من يصمم لي هذه البطاقات الشعرية؟؟؟؟

[السفاح المرعب]

إن شاء الله الشارك في الموضوع قريبا


بس ليش ما تشاركين في الموضوع

[(( فيصل ))]

أولا أشكر اختي امبراطورة الإمارات على هذي الفكرة العبقرية اللي أفادتنا كلنا
ثانيا أعتذر عن تأخر ردي - ويا ليت بفايدة التصميم زي وجهي -
ثالثا التصميم في المرفقات أو التعديل لأني ما سويت شيء يذكر
رابعا لي عودة بعد الاختبارات - بإذن الله - وبتصميم جديد

. أتمنى إنك ما تزعلين مني اختي امبراطورة الامارات ترى زعلك مهب بسيط .

[Empress uae]

وهذا تصميم جديد يا رب يعجبكم ...

اظاهر إني طفشتكم بكثرت التصاميم ..

تطورت و الله. و صرت حريف و الله العظيم بطاقتك عجيبة.


يمكن لأن ما فيها عفسة البطاقة ناعمة جداً و هادية و ألوانها متناسقة ما شاء الله عليك


شفت كيف أن البساطة حلوة مرات؟؟


و طلعت فنان و نحن ما ندري.


مشكور و ما تقصر و ننتظر بطاقاتك الثانية المذهلة.

[Empress uae]

أشكرك جدا ولكن طبعا ما نسيت أكتب أسمي بس هذه توقيع هديمه مني الك و المفروض في التوقيع الخاص أكتب اسمك مو اسمي بس الظاهر ما عجبك التوقيع مو مشكله خلاص انا راح أنسحب من هذه الموضوع ........... كنت أمزح بس انشاء الله في اول فرصه أصمم بطاقه شعريه ثانيه ولكن بعد خلاص انا سحب روحي من تصميم التواقيع

مع خالص تحياتي لكم
....................................................

أها، إذا تقصد هدية فشكراً و الله ما أقصد أني أطلب تواقيع لي أنا و إنما تصاميم بشكل عام.


مشكور و ما تقصر. بس أنا اقصد يعني تكتب أسمك عشان الناس تعرف أنك أنت اللي عملت التصميم مش أنا.


على العموم يا أخي تواقيع أو تصاميم فيها شعر مش مشكلة. أنا بس حبيت لو تحط أسمك يكون برهان أنك أنت اللي عامل التوقيع أو التصميم.


و إذا كانت هدية منك لي. فمشكور و ما تقصر.


و ننتظر إنجازاتك الساحقة في عالم الفوتوشوب.

[Empress uae]

إن شاء الله الشارك في الموضوع قريبا


بس ليش ما تشاركين في الموضوع

إن شاء الله و مشكور و ما تقصر يا الشيخ. و بخصوصي أنا، أصبر علي و إن شاء الله أصمم.

[Empress uae]

أولا أشكر اختي امبراطورة الإمارات على هذي الفكرة العبقرية اللي أفادتنا كلنا
ثانيا أعتذر عن تأخر ردي - ويا ليت بفايدة التصميم زي وجهي -
ثالثا التصميم في المرفقات أو التعديل لأني ما سويت شيء يذكر
رابعا لي عودة بعد الاختبارات - بإذن الله - وبتصميم جديد

. أتمنى إنك ما تزعلين مني اختي امبراطورة الامارات ترى زعلك مهب بسيط .

العفو يا أخي. أنا اللي لازم أشكرك على تفضلك و تصميمك لهذه البطاقة الجميلة.


فعلاً حلوة و بسيطة. (يا محلى البساطة) خذ راحتك يا أخي و في أي وقت نحن ننتظرك.


و مشكور على إهتمامك و خوفك على مشاعري و إن شاء الله نشوف إبداعاتك الساحقة قريباً إن شاء الله.

[Riku]

ماشاء الله التصاميم كل مالها وتحلوا ,, ابداع ....

موضوع موفق يا Empress uae .. والمبدعين ماشاء الله ماليين المنتدى .. والى الامام .

[Amarant]

تطورت و الله. و صرت حريف و الله العظيم بطاقتك عجيبة.

يمكن لأن ما فيها عفسة البطاقة ناعمة جداً و هادية و ألوانها متناسقة ما شاء الله عليك

شفت كيف أن البساطة حلوة مرات؟؟

و طلعت فنان و نحن ما ندري.

مشكور و ما تقصر و ننتظر بطاقاتك الثانية المذهلة.

أشكرك أختي Empress uae على كلامك الرائع .. وعلى فكرة ترى مع الوقت راسي ينتفخ مع الكلام الحلو عشان كذا قررت إني حط هذي البطاقة عشان راسي ينتفخ أكثر وأكثر ...

[Empress uae]

ماشاء الله التصاميم كل مالها وتحلوا ,, ابداع ....

موضوع موفق يا Empress uae .. والمبدعين ماشاء الله ماليين المنتدى .. والى الامام .

أيوا صحيح ما شاء الله في مبدعين بالمنتدى بس للأسف في منهم ما أكتشفانهم غير ألحينه.


هم يحتاجون شوية ضرب مبرح مني حتى يتحركون صح كلامي أو لا؟


شفت كيف صارت تصاميم Amarant تحلى يوم عن يوم؟ هذا بعد محاولات إغتيال مني له. (أمزح لا تصدقوا)


ما شاء الله عليه، هو عنده قدرة بس يحتاج كم بوكس بعدها بيصير أوكي. (أمزح لا تزعل)


و أنا إن شاء الله بعرض تصاميمي و إن شاء الله تعجبكم.

[Empress uae]

أشكرك أختي Empress uae على كلامك الرائع .. وعلى فكرة ترى مع الوقت راسي ينتفخ مع الكلام الحلو عشان كذا قررت إني حط هذي البطاقة عشان راسي ينتفخ أكثر وأكثر ...

أيوا خليه ينتفخ و ينفجر بعد حتى تعرض لنا تصاميمك المليون بالمنتدى. الظاهر بعدين بيرشحونك مراقب بقسم الفوتوشوب.


أما بخصوص بطاقتك، هي حلوة و لكن أنتم ليش معلقين على هذه القصيدة بالذات؟؟ ما شاء الله ما كفتكم القصايد الثانية؟ خلاص بدور من اليوم إن شاء الله قصايد ثانية.


عاد هذا من زين ما أعرف شيء عن القصايد. بس بحاول إن شاء الله ألقى اللي أقدر عليه و إذا أنتم عندكم كلام ثاني و تحبون تعرضونه في بطاقة مش مشكلة عندي.


أنا بس حطيت هذه القصايد و الأشعار كمساعدة و أنتم أحرار.


بس بصراحة تصاميمك صارت أفضل عن قبل، صارت مرتبة أكثر خاصة البطاقة "أبي أكتب قصيدة حب"


فعلاً راقية و بصدق.


حظ موفق للجميع و الله يوفقكم إن شاء الله.

[Amarant]

هم يحتاجون شوية ضرب مبرح مني حتى يتحركون صح كلامي أو لا؟

:shock22: :shock22:

شفت كيف صارت تصاميم Amarant تحلى يوم عن يوم؟ هذا بعد محاولات إغتيال مني له. (أمزح لا تصدقوا)

ما شاء الله عليه، هو عنده قدرة بس يحتاج كم بوكس بعدها بيصير أوكي. (أمزح لا تزعل)

و أنا إن شاء الله بعرض تصاميمي و إن شاء الله تعجبكم.

في انتظار تصاميمك ..

[Amarant]

أما بخصوص بطاقتك، هي حلوة و لكن أنتم ليش معلقين على هذه القصيدة بالذات؟؟ ما شاء الله ما كفتكم القصايد الثانية؟ خلاص بدور من اليوم إن شاء الله قصايد ثانية.

أشكرك أختي Empress uae على الكلام الجميل والراقي ..

وبعدين أنا ما أدري أن الأخوان حطوا التصميم على هذي الأبيات..

وبالنسبة للشعر ترى أنا من جنبها يعني ما عندي سالفة ولا أقدر أكون بيت واحد .. عشان كذا الله يعينك وتحاولي تجيبي كم قصيدة ..

[almokan3 ADV]

لكن أنتم ليش معلقين على هذه القصيدة بالذات؟؟

أنا بأعترف
لأنها أقصر قصيده والباقيات صووووووووال
طوري لنا وحده صغيره وحلوه

[Empress uae]

أنا بأعترف
لأنها أقصر قصيده والباقيات صووووووووال
طوري لنا وحده صغيره وحلوه

طيب و لا يهمك إن شاء الله بدور و لا تزعل.

[Empress uae]

هذه قصايد عتاب و اللوم للي يحبها.


بصراحة كنت متعود أعيد هالسنة عيدين
ولكن هالحين
فراقك صار ثالث اعيــــادي



روح بطريق و أنا بطريق
خليني على جرحي العتيق
للصبر أخر خلاص عافك الخاطر



تنداس دنيا الحب
بتراب تنداس
و ينداس قلب
ما وفى مع خويه



أنهنت في حبــك وانا حــر ما أنهان
والحــر ما يرجع لشخص يهينــه
والله احبــك حب والقلب ما خان
حا فظ عهوود الحب يومك تبينه
بس للاسف ما أقدر على حب خوان
يمشى يشيل اسمى وباكر يهينه



عطني قلم بأكتب على
القلب ناسيك
حتى اليا منه تذكرك ينساك
خلاص عقب اللي حصل منك
مابيك
ومادمت أنا أهنيه فارقني
أهناك
غلطة حياتي يوم تقفي
و أناديك
لكن بترجع يوم و أقوووول
منااااااااااااااااااااك



لاتنصدم لاقلت أنا اليوم مابيك
القلب عافك و أنتهى اليوم دورك
أعميتني بحبك عسى الله يعميك
ورميتني يازين باعمق بحورك
يالله توكل لاتجيني ولاجيك
يالله حبيبي قوم رتب أمورك



إنتهى دور البطوله
وإنتهت قصه وسيره
و إسمعي للي بقوله
هذي الحلقه الأخيره
بس يكفيني حموله
من جروحك ياخبيره
و إسمعي يا أكذب وله
صدك عني صار خيره
وهذا كل اللي بقوله



يابنت...ياللي كل همك غرامي
الظاهر أنك ..جاهله بالعناوين
كم قلت لك هالحب ماهو مرامي
روحي أكيد أنك بدالي تلاقين



أنتهت قصة هوانا لاسوالف ولا كلام
حتى في يوم الوداع ،، أكتفينا بالسلام



آخر رساله
خلها اليوم تذكار
لاعاد تذكرني
تراني نسيتك



أعتلي يا نفس و أعقل يا خفوق
و أرقدي ياعين و أرحل يا هوى
بنصحك يا قلب لا يطويك شوق
روحته مع جيته عند سوى
من يحطك تحت لا تعليه فوق
و من يحطك فوق يبشر لانوى
الكرامة ما يوطيها مخلوق
و النجم لاطاح قالو له هوى



عزتي اقوى من أني اخضع لك
ولاتفكر في يوم اني ارجع لك



مابيني وبينك مـشاريـه وعـتـاب
شف دربك اللي جيـت منه تدله
مـاراح تـغـلـبـنـي لو الحب غلاب
من حـضـرتك عشان قلبي تذله
كـنـت الـقـريب وكـلـهـم أغـراب
حتى القمر لاغاب شفتك محله
رح واعتبرنـي واحـد أذنب وتاب
مـانـي بثوب تلبسه ثـم تـمـلـه



لا تحسب أن القلب هام وضمنته
نذر علي أن ذلني ما اعترف فيه



خلاص ما تفرق عندي صدودك
خلاص عندي أصبح الوضع عادي
عندي تساوت غيبتك أو وجودك



لاتنتظري مني الرجوع
كم واحدن قبلك تكبر وعفناه



مجبور نضحك يا زمن العجايب
دام البشر صار بو وجه وجهين
غصب علينا نبتسم للمصايب
دنيا نسايرها على العسر و اللين
منها بكى طفل صغير وشايب
وياما ضحك من عليها مجانين



فجري اللي تبينه من غيابك وغيبي
اصلا القلب مابقى به شظايا
و أتركي لي جروحي جعلها ماتطيب
ولا تخلين عندي منك اية بقايا
غلطتي واحتملها يوم اعامل بطيبتي
واحسب الناس مثلي واضحين النوايا



ذا طبعك كذا ما أبيك
بترضى وإلا مايرضيك
نصيحة لاتزودها،،ترى أسويها،،وأخليك!!
أنا كلي أجي لاجيت
( وأبيع الدنيا لي حبيت )
ولكن تدري وش عيبي؟؟
إذا صديت أنا،،صديت



أنا ماني جسر تعبره وتروح
ما أرضى تهين النفس لو كنت غالي



والله لخلي عزتك تحت ماطاي
تمشي وعينك ماتعدا مواطيك
ابيك درس لكل خاين و نساي
وافهمك قدرك وقيمة مباديك
والله لهينك لين تبكي تبي رضاي
ذليل تكسر عين منهو يراعيك