ههه مب على التاريخ على الاصل ؛ لان العباره ذي اصلها مدينه الحد في البحرين XD
بحكم اني اكبر منك ... و بحكم اني مراقب ... انا اٌقول ان اصلها بوظبي و بس
المشاركة الأصلية كتبت بواسطة Arnegrim
اصلا دول عاجبني و هو من الأعضاء المحببين عندي و هو واحد من اصل 3 عندي على قائمة الأصدقاء و واصلا كلامك كلة يمشي و يعحبني و اصلا انا ما قلت اني اكرهك
و طبعا ابغي اشوف بطاقتك الشخصية XD
ههههه شوي شوي ياخي .. ما كنت ادري اني اخوف لهالدرجه
انجل .... و انا اقول منو اللي كان يقول الحكمه مالك .... دايما معذبتني لأني أحس ان تركيبها اللغوي غلط
المهم ... بطاقه شخصيه تبون؟ مب مشكله ... مع اني اعتقد ان الكل يعرفون
الاسم : Doel .... مب دويل .. و لا دودو ... دول
مكان الاقامة : أبوظبي .. الإمارات و Ann Arbor, Michigan, USA
العمر : شيبنا ... 19 سنه و خمس شهور و 17 يوم
المهنه : طالب جامعي
التخصص: هندسه ميكانيكيه
الطول : 183
الوزن : آخر مره كان 100 ... بس أعتقد اكثر الحين
الهوايات : كل شي و أي شي
.. بس لو تبون تحديد ... السباحه، القراءه، التصوير الفوتوغرافي (شوفوا الوصله اللي في توقيعي ^_^ ) ألعاب الفيديو و بالذات التو دي ار بي جي ... الأنمي أكيد .. لغات ... الفلسفه الزايده بعد
تاريخي مع المنتدى : اوووه .... قصة كفاح دامت 4 سنين ... طويله .. بس يكفيكم تعرفون اني كنت متواجد يوميا تقريبا في الأربع سنين و نص اللي طافوا
احسن انمي هو : هممم ما ادري ... أنا اتابع كل شي .. و كل انمي فيه فكره تجذبني .. و ما اقدر احدد
اخس انمي هو : الأنميات اللي التفصخ فيها شي عادي ... و كأنهم يقولون "احنا مثقفين و كون الناس مفصخين شي ما يهمنا" ... أكبر مثال: Samurai Champloo
اللون المفضل : يمكن الأزق .. ما ادري
نضرتي للحياه : أي حياة أصلا؟ .. انا ميت من زمان
حكمة اكررها : اللي ما يعرف، لا يتفلسف <<--علامة الجوده
معلومات إضافيه: في يوم من الأيام كنت سباح (و للحين .. مع اني ما اتدرب). بالتالي اللي يبا يتضارب معاي .. يلاقيني ورا بوابة المنتدى عقب الدوام
مشاريع حاليه: أول شي و أهم شي الليسن (رخصة القياده) .. فضيحه في الإمارات واحد عمره 19 و ما عنده ليسن ... ثانيا كمن موضوع حلوين للمنتدى.. بس أعتقد كالمعتاد ما بكملهم... اسوي 3D model لسوليد سنيك .. اطلعلي رخصة Scuba diving .... بعد شو ... ما اتذكر والله .. يمكن كمن دوره و ما ادري شو في الصيف هذا و أكيد اكيد أنزل وزني ... مليت .. الله يرحم أيام الرشاقة و العضلات
بس و لا أزيدكم؟
اكسو .... توقيعك معبي الصفحه ما شاء الله ... ما تعتقد صوره و لا صورتين يكفون؟
Doel
رد مع اقتباس
<<<<<امزح 
مشاركة: ][ ][ مجلس منتدى الانمي ][ ][
