امممم انا شايفة انو الموضوع صار كبير كتير 7 صفحات
بس فكرة الموضوع يمكن بدها الف صفحة من المناقشة مش بس 7
هادا موضوع كبير جدا وفي اكتر من وجهة نظر بس بالأخير في اشياء ما في اتنين بختلفو عليها
ومنها انو المنتديات ليست لأغراض الترقيم وعرض الإيميلات وتعرضت اكيد لمثل هذه المواقف وكنت ارد بكل بساطة بالاعتذار لأني كنت بعرف شو اللي بدياه بالضبط
لكن لكل قاعدة شواذ : تبادل الخبرات ومساعدة بعضنا البعض تتيح احيانا الحديث مع اشخاص لأغراض معينة على شرط
أولا واهم اشي : تكون البنت بالذات على قدر المسؤؤلية يعني ما تضيف حدا عرض عليها الإيميل عشان الحكي الفاضي وما بدي اعرف شو هو الحكي الفاضي
ثانيا: يكون الشخص المضاف ايضا على قدر العرض اللي عرضه وسبب الإضافة رح يكون واضح تماما من أول كلمة او من تصرفات الشخص نفسه بالنتدى ببين ليش هو بدو يضيف البنت بدو يضيفها عشان التعارف ولا لأغراض جادة تفيد موقعهما في المنتدى
بدي احكي انه في ناس ( الحمد لله ) لحد هلأ عندهم قدر من الاحترام والمسؤؤلية والتفاهم وابعد ما يكونو عن التفاهة والترقيم والتعارف على اساس حب المعرفة وخلص
المعنى: انه مش كل شخص يُرفض انو يضاف لكن لكل انسان عقل بفكر بس البنات طبعا بدهم يفكرو الف مرة قبل اضافة اي شخص حتى لو كان من بنت اخرى
رأيي الخاص في الموضوع: اعتقد اني هلأ كبيرة وبعرف الصح من الخطأ لذلك املك كل الحرية في تصرفاتي ومسؤولة عنها وكل بنت على ما تربت عليه في بيتها مع احترامي للكل
اما بالنسبة للبنات الأخريات : انا عن جد بستغرب كيف البنت ممكن تطلب من شاب انو يضيفها؟ كيف ممكن تسمحلك كرامتك على الأقل كبريائك انك تطلبي من شخص انك تضيفيه او حتى تضيفيه من دون اذن
ليش عشان اللعب ولا عشان التعارف هي بتعرف شو بدها
بتعجب لما اسمع قصص عن بنات هم اللي بضيفو الشباب يعني بهالحالة كل الشباب برفضو الإضافة؟ اكيد لأ لأن الفرصة اجت لعنده كيف بدو يرفضها اذن كل الحق بالحالة هادي على البنات
ومتل ما حكى لوس شكل البنت الخارجي سواء من الاسم او التوقيع بساعد كتير على تشجيع الشاب على عرض نفسه عليها وقتها يمكن يكون عندو امل انها تقبل الإضافة
حل هذه المشكلة في رأيي: اللي ما بدو يضيف ما يضيف ويعتذر من الشخص عن الإضافة او اذا زاد الموضوع عن الحد يقدم الشكوى للإدارة
شكرا على طرح موضوع مهم مثل هذا
المشاركة الأصلية كتبت بواسطة لوس
...يعني أنت الحين تتكلم جد ومو مزح حسب كلامك....
على كل العمر دائما مايدل على شئ...وربما شخص في ال 25 مثلا وأبو 18 يكون اعقل منه..
وإن يوم القيامة قرب 
أمزح.