يا اخ متنرفز اولا اذا انت نيتك النصيحه وبس فمشكور بس لو انت صادق في نيتك كان في مليون اسلوب للنصح غير الي انت استخدمته من يوم واحنا صغار واحنا اتعلمنا اننا لما ننصح اي شخص ناخده على جنب مو علني واظن هدي اخلاق المسلمين لكن الي انت سويته ما ادري ايش اسميه ما تركت ولا اسلوب وقح وسفيه وبايخ الا استخدمته معايا مو عيب عليك الي انت سويته هدا ويكون في علمك انا الحمد لله ماني كذابة والكل شاهد علي والي مو مصدق عنده البحر يبلطه والجدر يدق راسه فيه من هنا لبكرة لانه يكفيني اني انبسطت في رحلتي والحمد لله كنت صادقه مع الاعضاء من يوم ما سجلت في المنتدى هدا وبعدين انت جي في النص كده ومنت داري عن شي وقاعد تتفلسف اسمع يا اخ مترفز انا حرة اكتب الي ابغى وانا عارفة ايش قاعده بسوي والي داخل بين البصلة وقشرتها .......................؟وياريت ترجع لردي وتشوفه مزبو وتلاحظ اني وجهت كلامي للبنات فاهم ولا تتبلى على اعراض الناس ولا تنسى انه عندك انت كمان اخت وبكرة راح يجي الي يتبلى عليها زي ماسويت في وهدا الكلام اقولةلبعض الاعضاء الي اتبلوا علي بالكلام ما راح اقول الله يسامحكم لكن اقول حسبي الله وانشاء الله مردوده لكم وانت واحد منهم اما بالنسبه للاعضاء الي دافعوا عني في غيابي فألف شكر لكم واحب اوضح انه ما بيني وبين اي واحد منهم اي علاقة خارج نطاق المنتدى وعيب عليكم يالي تحاولوا تشوهي سمعتي عيب خافوا ربنا اما بالنسبه لحكاية دبي بتتشطر وتقول اني كتبت بالانجليزي يا اخ ذكي الفندق الي انا فيه الكي بودر مو عربي شكلك ولا عمرك نزلت في فندق اما بالنسبه لغلطتي في الكتابة فهدا شي عادي جدا وكل الناس بيغلطوا وهما بيكتبوا المهم انا ما ابغى اخد وادي معاك كتير عشان ما احب اغلط على احد ومنك لله اذا نرفزتك بكلامي فايش تسمي اسلوبك انت في الرد على موضوعي هل هدا اسلوب انسان راقي ومتعلم هل هدا تصرف يصدر من شخص بكرة راح يكون اب وقدوة انت كيف راح توجه اولادك اذا بشكل دا الله يكون في عونك بصراحه اسلوبك ما يدل ابدا على اي تحضر في شخصيتك ولا هو اسلوب رجال او شاب محترم ومن عيلة واسفه على الغلط وسامحوني