دروس و أفكار شامله عن الفلاش ( بجنون .. ;))

**MZM** · 20-10-2002, 10:56 AM

السلااااااااااام ابوزهره .... كيف الحال ان شاء الله بألف خير

حياك في منتداك ":" ( الحقوق محفوظه لشاهين ) :6

و سؤالك بتلقى جوابه ان شاء الله

شوف الرد اللي تحت ها الرد ... و تابع

و مشكور

mkx13

إحم إحم ... منين نطيت انت الله يهداك ههههههههههه

كح كح كح ...قصدي شها النور و حيااااااااااك ( أشوه ما سمعني :6 )

حياااااااااااااك الله أخوي

دخلت هاذي تسوى عندي كثير

ماكو رسمات

... إدخل الماسنجر و لا تطلع جذي خبط لزق بدون سلام بعدين قول لي وين الرسمات :6 هههههههههه

سلم و إستلم يا حلو

هههههههه تقول لي اناااااااااااااااااا مااااااااااااا عندييييييييي جامعههههههه

هههههههههههههههههههههههههههههههههههههههههههههههههههههه

و اللي يرحم والديك و يخليهم لك تعالي لي زورني بس يوم واحد ... هههههه و راح تكرههه روحك و انت تشوفني ما أقوم من مكاني

و السبه ها الجامعه

و تقول خشينا بمواضيع ثانيه غير

جذي أحسن أحسن على شان ندّوخ اللي يدخلون و بس الغالين هم اللي يبقون
هاذي سياسه هههههههههههه

انطر و تابع .... الموضوع بعده بالمهد ... يبيله وقت على ما يستوي :6

لوووجييييييين

ههههههههه

هلاو هلاو هلاو ((((( الحقوق محفووووظه لوايلد كيتي ... ممنوع الإقتراب ... مواد عالية الإشعاع.تتلامع من بعيد )))

مشكوره على الوجود الطيب بالموضوع ..

و مشكوره على الكلام المشجع ...

و آسف على البطىء اللي بالموضوع ( الجامعه:" ) لكن مع الوقت ان شاء الله بيكون ها الموضوع عند حسن الظن

...

**MZM** · 20-10-2002, 11:05 AM

شلون تحفظ فلاش بصفحه من النت ... داخل كمبيوتر و يصير ملك لك تغشله بأي وقت أو تدزه لأي شخص تبي ؟؟

طبعا الكل يعرف ان فيه بالكمبيوتر ببرنامج الإكسبلورير ملف اسمه الملف المؤقت (Temporary Internet files)

ها الملف يتم فيه تخزين أي شي تفتحه و تتصفحه من الإنترنت ... سواء صور ... أصوات ... فيديو .. أو فلاشات

و بمجرد عرض اي فلاش بكمبيوتر من الإنترنت

.. هذا معناته انه انحفظ بكمبيوتر بشكل مؤقت حسب تحديدك انت لسعة هاذا الملف المؤقت

و طبعا من ها الملف راح ناخذ الفلاش اللي نبيه من الصفحه

...

شلون نفتحه و ناخذ الفلاش منه

اولا أفتح الصفح اللي فيها الفلاش اللي تبي تحفظه عندك بجهازك ( مثلالنا راح يكون بصفحه r3odi و راح نحفظ بطاقه منه داخل الكمبيوتر)

إفتح الصفحه و انتظر الفلاش لما يشتغل لك بشكله الطبيعي الكامل بعد الـ Downlaod

**MZM** · 20-10-2002, 11:10 AM

إضغط على Tools

و منها إختار الـ Internet Options

**MZM** · 20-10-2002, 11:12 AM

هاذا هو الملف طلع لنا اسمه Temporary Internet files

إضغط على إعداداته Settings

**MZM** · 20-10-2002, 11:17 AM

الحين إنفتحت لنا إعدادات الملف المؤقت و طلعت لنا سعته اللي انا حاطها 595 ميجا :6 ...
لإن ها الملف يهمني حيل

و أحب أحفظ كميه كبيره من الصفحات اللي أمر عليها كل يوم
و الصور تتخزن من الإنترنت مره وحده بعدين تصير تتخزن من ها الملف دايم ..على شان التصفح عندي يصير سريع شويه أكثر

المهم إضغط View Files علي شان تشوف محتويات ها الملف المؤقته .. من صور .. و صفحات ..
و أصوات .. و فيديو ...و فلاشات :6 .. كلها مريت عليها من خلال فترة تصفحك للإنترنت

**MZM** · 20-10-2002, 11:24 AM

طلعت لك الملفات و الفلاشات و كل شي

الحين دور و إبحث على فلاشك اللي تبيه

ممكن تحط الملفات بترتيب زمني

.. او حسب الحجم .. بكيفك
يعني شي بديهي ما دام تبي فلاش ... يعني انت تدور على ملف سعته كبيره ...
يعني لو حطيت ترتيب الملفات مثل ما سويت بالصوره تحت ... حسب الـsize
(( إضغط على كلمة size و راح يتحول الترتيب حسب الحجم ..تنازلي ..او تصاعدي حسب السهم اللي باين يمين الكلمه... و كل ما ضغطه ينعكس ... تصاعدي او تنازلي))
راح تلقى عروض الفلاش اللي حجمها كبير صارت فوق ...
و جنب كل ملف على اليمين تلقى اسم الموقع اللي تخزن منه ها الملف

... هاذا راح يساعدك بالتعرف على الملف اللي تبيه
و ما دام فلاشي اللي أبيه من موقع r3odi سويت ترتيب حسب الـ size و لقيت اسمه و اسم موقعه ...و شغلته و لقيته هو بالضبط اللي أبيه

الحين سو له copy أو اسحبه و حطه على الدسك توب مالك

او أي ماكن براحتك

**MZM** · 20-10-2002, 11:31 AM

شوفه شحلاته الحين على الدسك توب

بعد ما إشتغل من كمبيوترك

حقك مقك هههههههههههههههههه .... شغله متى ما تبي

و لا تنسى فيه برامج تقدر منها تخزن الفلاش من المواقع بضغطة زر

لكن حبيت أشرح ها الطريقه لإنها ما تحتاج شي و سهله حيل

و سلامتك و سلامة الحاضرين

سلاااااااااااااااااااااااااااااااام

**MKX** · 21-10-2002, 12:10 AM

السلااااااام عليكم ( ها سلمت الحين ولا لا :غضب: )

على العموم مشكور على المعلوماات وانا كنت احسب انه لازم ببرنامج

تحفظ الفلاشات الي على النت .....

لأني شايف برنامج زي كذه

يلا ورينا شطارتك انا اموت في الفلاش ... بس قدراتي محدوده ويا ريت تسوي درس عن الكودات الفلاشيه ((action))

ومشكووووووووووور
ولا تنسى الرسمه :غضب: :غضب:

**MZM** · 22-10-2002, 09:02 AM

هلا بالغالي mkx13

شلونك شخبارك

و عليكمممممم السلاااااااام و رحمت الله و بركاته ( روح لإيميلك الحين :6 )

حياك ... و طلبك قيد التنفيذ

**MZM** · 22-10-2002, 09:27 AM

آسف على الشرح البطيء بالموضوع ... لكن للدراسه أحكامها

بها الوقت بيكون مفيد حيل انك تتصفح النت على شان تتعرف على أساسيات الفلاش .....
لإن من الغباء تكرارها و تضيع الوقت بالتصوير و إعادة الشرح و هو نفسه نفسه موجود بموقع جاهز و ها الأساسيات الإنترنت مفصلتها تفصيل ممل و بشروح وافيه

إعرف الأساسيات .. و من ها الموضوع راح تعرف أشيا جديده فوقها كثير ان شاء الله راح تعجبك و توصلك لمستوي يرضيك ان شاء الله

لو لقيت شرح ناقص بأي موقع ... او حبيت تستفسر عن شي أساسي بالفلاش لا تتردد
لكن لزحمة الوقت .. حبيت أخلي شرح الأساس على المواقع الكثير بالإنترنت
و المرحه المتوسطه و المتقدمه و المحترفه راح تكون بها الموضوع إنشاء الله

تعرف على قائمة و أدوات برنامج الفلاش الرئيسيه
http://www.websy.net/Learn/flash/
http://abobdr.com/index0.htm
---------------------------
أساسيات الفلاش
http://www.jamal1.8k.com/index.html
-----------------------------
ركز على
1-التغيير البيني للحركه
2-التعامل مع المشاهد
3-الأزرار
4-الطبقات

و لو فهمت شوي من ها الصفحات تأكد انه كافي على شان تكمل معانا
-------------------------------------------

أهم شي
http://www.geocities.com/khyalml/a2.htm
فيه درسين بسيطين حيل حيل لكن مهمين حيل حيل .... لوفهمتهم و طبقتهم ..بدون مبالغه تكون مشيت درب طويل بالفلاش و الباقي بيصير لك سهل
لإن أهم شي هو انك تعرف شريط التوقيت و كيف تتعامل معاه و تعمل موفي كلب بسيط
و لما تفهم المبدأ راح تعرف تعمل أي حركه ببالك

تأكد من انك فهمت شرح الموقع الأخير لإنه كافي جدا لفهم إسلوب الفلاش

و شكري الكبير لاصحاب ها المواقع

و فيه مواقع كثير مذكوره بالمنتدى و مواقع اكثر راح تطلع لك لما تسوي بحث

حاول تتعلم الاساسيات على شان تكون بالصوره

.. و إسئل و لا راح نقصر ان شاء الله

**MZM** · 22-10-2002, 09:44 AM

يوم الأربعاء الجاي إن شاء الله بيكون الشرح عن المؤثرات النصيه
و بيكون شرح مو عادي :6 .. لإنه بيتناول الكود القوي جدا المشهور بعمل المؤثرات النصيه

المستخدم ببرنامج flax و swish و kool moves و غيرهم
و بعد الشرح ما أضن انك راح تحتاج أي برنامج من هاذي البرامج
بس تحتاج برنامج الفلاش 5 فقط
و النتايج حيل أسرع و أكثر فاعليه لإن الكود اللي بالأكشن سكربت اللي راح نشرحه راح يعجبك أكيد

خصوصا بعد ما تشوف ان النتيجه هي الفلاشات النصيه اللي تشوفها تحت و اللي ما شفتها ابد لا بالفلاكس و لا بالسويش ..و هي انعمل بدون ها البرامج
برنامج الفلاكس ممكن يعطيك مية مؤثر او نقول ألف

... لكن ها الكود يعطيك مؤثرات بدون حدود

( شوف الأفكار العجيبه بالفلاشات اللي تحت )
اللي إستخدمته هو برنامج الفلاش 5 فقط
و كل مؤثر عمله ما ياخذ دقايق
و شكري الكبير لموقع flashkit و kirupa اللي تعلمت منهم كثير كثير عن الفلاش

و موعيب انك تقول انا تعلمت من فلان لكن العيب انك تنكر اللي مد لك إيده و علمك ....

**MZM** · 22-10-2002, 09:55 AM

النص اللي مكتوب لي لكن المؤثر سواه أحد أعضاء الفلاش كيت بالأكشن سكربت ( اللي راح نشرحه :6 )

<embed width="510" height="200" src="http://members.lycos.co.uk/mzm3/ff/t1.swf" type="application/x-shockwave-flash">

( عرض الفلاش للتوضيح ) ......... انتظر التحميل 25 كيلو بايت

**MZM** · 22-10-2002, 09:56 AM

النص اللي مكتوب لي لكن المؤثر سواه أحد أعضاء الفلاش كيت بالأكشن سكربت ( اللي راح نشرحه :6 )

<embed width="510" height="100" src="http://members.lycos.co.uk/mzm3/ff/t2.swf" type="application/x-shockwave-flash">

( عرض الفلاش للتوضيح ) ......... انتظر التحميل 25 كيلو بايت

**MZM** · 22-10-2002, 09:58 AM

النص اللي مكتوب لي لكن المؤثر سواه أحد أعضاء الفلاش كيت بالأكشن سكربت ( اللي راح نشرحه :6 )

<embed width="510" height="100" src="http://members.lycos.co.uk/mzm3/ff/t3.swf" type="application/x-shockwave-flash">

( عرض الفلاش للتوضيح ) ......... انتظر التحميل 25 كيلو بايت

**MZM** · 22-10-2002, 10:00 AM

النص اللي مكتوب لي لكن المؤثر سواه أحد أعضاء الفلاش كيت بالأكشن سكربت ( اللي راح نشرحه :6 )

<embed width="510" height="100" src="http://members.lycos.co.uk/mzm3/ff/t4.swf" type="application/x-shockwave-flash">

( عرض الفلاش للتوضيح ) ......... انتظر التحميل 25 كيلو بايت

الموضوع: دروس و أفكار شامله عن الفلاش ( بجنون .. ;))

أدوات الموضوع

هلااااااااا

ضوابط المشاركة