[كرسي التعذيب] الصهيبي2010 سيكون أضحية العيد XD

[Arashi]

بجاوب النص الاول اليوم والباقي طبيعي باجر خصوصا الاسئلة الرياضية

no problem

سؤالج ماله جواب
مهما عدت المقطع مو فاهم الا سيفيروث
اظن انها اوبرا روسية اذا ما خاب ظني

مش مهم تكتبها صح..اكتب الخرابيط اللي تسمعها ^^
أنا أبيها غلط
مادري والله شنو اصل الاغنيه

سايلينت هيل مدينه مخيفه
تمشي فيها بخطوات خفيفه
وحوشها كريهه وسخيفه
وسلاحك صابون وليفه
مهما سويت مهماتك مستحيلة
ايه والله
وين ما تروح الدنيا عفيسة
بتلقى لورا وايدي بوريحة
ريحة زواع XD
وان كملت بعد بتلقى انجيلا بالحريجة
وماريا وانا العب جدام اخواني فضيحة
اوووف تقول عاد >_>
والا جيمس بمخدته خلى مرته مستريحة
حتى اكيرا خرعنا بالحانه الغريبة
خاصة لحن الفندق في الاخير @@
وأليكس يذبح اخوه ويقول ياليتها جت سليمة
مسكين يتحلّم XD
كنت بطلعه معاي ونتقاسم السفينة
بسبب خاتم انقلبت حياتي فضيحة
هههههههههه ايه والله
صارت سمعتي بين الناس تعيسة
وعقلي بعد اللي صار عن التفكير بشيله
وحياتي بالعسكرية بتصير حياة جريئة
بمهاراته ونطاته حتى الغزال ما يصيده
ههههه الجنون وما يفعل بالواحد XD
اليكس رد وصارت عنده خطة يديدة
وينك يا جوش ما قريت عن اخوك البطل بالجريدة
يما ما شفتي جوش؟ ابي افهمه هالقصيدة
هههه شاعر المليون

خلاص هالقصيده معتمده لـTeam Silent

ورضات بين فترة وفترة كانت تبعدني اسبوعين تقريبا لان العضلة تكون ضعيفة واحتمال حصول الالتواء مرة ثانية كبير

هممممم معلومه مهمه جدا جدا

اصلا ما اغيرها
اما بتلفوني احط هذه

True كانت رتني الشهر اللي طاف
بس كنت قاصه بدايتها لأن صوتها واطي وحولتها reminder

promise تمام وتنسمع عدل XD

اوكي انتظر التكمله

[EL Madridsta]

تومي الاسبوع قرب يخلص
واحسك للحين ما تعذبت كفايه
يالله جم سؤال على الطاير

1 - جم اكثر مسافه تقدر تركضها بدون توقف

2 - اكثر مده مشيتها بدون توقف

3 - ابيخ موقف صارلك مع مدس من مدرسين الثانوي << جاي من المدرسه ودايخ xD

4 - اي متصفح تستخدم للنت ؟

5 - شنو الشي الي جذبك وخلاك تسجل في المنتدى

6 - بما انك تدرس ادب فهل تعرف منهو لافونتين و منهو لافونتين

7 - شرايك في الاسئله

اسأله كلش غير مترابطه وداشه عرض على بعض بس ما عليه المهم انك تتعذب وانت تجاوبها :P

[Mr.Tommy]

اراااشي

6-رأيك بهذه الشخصيات التاريخيه الشريره:

ابولهب: من اغنياء قريش ومعروف انه عم الرسول عليه الصلاة والسلام وكان دايما يحاول ايذاءه بشتى الطرق
مثال للانسان الشرير اللي متعته بأذية غيره حتى انه بغزوة بدر ما قدر يواجه الرسول وقام استأجر العاص بن مغيرة ياربعة ألاف درهم عشان يقوم بمقاتلة الرسول. متعته بتعاسة غيره


أبوجهل

ههههههه كنت اظن قبل ان بو جهل اهو بو لهب مادري ليش
هالانسان مثال للجاهلية, كان يدري بصدق نبوة محمد عليه الصلاة والسلام بس مع ذلك استنكر انه يكون تابع لاحد, واناه اهو سيد نفسه. انسان ذكر في القرأن على انه "جحودا" ومتكبر, مثال للجهل والتكبر بتاريخ صدر الاسلام

فرعون

فرعوون عجيب ههههههه, المرتبة اللي وصل لها من السلطة خلته يظن انه إله يعبد وان ماكو شي بالدنيا يوقف جدامه, بس نهايته كانت عبرة حق غيره من الاشرار ( من ضمنهم بعض الناس ) عشان يعرفون مثام نفسهم وانهم مهما اوصلوا بالدنيا بالنهاية يبقون بشر

هتلر

هتلر انسان مكافح ويؤمن بقضيته ويحب وطنه وهالشي لا نقاش فيه, بس عنصريته اهي المشكلة, يشوف ان الدم النازي اهو الدم الطاهر اما الباقي حدث ولا حرج, طبعا الكل عارف شنو سوى باليهود ( كان الدور علينا بعدهم ). انسان بنى نفسه بنفسه ومن ايام السجن لما كتب "كفاحي" وهو يدري انه يقدر يغير العالم, له كاريزما اثناء خطاباته ويقدر يقنع اللي جدامه بصدق قضيته, بس نهايته كانت نهاية ديكتاتور وانتحر قبل لا يشوف الروس يفوزون عليه بارضه
بعض الناس يشوفون انتحاره شي من الشجاعة والشرف بس انا اشوف انه نوع من الجبن, ترك بلاده وفضل ينتحر


ماري انطوانيت

زوجة لويس الـ16 اللي كان "سكانه مرته"
السبب الي يخلي ماري انطوانيت مكروهة اهو انها كانت مبذرة لاخر درجة, مثل حريم هالايام بس نسخة اكبر شوي>>> بينطق
كانت دايما تقيم حفلات ومسابقات ومسرحيات وقمار وما اكترثت للازمة المالية اللي قاعد تصيب البلاد زوجها ضعيف شخصية وماله كلمة وهي الل كانت تعطي القرارات, بعدها صارت مشاكل وبدأت ثورة واقنعت زوجها انهم ينحاشون لكن بعد فترة تم اتهامهم بالخيانة واعدموا زوجها الملك ومن ثم تم ربطها في عربة والتجول بها حول باريس وطبعا "اقزرت عليها" رمي الاوساخ وغيرها عليها وبالنهاية وضعوا رأسها بالمقصلة و.....انتهت فترة الملوك في فرنسا

تعلموا يالشباب ما تعطون حريمكم ويه وتعلموا يالحريم ما تصرفون كل فوسكم عالجناط والمكياج>>> رسميا بينطق


اليزابيث باثوري (اظن هذا اسمها هالسفاحه؟)

اذا ما خاب ظني هذه الكونتيسة اللي كانت تسبح بدم البنات الجميلات عشان تحصل على جسم بجمال ابدي
في اشاعات تقول انها زميلة لاراشي وتعرفها بطريقة مجهولة
وان اختفاء بعض النساء في الدوحة مرتبط بهذا الشي

ننتظر مراسلتنا يامي توضحلنا المزيد عن هذا الموضوع

7-متى اخر مره حلقت راسك بالكامل؟

قبل 5 سنين تقريبا ومو ناوي اعيدها

السؤال 8 بأجل الجواب لوقت مناسب مع سؤال تصوير الاكل

-شلون شكلك (في الواقع صج) وانت تقرى أسئلتي؟ عبر عنه بسمايلي

10-اكتب سؤال لنفسك وجاوب عليه..يعني عذب نفسك بنفسك (شرط مايكون هالسؤال له علاقه بأي احد غيرك)

حلم تتمنى تحققه؟

احتل العالم كله وأبدي مخططاتي السرية فيه

----------------------------------

يااامي ام العتاريس

غريبه مافي غير اراشي تعذب؟؟

يومين ماعذبت قلت امر اسلم عليكم

اول مرة اشوفج تغيبين وارتاح بغيابج هههههههههههه

1- طبعا انتوا الاولاد ما شاء الله عندكم حريه اكثر من البنات ^^ شنو الي عند البنات
تتمنى تقدر تسويه؟؟

ابنات احس يعيشون الدور وايد لما يتكلمون بسالفة واحس حيل يندمجون بالسالفة حتى لو مالها داعي
عكس الشباب لو تقول سالفة قوية الجواب بيكون right......
ودي اعرف اعيش الدور مثلكم واتحمس حق سالفة بهالطريقة
انا حتى لو تنزل سايلنت هيل باجر وتكون مفاجاة هذا ويهي لما احد يقولي

2- هل قمت بزيارة دولة قطر من قبل ؟

ما حصلي الشرف بس في زيارة بالطريج

3- ولد عمتي في سنك عرسه يوم 19 نوفمبر ان شاء الله .. ايش تحب تقول له ؟

يأجل العرس عشر سنين

4- تعرف العضو MzizouM؟ اذا لا اسأل G4mer على الخاص منو هذا
ولما يجيك الرد نزله لنا في الموضوع

تم الارسال وجاري الانتظار

5- هل قدر اكيهيكو يقنعك تلعب لعبة Nier ؟

اي شخص يقدر يقنعني بأي لعبة اذا عرف من اي جوانب يمدحها لي

6- زعلت لانك ماظهرت في جابتر 2 من Umbrella school ؟؟

هههههههههه لا شدعوة
انا مو ناطر دوري قاعد اقرا وانا مستمتع بالقصة والساوندتراكس
وكل تأخيرة فيها خيرة
انا مزهب الدوريتوز حق الجزء الثالث

7- جربت تاكل سوشي ؟؟

على الرغم من اني محاط بناس مدمنين سوشي وانا شخصيا اموت بالاكل البحري بس ليلحين ما جربته
لا تسأليني ليش ههههه

8- منو تحب اكثر من اولادك في cute factor الجلب ولا القطو ؟

سؤال غريب بس الجلب لانه يدخن ههههههههه

يالله كفايه عليك ^^ مخي مقفل وداخله بوقت مش مناسب النت

ماااشي شكرا على التعذيب الخفيف

----------------------------

المدريدستا

تومي الاسبوع قرب يخلص
واحسك للحين ما تعذبت كفايه
يالله جم سؤال على الطاير

لااااااااا من يقوووووووول, تعال شوف حالتي بس الدراسة والاسالة هني وموضوع سايلنت4 وفيك خير قولي ما تعذبت
ربعي مو شايفهم من اسبوع هههههه

1 - جم اكثر مسافه تقدر تركضها بدون توقف

ركض ركض يمكن 400 كيلو مادري ما جربت
اما هرولة 16 كيلو تقريبا

2 - اكثر مده مشيتها بدون توقف

لما رديت من الشاليه لي بيتنا مشي قبل الليسن باسبوع مع ولد خالتي>> مغامرة ما قبل الكسل والحصول على السيارة
طلعنا اول ما ش النور عالساعة 4 وصلت بيتنا 12
بس لا تسألني جم كيلو مادري بس وايد

3 - ابيخ موقف صارلك مع مدس من مدرسين الثانوي << جاي من المدرسه ودايخ xD

جاوبت عليه بأحد اسالة اراشي يالدايخ

4 - اي متصفح تستخدم للنت ؟

Google Chrome

5 - شنو الشي الي جذبك وخلاك تسجل في المنتدى

هم هذا جاوبت عليه بوقت سابق
اقرا الاسالة والاجوبة قبل لا تسأل

6 - بما انك تدرس ادب فهل تعرف منهو لافونتين و منهو لافونتين

ما خذيت اي شي له من قبل بس اعرف انه روائي فرنسي مشهور بكتابة اروايات الخرافية Fables

7 - شرايك في الاسئله

غريبة بس حلوة
عيبها مكررة شوي
حياك

اسأله كلش غير مترابطه وداشه عرض على بعض بس ما عليه المهم انك تتعذب وانت تجاوبها :P

أسالتك اسألة روضة لو قارنتها بأسلة ملكة الشر اراشي هههههه

[Arashi]

ابولهب: من اغنياء قريش ومعروف انه عم الرسول عليه الصلاة والسلام وكان دايما يحاول ايذاءه بشتى الطرق
مثال للانسان الشرير اللي متعته بأذية غيره حتى انه بغزوة بدر ما قدر يواجه الرسول وقام استأجر العاص بن مغيرة ياربعة ألاف درهم عشان يقوم بمقاتلة الرسول. متعته بتعاسة غيره

لكنه معفي من عذاب القبر كل اثنين

أبوجهل

ههههههه كنت اظن قبل ان بو جهل اهو بو لهب مادري ليش
هالانسان مثال للجاهلية, كان يدري بصدق نبوة محمد عليه الصلاة والسلام بس مع ذلك استنكر انه يكون تابع لاحد, واناه اهو سيد نفسه. انسان ذكر في القرأن على انه "جحودا" ومتكبر, مثال للجهل والتكبر بتاريخ صدر الاسلام

ونهايته انه قتل على يد ولدين صغار..يستاهل

فرعون

فرعوون عجيب ههههههه, المرتبة اللي وصل لها من السلطة خلته يظن انه إله يعبد وان ماكو شي بالدنيا يوقف جدامه, بس نهايته كانت عبرة حق غيره من الاشرار ( من ضمنهم بعض الناس ) عشان يعرفون مثام نفسهم وانهم مهما اوصلوا بالدنيا بالنهاية يبقون بشر

الغريب انه كان بار بأمه لدرجه ان الله سبحانه وتعالى لما موسى دعى عليه اخر الاستجابه 8 سنوات بسبب برخ لوالدته

هتلر

هتلر انسان مكافح ويؤمن بقضيته ويحب وطنه وهالشي لا نقاش فيه, بس عنصريته اهي المشكلة, يشوف ان الدم النازي اهو الدم الطاهر اما الباقي حدث ولا حرج, طبعا الكل عارف شنو سوى باليهود ( كان الدور علينا بعدهم ). انسان بنى نفسه بنفسه ومن ايام السجن لما كتب "كفاحي" وهو يدري انه يقدر يغير العالم, له كاريزما اثناء خطاباته ويقدر يقنع اللي جدامه بصدق قضيته, بس نهايته كانت نهاية ديكتاتور وانتحر قبل لا يشوف الروس يفوزون عليه بارضه
بعض الناس يشوفون انتحاره شي من الشجاعة والشرف بس انا اشوف انه نوع من الجبن, ترك بلاده وفضل ينتحر

اصلا انا اشك انه كان من عبدة الشيطان بسبب شعاره (واحد من علاماتهم) بس الغريب انه حرق حبايب الشيطان

ماري انطوانيت

زوجة لويس الـ16 اللي كان "سكانه مرته"
السبب الي يخلي ماري انطوانيت مكروهة اهو انها كانت مبذرة لاخر درجة, مثل حريم هالايام بس نسخة اكبر شوي>>> بينطق
كانت دايما تقيم حفلات ومسابقات ومسرحيات وقمار وما اكترثت للازمة المالية اللي قاعد تصيب البلاد زوجها ضعيف شخصية وماله كلمة وهي الل كانت تعطي القرارات, بعدها صارت مشاكل وبدأت ثورة واقنعت زوجها انهم ينحاشون لكن بعد فترة تم اتهامهم بالخيانة واعدموا زوجها الملك ومن ثم تم ربطها في عربة والتجول بها حول باريس وطبعا "اقزرت عليها" رمي الاوساخ وغيرها عليها وبالنهاية وضعوا رأسها بالمقصلة و.....انتهت فترة الملوك في فرنسا

تعلموا يالشباب ما تعطون حريمكم ويه وتعلموا يالحريم ما تصرفون كل فوسكم عالجناط والمكياج>>> رسميا بينطق

دونت ووري انا ضد حكم المرأه وتدخلها في السياسه وضد ان الريال يشتري كل شي مرته تبيه حتى لو ماله داعي
وترى ماري غبيه..مره قالوا لها النسوان "احنا ماعندنا قمح نسوي خبز مادري ايش" ردت عليهم"كلوا بسكوت"...انزين يالغبيه المكونات هي نفسها
وبعد طلعت خاينه لأنها كانت تحب المعفن فيرسن مادري ايش اسمه

اليزابيث باثوري (اظن هذا اسمها هالسفاحه؟)

اذا ما خاب ظني هذه الكونتيسة اللي كانت تسبح بدم البنات الجميلات عشان تحصل على جسم بجمال ابدي
في اشاعات تقول انها زميلة لاراشي وتعرفها بطريقة مجهولة
وان اختفاء بعض النساء في الدوحة مرتبط بهذا الشي

ننتظر مراسلتنا يامي توضحلنا المزيد عن هذا الموضوع




قبل 5 سنين تقريبا ومو ناوي اعيدها


ليش مب ناوي تعيدها...لاتكون مت من البرد لأن راسك ما عليه لحاف؟

السؤال 8 بأجل الجواب لوقت مناسب مع سؤال تصوير الاكل

نو بروبليم


حلم تتمنى تحققه؟

احتل العالم كله وأبدي مخططاتي السرية فيه

اكيد انت ابن ابن ابن عم هتلر


ابنات احس يعيشون الدور وايد لما يتكلمون بسالفة واحس حيل يندمجون بالسالفة حتى لو مالها داعي
عكس الشباب لو تقول سالفة قوية الجواب بيكون right......
ودي اعرف اعيش الدور مثلكم واتحمس حق سالفة بهالطريقة
انا حتى لو تنزل سايلنت هيل باجر وتكون مفاجاة هذا ويهي لما احد يقولي

عاد تعال لما نتكلم عن هوشه...نموووووووووووت من الحماس

يأجل العرس عشر سنين

هههههه ياريت يسمعها منك...وقت العرس مب مناسب .. رابع العيد عاد!

انا مزهب الدوريتوز حق الجزء الثالث

انت بعد تاكله؟ ههههه عاد ماوصيك على صلصلة الطماطم المكسيكيه وححليب شوكولاته المراعي (وجبتي امس خخخخ)


هالمره مب كاتبه شي برجع بعدين

[Mr.Tommy]

يامي

هذا رد جيمر على الرسالة اللي دزيتها له

أممم
والله أناما أعرفه
بس الي أعرفه
أنه يبوس وايد ويقول حبابي
و أسئلته سخيفه
-_-
لاتقولي أنه سئلك ...!

هههههههه احد يفهمني شالسالفة؟

[Arashi]

^^^^

هههههههههه مافي حد ماحصل على بوسه منه XD
وكان يمووووووووت في جيمر ويدلعه "جمووووري"

ومادري ليش زعلان علي لني مطنشته XD

خساره كان مسوي جو XP



يالله كمل اسئلتي والا

أسلّط غعليك ابو البوسات

باقي السالفه في المجموعه XD

[Mr.Tommy]

كلهم سؤالين وبحط الجواب اول ما انفذهم

اشوة اليوم ماكو شي ههههههه
هانت مو باقي شي تخلص فترة العذاب

[Arashi]

خلاص مب مشكله بسأل أسئله خفيفه ^^

ســــهم العــــــذاب المـــــتحوّل (النسخة 4.3)













1-وييييين صورة قطوتك Alex؟ أبي اجوفها

2-عادة وين تروح بأفكارك لما تكون سرحان؟

3-هل انت راضي عن شكلك اللي رسمته للقصه ام تحب اسوي عليه تعديلات؟



4-منو من شخصيات القصه (اللي في الصوره بس) تحس تصميمهم cool ؟

5-متملله الحين شنو تنصحني اسوي بعد تعذيبك؟ (لو ما لقيت لي حل بتم أعذبك لين انعس وانام)

[g4mer]

-_-IIIIIII


مستر تومي
كم ساعه تلعب في الصيف يوم تكون فاظي ..يعني بالمختصر المفيد انت من الناس الي تلعب 6 أو 7 ساعات متواصله
^^ ! خخخ أدري اني زوتها بس
ممكن تصورلي الكولكشن مالك
silent hill
resident evil
في خاطري اشوفهن =)

وصحيح -_-IIII
شو سالفت السجن ...


عاد تومي أدري أن أنت في الكرسي بس ودي أسئل أراشي كم من سؤال :
أراشي الساعه كم ترقدين ؟ -_-

[Arashi]

أراشي الساعه كم ترقدين ؟ -_-

وييييييه انا مب الضحيه مايصير تسألني XD

ما شبعت من تعذيبي لما كنت عالكرسي؟

[Akira]

hola XD

مستر تومي i am BAck

هههههههه حرام عليك 181 زرافة

ما أدري لكن اللي طولهم كذا
يلقبون بهذه الجمله ,’

طويل هبيل مربع مستطيل ×__× ههه

آروشي ,’

Good Job King.de kun

هههه مبسوطه أن أسهمك صارت مشهوره
لكن نحن معك حتى النهايه

وليييييييش ماعزمتنا عالعرس؟ نبي نسمع طقهم في بلوتو شلون

تعرفين أنا مقدر ظروفكم
خصوصاً في المواصلات يعني لازم يكون عندكم صاروخ O__O
وطقهم قريب من هذا النوع من الأغاني
في خروج العروسه وهي جايه عندي كانت هذه الغنيه موجوده XD
http://www.youtube.com/watch?v=G_QG9reWo40
lol


mr.tommy

:. موقف محرج حصل معاك " بالتفصيل " ؟


:. إي لعبه تلعبها حاليا ؟

:. أي أنمي تشوفه حالياً ؟

[Mr.Tommy]

1-وييييين صورة قطوتك Alex؟ أبي اجوفها

اهو قطو مو قطوة ههههه

هذه صورته وهو صغير




وهذه وهو كبير

2-عادة وين تروح بأفكارك لما تكون سرحان؟

يا شراح اسوي اليوم
او بشي شغل انتباهي مثلا موقف صار او شي قلته
واحلام اليقظة, عادي اصير أليكس لمدة 45 دقيقة بالمحاضرة واعيش سايلنت هيل بمخي
ومرات اتخيل اشياء تصير فجأة مثلا قاعد بالكلاس والدكتور يشرح اتخيل شي يصير مثل فيضان ويدش الماي من الباب ويبسحب الطلبة وبعدين تصير فتحة من الظلام تقعد تبلع فيهم وواحد منهم يمد ايده يبيني اساعده وانا اخليه ينبلع
وفجأة ارد للواقع والهدوء المل
بس اكثر شي اسرح لما واحد يكلمني بسبة اني اكون بنفس الوقت اللي يكلمني فيه اكون قاعد اسال نفسي اسالة مثل "شنو يبي يوصله؟" "شكله اليوم مستانس بس شنو اللي صار معاه اليوم وما صار معاه من قبل عشان يكون جذي مستانس" "ليش متوقع مني بحله هالمشكلة في وايد غيري شمهنا انا"

يعني الف شغلة تلعب بتركيزي بصراحة ههههه

3-هل انت راضي عن شكلك اللي رسمته للقصه ام تحب اسوي عليه تعديلات؟

ايه حدي راضي اشوة ان شعري قصير
حدي راضي بعد ما شفت رسمة نايتندو ريفو بالذات هههههه
بس ليش كلنا بيض خلي جم واحد اسمر شوي نبي تان هههههه

4-منو من شخصيات القصه (اللي في الصوره بس) تحس تصميمهم cool ؟

هيكاري وكاسح وتومي وايتاشي واراشي واراشي

5-متملله الحين شنو تنصحني اسوي بعد تعذيبك؟ (لو ما لقيت لي حل بتم أعذبك لين انعس وانام)

انصحج تشتغلين عالترجمة ههههههههههههههه
انا اقولج
تخيلي باجر عليج امتحان وبتلقين كل شي حلو وودج تسوينه
ضبطي مزاجج حق لعبة تتحمسين لها وييبي الدوريتوز وباقي الشغل وكملي يومج عالتلفزيون

[King36o]

اراتشي قاعدة قعدة على راسك يالنوب

قبل لا تقوم عن الكرسي خل اسئلك جم سؤال

1- اوصف نفسك بـ 5 كلمات؟

2- شنو السيارة الي تتمناها؟ يمكنك ذكر 3 سيارات

3- شنو بتكون ردة فعلك اذا دست قطو بالسيارة؟

4- اذا لم تكن fan لأي من العاب الرعب ( سايلنت هيل و خمتها ) بتكون fan لأي لعبة؟

5- اكثر لعبة خيبت ضنك؟ يمكنك ذكر 5 العاب.

6- كنت قاعد تاكل في مطعم, و دش عليك واحد ضخم شكله مصارع و ضربك كف و هو يقول : ليش تلمس اختي
مع انك ما تدري شسالفة ( يعني برئ من التهمة ), أو انه ضرب شخص غلط, كيف بتكون ردة فعلك؟ << احس انك بتكرهني زيادة على هذا السؤال

7- اوصف كل من هؤلاء بكلمة وحدة ( نمبر 2 - فارس - بدر نمبر 1 - بدر نمبر 2 - روميو - جيمس لايت - مدريديستا - براديتور ) بأستثناء نمبر 2 اوصفه بكلمتين

و بس هاي الأسئلة, >فيه Easter Egg تحت<
---
-

راسك

[Mr.Tommy]

-_-IIIIIII


مستر تومي
كم ساعه تلعب في الصيف يوم تكون فاظي ..يعني بالمختصر المفيد انت من الناس الي تلعب 6 أو 7 ساعات متواصله

هلا جيمر
شوف انا العادة ما العب اكثر من ساعتين او ثلاث بس اذا اندمجت اندمجت بلعبة عادي 14 ساعة متواصلة واكثر
الانمي مثلا اذا عزيت انمي وعندي ايام فراغ عادي 30 حلقة باليوم مثل فل ميتل وبليتش يوم شفتهم
يعني كل شي يعتمد على اللي قاعد اجابله
سايلنت هيل اجابلها 8 الى 10 ساعات بوقت فراغي اما العاب الاربيجي طبيعي اكثر

^^ ! خخخ أدري اني زوتها بس
ممكن تصورلي الكولكشن مالك
silent hill
resident evil
في خاطري اشوفهن =)

ههههههه انت عطني اسبوع ونص خل توصل طلبيتي النادة حق الكولكترز اديشن امل سايلنت 2 و3 واوريك اخيرا الكولكشن مالي
بعض الاشرطة ماخذها بال وان تي سي
اما ريزيدنت ايفل بما ان اغلب اجزاءه عالسوني1 فشاريهم عالجيم كيوب ومنزلهم من الستور بالسوني
فيتل فريم ناقصني الثالث اصلي
اصورهم لك قريبا

وصحيح -_-IIII
شو سالفت السجن ...

اي سجن S:

عاد تومي أدري أن أنت في الكرسي بس ودي أسئل أراشي كم من سؤال :
أراشي الساعه كم ترقدين ؟ -_-

هههههههه شكلها اخس مني بالنوم, ما تنام وايد

[Akihiko]

لا تخلي الكمبيوتر يعلق مرة ثالثة ! XD

1- لون عيونك ؟
2- ويش عجبك وما عجبك في RE5 , عطنا ملاحظاتك وتعليقاتك بس بدون ما تحرق على الي ما لعبها!
3- اعضاء تبي تفهمهم اكثر؟
4- اعضاء تتمنى تشوفهم على الكرسي؟
5- توقع اصحاب هالردود !

لا تقولون جذي ترى كينج دي بيتحطم

تو ما نور الكرسي

بالصراحه ودي اعذبك .. بس ما اعتقد عندي الوقت ^.~
سوو بكتفي بالمشاهده

اتمنى لك التوفيق

هممم Akihiko
والله ودي اعذبك
بس ماقدر لأني اعرف كلشي عنك بدون ما تاتقوله
فبقعد استمتع برؤيتك تتعذب على ايد باقي الاعضاء

6- وين تتمنى تسافر و ليش؟
7- اشياء مميزة صارت لك هالسنة ؟

8-منطقه من جيم تتمنى تعيش فيها؟ < هدية من اراشي
9- لو توك صاحي من النوم ولقيت صرصور ووزغة (برعصي xD ) يتضاربون عند باب الغرفة ويش راح تسوي ؟! < هدية من Ab..d
10- لو بيدك تغير المنتدى , ويش تسوي ؟

الحمد لله الكمبيوتر ما علق
واهم شي بعد ما تصير لي مسخرة نفس المرة الي طافت !!