مجلس المنتدى العام لمنتديات الألعاب Be a good nfrat

[Electro M]

اينجلوه سواء كنت تدرسين في جامعة او مدرسة بيظل اسمك طالبة تنكرفين 8 شهور بالسنة سواء رضيتي او ما رضيتي و الى ان تتخرجين انت و الشلة الطيبة الموجودة هنا راح اظل ازن عليكم بإني متخرج و انتم لا
لذا لا تحاولين تطلعين نفسك من الموضوع نهائيا

اما الانمي هو الي يحيي هالموضوع
اشوى اني كل ما شفتكم تتكلمون عنه ظفيت عفشي و رحت انشر مواضيع في منتدى البلايستيشن بس عشان اهرب من خزعبلات هالانمي اللي مطير عقولكم

هو بس وين السماء الذهبية عشان انتقد كم فيلم يحبه
ما يصدق على الله الا و تلقاه كاتب رد اكبر من الصفحة كلها عشان يبين لك ان الموسيقى على الاقل حلوة غصبن عليك

[Angel whisper]

~_~ meanie ..

شيبة ..

وموهوبوه حاولت اقنعه بس شكله ماشي فايده مب راضي حتى يقولي ليش ما يبى يشارك ..

الله كريم ..

كرونو:
هيه مارشوه وحليله سوالي اياه
بتم حاطتنه الين ما يخلص امتحانات T.T

[احلامو ادوماتو]

هو بس وين السماء الذهبية عشان انتقد كم فيلم يحبه
ما يصدق على الله الا و تلقاه كاتب رد اكبر من الصفحة كلها عشان يبين لك ان الموسيقى على الاقل حلوة غصبن عليك

هههههه

والله له وحشه T-T

بس وش الافلام الي عاجبته ، أنا اتكفل مؤقتن :P

[Electro M]

موهوبوه الظاهر طلعت نسبته تبع الفصل الاول و جايب العيد فيها
لذا مستحي يقول انه دافور و بيضطر يغيب عن النت فترة لذا حط الرد الغامض اللي فوق
فإذا كان هذا السبب الله يكون بعونك و مثل ما قلت سابقا و سأكرر لاحقا
المنتدى ادخله فقط للترويق
متى ما حسيت انه سحبك لشي ثاني اسبح على امه
و خلك مثلي
اسبوعين اجازة تركت ابو الانترنت كله
و هالشي يحصل تقريبا في كل الاجازات الا اذا كنت جالس في بيتنا خلال الاجازة
غير كذا اسهل ما عندي السحب على الانترنت
و هذا اكبر دليل على انك فعلا ماخذ الدعوة روقان
صحيح تشتاق للاشكال اللطيفة اللي هنا
لكن في نفس الوقت تعرف انه تعلقك الزايد قد يعني انك مدمن انترنت
و بما انك لاحق عليهم فخذ راحتك
و خصوصا اذا كان اللي على المحك دراستك

اما السماء الفسفورية فوالله ما ادري
اخبره يحب جودي فوستر
و بهالمناسبة احب اتكلم عن فيلم فلايت بلان الاخير لها
هو حلو و بصراحة خلاك ما تدري وش الطبخة
و ما اقدر اتكلم عنه نهائيا لانه تقريبا من نوعية افلام الحاسة السادسة
لكن الي شايفه حبيت اسأل بس شلون يبوننا نبلع ان *blank* قدر *blank* في ال*blank* من قدام كل اللي في ال*blank* بدون ما *blank* و لا *blank* !?
تلعب علينا بنت الفوستر؟!
غير كذا الفيلم كان يحبس الانفاس

[احلامو ادوماتو]

اما السماء الفسفورية فوالله ما ادري
اخبره يحب جودي فوستر
و بهالمناسبة احب اتكلم عن فيلم فلايت بلان الاخير لها
هو حلو و بصراحة خلاك ما تدري وش الطبخة
و ما اقدر اتكلم عنه نهائيا لانه تقريبا من نوعية افلام الحاسة السادسة
لكن الي شايفه حبيت اسأل بس شلون يبوننا نبلع ان *blank* قدر *blank* في ال*blank* من قدام كل اللي في ال*blank* بدون ما *blank* و لا *blank* !?
تلعب علينا بنت الفوستر؟!
غير كذا الفيلم كان يحبس الانفاس

×___× <<<<داخ راسه من البلانكز

الا وش اخبار هيجايمي نو ايبوو O.o

[Angel whisper]

مادوه:
قصدك يوم هربو الحلاوة؟
هو كان شي غريب بالقو .. يعني معقوله محد لاحظ بالمرة؟
بس جد الفلم وايد حلو .. احيدني سرت اشوفه في السينمه على كثر ما مدحوه .. وطلع يستاهل ..
جودي فنانه

[Electro M]

ايبو وصلت فيه قبل ما اسافر للحلقة 12
يعني تسلسل احداثه لا بأس الكوميديا في حلقات تفطس فيها ضحك و هذا اهم شي عندي
اما من ناحية الحماس ما ادري هل لاني اكره الانيمي ام لشي ثاني
ما تحمست للقصة الرئيسية كثير
يمكن توني لازم اتعمق اكثر في الحلقات

اينجلوه
ايه هذا قصدي
جودي فوستر حلو تمثيلها لما تصير مربوشة يعني اعجبني فيلم بانيك روم لها بعد
بس هذولي الفيلمين اللي اذكرهم لها

[Darkness withiN]

المهم
وضع المنتدى ما يسر لا عدو و لا رفيق
وين ياماتو؟
ايضا وراكم مستحين بزيادة؟
لا يكون نازل عليكم الادب بغيبتي؟
يعني حتى كرونو هاجد عن اول
هل في شي صار بغيابي؟!

والله مادري شقولك..الموضوع شوي حساس..وشخصي
بغينا نسوي قطيه من أعضاء القسم كلهم,لنزوّج فيها السوسه أشرف ونفتك من شره وبتنجامونه,بس الجعاصه لها مواسم خاشه عرض<لاحد يقرب من أبو عرق حاتمي

بصراحة..أعتقد إنه بسبب الدراسة شئ طبيعي,بالرغم إن القسم حالياً نشط من ناحية المواضيع
وبالنسبة لموضوع الواد موهوبيان بتاع العايله,ياخي مادري والله ماشوف شئ تغير أو تحسن على قولة كرونوليتا الحسناء

تصدق مادري شقولك..عندنا مدرس دين الله يخلف على الدنيا ياشيخ..أجل يتكلم عن الصحابة كأنه مطيح الميانه معاهم أو أصغر عياله؟
كل مابغيت أطب فيه مسكني صاحبي والمدرس شراّني بشكل رهيب

بعض من كلامه بتفسير سورة المجادلة:
الحين ياخي<يتكلم عن الصحابي بن الصامت,الحرمه تعبت وحملت وحالتها حاله يعني لازم تواقعها؟أعتقها لوجه الله ياشيخ !..وإلخ من الكلام

وطبعاً لما يكون هذا القدوة زي كذا..تشوف صغار القوم مايصدقون أحد فتح لهم مجال..فالي يعلق والي مدري كيف وكلهم قسم بربي من حثالة المجتمع من واقع مخالطتي لهم شخصياً!
واحد ولا يعرف أقل الحقوق تجاه ربه,يجي فوق هذا يستهزأ بالصحابة على نهج معلمه
المعلم أما يكون جاهل ..وأما يكون متعمد فعلاً

قسم بالله شئ يرفع الضغط..خاصة يوم تكلم عن الصحابي الي كان يشرب الخمر وتاب,تكلم عنه بطريقه مقرفه
أنا ماكرهني قبل بالناس الملتزمه والإلتزام ألا هذه النماذج الي مركزها يضعها على أساس إنهم قدوة

مجرد فضفضه...بعد مالمست الجرح بالحديث عن الدين


--

كروونوليتا
ياشيخ......<نسى وش يقول

[Yamato]

السلام عليكم

الف مرحب بعود(ت) المظفر عماد الدين قرنفلة.. هاه شو جبت لنا من الغنايم والجــــــــواتي
والله كنت عالبال كان بودي اسال عنك.. بس تاخرت فانت طلعت وسالت عني -____- <<< هو يريد يشكرك بس مش عارف

المهم..
انا موجود بس النت هنا تعبان في الشغل (كالعادة ._.) لذا بكتفي بهالرد.. واعذروني على عدم الرد في الموضوع اللي كتبته حاليا (وخصوصا داركنسينا لاني ما انتبهت على رده اخر مرة رديت انا في الموضوع)

وايضا كاتب هنا خصيصا علشان اطرح عليكم سؤال بسيط فشل في الرد عليه كل من المثقفين المزعومين انسان وسميغل يوم شفتهم

السؤال هو: من هو نصر الدين شاه

مع السلامة واتمنى انه الرد ينشر -___-

وايه قبل ما انسى..
موهوب.. اطلع براحتك.. بس اذا طلبتك في برامج لا تردنا ._.!

[Electro M]

وعليكم السلام و رحمة الله و بركاته
اهلا بفتى الفتيان المنفلوطي
اما الغنايم فما في اطفر مني من هالناحية - طفران = داج = ما عندي قرنقش, قرنقش = قروش = فلوس = money -

و ياليتني سمعت كلامك و ما دخلت King Kong
هي خلت فيها سيقان ما طلعتها
بس بصراحة الفيلم غبي
انا عارف هالشي
و القصة ما اعجبتني
قرد يحب انسانة و انسانة تسحب على ابو البشرية و بالطقاق اللي يطقهم خليهم يموتون و لا يقتلون القرد اللي تعلق في كراعينها!؟
وين يابو!؟
هذا غير اغبى لقطة شفتها في حياتي لما طلعت البنت بوسط الشارع و ورا راسها هالة من الضوء البراق
و الادهى و الامر كيف انها جالسة ما عليها الا فستان ابيض يظهر اكثر مما يستر في الشارع في فصل الشتاء بدون ما تشعر بأي برودة
مشيتها قلت يمكن الشارع دفا و الا فيه تدفئة مركزية
ثم يروحون للبحيرة المتجمدة و نفس الشي
قلت يمكن كونج النفس حقه يدفي ديرة مو مشكلة نمشيها
ثم تصعد لاعلى ناطحة سحاب في العالم و في عز الشتاء و بنفس اللبس
و نفس الشي ما في اي شعور للبرودة؟!
انا من شفت ابو خشم في الفيلم و انا عارف انه ما حولك احد لكن ما كان في افلام زينة لذا غصبت نفسي عليه
و ما دخلته اساسا الا عشان اشوف لقطة صراع كينج كونج مع تي ريكس
رهيبة بصراحة

و بمناسبة الحديث عن الافلام الغبية لحد يطالع فيلم ايونفلكس تبع تشارليز ثيرون الا اذا كان يحب يشوف حرمة مستبدلة رجلينها بأطراف ايادي

اما نصر الدين شاه فسويت بحث في جوجل طلع انه ابن واحد اسمه دياب بينه و بين الامير حسين ثأر
و في عصر المماليك هالكلام
هذا غير ان اغلب نتايج البحث كانت فارسية