أغلاط.. في المنتدى..

[babs bunny]

امممم...طيبيا اخ ناف من فين اروح لساحة الحوار...قصدك المنتديات.....

وشكرا.......

[عماد 18]

ايوا هو يقصد المنتديات ..
بس اخت بابس انا قلت لكي حل جذري و هو انك تروحين لملف Cockeis في ملف ويندوز دوري على كوكي مكتوب فيه اسم montada و احذفيه صدقيني هالطريقة مضمونة و فعالة

[THE~MEXICAN]

المنتدى فيه عيب كبيـــــــــــــــــــــــــــــــــــــــــــــــــــــــــر

الا وهو المشرف نفسه

ممكن اتصلحون هالغلط ؟؟؟؟؟؟

[مشرف المنتدى]

كتب العضو (THE~MEXICAN)
المنتدى فيه عيب كبيـــــــــــــــــــــــــــــــــــــــــــــــــــــــــر

الا وهو المشرف نفسه

ممكن اتصلحون هالغلط ؟؟؟؟؟؟

للأسف.. هذا عيب مزمن

الحل انك انت تفارق..

[raayg]

والله مثل ما قال المنتدى كله على بعضه بايخ وما يسوى الساعات اللي نضيعها عليه ... يا أخي ما صار مثل أول زمان كان أعضاؤه ينعدون على الأصابع لكنهم مفيدين أكثر من الحين ومع إنه ما كان فيه شي اسمه مشرف لكنه كان ماشي على الصراط أما الحين وين صار المشرفين مثل زي الحشرات مع كثرتهم وتلاقي الواحد يجلس يفيدك لين ما يأخذ المنصب الموقر ويجلس مكانك سر اللي يشوفه يقول صار ملك وهو من جنبها...
فيه أمثلة كثيرة لكن ما حأقول عشان لا أحد يزعل مني وللأسف لو قلت انت أولهم بكرة ألاقي نفسي مطرود....
اللي يعجيني في المنتدى بس ألوانه وبعض أعضاؤه أما الباقي.....
(ملاحظة : اللي يشوفني يقول إني شغال في وزارة ولا دولة ... على العموم مشوها هذا مجرد نقد لا أكثر ولا أقل)
وعلى مسؤوليتكم وأشوفكم مرة ثانية إذا ما حصل شي من اليوم للأسبوع القادم...
مع محبتي,,,
رايـــق

[Dantos_xx 5 xx]

حمدالله على السلامه اخ رايق
انا اذكر اني سامعك تقول في منتدى الننتندو بانك بتسافر

المهم ......
المشرف موجود من زمان ومن الايام اللي انت ذكرتها باسم ادمين

واذا تبي تعرف ليش :
1-المشاركات اول مفيده والان لا
2- ليش المراقبين كثر التراب ومع ذلك فيه تخريب وماقدروا يغطون النقص

فالجواب من كلامك نفسه:
اول الاعضاء قليلين
والان شف عددهم واصل 8000 ويمكن عدد الاسامي المسجله في هالمنتدى اللي فعاله وتستخدم حوالي 3000
فهذا رقم غير بسيط ابد .......ومايمكن التحكم بمشاركاتهم كلهم
وخصوصا اذا كانوا نصفهم اطفال

[raayg]

الله يسلمك يا دانتوس ايه أنا رجعت وليه أربعة أيام...

أنا عارف إن المشرف كان موجود من زمان لكنه للأسف تغير "زمان أول تحول" وحاسس ما له فائدة غير الكلام وبس...

بالنسبة للمشاركات مثل ما قلت زمان كانت المواضيع مفيدة والردود أكثر فايدة أما الحين المواضيع تافهة وغبية والردود أتفه ومثالها منتدى النظمات (اللي سمعت إنه تقفل ) والمنتدى العام ( اللي تابعه ) ومنتدى البوكيمون (اللي تغير عن أول وصارت مواضيعه أتفه من زمان)...
أما المراقبين فمثل ما قلت مثل التراب وبدون فايدة ما عندهم خبرة إلا في الكلام الفاضي اللي ما له داعي أما وقت الجد ( لما اخترق المنتدى ) ما شفت ولا واحد ... والله يخلي الإدارة والفنيين اللي صلحوا العطل ولا ما كان صار في شي اسمه منتدى...

وصح مثل ما قلت عدد الأعضاء وصل8000 والمشاركين بفعالية 3000 لكن هل هذول كلهم اللي يكتبون بشكل يومي أكيد لا اللي يكتيون بشكل يومي يمكن 1500 والمراقب لازم يكون فاضي عشان يدخل كل المواضيع وغير كذه لما واحد يكتب موضوع كذه ولا كذه حيكون الموضوع واضح من عنوانه ويا أخي أنا ملاحظ إنه في أعضاء يشتركون عشان يكتبون مشاركة وحدة ولا اثنين بالكثير يعني زيادة عدد وبس...
والمشكلة الأكبر إن كل مشرف (قبل ما يصير مشرف) يحاول إنه يكتب في اليوم أقل شي 100 مشاركة بسبب أو بدون سبب يعني في بعض الأعضاء وصلت مشاركتهم 2000 وال3000 وكل واحد عشان يصير مراقب يجلس يكتب ويكتب بفايدة أو بدون فايدة ويجاوب على أسئلة هالكبر وما يترك موضوع إلا وكتب فيه وإذا حبيت أعد أقول ... بس على الله ما أحد يزعل مني...
والمصيبة الأكبر إن نصفهم أطفال والنصف الثاني بزران ومسنين...
ملاحظة : تراني مستغرب عليك يا دانتوس عدد مشاركاتك قليلة لكن كيف عرفت تاريخ المنتدى..?:
مع محبتي,,,
رايق

[Dantos_xx 5 xx]

هلا رايق

باارد النقاط اللي طرحتها وحده وحده

#ليش مشاركاتي قليله : سبب بسيط .... كل يوم منطرد او متوقف والرقم خمسه هذا له دلاله على عدد مرات التوقيف انشالله مايزيد بس
وبخصوص تاريخ المنتدى فانا دايم كنت اتابعه وكنت موجود في ايامه الاولى ... في اول ايام المنتدى القديم (ايام اللغه الفصحى والادب ) بس ماشاركت

# المشرف تغير اسلوبه : المشرف اعرف مني بالرد والدفاع عن نفسه

# المشاركات صارت غير هادفه وبعض المنتديات خربت:
منتدى المنظمات افتكينا منه ولله الحمد
لاننا كنا شغالين فيه سب وشتم انا وغيري من اللي كانوا يشاركون هناك
بخصوص المنتدى العام فاظن المسأله وقتيه وبس (اجازة الصيف)
وبخصوص منتداك , منتدى البوكيمون فوالله ماادري وش كان الوضع عندكم .... لكن مااتصور ان الوضع بيستمر سئ اذا قمت انت وغيرك من رواد ذاك المنتدى بالمشاركه بفعاليه وبمواضيع صح

# عدد الاعضاء الفاعلين حسب رايك هو فقط 1500 :
اظن ان المشرف باعتباره الادمنستريتر اعرف بالارقام صح
لكن اظن انها في حدود 2800 وليس 1500

# بعض الاعضاء يزودون مشاركاتهم بس علشان يصيرون مراقبين:
اسمحلي اقولك نظرتك خاطئه هنا
على مااتذكر مافي الا يمكن مراقب واحد بس اللي مشاركاته كثيره وهو FSM اما البقايين فقليله مشاركاتهم
وسبب تعيينهم: انهم يساعدون الاعضاء في الاقسام اللي ينتمون لها
-برهوم في قسم الكمبيوتر
-كاش في الوننج الفين
-عماد برضه في الوننج الفين وفاينل (مدري ليش حطوه على فاينل يمكن بس لعانه )
-فاس وننتندو على الننتندو
- واخيرا انشارتيد على قسم الحلول والعام
وكلهم تقريبا مايشاركون الا قليل او بمشاركات مفيده
وعلى فكره مادامك من اللي كنت تشارك في قسم البوكيمون بكثره وبفاعليه فاتوقع يمكن يتم تعيينك مراقب مادامك لك فائده للناس وفوق كذا محترم معاهم

تحياتي
وسلام

[raayg]

تصدق إن أيام اللغة الفصحى والأدب كانت أحلى وبا ليت ترجع...

وعلى قولك المشرف هو أعرف بنفسه والمفروض إنه يدافع عن نفسه لكن هذه المشكلة ما في مرة شفته يدافع عن نفسه يعني بارد بالرمة وأروق مني..

يمكن مثل ما تقول المنتدى العام الحين مصيف لكن حتى في غير الصيف أحيانا تكون مواضيعه ما لها أي فايدة...

أما منتداي منتدى البوكيمون فللأسف تغير وحتى إذا حاولت أكتب فيه أي موضوع مفيد حيفشل بالتأكيد لأن للأسف ما في أحد كبير يقرأ فيه كلهم أطفال وخوفي من الفشل ثاني سبب لكن إن شاء الله يحصل شي وتغير...

أما بالنسبة للنقطة الأخيرة فهذه أول مرة أعرف منك إن FSM مراقب مع إنه مزود مشاركاته ما شاء الله عليه ...
أما برهوم فاتبع نظام كل ما كانت مشاركاتك أكثر كل ما كان لك فرصة اكبر في إنك تصير مراقب وهو جاء في وقت كان منتدى الكمبيور والانترنت لسه جديد...لكن ما أحكم عليه بكذه يمكن تكون نيته شي ثاني والله أعلم..
واللي يتبع هذا النظام أيضا TNT وبوليس 911 في منتدى الرسم...
أما كاش فجاء وكان منتدى وننج إليفين توه جديد ما له أسبوع وعلى طول خلوه مراقب...وعماد وفاينل تكملة عدد...
أما فاس وننتندو فيستحقون وبجدارة...
والأخير ما أعرف عنه ...
وما أظن إنهم عينوهم بالطريقة اللي قلتها فهذا مجرد رأي لا أكثر...
وأما بالنسبة لتعييني فاستبعده لأنه عندي سوابق (انطردت مرة بدون سبب) ويمكن تعين لكن لما أشوف إني أستحق وجدير بإني أكون مراقب لكن إذا كان بعدد مشاركاتي فأرفض وهم حيرفضون قبلي...وإن شاء الله تعين ليه لا؟؟؟
مع محبتي,,,
رايق

[مشرف المنتدى]

الاخ رايق

يعني وش تبينا نسوي مثلا.. نحذف المواضيع السخيفة؟

نوعية المواضيع و جودتها شيء خارج عن نطاق سيطرتنا.. لكن رغم هذا اعتقد ان فيه مواضيع كثيرة مفيدة.. اقسام التخصص مثل البلايستيشن وغيره... فيه كمية هائلة من المعلومات ... يعني تكاد تكون موسوعة...


اما مسألة المراقبين فما اعتقد انه موضوع يستحق النقاش.. حنا لما نعين مراقب.. فهذا لا يعني اننا نضع عليه تاج التفوق على الآخرين.. فيه اعضاء كثيرين مهب مراقبين و فائدتهم عامة على الجميع...


ومثل ما قال الاخ دانتوس... عدد الاعضاء تضاعف.. ولعلمك يكتب في اليوم اكثر من 1500 رد... بالله تتوقع ان تكون كلها مفيدة؟ و تخيل صعوبة متابعتها كلها!

تقول ان المشرف تغير.. ما ادري وشلون تغيرت يعني.. كنت حليل والحين صرت شرير مثلا؟ ولو حصل هالشيء فما أنلام... لان الوضع كان يتجه للأسوأ... وسخافة منتدى المنظمات بدأت تنشر فيروسها على باقي المنتديات.. واعضائها يتلاحقون بكل مكان سب و مسابب... حاولنا بكل الطرق انهم يركدون ما نفع ... خليناهم مراقبين على نفسهم.. ما نفع... فقلنا ما فيه الا استئصال من الجذور...

تقول منتدى البوكيمون ما فيه الا بزارين... مع احترامي.. منتدى بوكيمون.. تبي يكون فيه شياب مثلا؟؟

[عماد 18]

هالايام سيرتي صايرة على كل لسان ؟؟؟
شباب تراي عماد مو ديفيد بيكهام ..
و بعدين اخبر هالموضوع عن اخطاء المنتدى مو عن ليش الناس صاروا مراقبين ...
و انا ودي اعرف ليش الناس ماخذة عني اني ما اعرف العب الا بالويننج اليفن ؟؟
شباب و الله لو اعد لكم الالعاب اللي انهيتها -مو اللي لعبت فيها- ما قدرت هذا مو غرور بس حتى اوضح لكم الصورة و اللي يبي يسالني عن اي لعبة من الاتاري الى البلايستيشن 2 ان شاء الله افيده على شرط اني اكون لعبت باللعبة ...

[ryu_ken]

عماد سمعت عن سونك ار؟؟؟
































تكيد ما سمعت عنها






صقر فينك
طلعنا العشرة اخطاء من يومين

[عماد 18]

افا عليك اعرفها و طلعت على السيجا ساترن و اظن هي اخر لعبة لسونيك كانت عليه و نظام اللعب هو التسابق بين الشخصيات على العموم انا قلت بشرط اني اكون لعبت فيها وانا ما لعبت بسونيك أر على فكرة تعرف لعبة ترمونيتر 2 على الميجا درايف و ما اقصد التصويب هي لعبة زي نظام تومب رايدر على الجيم بوي تقريبا بصراحة كانت روعة و خاصة لما تركب سيارة الشرطة و تدور في المدينة ..

[babs bunny]

مشكرين على المساعدة والحقيقة ظبطت الفكرة ... وشكرا مرة تانية
وتحيتي لكم

[THE~MEXICAN]

ماني طالع يا المشرف

قاعد على قلبك