الي يبغى اي مساعده في تعديل سيارته يدخل

**MR.أستبنه** · 28-03-2003, 03:19 PM

هلا و الله يابو داحم ...................

اول شي تحيح كلامك تراهي زبرقه مو زبقره

والكرله حقه عبث وتزبيط

عنمك
1-التطييح
2-التجنيط وركب مقاس 17 حلو وزين عليها
3-تضليل خفيف
4-جناح
5-انوار زينون
6-شف لو تركب في الخلفيه اسطبات مرسدس فياجرا والله تطلع حلووووووووه
7-الشبك الامامي تغيره

وراح اكتبلك رد ثاني بعد

**abu dahm** · 28-03-2003, 07:31 PM

مشكور اخوي على المعلومات وتراي انتظر المزيد

بالنسبه ل كلمة زبقره هذي معروفه عند اللي اعرفهم اما زبرقه فاسمحلي اول مره اسمعبها ومشكوووووووور :!

**abu dahm** · 28-03-2003, 07:43 PM

بالنسبه لاقتراحاتك اخوي مستر استبنه

1_السياره مطيحه
2_الجنوط لو طيحت السياره وركبت جنوط مقاس 17 راح تتفقع المساعدات على طول وتراي مركب جنوط 13 وتجاري بعد
3_راح احط هالاقتراح
4_ادور جناح طويل يركب عليها ماني لاقي لاكن البحث مستمر
5_اسلاك الكوريلا ما تتحمل قوة اللمبات الزرق وادور حل لهذي المشكله هذا اذ1 كان عندك حل لاتبخل علينا
6_تعرف سعرها او قيمة تركيبها
7_ياخوك انكسر ظهري وانا ادور شبك لكوريلا بدون علامه ما القى الالكامري :غضب: تعرف محلات غير الغرابي

مشكوووووووور اخوي

**MR.أستبنه** · 29-03-2003, 04:20 PM

هلا والله اخوي

انا اعرف واحد مركب على كورلا جنوط مقاس 17 ولا صار معه اي شي
والجناح الكبير او الطويل ما راح تلقاه في الغرابي راح تلقاه في شارع التحليه
وبالنسبه للأنوار رح للمحل وقله يركبلك محول خاص للمبات عشان يقوي الكهربا عندك
والاسطبات والله ما اعرف بس مالك الا التشليح والتركيب ترهمها ترهيم
والشبك ما راح تلقى وأحسنلك ركب شبك غير حق الكورلا

**abu dahm** · 29-03-2003, 04:23 PM

مشكور اخوي اتعبناك معنا

**MR.أستبنه** · 29-03-2003, 04:29 PM

هلا والله بك من جديد

بالعكس تعبكم راحه يا اخوي

**راعي الجي تي آر** · 29-03-2003, 08:04 PM

يا شباب
بالنسبة للأسلاك الحمرا والصفرا
على ما اتذكر
انها تسرع وتقوي الكهرباء في السيارة وعلى ما اتذكر انهم يركبوها مع MSD كثيرا
لأنه يزيد من قوة كرباء السيارة الاسلاك تزيد من سرعة انتقال الكرباء
يعني عزم اقوى

اما عن تعديل الكورولا
انصحك تركب لحية حلوة
او تشتري بامبر (دعامات) جديدة او تفصلها
وركب زوايد جانبية
وعلى الدعامية الخلفية
اعمل فيها كم فتحة وحط على جوانبها رفارف
وركب اكزوز سستيم كامل من المكينة الى الخارج
واسمع الصوت
راح يعجبك
وركب هيدرز وكامات
تراها راح تزيد من قوة السيارة بشكل واضح وهذي زوايد خفيفة ما تأثر على السيارة
وانصحك ركب جناح مثل اللي موجود في السوبرا اللي يجي من الوكالة
وطيحه من قدام
وركب جنوط حلوة مب لازم 17
بس ركب وحدة لونها مثل الكروم
وركب لمبات زينون مثل اللي يجي على سيارات نيسان باترول من الوكالة
وانت تقدر تشتريه منهم
اما الشبك
ليش تتعب عمرك وتدور
روح فصل لك واحد وانصحك تخلي فيه فتح دائرية الشكل ولونه مثل الكروم
وركب لك مراتب حلوة
وخلاص
وراح يكون موترك احسن موتر
ومع السلامة

**abu dahm** · 30-03-2003, 06:24 PM

مشكور يا اخ راعي الجي تي ار وبصراحه اقتراحاتك حلوه وممتازه والشكر واصل للجميييييييييييع

**راعي الجي تي آر** · 31-03-2003, 01:36 PM

لا شكر على واجب
بس كم موديل موترك؟

**MR.أستبنه** · 31-03-2003, 08:47 PM

مشكووووووووووووووووووووووووووور اخوي راعي الجي تي ار على المساعده السريعه

وانت سبقتني بالاقتراحات

**MR.أستبنه** · 01-04-2003, 04:19 PM

.................... هذي بعض النصايح الضروري لشرائك قطع الزينه ....................

1- لا تشتري اي قطعه تقليد او تجاري لان فيها ضرر على سيارتك
2- لا تركب شي بالغصب اذا ما تركب على سيارتك مثل الي يركب اللحيه بالمسامير
3-لا تركب قطع ماهي لنوع سيارتك كمثلاً (الي يركب صدام فورد على كورلا) وهذا بس مثال يعني ماقد شفتها
4- لا تزيد الضغط على سيارتك وركب في قد امكانيات السياره وخاصه على الكهرباء
5- ولا تخذ هذي العباره مقاعده ....(الرخيص مخيس والغالي عالي).... ومعناها انو الرخيص مو زين والغالي دايم زين
6- لا تبخل على سيارتك بالغالي اذا كان زين وهو الاصلي
7- بعض الناس وليس الكل يعتقد ان شارع الغرابي هو شارع كله زينه سيارات مقلده او تجاريه وذا الكلام خاطأ (للي ما يعرف شارع الغرابي هو اكبر سوق لقطع وزينه السيارات في الرياض واقدر ان اقول في السعوديه وهو يقع في البطحاء) بالعكس كل محلات الرياض تجيب من الغرابي
8- اذا كنت تحب تنضيف سيارتك دائماً باستخدام المواد المنضفه والملمعه فلا تبخل بزياذه 5 او 10 ريالات وتحصل على الافضل
9- الجنوط من الكماليات الحلوه فلا تركب جنوط تجاريه حرص على حياتك انا اعرف الكثير الي يركب جنط تجاري بحجه انه زين ورخيص ويضرب عليه الكفر بالخط وينكسر الجنط وكانت راح تودي بحياته لولا ستر الله عليه

انشأ الله كنت افدتكم والجاي اكثر

**MR.أستبنه** · 05-04-2003, 05:13 PM

............. بعض الحركات الي انتشرت بين الناس بسرعه ............

هذي بعض الحركات الي لو تلاحضون انها منتشره بشكل مو طبيعي بين الشباب
1- تركيب الشاشات : منتشره بشكل كبير كبير كبير والله ما بقى احد ما ركب شاشات
2-الكتابات الي بالخلف : والله يا شباب انو في ناس تكتب كتابات ورى السياره وهم مايعرفون معناها او تلقى الكتابه غلط او حرف ناقص او زايد
3- تلبيس السياره جلد
4-تركيب وصله الشكمان
5-تركيب الازياق : هذي والله ما هضمتها
6-تركي جناح لومينا اس اس على السيارات الثانيه
7-التغبيره على الددسن والهيلوكس : والله العظيم عالم مجنونه في احد يبغى سيارته وصخه العالم تصرف فلوس علشان تكون السياره نضيفه وهذولي يوصخون سياراتهم
8-التضليله الصفره على الددسن والهيلوكس
9-تركيب الشبك الملكي على اللاند كروزر وهو الي يجي على شكل خطوط عرضيه
10-تركيب الاشارات على المرايات الجانبيه مثل المرسدس

**abu dahm** · 05-04-2003, 06:45 PM

يا اخ مستر استبنه وش حارق رزك بعدين هذي اللي ذكرتها على الاقل ضررها بالسياره خفيف وبالنسبه لتغبيرت الددسن والهايلكس هذي ما يسويها الا الزحيف بعدين وش رايك اني شايف راعي مكسيما جديده والله لو تشوف التغبيره حقتها تقول كاب زباله فوقها اكرمكم الله والتغبيره شايفها على اكسنت وكورولا وجيوب واااااااااجد ووووووو.................الخ

**MR.أستبنه** · 05-04-2003, 07:02 PM

هلا والله اخوي ابوداحم
ماقلت شي بس ليش يوصخ السياره
عيال عمي واحد معه ددسن 2003 ومغبره
والثاني هايلوكس2003 خليجي ومغبره
وانا شايف كامري لونه عشبي بعد يومين اقلب بني والله تقل اكرمك الله والقارئين (...) ما ابي اقولها
بس صراحه مدري وش الفايده

**راعي الجي تي آر** · 05-04-2003, 08:52 PM

هههه
مجانين
في حد يوصخ سيارته

الموضوع: الي يبغى اي مساعده في تعديل سيارته يدخل

أدوات الموضوع

ضوابط المشاركة