xx غرفة سحب الإعترافات [ 15 ] xx

[Arashi]

^^^^
أعترف...



اعترف...تعرفت على بنت تحلم تصير مانجاكا...ستايل رسمها يشبه باندورا هارتس...لها مستقبل ^^

[Blue Rose]

اعترف : من كثر ما انا متحمسة للمنتدى ما ادري من وين ابدأ

اعترف : ما ادري اسوي موضوع التصاميم و لا اكمل قصتي و لا انزل موضوع بقسم الطبخ و لا اشارك بالترفيهي و لا ارشح ضحية جديده بكرسي التعذيب و لا و لا ...

اعترف : همممممممممم ؟

اعترف : اعتقد راح ابلش بقسم الطبخ ^ . ^

[Arashi]

لالالالالالالا بلو ارجوج كملي القصه بليييييييييييييييييز @@ يالله الحين اجازه ما عندج حجه...يالللللللللللللللللللللله XO


اعترف...ودّي أقفل كل أقسام المنتدى عشان بلو تكمل قصتها غصب

[Blue Rose]

^
^

اعترف : ههههههههه قاعدة اكملها ان شاء الله هالاسبوع انزلها ^ ^

[Arashi]

أعترف...انا اول المعازيم

[Blue Rose]

yes you are baby

[Akihiko]

اعترف اني حاط زيت زيتون على شعري.. عجيب

[The Slim Shady]

^
Dafuq lol

أعـترف .. بعد بكرة أختبار ريـآضيات ونـآ ماذاكرت !
أعـترف .. I Suck at Math !

[Akihiko]

^

زين للشعر :P
وبالتوفيق ^^

اعترف بجرب فلم Warm bodies الحين
تعديل: الفلم عجيييييييييييييييييب ما يتفوت XD زومبيز من نوع غير

[Arashi]

^^^
أعترف...زيت الزيتون مب اوكي...حطيته حق ببغائي وخرب ريشه...اكيد عالشعر اخس ><...يقولون زيت الاولفيرا احسن

[Etro]

أعترف الـ real life فيها آشياء كثيرة جميلة وتستاهل نعيش ونحب الحياة بسببها
آعترف الحياة حقا جميلة ، و الحمدلله

[ام ابـراهيم]

أعترف انني اشتقت لأهلي بس أعتذر منهم لن أزورهم هالسنة .

[.:Passion:.]

أعترف / آكي يقولون زيت الزيتون مريح للصداع وعدم تساقط الشعر
اعترف / داركـ بتخلص الاختبارات بسرعة ماشاء الله ,إحنا بعد 9 آيآم نبدأ : /
ربي يكتب اللي فيه الخير ويسهل للجميع .

أعترف / أول يوم إجازة هو يوم صدور لعبة The Last of Us
أعترف / وقتها مناسب .. حلوو نلعبها ونختمها قبل رمضآن

أعترف / سامسونج أبدعت في جالكسي أس4 شآشة كبيرة عالية الوضوح ,بطارية طويلة, كاميرا جيده 13MP,
سرعة التصفح وكثرة التطبيقات وغيرها من مميزات ومواصفات رهيبة , متفوقة هالمره على أبل بكل شي
أعترف / لو سآم ركبت ألمنيوم على اس4 بدلاً من البلاستيك السيئ بيكتمل جهازها الجديد .

أعترف / شركة بلاك بيري أثارت أستغراب الكثير من المستخدمين ..!
أعترف / خدمة BBM بتكون متوفرة في أجهزة الاندرويد وأبل وليس بلاك بيري فقط
عن طريق برنامج مجاني بينزل بالستور هالصيف
أعترف / خبر حلوو وممتع D:

[Akihiko]

شي غريب ومبين انه غبي من شركة الـ BB، بس احنا المستفيدين

أعترف / سامسونج أبدعت في جالكسي أس4 شآشة كبيرة عالية الوضوح ,بطارية طويلة, كاميرا جيده 13MP,

اشوف ان البتري شوي محبط 2600
ولإن الرزلوشن اعلى وامور ثانية بيزيد صرف البتري فـ مو فرق واجد عن اللي قبله
عن نفسي احس كرهت الجالكسي بسبه بتري تيلفوني السابق XD بس استانست على خبر ان بينزلون اجهزة تكون بـ خام الأندرويد (كانه نكسس) بدون اضافات سامسونغ الغبية والتحديثات تجي من جوجل وبعد ادائه بيكون احسن من العادي
يس... بدلت من الجالكسي لـ اكشخ تيلفون في الوجود XD
http://www.gadgetreview.com/wp-conte...xus-4-0072.jpg

أعترف / آكي يقولون زيت الزيتون مريح للصداع وعدم تساقط الشعر

له فوايد عجيبة @@ يمكن عشان جذي قل تساقط شعري وكأنه صاير انعم شوي بعد

اعترف ساعات اسوق كأني مجنون... لا شعوريا اديم واجد عالهنود هههههههه ضحكت على روحي عقب XD.. مللونا يوقفون على جنب ويشغلون الدينجر >-> بروحه الشارع نفس زفت
اعترف كان فيه شايب ضربت عليه هرن قوي.. مسكين انبني ضميري عليه ، كنت شوي وادعم فيه جان بيتشمخ البمبر (bumper)
اعترف كان شوي وبيدعمني واحد.. مادري محسب شارع ابوي بطوف بدون ما اطالع -.-
اعترف عجبني The Amazing Spiderman ، بس احب لي الأصلي
اعترف 25-5-2013 يوم لطيف، الحمد لله ما سويت فيه حوادث XD

[Arashi]

أعترف / سامسونج أبدعت في جالكسي أس4 شآشة كبيرة عالية الوضوح ,بطارية طويلة, كاميرا جيده 13MP,

أعترف....13 ميجابيكسل؟ يا للهول

أعترف / خدمة BBM بتكون متوفرة في أجهزة الاندرويد وأبل وليس بلاك بيري فقط

أعترف...فعلا خبر جميل...عشان احنا البلاك بيريون مانحس بالوحده XD


أعترف...كلام ايترو يفتح النفس ^.^
أعترف...الله يوفق كل اللي عندهم امتحانات ^^
أعترف...اشتهيت ألعب Chrono Cross @.@
أعترف...كوكتيلة يامي (Piro) تصفّر وببغائي (فوقو) يقلدها بسخريه.....كبير يا فوقو XD....ماقدر امسك نفسي عن الضحك X'D
أعترف...أعدت رسم Mr.X بعد ما تركت رسمه سنتين...في أشياء تغيّرت XD
أعترف...للي حاب يجوف Mr.X بالنيولوك ..........
http://www.montada.com/showthread.ph...96#post7467896
أعترف...هذا الموضوع فتحته أساساً للي حاب يعيد رسم رسمه قديمه ويقارن مستواه في الرسم قبل وبعد ^^