موضوع الباتش المتكامل لـ WE7

[حسين-911]

مشكور يا ابو مروان على سالفة العلم و الحين بجربها لاني مليت ..

[TAM2003]

السلام عليكم ورحمة الله
في طريقتك يا بو مروان للنسخ الى السي دي، سويتها بس المشكله أن نسخ بس هذا الملف cue الذي لا يتحدى واحد كيلو بايت كما في الصورة.
وهناك خطوة بين التعديل على اللعبة وبين نسخها وهي كيفية دمج ملف الفايل داتا ASF مع cue أو الأمج وأضن أنها تدمج بأستخدام برنامح cd mage أو بأستخدام برنامج we mode centr كما في الصورة المرفقة من الأخ كلايفرت.
المطلوب هو شرح هذي الخطوة يا شباب وبعدها شرح المشكلة اللي طلعت معاي في عملية النسخ اللي تفضل أخوي أبو مروان بشرحها.
والشكر للجميع.

[TAM2003]

أعتقد اللي في الصورة المرفقه هو اللي أدور عليه يابو مروان بس لو تشرحة هنا ويتثبت مع موضوع ولدالبوكواره

[أبومروان]

هلا شباب ..

أوكي ..

راح أشرح هذي الطريقة خطوة خطوة ...

اللي أريد أتأكد منه هو إنكم طلعتوا ملفات الـ bin و الـ cue باستخدام CDRwin ، و حطيتوهم بمجلد خاص ...

ملاحظة :

أنا وضعت ملف الفايل داتا بنفس المجلد لأسهل المهمة ...

طبعا دائما و أبدا ملف الـ cue والـ bin لهما نفس الاسم ... و ملف الـ cue بحجمه الصغير ليس إلا أداة ليتعرف برنامج النسخ على محتويات ملف الـ bin الذي يحتوي على كل شيء....

الحين انتم انتهيتوا من التعديل على ملف الـ file data صح ؟ يجب علينا وضعه في ملف الــ cue

افتح برنامج CDmage و يجب أن تكون لديكم النسخة الجديدة لأن خاصية الدمج لا تصلح في النسخة القديمة من هذا البرنامج ...

بعد ما تفتح برنامج الـ CDmage ... اختر File ثم Open و راح تشوف هذي الصورة ...




نفذ اللي في الصورة ، يعني اختار ملف الـ cue ، أحبانا قد يطلب منك أيضا اختيار ملف الـ bin .... لكن مو مشكلة ...

و راح تطلع لك هذي الصورة ....



اختر الرقم 1 ثم الرقم 2

أووبس ، آسف شباب ، في الصورة أنا قمت باختيار ملف الفايل أوفر ، انتوا اختاروا ملف الفايل داتا ... أسف مرة أخرى

بعدها قم بما في هذه الصورة ..




ملاحظة :

النسخ القديمة من برنامج CDmage لا توجد بها خاصية Import File ... لذا تحتاج للنسخة الجديدة كما سبق و وضحت ...

الحين اختر ملف الفايل داتا المعدل كما في هذه الصورة ...




سوف ترى عداد أسفل الشاشة يوضح عملية الدمج ... تحتاج العملية إلى 5 دقائق على الأقل .... لذا أقفل جميع البرامج التي لا تحتاج لها حتى لا تعيق عملية النسخ ...


ملاحظة

يمكن استخدام نفس الطريقة لدمج ملفات أخرى ، و هذه الملفات هي ...

1) File Over اللي يحتوي على معلومات اللاعبين و يتم فتحه بواسطة برنامج WE_Editor

2) SLPM_623.56 ، هذا الملف دائما يستخرج مع ملف الفايل أوفر و إلا فإن برنامج We Editor لن يعمل ...

3) WE7_OP.PSS ، هذا الملف يحتوي على مشهد البداية ، لشرح مفصل عنه شوفوا موضوع الأخ النورس المعلا ..


.
.
.
.
.

نرجع لمحور حديثنا ...

بعد ما تنتهي عملية الدمج أغلق برنامج CD mage

ثم إذهب إلى المجلد الذي به ملفات الـ bin و الـ cue

اضغط Double click على ملف الـ bin (طبعا لازم تكون قمت بتثبيت برنامج Fireburner ) ..

و اتبع التعليمات اللي في آخر رد لي ....

بعد ما تنتهي عملية نسخ السيدي ... ضعه في البلايستيشن و قل بسم الله و شوف شنو راح يحصل ...


و دمتم سالميييييييييييين

[TAM2003]

ماشاء الله
خلاص ما بعد هذا شي يا بو مروان.
أنا أنشاء الله بسوي تعديل وأول شي بسويه فريق بطقم خاص وراح أضيف علية لاعب ...بسميه ابو مروان،وكمان ولد البوكواره.
واحد وسط والثاني هجوم
أتوقع كذا.
عموما ما قصرتم يا شباب، وشكرا للجميع.

[أبومروان]

العفو أخوي ...

بس ها ، لا تنسى ...

موقعي وسط مهاجم ، وأهم شيء التسديدة الخاصة لميهالوفيتش اثناء الفاولات

[Dark_Devil]

اول شي اقولك مشكور اخوي ولد البوكواره على موضوعك المنسق

بس عندي مشكله شيبت راسي ياليت تساعدني .. اول شي في الصوره الي انته حطيتها قلت .. قم بانشاء مجلد جديد باسم weninnig وضع البرامج المرفقه بالرد في داخله ..

المشكله انه ما في برامج مرفقه في الرد .. ثاني شي انا ابي اسمع الاغنيه الي بعدلها وابي اعرف وقتها ..

استخدمت الهكس ايدتور بس يوم اسوي save as ال file type ما يطلع لي adx مثل ما قلت ..

ياريت ترد علي لاني تلعوزت بصراحه .. شكرا لك

[أبومروان]

هلا أخوي ...

أفهم من كلامك إنك تريد تسمع و تعرف حجم الملف الصوتي اللي تريد تغييره ...

أبشر ، البرنامج تلقاه في المرفقات ...

بس خلني أعطيك معلومة يمكن تفيدك ..

مو شرط إن الوقت يكون نفس الشيء ، تقدر تنقص على كيفك أو تزيد بس بنسبة لا تتعدى 40% من الوقت الأصلي ...

يعني الأغنية طولها 45 ثانية ، تقدر تخليها دقيقى مثلا ...

و هذا هو البرنامج ...على فكرة ، البرنامج راح يطلب ملفات adx، انت اختر all files و ثم اختر ملف الـ bin و راح يفتحه على طول ...

يعني باختصار ، ما يحتاج تغير من bin إلى adx

[Dark_Devil]

تسلم لي اخوي ابو مروان على الرد .. ربي يعطيك الف عافيه .. ياريت تاكد البرنامج في المرفقات

عندي استفسار اخر اخوي .. انا خلصت تعديل في الفايل filedata.asf ابي ارجعه واحطه بدال ال filedata.asf القديم .. وانسخ السيدي ..

حاولت اغيره بالcd image لكن ما حصلت خيار يخليني اغيره .. يا ريت تجاوبني بو مروان على الاستفسار لك الف شكر على الاهتمام والرد ..

[أبومروان]

هلا اخوي

هذا هو البرنامج ...

و شوف آخر رد لي ، هناك شرح بالتفصيل الممل لكيفية الدمج ..

CD Mage

[QataR NighTMarE]

خخخخخ بومروان مو كأنك سرقت موضوعي
لا امزح معاك يعطيك الله الف عافيه
اخوي سو مثل ماقال بو مروان والسموحه نسيت ارفق الملف بذاك الرد بس بومروان ماقصر

[أبومروان]

خخخخخ بومروان مو كأنك سرقت موضوعي
لا امزح معاك يعطيك الله الف عافيه
اخوي سو مثل ماقال بو مروان والسموحه نسيت ارفق الملف بذاك الرد بس بومروان ماقصر

ويش رايك نغير اسم صاحب الموضوع ؟

نخليه أبو مروان + ولد البوكوارة

[QataR NighTMarE]

ههههههه مايحتاج لأن مو انا و انت بس نرد
اي شخص يبي يرد حياه الله

[أبومروان]

نعود من جديد شباب ...

راح أرد اليوم على استفسار أخونا الحبيب "بوجاسم" عن كيفية إزالة اللون الأخضر من الأطقم ....

على فكرة ، تراه أحيانا ما يستخدموا اللون الأخضر بل يستخدموا ألوان ثانية ، أو درجة مختلفة من اللون الأخضر ، هذي الطريقة لكل الألوان ...

أول حاجة افتح برنامج المود سنتر ، طبعا افتح ملف الـ file data و ملف الصورة اللي تريد إزالة اللون الأخضر من عليها ... هكذا ...



ثم قم بختيار Texture ثم transparencies مثل ما في الصورة ...



الحين طبق اللي في الصورة القادمة ...



1) اضغط على الزر رقم (1)
2) حركه و ضعه على اللون الذي تريد إزالته و اضغط عليه بزر الماوس . (2)
3) الحين روح للمنطقة رقم (3) و غير غمق اللون إلى 0% ...

اللون اللي الــ Opacity تبعه 100% راح يظهر واضح ، أما اللي Opacity تبعه ( صفر % ) راح ما يظهر على الإطلاق ، بمعنى آخر ، سيصبح شفاف ...

الحين إضغط موافق و أدخل الطقم في الفايل داتا و انحلت المشكلة ...

[Bo-Ja$$im]

اخوي ابو مروان انا عارف الطريقه بس لما اخليه 0% بعدين اسويله انسيرت راح يصير الطقم بدون انفيرت يعني يطلع الطقم شفاف باللعبه اتمنى انك فهتني