سانكيو سانكيو..المشاركة الأصلية كتبت بواسطة Ms.Rose
السلام عليكم ورحمة الله بركاته...
كيف الحال أصدقائي وصديقاتي؟؟؟
أتمنى أن تكونوا بخير وصحة وسعادة إن شاء الله ^______^
بصراحة ما كنت أبغى أحط قصة حلمي لأنو فيه سبويلر بس رغبة من الأخ Abdulaziz على معرفة الأحداث القليلة إللي حصلت (يعني حلم قصير ماله داعي -_________-) سأحكيه الآن..
بس المهم كما قلت فيه سبويلر للأشخاص المتابعين لناروتو الأنمي من غير المانجا.. XD
المهم.. بسم الله نبدأ..
حلمت ياأعزائي إني كنت في كليتي (الجامعة) وكان شكلي نسخة طبق الأصل لساكورا إللي في ناروتو بس طبعاً شكلها في الجزء التاني O_o (ما أدري كيف صرت كده رشاقة ما شاء الله XD)...!!!
لا و مو بس كده يعني تخيلوا لابسه قصير في الجامعة ولو شافتني المراقبات كان أخدت كلام وكان كتبوني تعهد وعملوا لي فيها حكاية XD
بس بعدين أنا نازلة على الغرفة إللي اخد فيها المحاضرات (كانت نفسها O_o) وبعدين وصلت عند الباب وكنت متأخرة (كالعادة XD) وواقفة عند الباب إللي ما ألاقي غير اللي المفروض يلقي المحاضرة هوا... Sai اللي يعتبر البديل لحبيب القلب ساسكي في فريق ناروتو وساكورا في الجزء التاني (أعتقد لفترة)..
عاد هذا الشخص أحياناً أحس إنه فيه شبه من ساسكي O_O
المهم نرجع للحلم..إحم..إحم..
فأنا كنت واقفة عند الباب وأنا مو مصدقة إنو المحاضر الأخ Sai وقلك أنا ماأطيقه -____-
وكان بنفس اللبس تبعه اللي في المانجا بس الاختلاف إنه شايل في يده ملف أوراق المحاضرة XD
وما كنت أعرف هل أدخل أم أضيع المحاضرة؟؟؟
بس قلت ما أبغى آخذ إنذار للغياب وبعدها حرمان من الامتحان XD
بس شوية وجات وحدة من زميلاتي وتكلمت شوية معاها وأخدت مني قارورة الماء تبعتي ودخلت الغرفة وأنا O_o واخدت حاجة وخرجت وما أتذكر إذا رجعت القارورة لي ولا لأ..
بعدين أنا قلت لنفسي ياشيخة ليش التردد وكأنه وحش حياكلك على التأخير..
بس رحت دخلت بطريقة أكشنية XD
وماشية ومريت من وراه وأنا مقفلة عيني وبعدين لما كنت بجانبه وقفت ونظرت له نظرة لامبالاة وتكلمت معاه شوية بأسلوب بارد ينرفز XD
المشكلة إنه ماتنرفز.. ><
بس كملت طريقي عشان أجلس على الكرسي وفجأة وأنا واقفة...!!!
أحسست بدوار فظيع وكانت كل الأشياء تدور وبدأت أميل للخلف وكنت حأطيح على ظهري ولمحت البنات كانوا متفاجئات بس وأنا أطيح على ورا إللي ألاقي الأستاذ المحترم Sai يجري علي ويمسكني قبلما أطيح (تخيلوا إنو الاحساس دا كله حسيته كأنه واقعي وحقيقي O_o)
وشالني وأنا عيني شبه مغمضة لكن ماني قادرة أعمل شي (ماصار عندي تشاكرا كفاية XD)
وبعدين وضعني على الأرض في مكان وقوفه أول لما كان يلقي المحاضرة...
و...و...و...و...
><
بدأ يعمل....
تنفس اصطناعي O_o
وأنا ما أدري إيش الهدف منها وكم مرة مع إني كما قلت سابقاً إنو عيني شبه مغمضة لكن ما كان عندي حول ولا قوة ><
وفجأة بدأت استرجع نفسي وكأني كنت في عالم تاني لكن كنت لسه دايخة شوية بس اتذكر إنو بعدها ناروتو جا وأعتقد إنو الأخ الأستاذ Sai رجع شالني وما أدري إيش اللي صار بعد كده لأني صحيت من الحلم XD
من جد حلم غبي وسخيف XD
تخيلوا تاني يوم فتحت النت وألاقي المانجا الجديدة من ناروتو 286 نزلت ولما شفتها لقيت ساكورا تضرب Sai ×____×
وأنا قلت في نفسي حان وقت الانتقام على اللي عملته في الحلم SAI...XD
أتمنى إنكم تكونوا استمتعتوا بالحلم العجيب دا XD
مع تحياتي...
Ms.Rose
بالنسبه للحلم..من فنلSai يصير دكتور في الجامعه..-_-"
وعلى فكره..الشابتر 287 نزل في ناروتو سنترال..مادري اذا نزل في ناروتو فان..
وياريت تشاركينا في النقاش عن المانغا..
تحياتي..
رد مع اقتباس
