ختم القرآن في الشهر الكريم

[Lena]

مود

طيب واذا تكلمنا في التصميم بيضر.......؟؟؟؟!!

القراءة ونقاش انتهينا منه..

و وش فيها اذا تحمسنا للتصميم..انا متحمسه له ؟!!..لاننا خلاص اتفقنا على مساله القراءة الي بنبدا فيها بكرى...



ارسين.. تراي خلصت التصميم.. وخليته كبير..متى مافضيت قل لي ارسلك اياه تقول لي عنه..التعديل فيه..


واتفق مع مود

في مساله نخلي الموقع فوق..

بصراحه احس الي مشتركين..لعل وعسى يزود عدد المشتركين..لان هذا خير ويستاهل الاجتماع عليه..

[mod]

طيب واذا تكلمنا في التصميم بيضر.......؟؟؟؟!!
القراءة ونقاش انتهينا منه..
ماحب كذا الي يقعد يقول اقول وما اقول
..الله يهديك..
ووش فيها اذا تحمسنا للتصميم..انا متحمسه له..لاننا خلاص اتفقنا على مساله القراءة الي بنبدا فيها بكرى...

خلاص خلاص آسفيــــــــــن
كليتيني بكبري

[Lena]

تراني عدلت بكلامي يؤ:icon11:
انا شفت كلامك بدون ابتسامات وحسبته جد..بعدين طلعت الاابتسامات وحسيت من جد اكلتك..تراني كذا قطوة..حليله بس امخش اذا شفت شي يقرب ههههههههه ..الله يهيدن بس.. مفروض الشياطين تقيد في رمضان

ههههههه يلا اسفه



على فكرة..يصلح ابدا اقرا من الحين..؟ ولا لازم في رمضان..؟

ودي بدامي فاضيه ورايقه..احسن من ايام الاختبارات الي اكون فيها مضغوطه..

[mod]

مفروض الشياطين تقيد في رمضان

يؤ نسيوك لا بارك الله فيهم من اخويى <---

على فكرة..يصلح ابدا اقرا من الحين..؟ ولا لازم في رمضان..؟

ليش لا ... الوقت الحين تعدى الساعة 12 ودخلنا في أول ايام رمضان

يله الله يوفقك

[أفلاطون]

خلصت اول جزء

[The Noble]

سويت تصميم صغير بودي لو يكون بالمعرض

عارف انه بايخ بس هذا اللي قدرت عليه

http://webpost.net/65/65665656565/TheNoble3.jpg

والقراءة حأبدا فيها ان شاء الله بعد صلاة الفجر

[Lena]

النبيل ..
بالعكسسسس نااااااعم وهادي التصميم.. وناسه لو المعرض يصير فيه اهداءات يعني اقرد ارسل هذي طبقاه لصديق او عزيز..وناسه بس صعبه..


افلاطون..
..مشالله عليك..والله حمستني..
انت قريت اربع وجيه حاليا..ابصير على نظام مع كل صلاة صفحتين عشان انظم نفسي..الله يوفقنا كلنا..

حماااااس..

[The Noble]

النبيل ..
بالعكسسسس نااااااعم وهادي التصميم.. وناسه لو المعرض يصير فيه اهداءات يعني اقرد ارسل هذي طبقاه لصديق او عزيز..وناسه بس صعبه..

..

شكرا شكرا

ولا بأس من الإهداءات لكن تقدري تهدين عن طريق البريد .. و أنا أهدي تصميمي المتواضع لكل الأعضاء @@

لكن في شوية تعديلات او ترجمة

أقرد = أقدر

طبقاه = بطاقة

[Lena]

هههههه عادي عادي:icon6:

لازم احط لي بصمة..هذي هي البصمة الليّونيّة..<==اقراها

تيب يلا شباب دلخنا في اليوم الاول..الهمة...^^

بروح انام
سلام

[The Noble]

أنهيت أول جزء بحمد الله

[alamal13]

السلام عليكم

انتهيت من الجزء الاول ولله الحمد..

[Arsene Lupin]

الجزء الأول

السلام عليكم... آسف على التأخير...

جزاكم الله جميعا ألف خير...

الحمدلله سويت تعديلات أخيره على تصميم الموقع وانشالله يستمر فترة بالشكل هذا. يعدها يمكن أغير في الستايل في العشر أيام الوسطى... الله أعلم.

عموما خلونا في المهم الحين... و هو ختم كتاب الله.

الله يكتب لكم عظيم الأجر لمن ختموا الجزء الأول... و التوفيق للجميع.

بديت فيه لكن ما بعد أكملته... انشالله بكرا الظهر او العصر.



صراحة فيه مقاطع خيال في القرآن الواحد يمر عليها مرور الكرام. و بما أننا في الجزء الأول... فيه مثال مقطع في بداية سورة البقرة عندما أخبر الله سبحانه الملائكه بأنه يجعل في الأرض خليفه.

تصدقون الآيات التسع... من آية 30 إلى آية 39 كانت أهم سبب في إسلام بروفيسور رياضيات عندنا في الجامعه!!

مشهور هو و اسمه Jeffrey Lang...

كثير من الغرب يلحدون لأنهم يفكرون كيف ان الإله يخلق البشر و يخليهم يعذبون و يذبحون بعض!!... و في الأخير يقولون أكيد ما فيه إله...

عشان كذا كانت الآيات من أكثر ما أصابته بدهشه... لأنه وجد الملائكة أنفسهم يسألون الله سبحانه نفس السؤال الي في باله !!

"قالوا أتجعل فيها من يفسد فيها و يسفك الدماء"

عموما هو استمر في القراءة و وجد كل إجابات أسئلته... و كتب هالقصه في كتاب له اسمه Losing my religion.



بالتوفيق للجميع و الشهر عليكم مبارك مره ثانيه



و في انتظار بقية المشاركين...

[Tidus]

حركه صاير الموقع ^__________^

و زين ماني اخر واحد بالقائمه , بس ليش كلمة المعرض صايره هالشكل ~.~

حاليا ما شفت غير تصميم The noble حلو و الله و ناعم ^^ ووين تصاميم البقيه ؟ @@

تراني و لله الحمد خلصت اول جزء ^^

[Arsene Lupin]

حركه صاير الموقع ^__________^

و زين ماني اخر واحد بالقائمه , بس ليش كلمة المعرض صايره هالشكل ~.~

حاليا ما شفت غير تصميم The noble حلو و الله و ناعم ^^ ووين تصاميم البقيه ؟ @@

تراني و لله الحمد خلصت اول جزء ^^

ننتظر تصاميم البقية

ماشالله العالم مدهره قرايه

حاليا النبيل هو الوحيد الي عطاني تصميم... الي يبي تصاميمه تعرض ممكن يرسل ايميل أو يضعها في الموضوع هنا.

[Tidus]

صراحة فيه مقاطع خيال في القرآن الواحد يمر عليها مرور الكرام. و بما أننا في الجزء الأول... فيه مثال مقطع في بداية سورة البقرة عندما أخبر الله سبحانه الملائكه بأنه يجعل في الأرض خليفه.

سورة البقرة بالذات حيل مليانه بالمقاطع و الآيات اللي الواحد يتدبر و يسرح فيها, أحب مروري عليها كاول السور بالقرآن كل ما قريت حتى لو ما ختمته.

ضرب الأمثله بالظالين و المنافقين و ذكر جزاءهم ووصف المؤمنين و اجرهم... شي يخشع له القلب و يلين صراحه.

و تحصل يا ارسين... هم بس يبيلهم فرصه لفهم هالآيات و بلا شك بيهتدون