السلام عليكم
اول شي مبروك علينا الفوز واوزيل الي من مباراة للثانية يتطور مستواه ويبدع صراحة ومن هدفه يحسسك انه لاعب كبير رغم صغر سنه ^^
طبعا بنزيما ابدع في المباراة<< امزح معاكم لا تطقوني
بنزيما تحركاته كانت جيدة وتمريراته بعد بس بصراحة تضييعه للفرص كان مو طبيعي
رونالدو كان سيء جدا في المباراة لا تمريرات عدلة ، وانانية وتسديدات من مناطق صعبة وياريتها كانت تشكل خطورة غير عن هالشي انه ضيع فرص وانفراد والمفروض مورينيو ما يحسسه بالامان ويخليه يحس ان ممكن كاكا ياخذ محله حتى تكون في منافسة بينهم
والي يشوف الانفراد الي ضيعه ترى كان سهل ما يبيله غير انه يسحب بالحارس وبعدها يسدد وانتهت المسالة
اوزيل بصراحة ما اقدر اتكلم عليه ابداع ثم ابداع ثم ابداع
اديبايور مع اني ما كنت اتمناه يكون صفقة الريال بس يوم انتقل ارتحتله حتى قبل ما يلعب مثل نستلروي لما انتقل للريال الاكثرية كانت معارضة بس انا كنت مرتاح له واتمنى انه ما يخيب ظني
وبالنسبة للهدف صراحة كان استلامه ممتاز وبين من كم لقطة ليه ن استلامه وتعامله للكرة جيد
والهدف سببه كان ان لاعبين اشبيلية خلاص فقدوا الامل وطرد دفاعهم ففي هالاوقات كنا نشوف ان دفاعهم كان شوارع وهو توه داخل المباراة يعني ما بدل اي جهد يعني مرتاح فاكيد راح يكون الهدف سهل عليه
ولا احد يقول قاعد اقلل من هدفه بس هي اسباب الهدف واتمنى انه يكون هداف مع الريال
الونسو والله احب هاللاعب وافضل لاعب في الريال في الوقت الحالي ومستواه ثابت ما شاء الله عليه ^^
خضيرة كان ممتاز واصابته مو قوية بس رضوض في الركبة وراح يكون موجود في المباراة الجاية
اربيلوا بصراحة ابدع في الدفاع والهجوم حتى كان افضل من مارسيلو في افضل حالاته واتمنى ان مورينيو ما يبدله
كرفاليو بصراحة مبدع في الدفاع وصفقة ناجحة
كاسياس مادري شفيه على باله كل الانفرادات الي تطلع عليه تسلل حتى لو الحكم ما كان حاسبها وهذا ابدا مو مستواه حتى المباريات السابقة بصراحة قبل يتصدى لانفرادات وتسديدات خرافية اما الحين فتحسه في الانفرادات يتساهل لانه يحسبها تسلل قبل الحكم المفروض انه يتصدى للكرات على انها انفرادات حتى لو حاسبها الحكم تسلل لان هدف مايوركا كان معتبره تسلل وتساهل مع الانفراد مع انه في السابق كان صعب جدا تجيب عليه هدف !
مورينيو !
المفروض المباراة الجاية يلعب بكاكا اساسي او انه يطلع رونالدو في بداية الشوط الثاني اذا كان لعبه سيء
اما عن كيف بنهزم برشلونة
فالمواسم الي طافت تشهد ان الريال حتى وهو في اسوء حالاته قدر يهزم برشلونة والمباراة راح تكون بعد ثلاث اشهر تقريبا من الحين فاللاعبين راح يتاقلمون اكثر
----------------------
وشباب ياريت لو تتسامحون مع الاعضاء الجدد
يعني رحبوا فيهم وما له داعي النرفزة والعصبية عليهم
الاعضاء الجدد يحتاجون توجيه ليس الا
المشاركة الأصلية كتبت بواسطة Tockuchi
