أولا سوري على هذا الكم الهائل من الأسئلة بس لما اقعد على الكرسي(احم احم) انتقمي.
بدأنا
هههههه شكلك عصبتي يوم قلت لك لا يكون راسبة؟ (هذا أول سؤال)
أنتي سريعة الغضب فهل ممكن تتكرمين و تقبلين توسلات الجميع(ما عداي....هذا إلي قاصر أتوسل) و تقولين لنا موقف على عصبيتج؟
اوكي الحين البحرين تعادلت شفتي المباراة؟
يوم الاربعاء بتشوفين مباراة البحرين؟(الفوز للأحمر)
اوكي من أقرب الاشخاص لك في المنتدى(3 اشخاص)؟
حصلتي الشهرة في المدرسة كيف؟
هل لأنك رسبتي؟
اوبس امزح(هيي لوس ليش تقول هذا الكلام جدام البنت....ههه سوري انفصام في الشخصية)
هل عندج معجبون و معجبات؟(اكيد ما عندج بس أنا عندي احم احم.....اشتغل الغرور....بس المعجبات أكثر من المعجبين.
أين يقع بيتكم؟
أي أحسن مجمع السيف أو الدانة أو البحرين؟ (السيف أحسن)
اوكي من هذي القنوات شنو تتابعين:
امبيسي 3(يوغي يوه)
قطر( ما أذكر شنو اتابع)
الجزيرة(اعوذ بالله)
البحرين(مالت أول)
السعودية(في الأحلام ما اشوفها)
أي قناة ثانية
اوكي أنتي شفتي فلم لورد اوف ذ رنغ فشنو رايك بالأغنية إلي يغنيها الهوبيت(في الجزء الثالث)؟
اوكي لعبتي لعبة سويكودين؟(معاج الماستر مال اللعبة)
شنو المقررات إلي تاخذيها هذا الفصل؟ (احتمال تفاضل قطوع.....الخ)
تقولين ان الغرور مخرب علي كيف و ليش؟ ( عن الغلط على الغرور )
هيي سمعي الاستغباء و الاستعباط ترى أنا مكتشفهم فإياك تقلدين(مو أنا جوي ويلر) فاهمة؟
إذا أنتي تحبين تستغبين فأنا مدمن إستغباء كل الي أعرفهم بنات او صبيان صاروا يستغبون......تبين دروس فيه حاضر؟
تقولين مهما يصير ما راح تتمللين من الاجازة ليش جربتي اجازة طويلة؟(العطلة الصيفية بالنسبة لي فوق 6 أشهر)
زين متعودة تفوزين بس كيف تنحبطين؟ (إلي يفوز المفروض ما ينحبط فأنا تعودت اقتل الاحباط من جذوره(مسكين الاحباط مات)
أنتي خوافة و لا لا؟
شنو رايك بهذي الاغاني:
أنت مو قد الكلام <أحمد الهرمي و زوجته>؟ (اموت في هذي الاغنية)
نسيناكم <راشد الماجد>؟ (أكثر أغنية احبها له)
مشتاق لك <أحمد الهرمي>؟ (كل أغانيه احبها)
كبار شوي <دارين حدشيتي>؟ (مو ذاك الزود)
هل تحبين الاغاني الصاخبة؟ (اكرهها)
أحسن مادة عندك انجليزي و رياضة فشنو عن الرياضيات؟ (أحب هذي المواد ال 3، الرياضيات بس علشان اخلص قبل ربعي و اروح اصحح عند الأستاذ و هم ينقلون مني)
أنا أحب اتكلم عن نفسي!!!!!
ما بين الأقواس هو الدليل (ما يمر يوم ما اتكلم عن نفسي)
ممكن تشرحين لي اسلوبي في الرد و الكتابة؟
هل تكتبين قصص؟ (حاليا أكتب 3 روايات و من فترة خلصت وحدة)
هل تحبين قصص اغاثا كريستي و ما هي القصة التي أحببتها لها؟ (أنا عجبتني في النهاية يأتي الموت و جريمة على ضفاف النيل)
تحذير رشحي لوس و إلا (نسيت ههههههه لول)
و بالنسبة للفصل إلي ضاع عليج ما خسرتي كثير لأن جامعة البحرين مخرطتها أنا و ربعي كلهم عطونا الفصل الثاني هذا و نسبنا في التسعين.
و الآن أعزائي المعجبات و المعجبين لوس يقول باي و لنا لقاء لما يجلس على الكرسي.
سي يا.
