Long time ago, in a far far galaxy, there was 'Chevy' !

[Neo Cid]

الرسالة الأصلية كتبت بواسطة بو ضاري
مشكور على الموضوع نيووو

انا ودي العب فف بس جهازي مواصفاته ماتصلح بشتريلي واحد يديد

ف

ياريت تقول مواصفات جهازك اللي تلعب فيه فف11 من حيث البروسسور والرام وكرت الشاشه وراح اكون شاكرلك

Pentuim 4 2.8 GHz

1024 M ram

GeForse 4 4800 128MB ( و فيه أقوى منه تقريبا بنفس السعر هالأيام )

DVD - CD-Writer

Mother Board : MSI 865 PE Neo2

80 G.B

و بعد شنو فيه ؟ .. اظن هذا المهم ..

و تقدر تحصل على أسعار حلوة بأحسن من هالمواصفات .. بس يبيلك تلف

و تدور بالسوق . .

[Neo Cid]

أحم أحم ..

أمس رحت لمدينة Jeuno .. أكبر مدينة بفاينل فانتسي 11 لحد علمي ..

صج المدينة أكبر مما توقعتها .. و الزحام فيها شديدة بدرجة انك لو رحت بينهم

ما تشوف نفسك .. :6

رحت مزادهم .. و الله عجيب المكان .. مع انه غالي بس المزاد فيه أشياء

ما تحصلها بأماكن ثانية برة ..

المدينة من كثر ماهي كبيرة تشوف نفسك مع 350 لاعب بالمنطقة الوحدة

.. و تصادف تشوف ناس ما شفتهم من فترة ( التقيت اثنين هناك ) . و حتى

شفت Xiphoid قاعد يروح المزاد بين الزحمة .. عرفته من طولة .. :6

بس قبل ما اروح لهالمدينة .. كان الطريج وايد طويل بين غابات كبيرة و وحوش

أقوى مني بوايد .. فالبداية .. قاللي دومز داي انه يبي يوصلني للمدينة ..

و أنا رحت لمكان لقاءنا اللي هو بالغابة .. بس دومز طلع من اللعبة و أنا قلت

يمكن ما راح يدخل مرة ثانية .. نطرت ليمن شفت فريق قاعد يمرون جدامي ..

سلمت على واحد منهم .. ولا بالصدفة طلع أنه رئيس الفريق ولفلة 65 ..

طبعا هاللفل كان أعلى حد للفلات أولت أمس .. بس أمس .. مع الأبديت

اليديد صار الحد 70 ..

المهم .. انا كنت بفريق كلهم لفلات 65 .. 60 .. 59 .. و أنا 20 ضايع بينهم .. :6

كانوا خوش ناس .. يقاتلون اي وحش يقدر يتعرضلي .. و حتى رئيس ببكسين

يذبحله نمر كبير .. والله قوي .. و دثوي حتى .. :6

و بعدها رحنا لمنطقة اسمها Battlina .. أرض قاحله .. لكن حلوة بنظري بنفس

الوقت .. صورت من ذاك المكان صورة .. و عجبتني .. و شكلي بسوي منها

خلفية .. بس أسوي عليها بعض التعديلات بالفوتوشوب و ارفقها لكم يوم

من الأيام ..

ووصلنا مدينة جينو .. المزدحمة .. رحت و ضعت بين الناس .. شريت جم شي ..

و حست و درت .. و بالصدفة .. و أنا امشي بأحد الممرات صادف أني اشوف

احد اللاعبات الامريكيات .. اللي كنت أقاتل معاها قبل بنفسي الفريق ( احنا

اللي نتكلم انجليزي بشكل عام باللعبة دايما نكون مع بعض ) ..

و طلبت مني أني ادخل بفريق معاها .. دخلنا .. و شفت حتى انظم معانا

كذى شخص كنت أعرفهم .. الحمد لله .. بس مع زحمة المدينة .. تضيع .. :":

والله حسيت أن جهازي أي شي جدام كل هالناس .. زحمة قوية تخلي جهازك

مهما كان قوتة يضعف .. :":

المهم .. رحنا بنفق تحت الأرض ووصلنا لمكان ما اعرف اسمه .. لأني ما كان

عندي الخريطة .. بس ... زحمممممة .. تخيلوا حوالي 10 فرق قاعد \

يقاتلون بنفس المكان .. و احنا بينهم .. ما تعرف منو يطقك أو منو اللي بفريقك

حتى .. المهم .. مادري شلون عشت بذيج الزحمة ..

المهم .. من كثرة اللاعبين بالشاشة حسيت بصداع .. والله صدعت مع هالفريق ..

قلتلهم بمشي .. طلعت من الفريق و كان الوقت وقت صلاة المغرب . رحت

صليت و نمت .. ( تخيلوا نايم الساعة 7.30 .. صج عبيط ) .. و الحين قاعد

وقت صلاة الفير ( يا سلام على توقيتي ) .. و قاعد أكتب لكم هالرد الساعة

4 .. شفتوا .. :6

و السلام عليكم

[ستيف بورنسايد]

واو يا خطير انت:6
عندي سؤال الاعبين يقدروا يقاتلوا بعض؟؟؟؟

[Neo Cid]

الرسالة الأصلية كتبت بواسطة ستيف بورنسايد
واو يا خطير انت:6
عندي سؤال الاعبين يقدروا يقاتلوا بعض؟؟؟؟

حلاته ..

لا بس صعبة .. لو تطبقها سكوير يوم من الأيام .. راح تشوف هذول أصحاب

اللفلات العالية يتولونا طق ليمن يقولون بس .. خلونا جذي أحسن ..

[بو ضاري]

لا حلاته نفس مسابقه دوره قتل الوحوش اللي حاطوها ب فف9

او ينظمون دوره حق لفل معين جذي احسن عشان لا ينطلمون اللافلات اللي تحتهم


انا محتار الحين نيو ..اشتري نسخه البي سي ويكلف علي 250 دينار لانى بشتري جهاز يديد والا العبها علي البلي ستيشن 2 مع انه مودم بلي ستيشن 2 و عندي تطويره ويقولون ماتشتغل

انا قبل تطوريتي كنت استخدم اكشن ربلي وللحين معاي يعني يصير اسوي جذي واتفادا انهم يصيدون انه عندي تطويره


ياريت تفيديني واكون شاكرلك وانا شاريها شاريها بس محتار باي نسخه

[BOiND]

coooooooooooooooooooool:واو:
more and more:واو:
we are wating

[Neo Cid]

بو ضاري :

كتبت رد قبل شوي مادري وينه ..

المهم بكتب مرة ثانية ..

اقتراحك روعة أخوي .. و ياريت لو سكوير تفكر فيه ..

و بالنسبة لكلامك ..

لازم تفكر بالسالفة عدل .. لأن الأثنين راح يكلفونك تقريبا نفس السعر .. لأن

السوني المطور ما راح يشغل اللعبة ..

و انت شوف .. و فكر عدل .. و القرار النهائي لك ..

boind2003 :

افا عليك .. تو الناس .. المزيد قادم .. بس انتوا نطروا علينا شوي ..

[BOiND]

افا عليك .. تو الناس .. المزيد قادم .. بس انتوا نطروا علينا شوي ..

ok man . we are waiting

بفارغ الصبر

( والله جننتني هذي اللعبة توقيعي وصورتي حقها )

[khalid:86]

هلا نيو

والله ودي ادش معاكم اليوم قبل باجر بس المشكله يبيلي كرت ويبيلي ازيد الرام واشياء وايد والمشكله الأسعار بقطر شابه ضو:":

وهذا غير الDSL ب75 دينار تقريبآ عندكم:" :" :" :"


بس شنسوي حكم القوي على الضعيف

ان شاء الله بالمستقبل راح العبها

قول امين:0)

[KuwaitDragon]

انا اسبوع باذن الله واكون لاعب ههههههههه

اليوم طلعت البطاقه وسويت من مو البنك خدمه التسوق عبر الانترنت

وبعد ثلا ايام اكون زاهب

والله حاس فيك

[khalid:86]

الرسالة الأصلية كتبت بواسطة KuwaitDragon
انا اسبوع باذن الله واكون لاعب ههههههههه

اليوم طلعت البطاقه وسويت من مو البنك خدمه التسوق عبر الانترنت

وبعد ثلا ايام اكون زاهب

والله حاس فيك

الله يهنيك ان شاء الله

والله يصبرني:"

[Guilty Gear X]

تحديث 17-7....بالانجليزي!!
http://www.playonline.com/ff11us/ffxi_news071703.shtml


هذا تحديث عادي نفسها بالياباني بس كل الي سوه ترجموه لملاكي البيتا او انهم يستعدون للنسخة الانجليزية...ستشاهدون نفسه كل مرة...ربما مرتين بالشهر.

بالياباني
http://www.playonline.com/comnews/200307172028.html


اللعبة تصدر شهر 11 بالبي سي و 2004 للبلاي2.


":"

[Guilty Gear X]

تحديث 17-7....بالانجليزي!!
http://www.playonline.com/ff11us/ffxi_news071703.shtml


هذا تحديث عادي نفسها بالياباني بس كل الي سوه ترجموه لملاكي البيتا او انهم يستعدون للنسخة الانجليزية...ستشاهدون نفسه كل مرة...ربما مرتين بالشهر.

بالياباني
http://www.playonline.com/comnews/200307172028.html


االنسخة الانجليزية تصدر شهر 11 بالبي سي و 2004 للبلاي2.

[greeneyez]

هاااي شبيبه


شلونكم وو شخباركم

يا نيوو تدري المدينه الي تكلمت عليها الي فيها نمور قوياه
هذه نفس المدينه الي تدمرت في مقدمة فف11 على كلام
سول وو جيلتي .

وو ياريت الي يدش فف يعطينا خبر عشان نعلمه على العبه
وو ندربه وو نساعده .


جيلتيوووو انت ليش ماتتقولنا هل اخبار صج يبيلك طق :6
(اتغشمر معاك) تسلم حبيبي على هل معلومات ^^ .

وو يعطيك الف الف عافيه يا نيوو على هل موضوع ^^ .



greeneyez

[Neo Cid]

boind2003 :

تو الناس على الجنون الحقيقي .. انتظر شوي ..


Angels :

آمين ..

لا تستعيل أخوي .. اللعبة عمرها طويل .. يمكن أكثر من 5 سنوات ..

بالنسبة لجهازك .. ان شاء الله تحصل على جهاز قوي .

و الدي اس ال عندنا بالكويت 200 دينار لمدة سنة .. بسرعة 128 MB ..


KuwaitDragon :

ها بشر .. طلبتها ؟ ..

لأنك لو مو طالبها من ردك هذا راح تلعبها بعد أكثر من اسبوع ..

و عطنا آخر أخبارك .. و تذكر .. قبل ما تدخل اللعبة كلمنا عشان نعطيك الورلد

باس لسيرفير راجناروك ..

بالتوفيج ..


Guilty Gear X :

مشكور يا نواف .. و يعطيك ألف عافية ..


greeneyez :

يا هلا ببو بدر ..

افا عليك .. ما يمر علي شي إلا وعارفة .. عرفت انها جينوا .. بس المشكلة

ان الشبة بسيط ..

بس تقدر تلاحظ من الدمار حول جينوا .. و آثار الحرب باينة ..

و حياك الله بو بدر .. مو تنسى توزع علينا شوي من خبراتك ..