:::◄تعريب شعارات لبعض أشهر مسلسلات الانمي من تصميمي ►:::

[.K.A.K.A.S.H.I]

مشكوووووووووووووور اخوي ما قصر
كل الشعارات حلوين
سلالالالالالالالالالالالالالام

[モハマド]

السلام عليكم

أولا آسف جدا جدا على التأخير
لكن مو بيدي

و أشكر كل الاعضاء اللي شافوا الموضوع ردوا عليه

و كان بودي أرد على كل الأعضاء و أشكرهم لكن الوقت ضيق عندي (( قاعد بانترنت كافيه ))

لكن راح أختار أهم الردود اللي لازم أرد عليهم ^^ (( ما شاء الله الموضوع صار بالمميزة !! ))

انزين ابي اسأل سؤال في امل انك اتسوي سعار حق Hot gimmick ؟؟ ادري ان الشعار بسيط و مافي فكره يعني ما تعبو عمرهم بس شنو اسوي اموت على هذه المانجا >_< اذا تقدر والله اكون لك شاكره و هم اذا ما قدرت كافي تصاميمك الروعة ^____________^ سااانكيوا !!

هذا شعارهم بالياباني و الانجليزي ... ^__^

هلا اختي Tokimeki

بالنسبة لشعار Hot gimmick اشتغلت عليه لكن ما قلتي لي كيف يكتب بالعربي (( هوت غيميك )) أو (( هوت جيميك )) ؟؟ أو أنا قرأتها غلط ؟؟

لحظة .........لحظة ............لحظة ............!!!!!!!!!!!!!
لا تمشون وتتركوني لوحدي
تراني اموت في الانمي Fullmetal Alchimest
من يوم ماكان الموضوع صفحتين وانا ادور شعاره
بس ماني لاقية شعاره حتى تعربونه .......... ساعدوني الله يخليكم

خبر سار لك أختي NINA-NINA انتهيت من شعار فل ميتال الكاميست و أكيد راح يعجبكم ^^

وبصراحه أبيك تسويلي شعار chobits بالعربي اذا سمحت

طيب كيف تبيني أكتب chobits بالعربي ؟؟ شوبيتس و لا تشوبيتس و لا كيف؟؟

واتمنى انك تساعدني...بصراحة أنا أحب أرسم كرتون وبأحاول أعملي مسلسل كمجلة طبعاً بس لسه مابدأت فقط جالسة أرسم الشخصيات وطبعاً كلها من خيالي وهو مسلسل عاملتو أكشن بس للآن ماعملتلو شعار أو شي من هذا القبيل عدل بس الحكاية انو كلو شغل يدي لسه مااتعلمت ارسم بالكمبيوتر او الون به....
مارأيك واتمنى منك الرد السريع...
اسم مسلسلي:جنود الطبيعةSoldiers of The Nature
وأخيراً وليس آخراً بإذن الله...هل اسمك هو اسم داي بالياباني؟
وشكراً....مع تحياتي...
Ms.Rose

إن شاء الله أقدر أساعدج اختي Ms.Rose
بأحاول أشتغل على الشعار من الحين ^_^

بالنسبة لاسمي معناه محمد بالياباني ^^


و أرجو انكم تصبرون علي إلى يوم الأربعاء هذا راح أعرض لكم كل الشعارات اللي خلصتها و منها :

ساموراي تشامبلو (( طلب الأخ TNT BOY ))
جاندام سييد دستني (( طلب الأخ 3SHIRO ))
فل ميتال ألكاميست (( طلب الكثير من الأعضاء ))
شامان كنج (( طلب الاخت sweet_merry ))


أخوكم محمد

[DMC]

اخوي ابى شعار للهزيم الرعد اذا امكن
النهاية

[モハマド]

السلام عليكم و رحمة الله و بركاته

كما وعدتكم اخواني و أخواتي سأعرض لكم اللي انتهيت منهم ^^

شعار شامان كنج (( طلب الاخت sweet_merry )) و آسف على التأخير

الشعار الياباني

الشعار العربي

طبعا صادفتني في هذا الشعار بعض المشاكل و منها اللون ما يشبع لون الشعار الاصلي و السبب ان في أحد متعبث بإعدادات الألوان في برنامج الفوتوشوب و الالستريتر
لكن خط الكلمة بالعربي حلو (( يمشي الحال ))

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;

و الحين شعار ساموراي تشامبلو (( الطلب الأخ العزيز TNT BOY ))

الشعار الياباني (( مع ان الانجليزي هو المطلوب ))

الشعار العربي

بالنسبة لهذا الشعار اللي صار لي أكثر من يومين أشتغل عليه >_<
من ناحية الكلمة الانجليزية حولتها للعربي لكن ما كانت بالشكل اللي كنت متوقعه T_T
لكن إن شاء اللع يعجب الأخ TNT BOY و يعجبكم
أما الكلمة اليابانية اللي على شكل الدم فهذي عجبتني و أكيد راح تعجبكم (( لاحظوا التقطعات اللي في الكلمة ))

يتبع ...

[モハマド]

... تابع

و هذا شعار فل ميتال الكاميست (( اللي طلبه بعض الأعضاء ))

الشعار الياباني

الشعار العربي (( :icon6: ها .. عجبكم !! ))

بالنسبة لهذا الشعار أصعب شغلة فيها هي كيف أكتب كلمة (( فل ميتال )) بهالمكان الضيق
فجائتني هالفكرة و طلع الشعار بهالشكل ، شافها صاحبي و قال انها من أفضل الشعارات الي صممتها !! :icon6:
إن شاء الله تعجبكم

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;

و الحين شعار جاندام سييد دستني (( طلب الأخ 3shiro ))

الشعار الياباني

الشعار العربي (( جاندام ))

الشعار العربي (( غاندام ))
(( توّي ألاحظ ان كلمة ديستني العربيه في هذا الشعار ناقصة الزوائد كما في شعار جاندام العربي >_< ))

إلى أخي 3shiro هذا اللي قدرت عليه بالنسبة لشعارك
إن كانت عندك أي تعديلات على الشعار قول لي الملف المفتوح لهذا الشعار عندي ^^
بالنسبة لي كلمة جاندام أحلى من غاندام في الشعار لأنها متناسقة مع الشعار أكثر :shock22:

إن شاء الله تعجبكم الشعارات

أخوكم モハマド

[モハマド]

اخوي ابى شعار للهزيم الرعد اذا امكن
النهاية

هلا أخوي devilmay cry
بالنسبة لطلبك للأسف صعب ما أقدر اسويه >_<

لأن شعاره الياباني مو متوفر عندي

و أبي أوجه كلام لجميع الأعضاء اللي ودهم يشوفون شعار مسلسلهم المفضل معرب ان يتقيدوا ببعض الشروط و منها:
1- و هو المهم أن يكون الشعار ياباني و ليس انجليزي ^^
2- كتابة اسم الانمي بالانجليزي و كيفية تكاتبها بالعربي . (( و لو كان الاسم الياباني متوفر كان أفضل ))
3- إرفاق صورة الشعار الياباني و يكون صافي قدر المستطاع (( إن أمكن )) *
4- و أرجو انه ما يكون مستعجل على الشعار

فقط

* ملاحظة : إذا لم تجد صورة للشعار سأكتفي بالاسم الانجليزي .

و سأحاول الانتهاء من باقي الشعارات بأسرع ما يمكن ^^

أخوكم モハマド

[alamal13]

ماشاء الله عليك يا اخ محمد ..صدق فنان..

يعطيك العافيه على جهودك...

[NINA-NINA]

اممممممم ........... والله ماني عارفة كيف ابتدي كلامي ......... صحيح انه ماشاء الله بذلت جهد لايستهان به
ولكن شعار فل ميتال توقعته افضل ( سامحني على الاحباط ) واليك ملاحظاتي
1- كلمة الكيمست كتبت بخط انحف من الياباني وكتبت الكاميست وليس الكيمست
2- كان الواجب عدم عكس الشعار ابدا واليك السبب
3- بامكانك ترك الشعار بدون عكسه ثم كتابة الكيميائي باللون الأحمر و المعدني الكامل باللون الرصاصي
4- استخدم عبارة الكيميائي المعدني الكامل بدلا من فل ميتال الكيمست ,, فمعظم اعمالك لم تترجمها حرفيا للعربية كما انها ستحل عليك الكثير من الصعوبات ( هذه اهم نقطة في نظري )
5- لو تلاحظ الجزء المكتوب في المكان الرصاصي للشعار الياباني كتب بالطول وليس بالعرض , فلو فعلت مثلهم وكتبت المعدني الكامل بالطول . فسيسهل العمل اكثر
وعذرا على انتقاداتي اللاذعة بعض الشيء ...... وان شاء الله العمل نشوفه بعد

[ahmadkb]

رائع جداً أخي محمد

أحلى شعار هو فل ميتال الكاميست ومن بعده هو ساموراي تشامبلو

1- كلمة الكيمست كتبت بخط انحف من الياباني وكتبت الكاميست وليس الكيمست

الكيميست

2- كان الواجب عدم عكس الشعار ابدا واليك السبب

سيصبح غريب الشكل إذا لم يعكس.

4- استخدم عبارة الكيميائي المعدني الكامل بدلا من فل ميتال الكيمست ,, فمعظم اعمالك لم تترجمها حرفيا للعربية كما انها ستحل عليك الكثير من الصعوبات ( هذه اهم نقطة في نظري )

ستكون الترجمة العربيه الحرفيه بهذا الشكل

full=كامل

metal=معدن

alchemist=كيمياوي أو كيميائي القرون الوسطى <===(خرج هذا المعنى من برنامج ترجمة وليس مني)

فيصبح الإسم بهذا الشكل

المعدن الكامل: كيمياوي القرون الوسطى.

وآسف على المداخله

[Tokimeki]

هااااااااااااي ^___^
OMG ويييني انا *___*

يااااااااي تقدر اتسوي شعار هوت جميك * YATTTA*


يعني انا مو من حلات لغتي العربية ...بس اتوقع تنكتب بال ج او ق ما ادري شوف شنو يركب عليها اكثر

ساااااااااااااااااااانكيو ^^

[.:| NoKiA |:.]

أهلا اخوي

هل ممكن ان تعرب لي شعار dragon ball z

باسرع وقت تقدر << مو مستعجل عليه

http://galeon.hispavista.com/gabydbz...20Ball%20Z.gif

الشعار بالأنجليزي

[.:| NoKiA |:.]

ܡܫܟܘܪ ܑܞܘܝ ܥܠ܀ ܐܠܬܥܪܝܒ

[ساسوكي]

وااااااااااااااااو

مبدع أخي محمد

أعجبتني كل الشعارت

في شامان كينغ أعجبني الخط

بس
ممكن تعرب شعار القناص
hunterXhunter
طبعا هو ياباني
واذا عندك بعض الشروح لطريقة عمل هذه الشعارات

وشكرا

والى الأمام يا مبدع

[AngelMare X]

و الله ابداع بس الاخ وينه