الموضوع الرسمي لأي مساعدة في Metroid Prime؟

**aoks** · 10-12-2002, 02:13 AM

ممكن توضح اكثر يا بلاك بوكس؟:":

**Black Box** · 10-12-2002, 02:20 AM

الرسالة الأصلية كتبت بواسطة aoks
ممكن توضح اكثر يا بلاك بوكس؟:":

أنا في مرحلة الصحراء (اللي بعد إنفجار المحطة الفضائية بداية اللعبة) ... ومطلوب مني في الـــ HINT أني أروح الوصول لمنطقة Sun Chamter وكل الأبواب الموجودة بالخريطة اللي تؤدي للمنطقة هذي مغلقة ... وواحد من الأبواب فيه حرارة زايدة ما أقدر أمر منه ...

اللي أبيه منكم أنكم تعلموني وشهو إسم المكان اللي يؤدي لهالمنطقة

**Issac** · 10-12-2002, 04:49 AM

الرسالة الأصلية كتبت بواسطة سنــيك
شبااااااااااااااااااااااااااااااااااااااااااااااااااااااااااااب ابي مساعده تعلقت في مكان قدلي فيه 7 ايام
انا في مرحلة الثلج في مكان اسمه Ruind Cowtyard وفي هذا المكان حصلت على جاز رؤيه الليليه من احد الابواب اسمه Thermal Visor والحين موجود عندي في الخريطه استفهام على Quarantine Cave hgla المشكله الباب المؤدي الى هذا المكان ما ينفتح كيف افتحه وشكرا
اووووووووه نسيت اقول اني كملت 30% من اللعبه معني لقيت شي دائري عند الشي شكله برج ورميته Wave Beam وجميع الاسلحه لكنه مانفع تكفووووووووووووووون ابي الحل بسرعه

المشكله انه واحد من الشباب جاوب جواب غريب وقالي Issac

أخوي سنيك وقف قدام الباب اللي تقول إنه ما ينفتح وأستخدم الـ Thermal Visor وأطلق ميسيل أو سوبر يسل ما أذكر بالضبط على الحاجز الموجود فوق الباب وبتلقى دارة الطاقة وهي اللي تمد الباب بالطاقة أطلق عليها بإستخدام الـ Wave Beam وبينفتح لك الباب

بالتوفيق

انا عندي جهاز Thermal Visor وطلع لي شي دائري لونه اصفر وقال الاخ اطلق ميسل او سوبر يسل ابي اعرف ويش اطلق والمشكله ما ادري عندي الجهازين او لا وتكفون علموني مكانهم عبر الخريطه بذي الطريق يعني مثلا

(منطقة الثلج - وتكتب اسم المكان الي فيه السلاح عشان اعرف مكانه وانهينا وشكرا وارجو تعلموني بسرعه

;-)

والله أنا شايف إن شرحي ما فيه أي صعوبة تذكر على العموم حصل خير وكل واحد يصلح سيارته :6

طيب ليش ما ناخذها خطوة خطوة

أنت تقول لي إنك شايف دائرة لونها أحمر بالـ Thermal Visor صح

أحب أقولك إن هذه الدائرة كانت مختفية ورا حاجز وما تقدر تشوفها

وأنت بعد ما كسرت الحاجز يا بالصواريخ أو الصواريخ القوية بالإستمرار على ضغط A بعدين Y

تقول لي إنك الآن شايف الدائرة صح

إذا إنك شايفها أستخدم سلاح الـ Wave Beam وكذا راح توصل الطاقة للباب وبينفتح لك ;-)

**Issac** · 10-12-2002, 04:58 AM

Yahhhoooooooooooooooooo

أنهيتها بس بنسبة 78% ?:

وكيف عرفت الـ Spoiler وأنت ما بعد وصلت له

لأني أعتقد إن أسماء ألعاب ميترويد السابقة كانت على إسم الزعيم الأخير << ما أدري يمكن تخميني صح أو خطأ مع إني ما أذكرها زين :-)

**Yoshi SD** · 11-12-2002, 12:16 PM

لأني أعتقد إن أسماء ألعاب ميترويد السابقة كانت على إسم الزعيم الأخير << ما أدري يمكن تخميني صح أو خطأ مع إني ما أذكرها زين

خطأ لأن Super Metroid كان الرئيس الأخير فيها Mother Brain وأما Metroid 2: the return of Samus فأنا لم ألعبها ولكن أظن أن الرئيس الأخير كان Queen Metroid أو Alpha Metroid أو شيء زي كذا.

وأنا سمعت أن اللعبة لها 3 نهايات بحسب النسبة اللي تاخذها.

**r4r** · 11-12-2002, 04:01 PM

وأنا سمعت أن اللعبة لها 3 نهايات بحسب النسبة اللي تاخذها.

إذا خلصت اللعبة في 74% أو أقل تاخذ النهاية الأولى ...

أما إذا خلصتها بنسبة بين 74% إلى 99% تاخذ النهاية الثانية ...

و النهاية الثالثة لازم تخلص اللعبة بنسبة 100% ... :!

س/ شباب في أحد يعرف كيف ينقز نقزة ثنائية بالكورة ... ؟

لأن في أحد العروض شفت سومس تنقز بالكورة مرتين ...

في العرض الرابع تقريباً ..

لما تشغل اللعبة لا تضغط start إصبر إلين تجيك العروض و شوفوا العرض الرابع ...

و بتشوف سومس تنقز مرتين ...

إذا في أحد يعرف الطريقة لا يبخل علينا ...

**r4r** · 14-12-2002, 05:17 AM

أبشركم يا شباب عرفت شلون تنقزون نقزة ثنائية ...

الطريقة يبيلها توقيت ...

و يبيلها تدريب شوي ... :6

أول شي لما تتحول إلى كورة يكون عندك ثلاث قنابل ...

هذي الثلاث قنابل لازم تفجرها بتوقيت معين ...

حاول إنك تعد من 1 إلى 4 بسرعة معتدلة ...

مو بسرعة مرة و لا بطيء مرة ...

و في العدة واحد و ثلاثة و أربعة تحط القنابل ...

يعني تقول واحد و تحط قنبلة ..

إثنين بس ما تحط قنبلة ..

ثلاثة تحط قنبلة ..

أربعة تحط قنبلة ..

لكن زي ما قلت بسرعة معتدلة ...

و بتقدرون إن شاء الله تنقزون نقزة ثنائية ..

و في طريقة ثانية إذا ما ضبطت معاكم ذي الطريقة ...

حط قنبلة و اصبر إلين تحس إنها بتنفجر ...

و بعدين حط قنبلتين ورا بعض علطول لحظة إنفجار الاولى ...

تقريباً الطريقة الثانية نفس الطريقة الأولى لكن الطريقة الأولى فيها عد بالأرقام عشان تساعدك إلين تضبط الطريقة ...

و لما تتعود عليها ما عاد بتحتاج إنك تعد ...

و بتسير الطريقة سهلة عليك ... :0)

آمل إني أكون أفدتكم يا شباب ...

و ياليت إللي يجربها يقول لي إذا ضبطت معاه و للا لا ...

و معليش على التوقيع في الرد السابق ... :6

سلام ..:-)

**toto2003** · 18-12-2002, 03:58 AM

السلام عليكم ورحمه الله وبركاته
اولا احب ان اشيد فيكم يا اعضاء هذا المنتدى من حيث جمال الروح الذي يتحلى فيها جميع من قرات لهم هنا وارجوا ان لا اكون قد اثقلت عليكم بشي ولكن انا اريد مساعده انا عضو جديد يمكن ما حد يرد علي لن واله اني قاعد ثلاث ايام ما عرفت احل هذي العقده انا موجود في منطقه (ruined courtyard)اللي فيها باب ناقصه طاقه ولما اشغل المنضار الحراري الاقي زي (switch)موجود فوق لكن ما عرفت اشغل الباب دلوني الله يرضالي عليكم وارجوا ان اكون عضو جيد ومقبول في هذا المنتدى وشكرا

**Yoshi SD** · 19-12-2002, 10:26 AM

يمكن ما حد يرد علي

أفأ إذا ما ردينا على الأعضاء الجدد أجل على مين نرد!!

وأهلاً وسهلاً بك في هذا المنتدى أرجو أن تعذرنا فالمنتدى في حالة ضعف في هذه الفترة لإسباب خارجية ولكن حياك الله على كل حال والإجابة على سؤالك:

إذا وقفت على المنصة ( البرج) التي أمام الباب وفي منتصف المرحلة استخدم المنظار الحراري وانظر إلى فوق الباب ستجد شيء يشبه الدائرة اطلق عليه بالصاروخ المقوى ( اشحن المسدس الأول واضغط Y) ثم بعد ذلك أطلق عليه (الدائرة) بالـ Wave Beam
( أرجو أن يكون الجواب صحيح لأني من زمان ما لعبت ( مشغول بمترويد فيوشن)

**ss020202** · 19-12-2002, 10:00 PM

مرحبا شباب عندي سؤال

س:انا الحين بمرحلة الثلج (ناسي اسمها) ووصلت لمكان بعد ماتدخل
باب وهذا الباب الظاهر انك توصله بالقمزتين، المهم بالغرفة هذي فيه تمثال طالع الجليد من فمه ونازل مع ايديه
وعلى يساره باب مسكر بحديدحاولت افتحه ماعرفت سويت مسح عليه
كتب لي كلام وكاتبين بالاحمر (شامان)
تكفون ابغى حل لهالمشكلة، انا الحين معي الماسح فقط
وواصل 17% ، فيه شي ناقصني والمفروض يكون معي الحين؟؟؟؟

تكفون اهم شي جاوبو على السؤال الاول

ومشكورين..

**r4r** · 19-12-2002, 10:16 PM

الرسالة الأصلية كتبت بواسطة ss020202
مرحبا شباب عندي سؤال

س:انا الحين بمرحلة الثلج (ناسي اسمها) ووصلت لمكان بعد ماتدخل
باب وهذا الباب الظاهر انك توصله بالقمزتين، المهم بالغرفة هذي فيه تمثال طالع الجليد من فمه ونازل مع ايديه
وعلى يساره باب مسكر بحديدحاولت افتحه ماعرفت سويت مسح عليه
كتب لي كلام وكاتبين بالاحمر (شامان)
تكفون ابغى حل لهالمشكلة، انا الحين معي الماسح فقط
وواصل 17% ، فيه شي ناقصني والمفروض يكون معي الحين؟؟؟؟

تكفون اهم شي جاوبو على السؤال الاول

ومشكورين..

شوف الممر اللي إنت جيت منه ...

بتحصل فيه أربع أوجه على الجدران ...

ثنين على اليمين و اثنين على اليسار ...

لما تسوي لهم سكان ..

بتحصل واحد منهم إسمه (شامان) ... الظاهر إنه اللي على اليمين قدام .. ناسي ..

فجره بالصاروخ ..

و تحول إلى كورة و ادخل داخل الفجوة إللي ورا الوجه ..

و فجر قنبلة ...

بعدين بينفتح لك الباب ...

و بس ...

**Devil may cry2** · 24-12-2002, 11:41 AM

شباب انا عند مرحلة اثلج اوكيه بس ودي اعرف وين ومتا اخذ spider ball لانه هناك اماكن يجب استعمال سبيدر بول ولم يكن لدي اخبروني اينه اجده :" :" :" :" نسية واصل 20% في امكن مجمده ولاستطيع كسرها فكيف اكسرها ولكم جزيل اشكر

سلام

**Yoshi SD** · 25-12-2002, 05:41 AM

يا أخ Devil May Cry2 كان بودي مساعدتك ولكن اللعبة ليست معي الآن للأسف.......:"

كلما أستطيع تذكره انك لازم تهزم رئيس في عالم الثلج.

ولكي تكسر الثلج حاول استخدام الصواريخ ( بزر Y) أرجو أن تعذرني على عدم كفاءة معلوماتي ولكن هذا بسبب بعض الظروف......

وأكرر أسفي مرة أخرى

**Devil may cry2** · 25-12-2002, 08:15 AM

حاولت اكسره بصروخ بس منكسر ممكن تعطيني حل الباب الي بلبرج الي فوق الباب دائره وستعملة سلح Wave Beam بس لم يحصل شي

ساعدني

سلام

**wzzany** · 26-12-2002, 03:08 AM

أهلين شباب

أحتاج مساعدة

وصلت مرحلة اسمها ريدكور كور ولا شي كذا فيها بوابة شلون أفتحها حست حوسة ولا قدرت

الموضوع: الموضوع الرسمي لأي مساعدة في Metroid Prime؟

أدوات الموضوع

هلا أوكس

ضوابط المشاركة