The Comic art Maniac

[orange road]

من صجك اخوي جراح... :! 100 دولار

حوالي ثلاثمية ريال

واو :واو:

جراح
احنا ربع... لازم ينوبنا من الحب جانب...
يعني تذكرنا لما تقبض فلوس..
ورقم حسابي هو 1213456789 ببنك التسليف المفلس

[Jarah]

هاهاها

أنا ذكرتها لكم كمعلومة بس علشان تعرفون السعر العالمي حق التلوين بهالطريقة ... و أثبتلكم إن الرسم مو لعب و بس الواحد يتعلم Anime بس علشان يتشيطر ولا يبيّن نفسه إنّه يعرف يرسم جدام غيره .... السالفة ممكن تصير لك مصدر رزق لا باس فيه .... و ساعات لما أسوّي حق دكاترة جامعة عندي ... يطنشون عني لا غبت ولا ماداومت .... أو لابغيت منهم شي ( ساعات تلميحات حق الإمتحانات ) ... يعني السالفة أنا ماخذها مو شحاطة ... أتعلّم والله علشان شوفوني أعرف أرسم ....

ليش أقولكم هالكلام ؟؟؟ .... بس ابيكم تاخذون الرسم More serious و خاصة حق هذولي إلي يبون يصدرون مجلة ولا من هالمشاريع .... من يبي يشتري لك مجلّة ولا كتاب و أنت ترسم رسم اي كلام ولا كواليتي أي كلام المهم يمشي ؟؟؟ .... لازم تصير مميّز علشان تبني لك أرض في الساحة الموجودة .... ويا سهالة السالفة لا صار رسمك فوق مستوى المعروض في الساحات العربيّة

[fatoom]

مشاااااااااااااااااء الله :واو:

إي والله ماشي بدربك صح :"

المشكله جراح محد معبرنا هنييييييييييي :"

للحين يشوفونه شغل يهال

مادري متى بتعتدل الفكره براسهم :غضب:




اقول اخوي جراح

ممكن تقول لنا عن بدايتك مع الرسم

و مشكووووووووور على هالإبداعات ^ ^

[Jarah]

مرحبا fatoom

لا تنطرين أحّد يعبرج أو يعطيج ويّه ... إنتي طوري من نفسج ... و إذا قاعدين تتكلمون عن الإحباط ... أنا أول ناس ما كانوا يعبرون رسمي هم أهلي بعد مو الناس !!!!!!

بس و الله مشيت أطوّر نفسي ... أشتري كتب رسم ... مي خالف أول مرة ما تعرف ... ثاني مرّة مي خالف ... مع التدريب شوي شوي إيد الواحد تقوى ... ماكو واحد بيوم وليلة يبي يصير حييل قوي و يناطح هذا وهذا و يناطح حتى ناس برّه بأمريكا وغيرها ... و بعدين خلود يمكن قرأت الموضوع مالي في منتدى ثاني .... أنا دخلت بس لأنهم قاعدين يقولون والله الكوميكس شغل يهال ومن هالكلام ... دخلت و رسمت رسمة وحدة بس أول شي حق شخصيّة روايات هم يقرأونها ... سوّت ضجّة ما صدقتها أنا بالمنتدى و السبب أن الرسم قوي و شال فكرتي معاه لا وخلّى ناس كانوا يستهزئون بالكوميكس يسحبون كلامهم وهم نفسهم الحين ناطرين الكوميك مالي .... خلّي رسمج أهو يفرض نفسه عليهم مو تفرضين نفسج عليهم لمجرّد إنه إنتي إلي دازّة الرسمة .... مع احترامي للكل ... الكل يجامل غيره بالرسم ... الرسمة ضعيفة فنيا ... وااااا ي حلوة و معرف إيش .... ما أحبط الرسام لكن أقولّه عيوبة علشان يتفاداها .... لا دزّيت صورة لمحترفي أمريكا يشرّحها لي تشريح ممتاز علشان أعرف أغلاطي و أتفاداها ... مو يطبطب علي

يعني هذا رأيي أنا عالعموم ... و للي يبي يقرأ موضوعي هذاك هذي وصلته

http://www.rewayat.net/forumz/showth...&threadid=6509

[shaheen]

رائع يا جراح
كلامك يزرع الامل في نفوس فاقديه

اعجبني موضوعك الذي كتبته في ذلك المنتدى وقد قرأته بالصدفه منذ ايام

نتمنى لك التوفيق وللجميع
وزدنا من رسومك وكلماتك الطيبة;-)

[fatoom]

مشكور اخ جراااح

و بإذن الله رسمنا يفرض نفسه ^ ^( مع اني اشك لأني مجربه )

و شكرا على الوصله

فتحتها ....و كالعاده ( حظي :" ) ماإنفتح

اعتقد انه حاليا مسكر :":

بجرب ادخله مره ثانيه





و شكرا اخ جراح

[Jarah]

مرحبا

في صورة جديدة حطيتها من ضمن الصوّر في الجاليري مالي في معرض منتدى الروايات ... صورة فراعنة ... للي يبي يشوفها هذي الوصلة
http://www.rewayatnet.net/gallery/ca....php?cat_id=41

[هـداف]

ياهلا فيك اخوي جراح

رسمك كان فوق التوقعات بملايين الأميال......تدري شنو الي عاجبني برسمك شنو.........العضلات وتظليلها....والحركات المختلفة والمتقنه ...........تدري ماعليك غير تحط لنا واحنا انطالع:0) :6 ;-)

تابع وبالتوفيق

[Jarah]

الله يالخير

من زمان ما دخلت عدل ؟؟؟ ... يلّه كلها أيام و ننشر قصة كاملو من رسومنا عالنت و بحطلكم إعلان عنها

في رسمة جديدة سويتها لشخصية من شخصيات الروايات ... و بإسلوب تلوين شوي مختلف عن إلي متعود عليه ... أنا أعرف 5 أساليب تلوين مختلفة و هذا نوع ثاني غير إلي عودتكم عليه

إن شاء الله تعجبكم

http://www.rewayatnet.net/gallery/de...hp?image_id=90

[shaheen]

أهلا بجراح
يعجبني اسلوبك هذا في التلوين

يجعل التلوين والتظليل أكثر نعومة لكن أظنه يأخذ كثيرا من الوقت أليس كذلك؟

على فكرة متى ستصدر كوميكساتك التي اخبرتنا عنها؟؟؟ فنحن بانتظارها بفارغ الصبر>_<

[JOUTARU]

مرحبا شاهين

باقي رسمتين عالأسبوع بخلصهم إن شاء الله وراح أحط إعلان هناك عن
إني انتهيت من رسمها

ترقبه الخبر

جـراح

[][Mylene][]

:واو: :واو: :واو: :واو: :واو:
مشـــــــــــــــــــــــاء الله عليك
تلوينك رووووووووووووووعه ابداع يجنن مره حلو ودقيقه
حلوه حلوه حلوه مشاء الله مشكور

cyaaaaaaaaa

[hawk]

woohoo:واو:

جراح...
هذا هو الفن اللى اسميه الفن الفنيني رائع !! رسمك بدقته وجماله مثل الجراحه بصعوبتها
...اسمحلي على الرد المتأخر لأني مهب مركز في هذا المنتدى للأسف ... المواضيع كثيره هنا .

طبعا رسمك ماعليه كلام اسلوب امريكي جميل يعجبنبي اكثر من الياباني
لاكني افضل الاوروبي اكثر رسمه عجبتني هي شخصية Death Throne لاكن استغرب كيف قعدت تلونها 8 ساعات؟؟ يمكن تعتمد على الطريقه ..
وتقول ان هذي الشخصيه مو من ضمن الكتاب :":
رسمتك الاخيره ممتازه حبيت طريقتك الجديده في التلوين لاكن من سونيا جرهام :0) الصراحه انا ما قرأت من القصص في حياتي اللا اعداد قليله من
مجلة ماجد (( الممله )) ...

ننتظر الكومك ;-) ok سلام cye

[orange road]

رسومك حلوة اخ جراح ^^

دقيقة وايد رسمة الفرعون... عجبتني المومياء بشرايطها واربطتها ^^

تعرف .. رسمك اكثر شي روعة فيه انك تعتمد الاسود كظل وبعدين تلون.. نفس الكوميكس الامريكي...

^^ الوانك... رهيييييييبة........
يقولون الايادي تختفي من اجسام اصحابها هاليومين...
يعني لا تتعجب..

شاهين.. يدك تسلم عليك :6

[JOUTARU]

الله بالخير

أخيرا افتتحنا أول موقع عربي للكوميكس ... كوميكس عربي رسم و تأليف ... من رسومي و أصدقائي .... للي يبي يشوف الموقع هذا أهو ... و عطونا رأيكم

http://comics.rewayatnet.net/

جـراح