الي يبغى اي مساعده في تعديل سيارته يدخل

[MR.أستبنه]

اسف يا شباب اذا كان في اغلاط في الردود من ناحيتي وحاولو انكم تفهمونها بحيث انك تشوف الحرف الغلط على الكيبورد وتشوف اقرب حرف له يناسب الكلمه ..................................

وينكم يا شبااااااااااااااااااااااااااااااااااااااب انا كنت متوقع انو راح يكون اطول مو ضوع بعد الطلابات العامه ..........................................



يا شباااااااااااااااااااب ابي مشاركتكم الله يخليكم .....................

[MR.أستبنه]

بعض الاشياء المهمه في التعديل 3

8_ التضليل : ويسمى ايضاً بالتغييم وهو شي مهم في السياره ومكمل لمضهرها ويعزل السياره من الداخل عن الحراره وهو زي ما تعرفون يجي انواع واسعار وفي التضليل العادي الي لفته ب 25 ريال وهذا درجه العزل فيه ضعيفه تصل الى 30% والمشكله عند فكه بعد فتره اذا تعرض للشمس يلزق في القزازه ويصعب فكه
والنوع الثاني والي هو عن طريق الشركات حقت التضليل مثل في_كول وزي بارت وجونسون بس انا ما قد شفت جونسون بس سمعت فيه وهذي درجات العزل عندهم تصل الى 88% واسعارهم غاليه شوي بس صراحه تستاهل الفلوس كلها
والنوع الثالث هو الي يصير مثل القماش الي ياخذ على مقاس القزازه ومن ثم يرش بالبويه او الصبع ويتركب بماده صمغيه هذا احسن ما فيه انه يجي نفس لون السياره واسوأ ما فيه انه من داخل ما تقدر تشوف كويس
وفي نوع يسمى الليزر وهو حسب ما فهمت انه عن طريق الكمبيوتر وهذا غالي ويعطيك نفس لون السياره ولامع وعازل للحراره

9_ المراتب الداخليه : وهي تجي على نوعين 1- مراتب رياضيه 2- مراتب عاديه 1 المراتب الرياضيه هي زي ما اكثركم يعرف انها لسيارات السبورت والرالي ويمكن تركيبها بس سعرها مكلف ولا ادري كم بالضبط 2- المراتب العاديه هي الي في كل السيارات وتجي اما قماش او جلد والجلد معروف انه احسن والجلد انواع وتلبيس السياره جلد ما يكلف اكثر من 800 ريال وفي حركه طايحين فيها العالم الي تسمى بالتكحيل وهي انه يجعل اطراف المقاعد بلون اخر يناسب لون السياره وفي انس يجعل الدركسون وال مراتب والطبلون نفس الون وهذي حركه حلوه

10_ الالكترونيات حقت السياره : وهي مثل الشاشات والديفيدي والسماعات والام بلي فاير (المضخمات) وراح اذكرها بالتدريج وبأسعارها
1-الشاشات : هي تختلف من حيث الماركه والسعر وهي من 500 ريال الى 2000 ريال للشاشه الوحده
2-ديفيدي او مشغل الافلام : انا سمعت انو سعر الديفيدي حق السياره ما يتجاوز 1500 ريال
3-السماعات : هوي تتعدد من حيث الحجم والقوه والسعر وتتراوح اسعرها من 250 ريال الى 10000 ريال والمضخمات نفس الشي



وانشأ الله في زياده بس شوي علي واحطها


وانشأ الله كنت افدتكم ...................

[راعي الفايبر]

خلاص انت جبتها في نفسك راح اهبل فيك واخليك تكره شيئ اسمه تعديل


زين


سيارة الوالد :

جمس سوبر بان 1999 دفرنشين اللون عودي نوعه SLT (( مستعمل امريكي )) معدل على خفيف يعني مراتبه جلد جنوط امريكيه فتحت التهوية الامامية فضي لامع تضليل جميع السيارة كتم والي قدام خفيف (( واسطات ":" ":" )) مرة من المرات عرضت صوره بالمنتدى واحاول مرة ثانية صار للوالد حادث الحمد لله جات سليمة بس تكسرة القزاز الامامي من الجوانب وانا ابغى اعدله على خفيف المشكلة الصور مو موجودة ألحين بس عندي صورتين له
اجيبها لك بعد شوي

[MR.أستبنه]

هلاو الله .......................

والله لو تحط سياره جيرانكم ماهي مشكله انت تامر واحنا نطامر

يخوي الجمس ما ينفع عليه الا التعديل الكامل مثل تغبر الوجه والشبك ترفيع جنوط شنابر كفرات بالون اناتل شاشات عبث ................

بس حق الوالد يعني احس انها صعبه

اذا تبي تعديل خفيف عندك
1- تركيب شاشات + ديفيدي
2-الصدام الخلفي تشيله وتركب فيبر قلاس
3-كلمه جي ام سي الي قدام تشيلها وهذي بانك تغير الشبك كله وتركب ثاني
4-تركيب لمبات زينون


هذا خفييييييييييييييييف اذا بغيت اكثر قلي وانا اسوي لك الي تبيه

[راعي الفايبر]

الرسالة الأصلية كتبت بواسطة MR.أستبنه
هلاو الله .......................



بس حق الوالد يعني احس انها صعبه

حق الوالد بس انه حق الاخوان يعني قلييييييييييييل ما يركبه

لقيت صورة الجنط راح احطها بعد 10 دقايق

[محترف الـRPG]

السلام عليكم شباب

كيفكم انشاءالله بخير

بصراحه موضوع حلوووو من جد


وانا معاي لومينا 2003 LTZ وناوي عليها تعديلات خفيفه مره

لأن السياره ينخاف عليها بصراحه

والي ابغاه الأقتراحات بشأن التعديل وشي ثاني وهو :

(1) السماعات وقوة المضخمات لأنه بصراحه قوة السماعات حقت اللومينا تفشل من جد كأنه سماعات جوال . والي ابيه الأسعار المناسبه (ما تتعدى 100) واهم شي الجوده قبل كل شي يعني ابيك تشرح لي شرح تفصيلي بكل شي .
(2) التضليله وانا محتار بالتضليله باللون الأسود ولا الفضي وهذي صورة السياره مرفقه .

ومشكورين شباب وانا استقبل اي اقتراحات إلا التعديل الجذري فأنا ارفضه

ومع اطيب تحياتي

محترف الـRPG

[MR.أستبنه]

هلا والله اخوي ...............

بالنسبه للسماعات والمظخمات ما عندي اي خبره فيها بس سمعت انو احس ن سماعات سوني وجي في سي


وبالنسبه للتضليل كل اللونين حلوات بس انا افضل الاسود

واذا تركب شاشات يطلع شي حلو

[David Beckham 7]

مشكور اخوي MR.أستبنه على موضوعك الرائع والمهم والمفيد..

انا عندي سؤالين..

1/وش الفرق بين الاسلاك الصفراء والاسلاك الحمراء وايهما افضل؟

2/ماهي انوار الزينون ومافائدتها؟

وشكرا..


:-)

[MR.أستبنه]

هلاوالله اخوي David Beckham 7

والله بالضبط ما ادري ايها اقوى بس الي اعرفه انه تقوي العزم وتزيد القومه بس حسب ما سمعت انو الصفرا اقوى من الحمرا ويليت يجاوبنا واحد خبييييييييييير

انوار الزنون يا اخوي هي انوار تعطي اللون الابيض المائل الى الزرقه وفائدتها انها اقوى من العاديه وأحسن في الرؤيه (طبعاً بحسب النوع) ومضهرها حلو

[راعي الفايبر]

لقيت الصور يا استبنه

[راعي الفايبر]

من داخل

[MR.أستبنه]

والله الجنط حلو ومن داخل مرتب بس انا ابي صوره من برى لشكل السياره ولونها

[راعي الفايبر]

الرسالة الأصلية كتبت بواسطة MR.أستبنه
والله الجنط حلو ومن داخل مرتب بس انا ابي صوره من برى لشكل السياره ولونها

لونها لك عليه ((( عودي ))) والبادي فوق الكفرات اسود وطايات الرجل عند البيبان (( اسود ملكي ))








راح احاول اصورها مرة ثانية امكن اليوم ولا الجمعة بكرة فوق الطعوس ":" ":"

[MR.أستبنه]

ياله عساك على القوه انشأ الله

[abu dahm]

السلام عليكم
اخ مستر استبنه بصراحه موضوعك حلو وردودك احلى

ابغى اسالك عن التعديل في كوريلا 2000 بيضاء وش رايك وش يصلح زبقره فيها ومشكور مقدما