" جــGYM ــــيم المنتـــدى "

[الناعسي]

احسن يا راعي البطات هههه عقبال ما يجيك وز وحمام ان شاء الله خخخخخ

شف جدولي الجديد ما دامك قلت الراحه مفيده يمكن يفيدك
ارجل وباي
صدر وتراي
راحه
ظهر وباي
اكتاف وتراي
راحه
راحه

[Booyaka]

مشاء الله يامنصور في ثلاث أيام حدث هذا الفارق ، أكيد من الغوزي اللي ماكله من العرس

//
يااخوان في واحد بالجم من كم يوم أنا متابعه جسمه صغير الحجم واقصر مني من شكله يبين عمره في حدود 28 سنة ، عموما هو قاعد يلعب بأوزان خيالية يعني انك ماتتصور انه هذا الجسم راح يشيل هذا الوزن الكبير تصورو صك جهاز الظهر اللي فيه 100 كيلو والله لو في زيادة كان شالها اما الصدر دمبل وزنه 38 كيلو واليد الثانية كذلك يعني 76 كيلو المجموع يلعب عليه صدر مستوي الله يعطيه الصحة والعافية بس مجرد انك تشوفه يلعب تجيك طاقة ورغبة انك تشيل أوزان عالية وهذا اللي شجعني اني أزيد من اوزاني .

//
الناعسي جدولك ليش تلعب فيه مرتين باي وتراي وتمرين البطن وينه وانت كم وزنك وطولك .

[مشاري الرياض]

مساء الخير ياشباب

كيفكم ان شاء الله تمام

امس كان راحه

اليوم عندي مشي 30 دقيقه وبطن وسباحه

اخوي عيسى

الحين انت تقصد الشخص اللي يشيل 38 تنحسب 76

ياخي انا الحين بالصدر بالبار الحر المستوي توني وصلت 35 ...؟ الله يعين واحد من الشباب ماشاءا لله يشيل 65

بس له سنه ونص او سنيتن

موفقين

[Booyaka]

^^
البار الحر لكل جهة 35 او بمجموعهم ، وحتى البار تره وزنه ثقيل حدود 15 او 20 كيلو مو متأكد بالضبط

[مشاري الرياض]

ايه كل جهه 35

[السلطان..]

اغلب النوادي وزن البار 20 كيلو وهذا معروف عالميا,

ماشاء الله عليك يامشاري تشيل 90 كيلو؟صح ولا انا غلطان؟

اذا كان كل جهة 35.
يصير 35+35+20=90.كيلو جرام.

[مشاري الرياض]

ايه صحيح ولله انا اشوف نفسي سيء مقارنه بغيري

بس الحمدلله او مابديت كنت اشيل ع الجهه الوحده 10 و 15

الين ربي اكرمني وراح يكرمني وواصل للهدف اللي انا ابيه

عقبالك ياوحش

وانت كم تشيل

[بردان1]

مشاري تقصد 35 كيلو ولا 35 باوند
اذا 35 كيلو وحش مابعدك وحش : )

لكن اذا 35 باوند معقول وجميل جدا خلال الفترة الي تمرن فيها .. واعتقد اغلب اندية وقت اللياقة تعامل بالباوند
والكيلو تقريبا نصف الباوند واقل بشوي

انا بالنسبة لي البار صدر اخر شي شلته 40 يمين و40 يسار يعني المجموع كله 80 باوند يعني 40 كيلو + عشرين البار يصير كله 60 كيلو وان شاءالله التمرين الجاي الصدر بكسر وزن
وبالسميث ماشييين بار صدر اشيل يمين 50 ويسار 50 .. بس قليل العب عليه السميث ماشين

والدانبل ضغط مستوي اخر شي اشيله 50 باوند لكل ذراع بمساعدة بأول عده فقط عشان ارفعه


..
يالله كل واحد يعطينا اوزانه بالصدر مستوي

[الناعسي]

// الناعسي جدولك ليش تلعب فيه مرتين باي وتراي وتمرين البطن وينه وانت كم وزنك وطولك .

السبب ليه مرتين باي وتراي هو اني ابي قوة كبيره في ايدي والبطن في الصباح علوي 200 عده في 5 مجموعات وفي زياده وقبل التمرين العب سفلي نفس الشي . الوزن والطول سوا 80 والحمدلله فورمة الجسم الحلم حاصل عليها اذا كنت لابس باقي بس التفاصيل اللي تحت الملابس

[مشاري الرياض]

هلا ولله عمر

تصدق ولله مادري كيلو والا باند

المهم انا بوقت اللياقه 35 = بليت ازرق عاد شلون اعرف اذا كيلو والا باوند لاني بروح بعد شوي واشيك هههههههه

[الناعسي]

مشاري تقصد 35 كيلو ولا 35 باونداذا 35 كيلو وحش مابعدك وحش : )لكن اذا 35 باوند معقول وجميل جدا خلال الفترة الي تمرن فيها .. واعتقد اغلب اندية وقت اللياقة تعامل بالباوندوالكيلو تقريبا نصف الباوند واقل بشوي انا بالنسبة لي البار صدر اخر شي شلته 40 يمين و40 يسار يعني المجموع كله 80 باوند يعني 40 كيلو + عشرين البار يصير كله 60 كيلو وان شاءالله التمرين الجاي الصدر بكسر وزن وبالسميث ماشييين بار صدر اشيل يمين 50 ويسار 50 .. بس قليل العب عليه السميث ماشين والدانبل ضغط مستوي اخر شي اشيله 50 باوند لكل ذراع بمساعدة بأول عده فقط عشان ارفعه ..يالله كل واحد يعطينا اوزانه بالصدر مستوي

كم لك تلعب يا بردان ? انا خلال 3 اشهر تقريبا وصلت للوزن هذا والى الان يادوب وصلت 35 كيلو كل جهه لي سنه وشهرين بس اقطع عشان الاختبارات كل مره اقطع شهرين حوالي ثلاث مرات قطعت عندنا في كليتنا نظام زفت يحطون اختبارات الفتره وبعدها باسبوع الاختبارات النهائيه ما تلقى وقت تحك راسك فيه بس هانت الحمدلله هذا اخر مستوى واخر مره اقطع ان شاء الله

[bam bam]

انا اعتبر نفسي حاله غريبه بالصدر المستوي

بالبار 35 كيلو لكل جهه 4 عدات اخر جوله لا اكثر وبمساعده

بالدنبل 80 كيلو كل جهه

ماني عارف ليه ماني متوفق بالبار زي الدنبل

[بردان1]

هلا مشاري
اذا بليت واحد مكتوب عليه 35 معناته بالباوند بالكيلو تقريبا 16 كيلو الواحد وحنا عندنا البليتات يصير مكتوب بالرقم الكبير (2.5 , 5 , 10 , 25 , 35 , 45 ) وهذا كله بالباوند وفيه رقم صغير مهو واضح يصير بالكيلو
وع العموم مثل ماقلتلك 35 جدا رائع حتى لو بالباوند

===

هلا اخي الناعسي
فترة تدريبي تجاوزت السنه بس نفس حالتك قطعت كم مره ومره وحده بس الي قبل اسبوعين او ثلاثه الي طولت بالقطعة اخذت شهر ونص هذي اكثر قطعه

وبالنسبة للاوزان انا ماتجرأ ارفع وزن ثقيل بس من تالي لا بديت اطووور من نفسي بالاوزان والحمدلله الجسم بدا يتطور
وانت كم اوزانك الان بالباوند او بالكيلو

[بردان1]

انا اعتبر نفسي حاله غريبه بالصدر المستوي

بالبار 35 كيلو لكل جهه 4 عدات اخر جوله لا اكثر وبمساعده

بالدنبل 80 كيلو كل جهه

ماني عارف ليه ماني متوفق بالبار زي الدنبل

ماشاءالله تبارك الرحمن وحش الله لا يضرك

بس يا اخوان ياليت التفرقة بين الكيلو والباوند
حسب علمي اغلب الانديه تعامل بالباوند
ومهو استنقاص منك اخي بس 80 كيلو لكل جهة ماعتقد تلقى دنبل بهالوزن عشان كذا اضنك تقصد 80 باوند
وبرضه وززززززن وحشي ماشاءالله الله لايضرك ويزيدك

للعلم الكيلو الواحد الواحد = 2.2 باوند

[bam bam]

هلا اخوي بردان شلونك ؟ والله ونا اخوك عندنا لحد 100 كيلو وتشوف الميه كيلو تجيك ام الركب

السؤال الآن هل النفسية لها دور كبير بالامور هذي خاصه ان فيه فرق كبير بين الرفع بالبار عن الدنبل (فيس حزين)