استفساراتكم حول الـWii Modeships

[القبطان فرفشلي]

اشلون تسوي ابديت لقطعة كوبي ؟؟؟؟؟؟؟؟؟؟؟

كيف تجي هذي ؟؟

[MeLeE]

أصلية ولا كوبي؟

كوبي .

اشلون تسوي ابديت لقطعة كوبي ؟؟؟؟؟؟؟؟؟؟؟

نزل ملف خاص من الموقع الرسمي للقطعه وحرقه على DVD عن طريق اي برنامج يحرق ملفات ISO مثل NERO - DVD DECRYPTER وغيره .

كيف تجي هذي ؟؟

اخوي تحديث المود شيب كان من ايام القيم كيوب والسوني 2 , بس للأسف القطع الي عدنا كلها (زباله ) مع احترامي الشديد لأصحاب الاجهزه , في بعض قطع السوني 2 تقدر تشغل افلام بصيغة AVI وفي بعضها تقدر تلعب العاب ننتندو القديمه و و و و و الكثير من المميزات وبسعر 40$ , اما في المحلات القطعه الي يشترونها ماتساوي 5$ .


انت سألت كيف تجي ؟ في مره جربت اتحدث ال BIOS الي في مذربورد الكمبيوتر ؟؟




اتشوف القطعه السوده ؟؟ الي مكتوب فوقها wiikey ?? هاذي القطعه تدعى EEPROM.

اختصار لي :

Electrically Erasable Programmable Read-Only Memory

اي يعني انها قابله للمسح والبرمجه وهي للقرأه فقط مش مثل ال RAM
وتحديثها هو للفريم وير firmware مثل قطع الدي اس Supercard - m3 , انشاء الله فهمت شغلة التحديث .

[Leonium]

السلام عليكم
اخوي اول شي احب اشكرك على هالموضوع ..
ثاني شي انا من الكويت ومحلات الألعاب بالكويت كلها منعو عنها الكوبي وكل الاشياء الغير قانونيه ، ماتعرف احد بالكويت عنده هالقطعه للبيع او عنده خبره ..
وطبعاً كل شي راح يكون بمقابل انشالله

بالتوفيق

[MeLeE]

ثاني شي انا من الكويت ومحلات الألعاب بالكويت كلها منعو عنها الكوبي وكل الاشياء الغير قانونيه ، ماتعرف احد بالكويت عنده هالقطعه للبيع او عنده خبره ..

اخوي انا من الامارات , فصعب ادلك على محل او مكان ممكن اتحصله انشاء الله الشباب بيساعدونك , ويمكن افكر في يوم اني ايب القطعه من امريكا وابيعها مثل ال M3 , الفكره بعدها لانه الافبال مش مثل ال ام 3 ..

وطبعاً كل شي راح يكون بمقابل انشالله

دعواتك لي وللأعضاء هي المطلبوه في الوقت الحاضر .

[Leonium]

تسلم وماقصرت

[القبطان فرفشلي]

تسلم اخي ميلي على التوضيح

بس عندي سؤال بسيط

دحين القطعة وين تركبها ؟؟؟؟؟؟؟؟؟؟؟؟؟؟

وشكرا

[scaryface]

تسلم اخي ميلي على التوضيح

بس عندي سؤال بسيط

دحين القطعة وين تركبها ؟؟؟؟؟؟؟؟؟؟؟؟؟؟

وشكرا

هذا الشرح عن تركيب القطعة


http://www.wiikey.cn/images/installWiiKey.pdf

[القبطان فرفشلي]

THX scary face

[M64]

السلام عليكم ورحمة الله وبركاته

يعطيكم ربي الف عافيه ع مجهوداتكم الجباره ف الموضوع

عندي استفسارات واتمنى ما اثقل عليكم
انا طبعن قريت الموضوع من اول صفحه لاخرها بس اتمنى مايكون فاتني شي لان الموضوع طويل ما شاء الله تبارك الله = 7 صفحات
انا ساكن بالسعوديه .. بالتحديد في مدينة ابها في جنوب المملكه بس الوي مانزلنا عندنا ف المنطقه
يعني لازم اقرب شي اروح جدهـ عشان اشتري الوي
وش احسن نظام للوي تتوفر عليه العاب ويتوافق مع الوي كي
كم سعر الالعاب الكوبي
كيف احدث الوي وهل احتاج لعبه اصليه او غير اصليه عشان احدث
والا التحديث مو بالضروره يكون فيه لعبه بالجهاز
سوري .. وياريت تساعدوني

اشكركم من جديد

[MeLeE]

وش احسن نظام للوي تتوفر عليه العاب ويتوافق مع الوي كي

افضل نضام والي موجود تقريبا في السوق هو الامريكي .

كم سعر الالعاب الكوبي

حوالي 20 درهم , تقدر اتنزل الالعاب من الانترنت .

كيف احدث الوي وهل احتاج لعبه اصليه او غير اصليه عشان احدث

الي عليك هو تنسخ ملف خاص من الموقع على DVD وتحطه في الويي , الين الحين مانزل ابديت للقطعه جديد ..

والا التحديث مو بالضروره يكون فيه لعبه بالجهاز

لا

[القبطان فرفشلي]

اخوي ميلي حبيت اسالك

اقدر ادخل النت بقطعة الكوبي ؟؟؟؟

وشكرا

[MeLeE]

اخوي ميلي حبيت اسالك

اقدر ادخل النت بقطعة الكوبي ؟؟؟؟

وشكرا

انا دخلت ال wii shop ونزلت اخر update وكلشي تمام . بس اذا سؤالك هل اقدر العب العاب اونلاين مثل بوكيمون , الجواب : ماجربت وانتضر اذا في حد امجرب النسخه اليابانيه . او الين ماتنزل اللعبه الامريكيه .

[M64]

بس داخل اقول لاخوي ميلي كثر الف خيرك ويعطيك ربي الف عافيه

[FAS]

راشد بغيت اسألك ,
عندي جهاز اوروبي ,
هل في قطعة تخليني اشغل الألعاب الأمريكية واليابانية الأصلية . ..؟
مو لازم كوبي , بس ابي الاصلي ...

[Q8_DeVil]

راشد بغيت اسألك ,
عندي جهاز اوروبي ,
هل في قطعة تخليني اشغل الألعاب الأمريكية واليابانية الأصلية . ..؟
مو لازم كوبي , بس ابي الاصلي ...

فيه العاب تشتغل وفيه العاب ما تشتغل
http://wiki.gbatemp.net/index.php/Wi...atibility_List
شوف الالعاب الي تحت
NTSC-U (USA) to PAL
الي على يمينها لون اخضر يعني شغالة
otherwise not working