انا ماراح احاول اقنعك بروعة اللعبه لأني جربت مع غيرك من قبل وفشلت وانا شايف ان الشباب ماقصروا معك وانت مصمم على رايك بان اللعبه فاشلهويختلف كثيراً عن خيال الأفلام الي نعتبره خيال معقول يتقبله عقل الشخص ، لكن خيال FF لا يمكن تحويله لفيلم لأنه مشابه للخيال الموجود في الأفلام الكرتونية
على فكره انا معك ان الجزء هذا بالذات FFX2 هو جزء فاشل وبكل المقاييس لكن باقي اجزاء السلسله اعتبرها افضل سلسلة العاب من بداية لعبي بالعاب الفيديو جيمز
المهم انا عندي سؤال واحد هو مو سؤال بصراحه هو رد على شكل سؤال انت ماسك علينا من اول الموضوع ان اللعبه خياليه وانا معاك بالشي هذا لكن عندي سؤال انت بأي حق عطيت نفسك الحق انك تحكم ان اللعبه لايمكن ان تحول لفلم سينمائي؟الاخ مخرج او منتج او عندك خبره بإساليب صناعة الافلام والخدع السينيمائيه؟ انت ياخي مثلك مثلنا مشاهد تشوف الفلم الي امامك وانا متاكد ان معظم المشاهد الي تشوفها في الافلام لاتعرف كيف تم تصويرها واسلوب الخدع فيها يعني قصدي انت تقول انه مستحيل انه يتم تحويل فايتل فانتسي لفلم وانا اقولك انت من علشان تحكم بالشي هذا؟ اذا صرت مخرج وكنت عارف انه جميع اساليب وخدع السنما الموجوده حاليا لايمكن ان تصلح لأنتاج فلم خيالي كفاينل فانتسي ذاك الوقت راح نقتنع بكلامك ورايك اما مادامك مشاهد مثلنا ولاتدري عن ابجديات صناعة السينما الاحترافيه فياليت ماتلقي احكامك الي مالها مصدر غيرك اوكي
ويمكن في يوم من الايام اذا فكر واحد من المنتجين انه يسوي لم لفاينل فانتسي وسواه راح تشتريه انت وتتفرج عليه وتنهيه وماتدري كيف صوره مع انه صور اياء خياليه لايمكن تصويرها ( برايك انت ) اخوي انت ناسي شي مهم الايام هذي يقدرون يسوون اي مشهد يرغبون فيه في الافلام مهما كانت استحالت المشهد وغرابته والخيال الي فيه والفضل بهذا الشي لتقنيه المفروض تكون عارفها مادامك قاعد تعطي رايك من الصبح عن تصوير الافلام ومادري ايش وهي تقنية الـ CG
على العموم حبيت اوضح هذي النقطه وكان ممكن ارد على معظم كلامك المتناقض لكن زي ماقلت لك انت متمسك برايك ومصمم عليه وهذا واضح من ردودك مع الاخوان علشان كذا راح يكون الكلام في هذي النقطه مضيعه للوقت
واتمنى لك امتع الاوقات مع الالعاب الواقعيه الي تحبها ^__^
