قصص للضحك ...

[fatoom]

شفتي خلودوه ...وناسه ...


toto

[shaheen]

احم احم...

الحين انتي يا خلود ويا فطوم... اسلوبكم في الرسم متشابه جدا وحتى نفس دفاتر الرسم... والله غريبة؟ ليكون من نفس المحل بعد؟‍?:

بصراحة رسوماتك مضحكة جدا... هههههههه تعجبني حركة الانتحار بعد ما انتهى وقت الامتحان على الرقص... هههههههههه... انتوا تخلوني ارسم مثلكم بعد... بس بعدين لاتقولون لي تقليد‍‍‍‍‍‍‍‍‍‍‍‍‍!!!

وبصراحة شيخة هذي شخصية رهيبة وشخصيتهه قوية هههههههههه بلغي لها سلامي ترى حتى انا احب الكنغ اوفايترز والريزدنت ايفل... عيل اكيد لعبت اس ان كي ضد كابكوم تو

وانا متشوق لرسوماتك ورسومات فطوم.. وبالانتظار

[orange road]

حرام عليك يا اخ شاهين انك تبوق اسلوبنا في الرسم، لان هذي الاسلوب توصلنا له انا وتوتو بعد تعاون لمدة 3 سنين..
وصح معاك حق.. قوة ملاحظتك قوية.. اي احنا نشتري دفاترنا من نفس المحل، ولعلمك نستخدم نفس نوعية اقلام الحبر واقلام الرصاص بعد..
بمناسبة التقليد.. ابي اعرف.. هل حقوقنا محفوظة هني، يعني مب انشر لي قصة والا شخصية وبكرة القاها في مجلة واحد والا وحدة وكاتبين اسمهم عليها؟؟
ابي اتوضح من هالنقطة..
بصراحة لاني بديت اتخوف اني احط اشياء اكثر.. علشان ما تنسرق،والا انا عندي اطنان من القصص واللي عرضته حتى الحين بس اسكتشات..

[fatoom]

صراحه شيء يعور القلب لوصار ...
أنا بعد أبي توضيح ...

toto

[Rewayah]

يا ربي عليكم كيف خذيتوا الموضوع بحساسية ههههههه !!

لا طبعاً , حقوق كل الرسامين هني محفوظة, ولا في أحد بيسرق شخصية أحد, أو إبداعاته الفنية -_^ !!

بس اللي قصده شاهين هو, أنه أسلوبكم البسيط والمرح والفكاهي الكوميدي عجبه, وراح يتبعة مع بعض شخصياته بأسلوبه الخاص فيه !!

ولا تنسون أنه نحنا هنيه بصدد التعلم من بعضنا البعض !!
ولا يبخل كل واحد فينا بمعلومات علي أخوانه الفنانين !!

فلا تخافن خواتي -_^ !!

لكن لي ملاحظة, أنتوا لا تحطون أفكار خاصة جداً بكم تودون عملها بالمستقبل... مثلاً أنا ما حطيت أي من شخصياتي الأساسية من روايتي الرئيسية سوى شخصية واحدة على ما أضن...
وهذه الروايات والقصص, لن يراها أحد إلا بعد أن يتم إنتاجها بشكل رسمي إن شاء الله !!

مثلاً لدي فكرة لوحش أو مخلوق غريب لم يتوصل إليه اليابانيين أو الأمريكان, مثل هذه الافكار لا أنشرها, لأني سأكون قد حرقت المفاجأة -_^ !!

كما أني لا أنشر قصصي المكتوبة وأفكارها الحيوية, سوى البسيط منها, أو عندما أجد نفسي في حاجة للملاحظات !

لكني قد أنشر قريباً بعض ما ذكرت, وما اعتقد أنه لن يضر !!

تحياتي

[shaheen]

طبعا انا ما اسرق حقوق احد.. على قوله اخواننا الشاميين: انا مابدي آخذ حأ حدا...

بصراحة اللي قصدته تماما كما قال اخي وحبيبي واللي فاهمني رواية
انا واعوذ بالله من كلمة انا.. قصدت اني ارسم قصص مضحكة بالنوعية التي رسمتوها..
يعني بتشوفونها بعدين وبتقرروا اذا كانت نقلا عن اسلوبكما.. او شئ اخر
زين.. على فكرة ترى انا الشخصيات اللي عندي اقدر اسوي بها افلام ومسلسلات والعاب .. يعني ما احتاج اسرق افكار وشخصيات حدا والحمدلله

فمن ناحيتي تطمنوا

ومثل ما قال البعض.. نحن لسنا بمستوى الرسامين اليابانيين لنتحداهم او نقهرهم بس احنا عندنا افكارنا
والمسألة ليست مسألة تحدي

[orange road]

بصراحة.. يعني الواحد يخاف..
تعرفون تعبنا علشان سوينا هالشخصيات وخلقنا حق كل شخصية روحها.. يعني تخيلوا شخصية شيخة ما تكونت عدل الا توها، والا انتوا لو تشوفون القصص القديمة اللي عليها تلقون الشخصية غير، وهالكلام ينطبق على كل الشخصيات..
بس انا حبيت ان تتعرفون على قصة شيخة علشان لما نصدر مجلتنا بعدين يكون عندكم فكرة على الاقل عن مستواها..
معليش يا شاهين.. بس مثل ما قلت الواحد يخاف من سرقة الافكار ..
ولا تفهمونا غلط.. (اف.. عاد ما طلع الا اسم برنامج الام بي سي السخيف؟؟ :غضب: )

[shaheen]

هذه تجربتي

[Rewayah]

ياي فضيعة !!
شاهين ؟!؟!
فضيعة فضيعة فضيعة !!

والله ما توقعت... حتى موضوعك ما كان بالحسبان !!
عاد سوليد سنيك ومطبخ !!
فهمت روح الفكرة !!

الجميل والمذهل أنك قدرت تغير أسلوبك وبشكل جذري !! ما شاء الله عليك !!
اللهم لا حسد... باجي أنا !!
الله يعينه...

يعطيك العافية !!

[shaheen]

شكرا رواية

ارجو ان يتفهمون خلود وفطوم ... ان هذا اللي قصدته

[orange road]

الحين فهمت قصدك يا شاهين..
لكن صج القصة روعة..
لا وشكل سنيك وهو متسلسل في اول صورة تحفة.. الله.. عيل طلعت بداياته جذي..
يعني اهو تعلم من التسلسل حق المطبخ.. لا وامه طالعتله بالمسدس.. امحق ام..
الام مدرسة اذا اعددتها
اعددت شعبا مشرئب الاعناق

[Rewayah]

حلوة هاي "مشرئب الاعناق" كخخخخخخ !!

[shaheen]

الحمدلله فهمتيني...

بس شنو يعني مشرئب الاعناق ؟ ههههههههه

انا عارف منين تجيبوا الكلام ده؟

[fatoom]

cooooooooool
حلوه القصة ...شاهين
والله سنيك خطير ....
و شكرا للتوضيح شباب ...
وكلامكم صح ...
إلي قاله روايه صح ...عن (حرق المفاجأه)
خليتني أفكر مرتين ...امممممممممم

toto

[shaheen]

حرق المفاجأة؟؟؟؟

مممم.. هذه الكلمة واردة في قاموسي... لان جميع الشخصيات اللي حاطها في المنتدى فقط للمنتدى.. هههههه
عندي غيرهم الكثير والأحسن هههههههههه بس... بالرصاص للأسف:":
يعني ينتظرون الفرصة للخروج... واغلبهم لقصص قتالية ورعب وخيال علمي وكوميديا قتالي ههههههههههه

بس ابي اعرف يا خلود..شنو يعني مشرئب الاعناق؟؟؟؟؟.. وايد حوسة!

قريبا الجزء الثاني من سوليد سنيك الصغير