ديوانية استراحة المنتدى ..

[Classic Evil]

السيد أرنب :
إيه, رحنا نتطوف بالبيت العتيق, والشيعة ماخذين البقعة كلها, لأننا في شهر رجب ويعتبر الشهر الفضيل عندهم.
ما تسمعهم يقولون : ما يعجبك العجب, ولا صيام برجب ؟
والحمدلله على كل حال
ودايما ما تتحفنا بأغصان من أدغال مفضلتك.. ويلك أهلكتنا

[Electro M]

انسان
تشبيهك لي بدكتور كوكس بفهم منه اني اشبه تصرفاته

و هالشي مديح بالنسبة لي
لذا شبهني بواحد ثاني عشان يصير المثال اوضح

ماستر
حياك الله
من ذوقك حبيبي
بخليكم تسحبون على البلوقات كلها العربي منها و الاجنبي

ايفلوه
حي الله الغايب
عليك سحبة اليمة
انا قبل ما اسافر و مع ان محد يحبني ازعجتكم بسالفة اني بختفي كم اسبوع عشان لو كان فيه احد ما يعيش من غيري يدبر عمره
و انت ما شاء الله سكتم بكتم لا حس و لاخبر
خايف من العين يعني و الا كيف؟
على العموم الحمدلله على السلامة
وسعي مشكور وذنب مغفور وتجارة لن تبور <== ما سرقها من احد

اما الايقافات فالله يستر علينا
كل اعضاء هالمنتدى الظاهر لازم يكونون اصحاب سوابق
اما شلون عرفت
اللي يسأل ما يتوهش

[SFS]

الحين وش تقرب لك اسرائيل صارت تكفير؟
يعني هل في احد اصلا في الدنيا تقرب له اسرائيل ؟!

طيب الاثنين اللي نتكلم عنهم قالوا عن جميع اعضاء هالمنتدى بانهم شاذين
ما فسرناها على كيفنا
قالوها بلسانهم
وين الطرد النهائي؟

داركسول قالها على سبيل السخرية والتهكم...

لكن ازدواجية المعايير..

اجل جولدن يتوقف ..بينما العضو القدير صاحب كلمة الشواذ يتوقف..

__________

ايفل:

تقبل الله طاعتك..

ومنور المنتدى..

[NsaN]

اليكترو

ساعة قاعد افكر اشبهك بحد..ما حصلت..
ياخي انت فريد من نوعك

ايفل

حمدلله عالسلامة..و عمرة مقبولة ان شاء الله..


توني شفت War Of The Worlds..

نهاية تافهة و اعتبرها غير منطقية..
و شو سالفة الجذور الي كانت تظهر؟

بعدين كنت اتمنى ان بالنهاية ينتصرون الـAliens..من باب ان هذا صدق اللي بيصير لو هجمت علينا مخلوقات من كوكب ثاني.
يعني..كتغيير.ملينا من نفس النهاية..

بس احلى ما فيه..ان ما يابلونا الـSuper Heros كالعادة..
و لا طلعت امريكا بالنهاية هي منقذة العالم..

و شي ثاني حلو بالفيلم هو..انه اعتمد على مبدأ الهروب..
يعني الفيلم كله عبارة عن هروب من هالوضع..
مافي مشاهد تتضمن خطط..ماشي مشاهد نشوف فيها الرئيس الامريكي يخطب و ها...
هالشي زين كان بنظري..

و وجود Tim Robins بالفيلم كان مفاجئ الصراحة..

[Electro M]

SFS
للاسف و بالاخير نطلع احنا اللي ندور المشاكل

Nsan
ما جربت هومر ؟
بخصوص وور اوف ذا وورلدز
عشان تعرف ان ذوقي مافيه الا العافية هذا نفس كلامي
حتى رايي بخصوص النهاية نفسه
اما الجذور فما اذكر زين وش قصتها لكن اعتقد انها كانت زي ما تقول فضلات او وسيلة تكاثر الفضائيين او شي زي كذا

بس الفرق اني شفت ان اغبى شي بالفيلم هو كيف ان ابن توم كروز الكبير رمى بنفسه بوسط المعمعة و بالاخير طلع سالم غانم بدون ما ندري كيف

[SFS]

^
^
^
زين الكترو ما قلتلنا ليش فيلم taxi driver بايخ؟؟

الفيلم من أوائل أفلام الواقعية التي توجه صفعه لما يسمى بالحلم الامريكي..

تلك الأمة التي تهدم في ليلها ما بنته في نهارها..

وأشخاص مثل ترافيس بيكل موجودون في مجتمعاتنا..

حيث يتحول الى شخص حاقد للمجتمع ويسعى الى تدميره..

وأجمل ما في الفيلم العبارة الخالدة:

يوما ما سيهطل مطر حقيقي ليزيل كل هذه القذارة..

[Classic Evil]

الكترو :
انت عضو مميز..
انا عضو حاف .. بغيابك تغيب أمة المنتدى.. اما انا رحت ورجعت ..دارٍ درا ودارٍ مادرا..عن الدندري
وجزاك الله خير.. وعقبالك ياشيخ
سالفة الإيقافات: الظاهر نظرية اني اغيب ولما ارجع القى توقيف باتت صحيحة.



اس اف اس:
الله يتقبل منا ومنكم.. منور بوجودكم ..
وشخبارك انت؟؟ انت قطعتنا بعد .. لا تصير مثلي موسمي



انسان :
الله يسلمك ويبقيك.. والله يتقبل منا ومنكم صالح الأعمال ..
وهونك على الشباب.. ومبروك صورة الهلال ..
صدقني الكترو هلالي وسوى لك هالزوبعة كلها

[SFS]

اس اف اس:
الله يتقبل منا ومنكم.. منور بوجودكم ..
وشخبارك انت؟؟ انت قطعتنا بعد .. لا تصير مثلي موسمي

موجود على طول ان شاء الله..

[HIROSHI_11]

جمعة مباركة لكم

عندي خبرين
اول شئ الحمد لله اليوم خلصت علاجي وطلعت الـbraces ... والله اني اشتقت له..
احس بالـ braces احسن..ياخي عشرة عمر..<<<<<كلها سنة وثمانية اشهر..

المهم.. الخبر الثاني ان موسم الاشاعات بدأ..
اليوم سمعت ان المدرسة اخروها من 3-9 لحد 18-9 سويت حفلة لدقائق..
وبعدين عرفت انها اشاعة..
وكل سنة يصير جيه..آآآه يا ليت الخبر صحيح..

وبخصوص الأخت هيروشي : طبعا الغياب ماكان من اجل اللقب, وأصلا شو أجمل وأعظم من الوحدة والأجدر للتآلف من إنه نتشارك كلنا بكلمة ومسمى واحد ألا وهو عضو <==أونه

ألا تريْن أن المميزين لا ينفك عنهم هذا الوصف حتى <== ما لمح لحد ..

هلا بالغايب..حياك الله..
عمرة مقبولة ان شاء الله..
اي ادري..اصلا ما توقعت ولا حطيت في بالي انك ممكن تترك المنتدى عشان اللقب..
ههههه..ووصفك ولا وصف غريب..

[Prince Of Darkness]

السلام عليكم ، شلونكم شباب -_-

مبارح رجعت من الأردن ، سجلت Computer Engineering في الـ Jordan University of Science and Technology ><" ، بحكو الجامعة صعبة جدا والتخصص تبعي أصعب وأصعب

واستأجرت أنا وواحد صاحبي شقة غير مفروشة ،،،

بس والله هاكل همّ الجامعة والسكن والغربة
شقة غير مفروشة ، يعني بدي أجيب غسالة وثلاجة وغاز وسرير ومكتب وخزانة ، ولازم أقشّ وأجلي وأطبخ وأنفخ وأنظف المغاسل والحمامات

الله يعينني >.>

[Electro M]

SFS
ما اعجبني التمثيل و لا اعجبني الاخراج
يعني القصة يمكن تكون مبتكرة وقتها هذا اللي رفع من قيمتها

ايفلوه
و الله غياب اي عضو من الاعضاء الغاليين يظل مؤثر
لا تستغصرن صغيرة فان معظم النار من مستصغر الشرر او كما يقال

هيروشيما
على البركة فك التقويم
و كان الله في عون من ما زال يستخدمه

برينس
كان الله في عونك
حط في بالك شي واحد
هالمرحلة هي اللي بتكون شخصيتك فعلا

[القــعـقـاع]

ارنب:

هذي لزيادة القوة الـstatic ( اطلاق القوة من دون اي تغير في طول العضلة و تفيد في الحفاظ على وضعيات معينة) و ليس الـdynamic

هههههه
شكل الموضوع خاش مزاجك الى الحين

ايفل:

تقبل الله يا "عمري"

[SFS]

SFS
ما اعجبني التمثيل و لا اعجبني الاخراج
يعني القصة يمكن تكون مبتكرة وقتها هذا اللي رفع من قيمتها

رأيك واحترمه..

تعرف المشهد الي واحد يطلب من ترافس يذهب الى عنوان محدد ليراقب زوجته الخائنه ؟؟

هالراكب هو مارتن سكورسيزي نفسه..

لو تشوف نظراته وضحكته الساخرة..

راح تعرف معنى الابداع السينمائي..

[Classic Evil]

اس اف اس :
وهو المطلوب ..


هيروشي :
الله يتقبل منا ومنكم..
ماشالله شايلة المنتدى يقولون..
يعطيج العافية ..


برنس:
الزواج هو الحل ..


الكترو :
احسن شي لما قلت او كما يقال ...


القعقاع:
وفيك بارك..
ايه هذي الناس اللي تعبر صح ...
صراحة وناسة الكل يبارك لك.. احساس ممتع..
ياترى كيف كان شعور ياماتو لما قلنا له مبروك للزواج !؟

[Electro M]

sfs
عاد تصدق هو اكثر واحد لفت انتباهي
مع اني توني اعرف هالمعلومة

ايفلوه
ما الصحيح ؟
افتنى هداك الله

اما ياعاشو
من زود الفرحة سحب علينا