدلله ان القصة اعجبتك..
صحيح ان الخبرة لها دور ولا ننسى متابعتي للمانجا بالانترنت

أخ جي ام... شكرا جزيلا على توضيح ما اعجبك في كل صفحة^^
وبابا عدّول هو الأساس ههههههههه.

[alucardracula]

رائع التكلمة و القصة تزداد روعة و أبهرتني بشخصية الفتى يا شاهين الصراحة متمكن أنت و أهنئك و أنا متأكد انك لا زلت تخبئ الكثير في جعبتك أيها الفنان و نحن ننتظر و نتمنى لك دوام التوفيق..

[orange road]

شاهين

رهيبة التكملة.. الحين عرفت ليش خافوا البنات من بابا عدول

حلوة حركة الولد لما باق الشنطة... الاخ نشال درجة اولى.. ذكرني بسبايك من كاوبوي بيبوب
بعد هو يشترك معاه في الكشة... :6

ههههههه لقطات الحرامي موتتني من الضحك... ما حس ان الشنطة مب معاه الا بعدين... حسيت ان بيكون له دور مستقبلي

البنات موتوني من الضحك... حلوة حركتهم وهم راكضين من البيت وحلوة حركة القلوب على شعورهم...
(حركة يديدة... ما جفتها من قبل... احسن مني )

روعة القصة بدت تاخذ منحنى حلو...
ننطر التكملة

[Ralph Jones]

ممتاز يا أخوي شاهين
أرى أن الاحداث بدات بالتسارع بشكل درامي :6 و ارى ان السيناريو قد تحسن جدا عن ذي قبل
على فكرة لم نتعرف بعد على أسم الشاب بطل القصة ...... هل تنوي أبقاءه سرا للأبد ؟

بالتوفيق دائما أخوي شاهينوز

تحياتي .....

NastyRalf

[زهرةالجبل]

مـــــــــــــــــــرحبـــا(شــــاهين)

ما شا ء الله عليك...
القصة والرسومات رااااااااااائعة اعجبتني واااااايد
لكن شعر الولد اللي اخذ الشنطة من اللص غريب...
لكنها راائعة جداا...

زهـــــــــرةالجــــــبل

[Neo Cid]

واااااااااااااااااااااااااو .. :واو:

آسف على التأخير أخوي شاهين .. والله آسف .. كان على بالي للحين أن التصويت ماشي وأنك راح تكتب القصة في مكان ثاني بموضوع جديد .. والله آسف .. اعذرني .. :":

أحم أحم .. اعذرتني ؟ .. خلاص مو مهم .. :6

مشاء الله عليك أخوي شاهين .. يعني صكيت على الرسامين اليابانيين .. مشاء الله لا إله إلا الله <--مو ناقص إلا يقول الشهادتين ..
الأسلوب أكثر من ممتاز .. و بداية رائعة للقصة .. بس لو طولتها أكثر بتون أحلى .. يعني لو الأم خليتها مثلا تغني على البحر :6 .. و بعدين تكلم الأبو .. و أهم يروح و يي .. يعني لو تخليه شوية أطول بيكون وايد أروع .. بس الحمد لله .. قصدك بتوصيل الفكر تحقق و الحمد لله ..

و بداية مخيبة للبنتين .. هههههههههههههه .. مشاء الله .. دمج بين الأسلوب الجدي و الكيوت .. .. و الشخصيات بأروع ما يكون .. يعني أخوي شاهين لو أحد غيرك كان بيسوي القصة هذا ما كان قادر انه يكملها ..

تسلم أناملك خخخخخخخخخخخخخخخخخخخخخخ

ماني مطول عليك وايد .. شكلك الحين مشغول بتكلمة القصة .. أنا بالانتظار .. و الله يعطيك 2002 عافية على المجهود الجبار .. و بالتوفيق انشاء الله ..

سلام ..

[Nanami]

أنا أوافق الأغلب

[Madoka]

و أخيرا حطيت التكمله اللي انتظرناها بفارغ الصبر ^^

طبعا ما يحتاج اقول ان تقسيمك للقصه (المربعات) ممتاز و مرتب .. و الرسوم اللي في المربعات متنوعه يعني مو علطول ويوه مثلا او علطول نفس الملامح ... لكن في تنوع بالمشاهد و الرسوم يايه في اطار القصه و الاحداث ...
هذا شي حلو ":"

الحين ملاحظاتي عالاربع صبحات الجديده

صفحه 5:
اول شي بديتها بالولد و اهو يمشي بالشارع .. على فكره !!! احنا ليلحين مو عارفين اسمه ^^!!
اللص و اهو يركض .... الخ الرسومات كلها ممتازه بس شكل شعر الولد من الخلف يضحك شويه .. باينه ريل الحرامي في الرسمه اللي فيها واقفين و اهم صغار لابس جوتي رياضه عشان يركض بسرعه هههههه
صوره المرأه و اهي متفاجئه بجنطتها عجــــــــــيـب ^^ و عيونها اشكبرهم لما طاحت النظاره ههههه و شعرها اللي صاعد لي فوق.. الرسمه وايد معبره يعني :0)
تعجبني شخصيه الولد لحد الآن ... برودة اعصابه و تعامله مع الامور باستخفاف و ثقه ... لا و اشلون يشرب الكولا جنه مو هامه الموضوع بالمره ^__^

صفحه6:
مادري شنو علاقه القطوه بالموضوع ^^ بس لو مخليها تضحك علي الحرامي لما قعد يبكي او لما سوى حركه الكاراتيه مالته تخليها مخترعه منه او تعيب عليه ... يضحك البحر اللي طلع في عيونه ^_^
لقطه الحرامي اللي واقف الوقفه الغريبه ^^! و اصابع يده ... هالحركه تذكرني برانما وايد يسون ايدهم جذي ....... بس تدري !!!!!!!! انا سمعت ان الاصابع لما تنحط بهالطريقه معناتها صليب :واو: !! مو متأكده لكن وحده صديقتي قالت معناتها صليب !! لو تتأكد منها يكون احسن !
حلوين زلوف الحرامي
بعدين البنت و الولد ^_^ هذا اللي بيده علبه الكولا :واو: سارت هالطول طبعا ما ينلام هالمره على ملامح ويهه لان البنت شكلها مصختها و اهي تشكره ..... ههه شكلها يضحك مع حلجها ...... بس عندي ملاحظه صغيره على يد الولد .. سايره صغيره اشوي (ظعيفه)

صفحه7:
صوره المجرم في كتاب و لا جريده ?: !! لازم جريده لان مافي كتب عن المجرمين ههه ^_^ .. البنتين في بيت واحد (خوات!!) و لا مجرد صديقات زايرين بعض ؟ على فكره البنت ام شعر قصير تختلف عن البنت اللي رسمتها في اول رسمه (قبل بدأ القصه) صح؟
و بعدين صوره البنت واقفه عالكرسي ههههههههههه تضحك وايد اشلون صار ت عنونه و اللقطه اللي تكلمها عن البطاقات ويهها حلو ^^
و بعدين الدخان اللي من واهم و الباب اللي طالعتله نقطه عرق (ماء) مستغرب منهم يعني :0) اشهالسرعه!!!!! كل هذا عشان بطاقات!! لو كنت بدالهم و كان في صور مادوكا في محل جان سويتها :6

صفحه8:
ريولهم جدام باب المهم جنهم يايين يسطون عليه هههههه او جنها لقطه من فلم كاوبوي بس ناقصهم مسدسات .. حلوه اللقطه ^_^ دايما حط رسمه قبل كل مشهد عشان نستوعب المكان اللي يتم فيه هالمشهد ;-)
البائع هالمره شكله ما يخرع مثل اول مره اللي خرعني انا بعد ....
اللقطه اللي النظاره طاحت من عينه لان ما عنده خشم؟ اتغشمر لوووووول
استانسوا هالبنتين مبين من شعرهم هههههههههه و حلوجهم اللي داخلها قلب ^_^ يحليله بابا عدول طلع أليف (:
البنتين يبون يقيمون حفله ميلاد ^_^ .. صح .. انت حطيت اسم ام شعر اسود "غاده" بس شنو اسم الثانيه ؟؟؟

راح انتظر التكمله بفارغ الصبر لحد الحين ما عرفنا شنو علاقه الولد العجيب بهالبنتين ! و قلت ان القصه عن الرياضه ..... يعني تو الناس القصه لحد الحين في بدايتها (:


يالله نشوف التكمله ان شالله الاسبوع القادم ^____^
باي

[orange road]

الرسالة الأصلية كتبت بواسطة Madoka
لقطه الحرامي اللي واقف الوقفه الغريبه ^^! و اصابع يده ... هالحركه تذكرني برانما وايد يسون ايدهم جذي ....... بس تدري !!!!!!!! انا سمعت ان الاصابع لما تنحط بهالطريقه معناتها صليب :واو: !! مو متأكده لكن وحده صديقتي قالت معناتها صليب !! لو تتأكد منها يكون احسن !

مادوكا

هالحركة معناها i love you
وفي رانما يستعملونها كنوع من الصدمة... ليش؟؟ ما ادري