بداية أبيكم تعذورني شوي على التأخير فى التكملة للأجزاء.. لأني بصراحة مشغول ..
وأحياناً اكون ماجهزته تمام.. وأنتظر رأيكم لتلافي الأخطاء السابقة
الف شكر..
راح نظيف شخصية جديدة.. وهي جدة سنيفر (انجيل ويسبر)
.........................................
فى المقابل
سنيفر: انجيل انجيل.. ياانجيل.. انتي ياللى اسمك انجيل
<... يقلد نجوى يانجوى ":"
انجيل ويسبر: انجيل يجلك .. بلا.. ماكني جدتك.. لا إحترام ولا تقدير
والله هذي تربيتك يام سنيفر :غضب: سنيفر: ما أسمحلك تتكلمي على أمي .. تراها امي .. موب عشان أبوي تزوج على أمي وأخذتس تقومي تتكلمي علي:"
انجيل ويسبر: أنا جدتك يادلخ مو زوجت أبوك..
أعطيك من الحنان والدفء وكتلة من المشاعر
سنيفر: أيه صح.. وين سامع الكلام هذا فيه .. وين .. وين ياسنيفر..
اهاا.. فى مسلسل نورة:6
انجيل ويسبر: أخلص وش تبي يالغثة..
سنيفر: جبت 77
انجيل ويسبر: هاتها يا وليدي أحفظها لك
سنيفر: جدتي.. موب دراهم ..
انجيل ويسبر: طيب.. ليش ياكافي موب 260 بس 77
سنيفر: جدتي.. شهادة.. شهادة.. موب طبلون
انجيل ويسبر: سم.. طبلوا.. بدأ العرس
سنيفر: اي عرس.. أنتي .. فيتس حيل أنتي..
انجيل ويسبر: أنا يومني بشبابي ..الله الله.. كنت أردح.. ردح..
ماغير أنا والزار أخويا:0)
سنيفر: أووووف .. جدتي إنتي ولا رابح صقر:6
انجيل ويسبر: أيه .. الله يذكر جدك بالخير..
يومني أدرس بالمدرسة عند الشيخة..
سنيفر: وش شيخة.. بلا فقش عاد.. بس كان فيه شيخ... من وين جبتي الشيخة?:
أنجيل وسبر: مشهاا.. عاد.. لاتصير حقنة.. ياوليدي..
سنيفر ماتشوف إلا غباره
انجيل ويسبر: ياولدي.. وين رحت.. تعااال.. تعااال..
سنيفر: جدتي .. مابي أبره يرحم واليدك.. توي منحاش من المستشفى:":
انجيل ويسبر: يالخبل.. حقنة.. يعني قلق.. موب ابرة":"
سنيفر: أشواا
انجيل ويسبر: المهم..
أنا توي طالعة من عند الشيخة وأشوفلك.. ذاك اللى معة البيوك.. يدور حولي.. بس مايناظرن..
سنيفر: أخص .. من زمان أجل تعرفون الحركات هذي..
انجيل ويسبر: لا تقاطعن.. اصبر..
وهو يدور .. يدور.. وأنا مااعطية وجه
سنيفر: ياهووووهي اثوقل.. أصلاً هو مايبيتس .. هو يبي يشوف وحدة شينة ويتمقل فيهاا عشان يتحمد ربه على اللى عنده:6
انجيل ويسبر: أنا كنت مكلة جمال زماني..
وهو يدور .. ما خلاني.. ومشغل على المسجل معلي على صوت أغنية محمد عبده الله يذكرة بالخير ..
بنت النور:واو:
سنيفر: الله وأكبر.. ياكبرهااا عند الله.. بنت النور
انجيل ويسبر: مشهاا .. عاد.. مشهها وأنا جدتك..
سنيفر: طااايب.. بس حرام عليك جدتي.. شبعنا تشطيف..ماغير تشوفيني مناقز..
انجيل ويسبر: ويجي ذاك الوليد الوسيم.. وش حليلة.. ويمدلي ذاك العطر اللى وسطة رقم..
سنيفر: ايه .. الله يصبرناا..
انجيل ويسبر: ويقوم يقولي.. خذي ياقومر.. هالجوال عشان تكلميني بالليل..
سنيفر: اووووف .. جدتي لك عليهاا.. ماهي مضبوطة..
انجيل ويسبر: اقول.. اركد.. عاد.. أنا شريفة ..
سنيفر: غيرت اسمك ماشاء الله
لاعاد تستخف دمك
انجيل ويسبر: الله ياالوليد.. وش حلاته.. كنه البخت.. يازينك يا عاصي عياش..
سنيفر: ياربي رباااه.. اسمه .. رامي عياش.. مو عاصي..
ثاني مرة إذا جيتي تفقشين أحبكيها وأنا ولد بنتك:6
انجيل ويسبر: مايخالف .. مايخالف.. بس أنت قلت أيه.. ومايصير شىء..
سنيفر: المشكلة أن رامي عياش عمرة 24 سنة.. وأنت يوم كنتي تدرسين كان عمرك 16 .. وأنتي الحين 96
انجيل ويسبر: ستة وتسعين بعير ياطااك لي ماطاااك:غضب:
سنيفر: ايه طااايب.. 23 خلاص..
انجيل ويسبر: ولا 23 ..انازهرة .. عمري ماله وقت محدد.. اطير من غصن لي غصن.. واعطر الحدائق..و..
سنيفر: ايه .. هين.. تعطرينها بشىء ثاني:6
انجيل ويسبر: لا تصير .. كذا .. ياوليدي.. خلني أستانس..
المهم عاد وخذيت رامي عياااش.. وجاء وتزوجني ..
سنيفر: ايه .. يعني جدي هو رامي عياااش..
وأنا أقول .. صديقاتي يقولون لي ..
اقصد أصدقاي يقولون فيك من رامي عياااش:#
أثريهم صادقين.. الدعوة كذااا
انجيل ويسبر: ياوليدي.. خلاص.. ماشبعت مناقز.. وش اللى 77
سنيفر: هذي نسبتي بالمدرسة..
انجيل: نعم.. وش تسويلك 77.. ما تشغلك فى كبينة هالأيام
سنيفر: وش اسوي.. صادوني .. وأنا أغش .. وقالوا يانسقطك يا ننزلك 15 نسبة:!
إجحاف كبير..
انجيل ويسبر: علي .. أنا ذي الحركااات.. اي قانون هذا..
سنيفر: المهم هذا اللى صااار..
انجيل ويسبر: هذي درجاااتك.. ونتيجة إهمالك.. أنا يومني صغيرة..
سنيفر: كنتي تترقمين
انجيل ويسبر: انزلع.. أنا كنت الأولى على الصف... وعلى الرياض..
سنيفر: ايه بالحيل.. اصلاً ماكان فيه شىء اسمه الرياض..
انجيل ويسبر: المهم وش بتسوي.. تقشر بصل
سنيفر: شىء زي كذاا
انجيل ويسبر: شفلك أي شىء يقبلك..
سنيفر: ماعندك واسطة.. مايفيدك هالأيام إلا الوساطااات..
انجيل ويسبر: والله.. ياوليدي .. عنديلك واسطة فى البنك..
سنيفر: هااااه .. بالبنك.. وليش تخليني ادرس وأتعب كل هالسنين..
وش الواسطة اللى بالنبك.. مودير فرع .. ولا البنك كله..
انجيل وين أي فرع..
سكرتي بيحال للتقاعد
.. امسك مكانه
سنيفر: اووووووووووووووووه... ماعندك ماعند جدتي..
انجيل ويسبر: جدتك أنا يالأثول.. وأحمد ربك عاااد..
سنيفر: خلاص شوفلياها..
انجيل: خلاص من بكرة.. تداوم محل جدك.. سكرتي فى البنك.. بس لازم تثبت كفاءتك..
فى الجزء الأخير نتابع:-
تدريبات البنك لسنيفر والمهمة الإنتحارية لعصابة البافك
تحياتي
