|| .. رابطة عشــاق (الملكي ) ريـــال مــدريـــد .. ||

[lie wulong]

اكيد لان خلاص وش المطلوب منه ما ادري الناس تحبه ما قلنا شي لاكن مسئلة انه يضيع الفريق بثقله و لاياقته الهابطه يعني خلاص رؤول ما يصلحه
و كلام كثير عنه انه ما بيوكن اساسي طول المبارات و احتمال ما يكون اساسي اصلا
صراح انا مستغرب هو كيف يرضى على فريقه يا اخي خل احد بدالك اسرع و اقوى و ادق يلعب بدالك و خلي الفريق يفوز

اي والله فكه منه والله كلامك صحيح
أصلاً راؤول عاله على الفريق من 2005
والإدارة لها 5 سنين تجامله ..
خلاص بطلوا مجاملة وخلنا نفكر بمصلحت الفريق
وللمعلوميه فيه لاعبين كثير من هذا النوع
ومنهم DEL-PIERO في اليوفي
وMaldini في الميلان ماعتزل غير الموسم هذا
وعمره طق 41 المفروض يكون معتزل له 6 سني

أقل شي الاعبين ذولا إذا ماقدر يترك الكورة يروح مع فريق بالدرجة الثانية أحسن لنا وله .

وإذا هو اسطورة ماقلنا شي لكن هو يشوه مسيرته الكوروية في هذا المستوى
لو اعتزل من بدري كان الناس مايذكرونه إلا بالخير لكن إذا ضيع الفريق زي كذا ماحد راح يذكره بالخير بالعكس فكه انه اعتزل
وأعطيك مثال شوف زيدان كيف من يوم شاف نفسه خلاص كبر اعتزل مباشرة ماانتظر لين مايطيح مستواه (زي راؤول غيره) وشوف كيف مكانته عند الناس ذحين...

[IL C a p i t a n o]

ومنهم DEL-PIERO في اليوفي
وMaldini في الميلان ماعتزل غير الموسم هذا

ما اعتقد ان مالديني وديل بيرو عاله على فرقهم ^^

وما اعتقد في احد من نادي ميلان او نادي يوفنتوس يتمنى اعتزال واحد منهم

وهذا يدل ان اللاعبين فايدين الفريق

على عكس راؤول

اصوات كثيره تطالب برحيله او عدم اشراكه بالتشكيله الاساسيه

هني يعطينا شك هل هو عاله او لأ

لكن ديل بيرو ومالديني ما عرفت احد قال عنهم عاله << اقصد من مشجعين الفريق

ومالديني بالنسبه لي انا كميلاني لي اخر مباراه له بالدوري اشوفه وحش بمستواه ولياقته ممتازه

وبالعكس مالديني صار ملهم لكثير من اللاعبين

وصاروا يلقبونه بالاسطوره الحيه

[Dr Game]

اعتقد ان مالديني وديل بيرو عاله على فرقهم ^^

وما اعتقد في احد من نادي ميلان او نادي يوفنتوس يتمنى اعتزال واحد منهم

وهذا يدل ان اللاعبين فايدين الفريق

على عكس راؤول

اصوات كثيره تطالب برحيله او عدم اشراكه بالتشكيله الاساسيه

هني يعطينا شك هل هو عاله او لأ

لكن ديل بيرو ومالديني ما عرفت احد قال عنهم عاله << اقصد من مشجعين الفريق

ومالديني بالنسبه لي انا كميلاني لي اخر مباراه له بالدوري اشوفه وحش بمستواه ولياقته ممتازه

وبالعكس مالديني صار ملهم لكثير من اللاعبين

وصاروا يلقبونه بالاسطوره الحيه

كلامك سليم ديل بيرو جاب هدفين على كاسيايس و شوفه بدوري الابطال ولله بطل
و مالديني بعد روعه و صخره دفاع
انا اكلمك عن رؤول صدقني ما فيه لاعب مثله مضيع فريق

[S a R iVi e D]

ما أزيد على كلام الكابيتانو ، دل بيرو بالرغم من كبر سنه ألا أنه شايل فريق بأكمله ، بالأضافة الى مالديني اللي لولاه كان الدفاع راح فيها ..

راؤول المفروض من زمان يعتزل ..

[lie wulong]

أنا ماتكلم عن دوري الأبطال دوري الأبطال أكيد راح يبدع فيه اي اسطورة
لكن الدوري !!
ديل بيرو ومالديني أساطير وستحيل أقارن راؤول فيهم ومن أفضل الاعبين على مر التاريخ ولكن للسن أحكام
شي طبيعي أنه الاعب يتعب ومايقدر يكمل الدوري بنفس المستوى والسبب يرجع للعمر

ديل بيرو ومالديني جيدين لكن فرقهم تحتاج لاعبين شباب لاياقتهم عالية
إذا كانوا يفكرون بالدوري المحلي ودوري الأبطال معاً
بعدين فكر فيه لاعبين شباب لازم ياخذون فرصة عشان مايتدمر مستقبل النادي
الاعبين الكبار راح يلعب معاك موسم أو موسمين وخلاص رايح أما الاعب الصغير
راح يعطيك 10 سنوات قدام على الأقل فأنت أيش رايك ؟؟ فكر بمصلحت النادي...

أعطيك مثال شوف برشلونه أخذ الدوري المحلي ودوري الأبطال بكل جدارة واستحقاق
وفي 2006 أخذ الثلاثية الدوري ودوري الأبطال والكأس
كيف؟؟
لأنه ماعنده لاعب في التشكلية الأساسية فوق 32 سنة
يعني الاعبين تلقاهم طول الموسم مستواهم ثابت

الزبده أنه كل الفرق الكبيرة محتاجه أنه كل الاعبين الي في التشكيلة الأساسية مستواهم ممتاز و ثابت طول السنة ومستحيل يتحقق هذا إلا إذا كان عمرالاعب أقل من 32

وآسف ان كنت أخطأت بحق الأسطورتين

[xiico10]

في دخلاء في الرابطة صبوا القهوة خخخ

ابصراحة في وايد ناس في العالم يبالهم كورسات في معنى التكتيك والفكر الكروي

[S a R iVi e D]

ابصراحة في وايد ناس في العالم يبالهم كورسات في معنى التكتيك والفكر الكروي

لـول ؟! بأنتظار الكورسات سيد زيكو ..

الظاهر ديفيد فيا ما راح يبيعونه ، الحين تركيز الريال على من بالضبط ؟ أبرا ولا فورلان ؟

[صقـــر Q8]

اول شي راؤول صعب يطلع لانه صمق علك ومستواه تحت المتواضع اهو رمز لريال واسباني ومحبوب الجمهور رقم 1 رغم مستواه شتان بين دلبيرو وتوتي ومالديني آآآآآآآخ واضيف اليهو زيدان وندفد وفيغو وحتى رونالدو حده مبدع بالبرازيل واكيد روبيرتو كارلوس صعب تقارن,و راؤول شعبيتة قلت بالنادي وبالمنتخب لويصابون كل المهاجمين فيا-تورس-غوتزا-لورانتي ماراح يأخذون راؤول
أنا برأيي أشوف راؤول اداري بالنادي افضل ويترك فرصة للاعبين يرتدون رقم 7 >>>>>>>>نغزه كرستيانو رونالدو

[lie wulong]

اي صح وأزمة الدفاع بعد بسبب الاعبين الكبار
شوف ايطاليا دائماً تخرج مدافعين كبار وأساطير
لكن الآن !
كل هذا بسبب الاعبين الكبار ممكن الاعب الصغير يكون مستواه ممتاز
لكن بسبب جلوسه في الإحتياط فترة كبيرة خلاص يتدمر مستقبله

بالنسبة لدفاع المنتخب الإيطالي كليني جيد لكن أتحدا أي أحد يقول لي
أنه مستواه زي مستوى نيستا أو كانافارو أو الآساطير الي قبلهم أيام عزهم
ليش؟؟
لأن المدافعين الي قبله أخذوا فرصة وماجلسوا في الإحتياط فترة كبيرة في أيامهم
لكن كليني وغيره من المدافعين الصغار ماأخذوا فرصة وجلسوا في الإحتياط فترة طويلة
وكل هذا بسبب الاعبين الكبار >> (عشان كذا أنا ثائر عليهم شوي)

[Dr Game]

يا ناس عندي سوال ليه ما يبغون روبين
يا اخي ولله الرجال كويس سريع و مهاري و يشوت ولله غريبه ولاياقه عاليه
ابي سبب ؟؟؟