" جــGYM ــــيم المنتـــدى "

[مشاري الرياض]

هلا شباب

كيفكم

اليوم راحه + مساج

واحتمال اروح اقابل بريداوي اذا جاء طبعاً

امممم السلطان البطوله بأستاد الملز


موفقين

[متعب سعد]

السلام عليكم ورحمة الله وبركاته ..

كيف حالكم شباب؟

بخصوص البطولة فيه أحد بيصور لنا ؟؟

تكفون لا حد ينسى التصوير نبي نشوف هههههه

ــــــــــــــــــــــــــــــ

اليوم باي وتراي - أرجل - كارديو

الغداء كان:

سلطة صحن متوسط

2 صدر دجاج مشوي

صحن حمص وسط ( اكلته بالملعقة )

ولعل وعسى التمرين يكون قوي وتجيني نفس أتمرن ..

ـــــــــــــــــــــــــ

في طريقي لليوتيوب ادور مقاطع تحفزني للتمرين ..

موفقين..

[Booyaka]

سلام عليكم جميعا ..
اليوم عندي صدر + أرجل ، أدري انه مابينهم علاقة لكن هذه التمارين اللي ماتدربتها هذا الاسبوع
وياجماعة اللي بيروح البطولة اللي تتكلمون عنها نتمنى أنه يجيب لنا صور البطولة ، ودام أنكن كلكم بتتجمعون بمكان واحد نتمنى نشوف لكم صورة جماعية لأعضاء المنتدى ، والله يوفقكم جميعا ..

[الناعسي]

سلام عليكم جميعا .. اليوم عندي صدر + أرجل ، أدري انه مابينهم علاقة لكن هذه التمارين اللي ماتدربتها هذا الاسبوع وياجماعة اللي بيروح البطولة اللي تتكلمون عنها نتمنى أنه يجيب لنا صور البطولة ، ودام أنكن كلكم بتتجمعون بمكان واحد نتمنى نشوف لكم صورة جماعية لأعضاء المنتدى ، والله يوفقكم جميعا ..

+1 بالله لا تنسون . عيسى حاول تمرن العضله الضعيفه اول عشان بتكون مرهق اذا بديت بالثانيه

[السلطان..]

هلا شباب رحت للبطووله وزحمة حييييييييييييل مدري اخويانا وينهم ههههههههههه.

المهم البطوله حمااسيه وفيها وحوش ماشاء الله وخاصه فئه 70 كيلو وحوش بمعنى الكلمه وكان فيه تنااافس قوي.
لكن المشكله يوم أذن وانا ماشي وهم باقي يعرضون رحت للبيت ع طول عندنا عزيييمه كبيرة مولود جديد.>واحد من الجماعه.

بالنسبه للتصوير جيت ابي اصور ماهي واضحه صراحه وانا بعييييد عن المسرح.لكن والله بطوله كانت حلوة.

اليوم رااحه ما أمداني اروح للصاله.

[بردان1]

يا اخوان كل واحد يحط مؤشر الماوس على الايقونة الي بجنب موضوع جيم المنتدى
ويخليها شوي يطلع عدد مشاركاته بهالموضوع
ههههههه
شغله تعجبت منه
انه عندي 440 مشاركة بهالموضوع بس

[THh Rock]

البطووووله ابوو كلب !!
تحكيم فااااشل جدا جدا !!!!

[Booyaka]

^ ^
خخخخ عمر أنا عندي 220 مشاركة بهذا الموضوع من 740 مشاركة يعني 520 مشاركة بقسم الأستفسارات لأن أغلب ردودي تكون هناك

:::::::::::::::::::::

معلش يالسلطان معذور بس مرة ثاني روح من وقت علشان تلحق تحجز كرسي بالامام وتصور

::::::::::::::::::::

thr rock
خخخخخخ من بدايتها تحكيم فاشل ههههه شكلها بطولة أي كلام

[بردان1]

خخخخ عمر أنا عندي 220 مشاركة بهذا الموضوع من 740 مشاركة يعني 520 مشاركة بقسم الأستفسارات لأن أغلب ردودي تكون هناك

خخخ يعني نصف مشاركاتي بهالموضوع بالضبط
هع
الضاهر لو يحذف هالموضوع ننزل درجة اولى


====

[the legond]

ياخوان ابا اشتلكم شويا من المود ...........بس مو مررره
واطلعكم من خط الخدمه واركبكم السريع اخخخخخخخخخخخخ
كلنا نعرف ان رياضتنا كرياضه فرديه يعني بمجهود فردي غير كل الرياضات اللي ممكن تجد دعم مالي او حتى اجتماعي بدون مايخسر الرياضي سوى ملابس رياضيه وخلافه بعكس رياضتنا اللي بالاضافه الى كونها ذات مجهود فردي فهي مكلفه وترهق جيب اللاعب , وكم من لاعب والله توقفت مسيرته الرياضيه بمجرد ماأضأت اللمبه الحمراء
فمن هذا المنطلق قررت اني اكون دخل ثابت يدعمني . فخطرت على بالي فكره .........بس ادعو ان الشايب الله يحفظه يوافق والا تراني اتحطم
الفكره هي اني استخرج قرض واشتريبه 8 غرف جاهزه سريعة التركيب + 2 حمام(اكرمكم الله )زي حقت سكن عمال المشاريع الضخمه واقوم بوضعها فوق سطح منزل الشايب اللى مقسمه الى غرف وماجرها لعزاب من العماله الباكستانيه من 500 ريال شهريا
واقوم بتاجيرها على عمال اخرين واقسم ريعها الى قسمين القسم الاول اسددبه القرض والثاني احوله لحساب بنكي اخصصه فقط للعبه .

[u turn]

‘

صدقت احمد البطولة أي كلااااااااام

تصدقـون فيه واحد من المشآركين حصلتـه يدخـن ! ..

======

the legond كلامك صح ( لعبة فلوووس )


وكلامك صح المفروض رصد مبلغ شهري خاص للعبه ، لكن من وين ي حسسرة

[بردان1]

اخي ليقند فكرتك ممتازة حتى لو ماكنت تلعب حديد يعني الاستثمار والتجارة شي حلو
وبعد مايزيد دخلك تدعم نفسك اكثر فا اكثر وللعبة حاجته

وانت صادق انها هاللعبة ترهق ترهق جيب اللاعب
والله بالنسبة لي معتمد على مكافئة الجامعه
تقريبا 600 ريال شهريا لحساب اللعبة او اكثر
ولو دخلي اكثر كنت اصرفت عليه اكثر لكن احاول اقتصد بقدر الامكان

اذكر الاخ تركي توتو جده الله يذكره بالخير
كان يقول 70 بالمية يروح على اللعبة
ماشاءالله بس فعلا هي مرهقه للجيب

[THh Rock]

لعبة كمال الاجسام طبعا للمحترفين ترجع كلها للمـــــاده ...!!!
يا ما في مدربين وحوش نجيهم بعد فتره المستوى قل عن اول والسبب (( والله يا كابتن الماده زفت ولا اقدر على الهرمون وتكلفته))!!
واعرف واحد شخصيا باع سيارته علشان يكمل المبلغ حق الهرمون هذا غير المكملات واتراك النادي والتغذيه الخاصه!!
والمصيبه على وشو!! على شهادة مكتوبه بخط اليد وميداليه ابو 15 ريال لا ومصديه بعد!!
قمة التحطييييييم ..!!
ودام انها برعايه امير المفترض تكون في جوائز ماديه ولو بمبلغ بسيـــط!!

[الناعسي]

كلامكم على مستوى عالي يعني واحد يلعبها عشان بطولات والخ وهذا شي طيب بس من اللي يقدر اللي تسوونه . كلام ذا روك صحيح يعني تعب وخساره عشان لاشي . انا العبها لصحتي وعشان احصل على فورمه جميله ولو شوي كل اللي ادفعه في الشهر هو 130 للايزو وكل كم شهر ازيد المبلغ عشان الامينو 2222 . يعني مريح راسي من ناحية طموح وهدف يشوفونه الناس يكفيني راحة بالي بعد الحصه التدريبيه هذي والله تسوى الشي الكثييير يكفيني انام على فراشي ومرتاااح جسديا بقوة وش اكثر من كذا . مقدر راي كل شخص بس المهم انك تحسبها صح يا تشتغل عشان توصل لمستر اوليمبيا او العبها عشان صحتك وراحة بالك و ريح جيبك عشان محد درى عنك .

[بردان1]

كلامكم على مستوى عالي يعني واحد يلعبها عشان بطولات والخ وهذا شي طيب بس من اللي يقدر اللي تسوونه . كلام ذا روك صحيح يعني تعب وخساره عشان لاشي . انا العبها لصحتي وعشان احصل على فورمه جميله ولو شوي كل اللي ادفعه في الشهر هو 130 للايزو وكل كم شهر ازيد المبلغ عشان الامينو 2222 . يعني مريح راسي من ناحية طموح وهدف يشوفونه الناس يكفيني راحة بالي بعد الحصه التدريبيه هذي والله تسوى الشي الكثييير يكفيني انام على فراشي ومرتاااح جسديا بقوة وش اكثر من كذا . مقدر راي كل شخص بس المهم انك تحسبها صح يا تشتغل عشان توصل لمستر اوليمبيا او العبها عشان صحتك وراحة بالك و ريح جيبك عشان محد درى عنك .

ياخي ودي اطلي كلامك بذهب بس اشوف الذهب قليل عليه

ههههه
لا بس عن جد كلام رائع تسلم الايادي الي كتبته

اما منافسة وجني فوايد او ريح راسك والعبها لنفسك
واحلى شي

يعني مريح راسي من ناحية طموح وهدف يشوفونه الناس يكفيني راحة بالي بعد الحصه التدريبيه هذي والله تسوى الشي الكثييير يكفيني انام على فراشي ومرتاااح جسديا بقوة وش اكثر من كذا .