Saints Row [ الموضوع الرسمـي ]

[Emirates]

لين الحين ما تعمقت وايد في اللعبه بعدني

بس احلى شي خلاني الزنجي اسوي مهمات واشتري اسلحه

اي سيارة طبعا عادي اركبهاااا

الاغاني اقدر اسير اشتري اسطوانات

عندي بيت واجمع فيه فلوس في الخزنه خخخخخ وملابس وكل شي

بصراحه حلوه وبعدني ما لعبت بها باللايف اللعبه هذي بلعبها بعد ما انهي العاب عندي لانها بصراحه لعبة تعيش معاها بس بدون اي لعبة ثانية لوووول


وتبغون الصراحه استمتعت فيها اكثر من لعبة ديد ريزينج

يااااااااااااااااااس كوووووووووووووول >>>> استوا واحد من العصابه لوووووووول

[Aspire]

امس العصر مريت على محل كابول وحصلت عنده الشريط وخذته بـ 220 درهم

لعبتها على السريع وصلت فيها اشياء كثيرة

نفس ما قال اخونا شي محلات لبيع الأغاني وفي محلات تسويلك وشم على جسمك

وفي محلات مجوهرات وفي معرض لبيع السيارات وحصلت عندهم لمبرغيني وغيرها من السيارات

واللاعب يكون عنده تلفون ( جوال ) تقدر تتصل على 911 و يرسلولك سيارة اسعاف عشان اتعالجك

وكل ما تتقدم باللعبة تكون عندك ارقام من عصابتك اول رقم حصلته يوم اتصل عليه يوصلك واحد من العصابة عشان يوصلك بسيارته

والرقم ثاني اذا اتصلت عليه يطلعلك واحد من عصابتك عشان يساعدك

في اشياء كثيره بعد لكن لين الحين ماجربتهن

فأنصحكم تاخذون اللعبه لأنها روعه

[Cyber Master]

Cervantes
على فكره الأغاني الى تشتريها تقدر تسمعها حتى وانت على رجولك من خلال الـMP3 player الى معك

Aspire
ايه حركة الجوال رايقه وحتى فيه رقم(مدري كم هو بس طالع سياراة التكاسي تلقاه مكتوب عليهم) لشركة التكاسي اذا دقيت عليه يرسلون لك تكسي للمكان الى انت فيه

عرفت هالمعلومات من المراجعات ولا لين الحين مابعد لقيت اللعبه بالرياض

[Emperor-uae]

مبروك اخويه Cervantes على اللعبه

و بدورها اليوم فى دبي و إن شاء الله القاها و نتلاقى فى اللايف

(على فكره مره لعبت وياك تيبل تينس فى اللايف قبل شهر وشي و فتحنا الأشيفمنتس للفوز فى 5 مباريات متتاليه ...تذكرني )

[حمود جيرمني]

انشاءلله اليوم بروح اشتريها

[Emirates]

مبروك اخويه Cervantes على اللعبه

و بدورها اليوم فى دبي و إن شاء الله القاها و نتلاقى فى اللايف

(على فكره مره لعبت وياك تيبل تينس فى اللايف قبل شهر وشي و فتحنا الأشيفمنتس للفوز فى 5 مباريات متتاليه ...تذكرني )

هلا والله وهل يخفى القمر

بس ياخوك من عداها ما شفتك

فالك طيييب وعزيز وغالي

نتلاقى على اللايف بكون لك عصااابه ههههههههههههه

هيه والله اذكر يوم خشعتني بالتيبل تينس يلاااا نبغي نشوفك على اللايف

عن سايبر ماستر بالفعل جربتها ومثل ما قلت سمعت سيمفونية بيتهوفن ( السي دي الوحيد اللي اشتريته ههههههه تناااااااااااقض ) وانا اسوي مهمات العصابة

[Emperor-uae]

توني اشتريت اللعبه

بس شكلي ما بلعبها اليوم...مالي مزاج

إن شاء الله باجر الصبح بلعبها و راح احط انطباعي عنها

و Cervantes بنتلاقى فى اللايف جريييب بس خلني ايرب اللعبه اول

[حمود جيرمني]

اللعبة ممتازه وممتعه
مع اني توني في بداية المهمات

[SamuraiX]

خخخخخخخخخخخخخ

صارلي يومين شارنها اللعبه و من يومها ما شفت الشمس برع

لا صراحه اللعبه ولا احلى

صح في بعض المهمات نفس جراند سيف بس ستيل في اشياء يديده تجزب الواحد

بس الي ما عايبني انه البطل ما يتكلم

تقولون يمكن يتكلم بعدين؟؟؟؟

خخخخخخخخخخخخخخخخخخخخخخخخخ

يالله خلوني اكمل ضيعت وقت وايد

[محـ ss uae ـمد]

شو رايكم بالسيارة الي حصلتها في الشارع و بعد سيل الدماء استوليت عليها


و هاذي السيارة من تزويدي


شو السالفة يا شباب ما في حد عنده استكشافات
اشياء جديدة ...................؟؟
و ين الردود ....................,,,؟؟؟

انا عندي اشياء وايد و لكن بكتبها يوم الخميس لاني هاذا الاسبوع مشغول مع بداية المدارس .

[محـ ss uae ـمد]

و هاذي من تزويدي

[حــمــانــي]

خخخخخخخخ .. مخذها من منتدى اجنبي

[Tiger Legend]

شباب معقولة ما احد جرب اللايف في اللعبة !

نبغى انطباعاتكم عن اللايف في اللعبة يا شباب !!

[Artistic-Mind]

شباب اللعبة حلوة اللعب ممتع التجكم رهيب ولا مزعج ؟؟؟

[Emperor-uae]

بعد ما جربت اللعبه و لعبتها لأكثر من 5 ساعات...انطباعي الأولي عنها لا بأس بها

بس انا شخصيا افضل ديد رايسينج بكثير,,,احس الفريم ريت تعبان شوي و التحكم لك عليه ايضا....شكلي برجع اكمل الأوفر تايم مود لديد رايسينج...كنت متحمس وايد للعبه قبل ان العبها...بس بعد لعبي لها...راح الحماس خلاص