&& جدول ضخامة ( نتائج قوية ) &&

[waelwebas]

لا عادي حبيبي

لكن ابسالك وين الظغط فية مع انة كل عضو لة يوم لحالة يعني يا الغالي ابغى اعرف الزيادة فية لاني ما فهمت
تقول تمارين كثيرة ؟؟ في ايش ..؟

تمارين الضهر
وجهة نظرى المتواضعه ان كتير اوى 8 تمارين فى مرحلة الضخامه
لان انت كده عملت ارهاق للعضله فاالبتالى بيحصل حرق فهتيجى منين الضخامه
رونى كولمان نفسه بيلعب 6 تمارين بالقطنيه

[آبو رآشـد]

اخوي انا وضحت في بدايت الموضوع ان ذا جدول تضخيم للي اول مرة يضخم

ما تروح تقارنة ما جدول تمارين متقدم ولمين مع جدول روني كولمن

روني كولمن لو بدا بالجدول حقة من بدايتة الى الا ما قدر يرفع الوزن الي يرفعة الان

لازم يقلل التمارين الجدول الي وضعتة انا جدول تضخيم للمبتدئين وهي سبعة تمارين مو ثمانية مثل ما تقول الاخير للباي الهدف من هذا الجدول هو انة اللاعب نفسة يكسب قوة وعضل علشان لما ينتقل للجدول المتوسط يكون عندة قوة انة يرفع اوزان اكثر من كذا ان شاءالله وصلت الفكرة

والجداول معروفة 3 انواع مبتدى ومتوسط ومتقدم

واغلب الي هنا جديدين على اللعبة ولا يعرف وش التضخيم اصلن فيخش وياخذ الجدول هذا

ثانيا ما يصلح يجي واحد ياخذ جدول للمتقدمين على طول اول بعض التمارين للمتقدمين ما يقدر يطبقها صح خاصة التمارين المركبة علشان كذا تشوف تمارينة تقل

ثانيا ما راح يقدر يرفع اوزان وتشوف دائمة اوزانة قليلة جدا بالتالي تاخر في تضخيم العضلة


ارجو وصلت المعلومة

[SK.OOO.D]

مرحبا اخوي الرسمي حبيت اشكرك على الموضوع الرائع ومجهودك بالمنتدى ما يوصف


وسؤالي عن التضخيم : انا دخلت برنامج تضخيم ونتائج صراحة مبهره لكن الي مخوفني زيادة في الدهون ايضا ؟
انا شفت موضوع في المنتدى عن مرحلة التضخيم للابطال وكيف الفرق عندهم دهون ما تصدق

انتظر اجابتك عزيزي

[آبو رآشـد]

طيب اخوي انت مو مبتدة وتدرب وبس

ان كنت تبي نتائج لازم تمشي في التضخيم وتعرف كم نسبة الدهون في جسمك علشان توقف عند نسبة معينة ثم تخش تنشيف فترة الى ان توصل الى النسبة المرغوبة ثم ترجع تضخيم

وبالنسبة ان كان عند دهون قليلة عادي لا تخاف كمل لكن حط نسبة معينة ثم وقف عندها وبالنسبة للكرش لا تلقي لة بال او ما تخش تنشيف تطيرها بالتوفيق يا وحش

[red GT]

يعطيك العافيه يالذب وماقصرت بس ياليت لو تحط شوية صور للتوضيح
وعساك ع القوه يالغالي

اخوك red gt

[آبو رآشـد]

اخوي راجع الموضوع الي في توقيعي

[JiuJitsu]

مشاءالله جدول اكثر من ممتاز بصراحه ماتوقعت اني اقدر ازيد باسبوع اكثر من كيلو

بعد تجربتي له عطاني 2.3 كيلو عضل باسبوع (( عضل صااافي )) لاني قست بالميزان الجهاز الي يعطيك كل معلومات جسمك من نسبة دهون الي نسبة ماء الي وزن العضلات والخ والخ

كان وزن العضلات بجسمي قبل البدايه بجدولك 36.2 كيلوجرام قبل امس قست بالصاله وانا اقول يارب ازيد كيلو على الاقل وطلع وزن العضلات بجسمي 38.5 = 2.3 كيلو عضل زياده عن قبل

وكان المفروض اكثر من 2.3 كيلو لولا الاغلاط الشنيعه الي سويتها لكن الحمدالله على كل حال وان شاءالله بستمر فيه الين اخذ اقصى فائده ممكنه منه وبعدها بغير

ولو ماعليك امر ياريت تجيب لنا جدول خرافي ثاني لشباب الي خلصو من هالجدول

ومشكور عالجدول مره ثانيه واسمحلنا على الاطاله

[آبو رآشـد]

الله يعطيك العافية وابشر بعزك قريب ان شاءالله خلني بس اصلح جهازي

بالتوفيق يا وحش

[منادة الليل]

هلا خوي بوراشد كيف حالك يالغالي

جدولك معتمد عليه واليوم بكمل عليه 3 سبوع

صراحه فرحت على نفسي كثير اليوم والله لما شافوني ناس من ربعي وقالو لي صايرجسمك عريض وجسمك توسع ....

فاكيد من الجدول الممتاز الي حاطه يالغالي

بس بتم على الجدول 3 شهور بما انه الحين لي 3 سبوع والحمدلله ماشاءالله التغير ملحوظ الي قالو لي عليه اصدقائي فاكيد في 3 شهور القادمة بيكون تغير قوي ....

وانا حبيت اوافيك بالامر علشان اأكد لباقي الشباب انه الجدول ماشاءالله عليه 100% قوي وصج بصراحه في البداية ما كنت مقتنع فيه ولكن بعد نتايج هالاسابيع انجبرت اني اقتنع فيه لانه رضيت فيها النتايج

وللي يبي ضخامة لا يهمل هذا الجدول ابد ...

وشد حيلك ياخوي بوراشد ولا تحرمنا من المفيد الي نشهد له صراحه...

[kok.6]

ما شاء الله عليك يا ابو راشد

صراحتًا الجدول شكله خطيير

بس كم اقدر اجلس عليه كم شهر كحد أقصى وكحد أدنى

وبالنسبه للتكرارات وشلوون الاوزان هل كل اسبووع ازيد وهل أزيد بأخر جلسه او ياليت تعطينا التدريج الله يرضى عليك

وننتظر المزيد من الجداول << طماع لوول

والله يعطيك العافيه

[منادة الليل]

بوراشد مختفي فترة طويلة عسى المانع خير بس

[آبو رآشـد]

هلا والله حياكم اخواني

والله يطولي بعمر يا منادة الليل


وممتاز يا منادة مشاء الله عليك استمر علية

ومدة البرنامج 2-3 شهور ثم تخش في برنامج اخر تدخل في بتكرارات توصل لـ 6


بالتوفيق يا وحوش

[منادة الليل]

حيالله بوراشد منور يالغالي

حمدالله على سلامتك يالغالي

..... الحين انا 3 ايام مريض ما لعبت ولا خذيت بروتين يالغالي شي عادي صحيح

[آبو رآشـد]

اية تصير دايم والله يشفيك وان شاء الله انها تكفير ذنوب

واذ وقفت فترة بسيطة زي فترتك بروتينك تستعملة واهتم بالنوم حلو وبترجع لك بأيجابية مو سلبية وسلبيتها الوحيدة هي جدول تمرينك بيتلخبط فقط

بالتوفيق ..

[Al3aZeF]

سـوف أبـدأ بـجدولك من بكـرة آن شآء آلله !
ورآح آتبـع آلجدول صـح ، وعندي واي بروتين وأمينو وكيرياتين ..
وآن شآء آلله أشـوف نتآئج مرضـية =)