مجـــــلس الترفيهـــــي

[Freaky Angel]

أدري ان كلهم يعرفون يكتبون قصص بس الفرق يا خالد ، واحد يكتب بضمير
والثاني يكتب لأنه ( حابب ينزل موضوع اليوم ) وصدقني تلقاه فتح الورد الصبح والمغرب منزل موضوع !

ياخي انت مع الحماس قمت تكلج

انا عارف ان قصدك بالاثنين واحد ، يعني تقصد باللي يكتب بضمير ويتعب عليه ساعات من الصبح للمغرب !

اما الثاني يجي ينقل موضوع ويضيفه وهوبا موضوع بالترفيهي

ويج يقول انا عضو مساهم !

مساهم بايش الله يحيك روح غسل وجهك ياخي

شوفوا ّ

بالنسبة للترفيهي انا بما اني اعده بيتي

فأنا هعد نفسي كالأب الروحي للترفيهي Godfather

برمضان ان شاء الله راح ابدأ بشغلة واللي هي بعد السوبر ستار !

هتخلي القسم مشعلل بأذن الله في رمضان !

1- أول شي المواضيع اللي تشمل الصور.. أنا أئيد هاذي المواضيع وبقوة
لأن الصور تضيف للموضوع نكهة أكثر من الكلام لحاله
بس سالفة صورة ويسوي موضوع عليها.. هنا تكمن الموهبة يا فوكس
لأنه جاب صورة وسوى عليها موضوع بثلاثين سطر
وزاد عليها 10 صور... وأنا أئيد هاذي المواضيع أكثر من
المواضيع اللي مجرد كتابه فقط

انت هنا فهمته غلط ..

هو يقصد اللي يحط موضوع ويعلق عليه والسلام !

2- المواضيع اللي تاخذ فوق الشهرين.. مثلك يعني
طيب تأمل معي يا فوكس.. أن لو الأعضاء كلهم مثلك
يعني ينزلون كل شهرين موضوع... بالله بيصير القسم نشيط ولا ميت ؟
والله بالعكس بيصير أكبر قسم ميت في المنتدى
يعني بالله عليك كل شهرين الأعضاء بينزلون موضوع
شوف البرود اللي بيصير في القسم

هنا فهمته غلط كمان

هو يقصد انه مجهز موضوعين من شهرين .. واطلعني عليهن بعد !!

هو قصده انه يبي يحطهم بس مايبي لانه متردد .. لانه يبي يكون شغله درجة اولى !

وذا حقه .. نعم حقه .. اي بالله حقه

يعني أختصار الكلام كله هذا يا فوكس
واللي أنا أطمح له:
أن كل عضو يوميا ينزل موضوع ولو مجرد قصة خفيفة
وفي نهاية الأسبوع ينزل موضوع كبير وحتى ( زاحف )
وكذا في نهاية كل أسبوع بتصير عندنا تحفة من المواضيع
ولو نمشي كذا لمدة شهر واحد.. بيصير القسم أفضل قسم بالمنتدى

<-- لاجا الديك وطلع بيضه ان شاء الله يصير هذا الشي

الترفيهي حاليا فيه فقر اعضاء .. اذا مافيه تحميس للشغل !!

يعني كتبت قصة وماحصلت ردود بالله ماهتطير

المهم حصل خير واجيكم بعدين

سلامز

[Scare_shade]

انت هنا فهمته غلط ..

هو يقصد اللي يحط موضوع ويعلق عليه والسلام !

إذا كان قصده كذا... أجل أنا معاه في ذي النقطة

هنا فهمته غلط كمان

هو يقصد انه مجهز موضوعين من شهرين .. واطلعني عليهن بعد !!

هو قصده انه يبي يحطهم بس مايبي لانه متردد .. لانه يبي يكون شغله درجة اولى !

وذا حقه .. نعم حقه .. اي بالله حقه

إذا كان قصده كذا أجل عز اللله أنها مشكلة كبيرة
تخيل الأعضاء يحطون كل شهرين موضوع.. عشان يبونه يصير درجة أولى
أجل الله يرحم الترفيهي ذاك اليوم

<-- لاجا الديك وطلع بيضه ان شاء الله يصير هذا الشي

الترفيهي حاليا فيه فقر اعضاء .. اذا مافيه تحميس للشغل !!

يعني كتبت قصة وماحصلت ردود بالله ماهتطير

عشان كذا أقولك.. مادام فيه فقر أعضاء لازم بالأعضاء الموجودين نسوي مواضيع كثير
يعني نجتهد فترة.... عشان الأعضاء الباقين برى القسم يشتركون معانا
بعدين كل واحد ياخذ راحته

[II..FOX DIE..II]

والله العظيم ثلاثه .. ثلاثه اللي فاهميني بالدنيا كلها ، وعارفين وش في خاطري من نبرة صوتي !

أمي و سوات و ناصر ( فديته )
بس نصوري مرات ودي امحطه على علباه من الدلاخه ^^

يا شباب لي تعليق على ردودكم .. وابي افصلها كلمة كلمة
بس والله اني تعبان ما اشوف الكيبورد
والوعد بكرة إن شاء الله

سكار شيد ( ألبتشينو ) انا اوريك بس انطر خخخخخ
برب يا حبايبي ^^

[II..FOX DIE..II]

مرحبا زقرت

Scare_shade

وجهة نظرك على عيني وراسي يا البتشينو ^^
لكن لكل شخص وجهة نظر .. وانا اختلف معك في الوجهات فقط لاغير

1- أول شي المواضيع اللي تشمل الصور.. أنا أئيد هاذي المواضيع وبقوة
لأن الصور تضيف للموضوع نكهة أكثر من الكلام لحاله
بس سالفة صورة ويسوي موضوع عليها.. هنا تكمن الموهبة يا فوكس
لأنه جاب صورة وسوى عليها موضوع بثلاثين سطر
وزاد عليها 10 صور... وأنا أئيد هاذي المواضيع أكثر من
المواضيع اللي مجرد كتابه فقط

تساؤلات اطرحها على نفسي

هل من المعقول كتابة قصة كاملة .. بتسلسل أحداثها وشخصياتها بمجرد صورة !
وإدراج صور مرادفه لها !
وهل من الممكن ان تكون هذه الصورة فعلا ً تستحق موضوع مخصص لها !؟
بحيث ان الكاتب يستمد الإلهام منها !؟

إذا ً لماذا لا يألف الكاتب ألبوم صور ويدرجها لنا في موضوع ويقول
( هذي أربع قصص مدموجه في موضوع واحد .. شف اللي يعجبك منها وأقتبس )
<< بموجب أن الموضوع مُسّتبد من صورة !

انا اختلف معك في هذه النقطة 180 درجة فهرن هايت

2- المواضيع اللي تاخذ فوق الشهرين.. مثلك يعني
طيب تأمل معي يا فوكس.. أن لو الأعضاء كلهم مثلك
يعني ينزلون كل شهرين موضوع... بالله بيصير القسم نشيط ولا ميت ؟
والله بالعكس بيصير أكبر قسم ميت في المنتدى
يعني بالله عليك كل شهرين الأعضاء بينزلون موضوع
شوف البرود اللي بيصير في القسم
أما لو العضو يكتب في اليوم موضوع.. وبعد أسبوع يكتب موضوع
كبير... كذا القسم بيمشي زي العسل

والله لو ان العضو هذا " جيمس كاميرون " ما كتب لنا كل أسبوع قصة
وافرض انه جيمس كاميرون .. بالله تخيل مستوى المواضيع اللي بيكتبها من كثرها !
هل راح يكون لها نفس الجود إسبوع بعد إسبوع ؟

راح تلقاه من بعد الأسبوع الأول ينزل لك قصة حيله كلام بس عن قولة اني إسبوعياً أنزل قصة
وهذا اللي راح يسبب المشكلة .. المشكلة يا سكار موب في ندرة المواضيع الحالية
المشكلة في نوعية المواضيع وكثرها ، فيه يمكن 11 موضوع او أكثر والله ، ما عديتها كلها
كلها موجودة في الصفحة الرئيسية لـ قسم الترفيهي والصرقعة ، والله العظيم ما تبت للقسم بصلة !
لا من قريب ولا من بعيد

أسأل نفسك بالله .. هل حنا الحين نعاني من نقص في المواضيع أو نوعية المواضيع !؟

أن كل عضو يوميا ينزل موضوع ولو مجرد قصة خفيفة
وفي نهاية الأسبوع ينزل موضوع كبير وحتى ( زاحف )
وكذا في نهاية كل أسبوع بتصير عندنا تحفة من المواضيع
ولو نمشي كذا لمدة شهر واحد.. بيصير القسم أفضل قسم بالمنتدى

والله لو نزل العضو كل أسبوع موب يوميا ً إلا تلقى مواضيعة هابطه مع الأسف
فما بالك يوميا ً !

خلاص .. انا معاك في النقطة ذي ، بس بشرط

نسوي مسابقة لمدة إسبوع على كل أعضاء الترفيهي ( ينزلون يوميا ً موضوع )
وقارن المواضيع اللي راح ينزلونها في المواضيع اللي يجلسون عليها " خلنا نقول سبوعين "
وانا اول واحد .. راح اكتب كل يوم موضوع
بس ابي معاي .. على الأقل أربعه من فطاحله الترفيهي يشاركون معي
ونسوي مقياس للمواضيع .. والله لو جبنا سوات على البروفيسور على كريس على ساندر ومصرقع

والله ما راح يكتبون موضوع .. يتأمله قرئهم


ناصر

كنت بحط الأيقونه ذي بس طلعه غبي خخخخخ

ياخي انت مع الحماس قمت تكلج
انا عارف ان قصدك بالاثنين واحد ، يعني تقصد باللي يكتب بضمير ويتعب عليه ساعات من الصبح للمغرب !
اما الثاني يجي ينقل موضوع ويضيفه وهوبا موضوع بالترفيهي

صح صح .. معناة اني اقصد شي ثاني بس والله لعيونك صح

بالنسبة للترفيهي انا بما اني اعده بيتي
فأنا هعد نفسي كالأب الروحي للترفيهي Godfather

والله يا يبه .. اللي تبيه راح يصير ، بس مثل ما قلت لك عن المجموعات

وبعدين .. اللي راح تسوونه وناوين تسوونه << مدري صح كذا ولا انا مدبل الواو دلاخه
المهم ، انا معكم

الترفيهي حاليا فيه فقر اعضاء .. اذا مافيه تحميس للشغل !!

يا شيخ توكل على الله .. والله لو انا وانت هينا بس
المهم اني اشوفك بس


سلام ^^

[KLD]

مشاري

اممممم
حتى انا اشوف مالها داعي ،، بالرغم انها تودي صاحب لمكان موضوعه المخالف ،،

.

يعني تتفق معاي

لكن ولا مرة استخدمتها من يوم مارجعت الرقابه .

بس وجودها يربك البعض
اقول انت متى طلعت عساس ترجع للرقابة

II..FOX DIE..II
هلا بالسمي

شوف خالد .. بقول لك الوضع اللي حاصل واللي حنا نعاني منه في الترفيهي
( بحكم اني 24 ساعة متواجد وما اشارك بأي قسم خارج الصرقعة والفريق )

اقول ليش حاط اسمي بخط كبير عساس اسمك هو
المهم ترا مو بس اترفيهي اقسام كثيرة بس الي يهمنا الترفيهي

اللي حاصل سلمك الله من ركود وخمول وقلة المشاركات هي المواضيع التي دون المستوى
بمعنى آخر ان العضو يفضل كتابة سطرين مع كذا صورة ! ، والموضوع أصلن لا يشمل فكرة معينه
بس لقى صورة وعلى حسب ذوقة اعجبته وقال خلونا نسوي موضوع من زمان ما نزلنا موضوع !
وصدقني تلقى كل اللي يردون يجاملونه لأنهم ربعه ويأتون من أقسام آخرى ، هذي نقطه

ياخي انت مو بس بالاسم تتفق معاي<<<مضيع الاخ
صج والله انا رايي بهذا مثل ماقلت بس كنت بقوله بعدين يعني نتناقش فيه بعد مانخلص من هذا
أأجله شوي لان الي كتبوا المواضيع هذي ناس عزيزين علي

النقطة الثانية .. هل المواضيع المخالفة ( اللي فهمته من كلامك ) انها تكدس المواضيع التى لا تعجب المراقب ! او بعض الأعضاء

اي هذا الي اقصده
مثل مثل الرقابة بوزارة الاعلام

اللي حاصل في المواضيع المخالفة .. ان المراقب ينظر للموضوع ويتأكد هل الموضوع يشمل التالي :-
" سيناريو تسلسل أحداث يعني ، ترفيه مواقف فصله يعني ، هل هو منقول ولا لا "
ثم يقرر هل يستاهل وضعه في المواضيع المخالفة أو لا

شوف ردي عن الاقتباس الثاني<<<ليش كاتب رد<<مدري<<<ياجماعة مجنون يكلم نفسه

ولو تلاحظ ان جميع المواضيع التي هناك هي
( نكت ، صور ، موقف معين ما يستاهل ان الواحد يكتب موضوع على شانه )
مع العلم ان يوجد موضوع مخصص لـ النكت وموضوع مخصص لـ الصور

اها عليك نور
مواضيع الصور تروح لموضوع الصور ومواضيع النكت تروح للنكت صح ولا غلطان
والباقي اذا مر عليه يومين او اكثر من غير ردود اهني بكيف المراقب يحذفه او يخليه مثل ماهو
بدال الموضوع هذا كله

منعّنا المنقول لأنه يسرق جهد الغير وينسبه لنفسه ويتحرا الردود كـ ثناء وشكر وغيره من التميلح

هذي اتفق معاك <<<انا اليمين

انا بعد ضد المنقول

والله العظيم عندي موضوعين .. كاتبهم من قبل ثلاث شهور وللحين ما نزلتهم
لأني كل يوم اكتشف ان عندي أخطاء في الكتابه ولازم اني اطور نفسي

اقول قم رح نزل ذا الموضوع فيذا ماشفنا موضوع يضحك من زمان يابعد حيي

لمتى وحنا ننظر لـ الترفيهي على انه قسم يضم أبو ( 11 سنه وطقته )
خلوه حتى الشيبان ابو 45 متواجدين معنا

خخخخخخخخخخ
تصدق دوم يقولون ان الترفيهي منتى يهال وبزران وورعان
ومواضيعه كلها حق كبار شلون مدري

هذه وجهة نظري المتواضع .. وارجوا اني على خطئ

والله ياليت خخخخخخخخ
عزيز وغالي ياخوك


Scare_shade

بالنسبة للمواضيع المخالفة أنا كلامي مثل كلام فوكس وما أزيد عليه

خخخخخخخخخخ
تصدق رحت فوق اشوف منو فوكس هذا نسيت انه فوكس داي

وأنا بقولك شي... تخيل أن هذا الموضوع مهب موجود
وجا واحد من الربع وحط موضوع منقول
شوي ويجي المراقب ويسكر الموضوع ويقول تراه منقول
هنا تخيل ردة فعل ذا العضو.... تتوقع يرجع للقسم بعد ما أنفضح قدام الأعضاء ؟؟
لا والله مهب راجع ألا بعد ما تمير شهور وشهور
وأسأل مجرب .. أنا سويت كذا في القسم العام
وألحين قس بالله ما أطب عليه

انت مجرب ومأيس من الشي هذا لان المراقب مع احترامي له تعامل بطريقة خاطئة معاك اما عندنا بالترفيههي بدال مايسوي ضجة يحذف الموضوع ويدزله خاص بالاسباب
وكل الاعضاء يعرفون انه المنقولة ممنوعة<<<ياروحي عالقافية

بس موضوع ( المواضيع المخالفة ) الله يسلمك يا خالد يستر شوي على العضو
وأرجو أنك فهمت النقطة اللي أقصدها

بالعكس انت تناقض نفسك
الموضوع هذا يفضحه يكون موضوعه بالمخالفة وبجذي ماراح يكتب موضوع وكل الشباب بيعرفون شصار معاه

- أول شي المواضيع اللي تشمل الصور.. أنا أئيد هاذي المواضيع وبقوة
لأن الصور تضيف للموضوع نكهة أكثر من الكلام لحاله
بس سالفة صورة ويسوي موضوع عليها.. هنا تكمن الموهبة يا فوكس
لأنه جاب صورة وسوى عليها موضوع بثلاثين سطر
وزاد عليها 10 صور... وأنا أئيد هاذي المواضيع أكثر من
المواضيع اللي مجرد كتابه فقط

علشان موضوعك الي فاز من النوعية هذي ها

3- مواضيع الزحف حقت الشيبان... .. أنا أئيدها ولكن في كل شهرين
ينزل موضوع واحد بس .. أما لو يوميا والله
بيصير منتدانا زاحف وبقوة.. وأحنا ما نطمح نصير زاحفين
نطمح لأن نرتقي فقط << قام يتفلسف

زاحف وزاحف شنو ظبان انتم
وربي مافهمت قصدك الا بعد قرائة متأنية


Chris Van Dam

بالنسبة للترفيهي انا بما اني اعده بيتي

فأنا هعد نفسي كالأب الروحي للترفيهي Godfather

برمضان ان شاء الله راح ابدأ بشغلة واللي هي بعد السوبر ستار !

هتخلي القسم مشعلل بأذن الله في رمضان !

مح احترامي لك اخوي بس هذي نقطة ان شاء الله انتكلم عنها بعدين <<<مجهز سوالف والله
النقطة اهي انا ملاحظ ان فريق تحرير موقع الالعاب لهم دور بالترفيهي مدري اذا كانوا من زمان اهني او لا ان شاء الله لكل حادثن حديث

[Freaky Angel]

النقطة اهي انا ملاحظ ان فريق تحرير موقع الالعاب لهم دور بالترفيهي مدري اذا كانوا من زمان اهني او لا ان شاء الله لكل حادثن حديث

وش جاب الشمال للجنوب ×.×

يا الترفيهي قسمي من قبل لا اكون من فريق تحرير موقع الألعاب .. وكنت مراقب عليه بعد !

يعني انا ما اشتغل فيه لمصالح .. لانه قسمي الأول ^.^

[Scare_shade]

فوكس
أسمحلي بس أنت نشبة ... ياخي أعطيك كلمة ترد علي بعشر
المهم أنت يبيلك جلسات للتفاهم.. وأنا لك بالمرصاد

تساؤلات اطرحها على نفسي

هل من المعقول كتابة قصة كاملة .. بتسلسل أحداثها وشخصياتها بمجرد صورة !
وإدراج صور مرادفه لها !
وهل من الممكن ان تكون هذه الصورة فعلا ً تستحق موضوع مخصص لها !؟
بحيث ان الكاتب يستمد الإلهام منها !؟

إذا ً لماذا لا يألف الكاتب ألبوم صور ويدرجها لنا في موضوع ويقول
( هذي أربع قصص مدموجه في موضوع واحد .. شف اللي يعجبك منها وأقتبس )
<< بموجب أن الموضوع مُسّتبد من صورة !

انا اختلف معك في هذه النقطة 180 درجة فهرن هايت

شوف أنا ما بناقشك هنا... لأن نص كلامك أو أكثر أنا أتفق معاه
بس أبيك تفهم كلامي اللي كتبته... وهو أني قلت أن مواضيع الصور
تضيف نكهه.. وأن العضو اللي يكتب موضوع على صور هذا عنده
موهبة .. يعني لا تروح بعيد لأن كلامي مشابه لكلامك << صدق أنك وهقتني مدري وش أقول

والله لو ان العضو هذا " جيمس كاميرون " ما كتب لنا كل أسبوع قصة
وافرض انه جيمس كاميرون .. بالله تخيل مستوى المواضيع اللي بيكتبها من كثرها !
هل راح يكون لها نفس الجود إسبوع بعد إسبوع ؟

راح تلقاه من بعد الأسبوع الأول ينزل لك قصة حيله كلام بس عن قولة اني إسبوعياً أنزل قصة
وهذا اللي راح يسبب المشكلة .. المشكلة يا سكار موب في ندرة المواضيع الحالية
المشكلة في نوعية المواضيع وكثرها ، فيه يمكن 11 موضوع او أكثر والله ، ما عديتها كلها
كلها موجودة في الصفحة الرئيسية لـ قسم الترفيهي والصرقعة ، والله العظيم ما تبت للقسم بصلة !
لا من قريب ولا من بعيد

أسأل نفسك بالله .. هل حنا الحين نعاني من نقص في المواضيع أو نوعية المواضيع !؟

بيني وبينك فقط ... أنا صرت أئيد كلامك في أن الموضوع اللي أخذ جهد يوم كامل
ميت في أسلوب الطرح وفاشل في الجودة.... لأني جربت قبل كم يوم... وأسأل ناصر لو ما تصدق
قصة خارج الموضوع xD / تخيل كتبت الموضوع في عشر دقايق.. ويوم حطيته في المنتدى
وقريته لقيته يجيب المرض قسم بالله .. وما مرت 5 دقايق بس على وضعي للموضوع ومسحته ><
يعني زبدة هاذي القصة أني صرت أتفق معاك في هاذي النقطة
بس أنا أخالفك في نقطة وحدة هنا.... مواضيع أم شهرين... والله لو كل الأعضاء بيجلسون
شهرين ويحطون موضوع.. أجل راح فيها الترفيهي
وأنا فاهم قصدك أن الجودة حقته تصير حلوة وعالية... بس القليل المتواصل أفضل من الكثير المنقطع

هامش/ وحاول تقرا ردي زين.. لأني كتبته وأنا ما أشوف الكيبورد

خالد

انت مجرب ومأيس من الشي هذا لان المراقب مع احترامي له تعامل بطريقة خاطئة معاك اما عندنا بالترفيههي بدال مايسوي ضجة يحذف الموضوع ويدزله خاص بالاسباب
وكل الاعضاء يعرفون انه المنقولة ممنوعة<<<ياروحي عالقافية

ما فرقت من المراقب... لأنه بيحط الموضوع منقول ويمشي
بس أما في الترفيهي ما جربت كيف التعامل .. لأني تبت بعد العام



>>> التكملة بعدين لأني ما أشوف دربي

[II..FOX DIE..II]

السلام عليكم ^^

عفوا ًشباب ، أنا عندي ظرف طارئ وممكن أغيب عن المنتدى خمس أيام أو اسبوع بالكثير

ولي باك بأقرب فرصه أن شاء الله

أخوكم / فوكس

[KLD]

وش جاب الشمال للجنوب ×.×

يا الترفيهي قسمي من قبل لا اكون من فريق تحرير موقع الألعاب .. وكنت مراقب عليه بعد !

يعني انا ما اشتغل فيه لمصالح .. لانه قسمي الأول ^.^

اسمحلنا ياخوك
الي مايعرف الصقر يشويه

[II..FOX DIE..II]

السلام عليكم يا شباب الترفيهي

رسالة تهنئه بحلول شهر رمضان ^^

بمناسبة حلول شهر رمضان المبارك ، احب اهنئ المنتدى واقول له
كل عام وانت بخير يا قسمنا العزيز ومبروك عليك الشهر الفضيل
واحب اهنئ ايضاً اخواني وخواتي الأعضاء .. واقول لهم

شهر رمضان شهر عبادة وصيام .. لا تخلونه شهر أيلول
سهر واغاني ومسلسلات وأفلام
تبي تتابع تابع بس باب الحارة 2

والحمد لله اللي بلغنا وإياكم رمضان هذا السنة
وإن شاء الله نلحق على رمضان 2090

سلام عليكم

[العنيد12]

السلام عليكم

طبعاً بما اني عضو صامت متابع للمنتدى منذ برهة تقدر بسنة
ولم اشترك الى قبل برهة أيضاً
وقد خطرت في نافوخي فكرة
فلم ارد ان ابخل بها على الاعضاء
فإن أرادوا القيام بها قاموا بها
وإن لم يريدوا فذلك شأنهم
..............................

الفكرة تتمحور حول فكرة الاحزاب

طبعا انا أعرف ان هناك حزبان
حزب البراتا و حزب البيتزا

حزب البراتا شكلهم أوغاد وحزب البيتزاء شكلهم طيبين

ما علي منهم المهم
الآن لا بد من اقامة حزبين جديدين

ثم تكون المنافسة بينهم لمدة اسبوعين
بعد ذلك تقيم مواضيع الاحزاب من 10
ثم تجمع النتائج
الحزب صاحب أكبر عدد من النقاط
يحصل كل أعضائه على عدد من النقاط وعلى لقب تحددان من قبل الهيئة العليا لحفظ السلام
وصاحبا المركزين الثاني والثالث يحصلان على نقاط أقل
أما أعضاء الحزب ذو المرتبة الأخيرة فلا يمكنهم المشاركة في المنتدى الترفيهي لمدة اسبوع كعقوبة
ويخصم من نقاط ترشيح كل عضو

وتنشاء الهيئة العليا لحفظ السلام المكونة من المراقبين لوضع الجوائز والعقوبات

...........................
هذا ما جال بخاطري خلال قرائتي لبحثكم عن حلول لإيقاظ هذا المنتدى ويمكنكم تجربة الاقتراح خلال اسبوعين

لتنظروا ان كان هناك تفاعل أم لا

...................................

وتقبلوا خالص تحياتي
....
12

[II..FOX DIE..II]

العنيد 12

أشكرك على الأدلاء بدلوك
لكن فكرة الأحزاب فكرة ما تخدم الترفيهي في الوقت الحالي
لذالك أخي ترا عندنا مسابقة الرمضانية وبها جوائز قيمه تخلي الواحد يسعبل
تفضل كليك هنا ==> أي هينا خخخ

وش رايك بالمسابقة والجوائز .. بالله موب ابرك من الأحزاب و وجع الراس للمراقبين والقائمين على المسابقة
فكرتك حبيبي راح تكون في الحسبان

بس نبي المسابقة تخلص ، وبعدين يحلها ألف حلاّل

أشكرك أخي على المتابعة للقسم و مشاركتك أيضا ً

لا هنت

[TiTaN]

أؤيد كلام فوكس و لكن اقتراحك و اهتمامك مشكور

[II..FOX DIE..II]

السلام عليكم ورحمة الله وبركاته


شباب .. بغيت منكم خدمة بالله ، لوجه الله
واللي يبي شي مادي او ملموس لا يستحي


شباب خاصية " you tube " اللي في الردود شلون استخدمها
عندي مقطع بخربها وبحطة

لا والله صحيح .. شلون اضيف في ردي مقطع يوتب !؟
ارجوا الإفادة بسرعة يا شباب وشابات

عندي مقطع لـ رونالدو ابن الذينا ابغى اشارككم فيه شلون

http://www.youtube.com/watch?v=b0g5jpJGIyg
هذا الرابط .. ابي واحد يتكرم ويشرح لي شلون اضيفه في ردي ؟

[II..FOX DIE..II]

اقول .. قسما ً بالله لو بنت اللي تسأل كان عشرة ردوا عليها !؟

استحوا على وجيهكم ترا موب عيب اللي يعلم الآخرين شي ما يعرفونه
ولا هوب عيب انك ترد وتقول والله ما اعرف

بس العيب التهميش اللي كذا !