الموضوع اول مرة اشوفه +___+ ...
المهم يا Rubso , صج انك تحب الحروب ... 
لكن بما انه فتحت الموضوع انا رح ارد عليك بس لا تقول لي Sony Fan Boy لأنك انت عارف انه الموضوع رح يكثر فيه النقاش والكلام قبل لا تكتبه وما اظن انك كتبت الموضوع حتى تطالعه بل حتى انك تناقش فيه وترد على كل حرف يكتبه لك اي واحد ^__^ ...
المشاركة الأصلية كتبت بواسطة aswd
يقولو الناس راح تمشي ورا الارخص زين خلنا نشوف شي عملي مطبق على ارض الواقع
المشاركة الأصلية كتبت بواسطة aswd
الجيم كيوب هو ارخص الاجهزة ..وين الناس عنه؟..ليش ما اقتنته الغالبية العظمى من الجيمر؟
الجواب هو الدعم ماكو دعم ماكو نجاح حتى لو يكون سعره برخص التراب
زين نروح لنقطة ثانية كمان مطبقة على ارض الواقع والمثال الجيم كيوب بعد..الجهاز الكل عارف هو اقوى الاجهزة من ناحية كسر الحماية وما قدرو يخترقون نظامه اللا بآخر ايامه او خلنا نقول بعد ماتوفى..ليش الشركات مانزلت غالبية العابها عليه؟..ماهو افضل خيار لهم لحماية العابهم من القرصنة؟..والجهاز كان مقدم لهم تقنية محترمة من ناحية البرمجة وسهلة للغاية وغير مكلفة؟.. الجواب مافي بيع مافي مردود مادي محترم مافي قاعدة تقدر تعتمد عليها شركات الطرف الثالث في مايخص انتشار العابها بين اللاعبين..بالمعنى الاصح مايوكل عيش..الخلاصة من هالنقطة هو..ان مسألة الحماية بتكون محور مهم بالحرب شي لابد منه..لكنهاماراح تكون الفاصل بين الصيغتين..عندك دعم ومرغوب من المستهلك خلاص الافضلية الك عساك لو ماتمتلك نظام حماية في اجهزتك..قاعدة اثبتت وجودها في اكثر من محفل
الحين ينعاد نفس السيناريو مع الـnext gen Media ..مع انه للحين ما شفنا شي اساسا والحرب ماراح تعرف نتايجها اللا بعد سنتين على الاقل كون الـDVD العادي بيبقى لفترة الين ما يختفي او الين ما تنتشر الصيغ الجديدة والين ماترخص الاسعار..قال محلل قال..وين المحللين ماهم قالو ان لبلاي ستيشن3 راح يوصل سعره 800$/900$؟..وين المحللين ماهم قالو الـPSP بيكون سعره قرابة 500$؟بالعربي الفصيح ماعندهم ماعند جدتي خل يسرون بتوقعهم..ماهم قالو كمان الـPSP بيكتسح السوق وانه بيهيمن على سوق الاجهزة المحمولة وين هالتوقع راح؟؟..اذا كانو يصيبون في توقع واحد فعشرة توقعات تكون الله بالخير
ناخذ جولة على شركات الأفلام الداعمة لصيغة الـBlu-ray..نشوفهم..
Paramount /MGM /Air TBS /Disney /Lionsgate/Warner /Fox /Goldhil /Asmik Ace/Bandai Visual
للعلم عشان محد ينقز لي بعد مايشوف الرابط..فيه كم وحدة تقريبا 2 او3 للحين ما اعلنت موعد اصدار افلامها على صيغة الـBlu-ray..لكنها عرضت اغلفة الافلام على هذي الصيغة وبعضها عرضت الافلام في CES الفائت
http://www.blu-ray.com/movies/
كم شركة من هذول داعمة الصيغتين؟*ماعندي علم*اللي عنده رابط بخصوص هالشي لا يبخل علينا
وتعال مشغل اقراص الـBlu-Ray في لبلاي ستيشن3 بيكون اسوئ شي وان سرعته1X?ولا الالعاب بتحتاج دقيقة على الاقل عشان اللودينج؟
اووووووه اشوف انا المواقع والمجلات والجمهور اللي حضرو E3 وجربو الجهاز..كله حش وسب وبعضهم يقول انه اضطر ينام بسبب اللودينج؟..الى هالدرجة يعني الناس كلش غشيمة وماتفتهم شي؟؟..قلنا كمشغل افلام مومشكلة مايوصل لمستوى الـBlu-ray Players اما الالعاب بعد؟..ولا لمصيبة الجهاز كان قابل للتجربة بالمعرض وفي اكثر من لعبة منوعة سباق على اكشن على طائرات..وين الناس اللي جربته وقعدت تسب من فترات التحميل اللي توصل الى دقيقة!!!!!..
ماعلينا من هالكلام لانه ماراح يخلص ولا حتى بعد 100سنة مو بسبب..ان مافيه حقايق لا..بسبب التعصب والتحيز اللي اذا زاد عن حده يصير..تعصب اعمى مايشوف اي شي حتى لو كان حقيقة باينة قدامه
وشنو الكلام اللي يقول ان اقراصBlu-ray للحين ما تم عرضها بسعة 25 و50 جيجا؟؟..من صجه هذ اللي يدعي هالكلام او شنو؟
الجماعة عرضت اولى العينات لأقراص Blu-ray بسعة 100جيجا*Layers4* وللحين فيه ناس قاعدة تقول ماعرضو 25جيجا بايت؟ عجيييييييب!!
و هذ اول سامبل لحجم 100 جيجا بايت من TDK
سعة 25/50 جيجا..عاد كلها مو من انتاج سوني عشان محد يجيني ويقول Sony fan boy جايب لنا صور خاصة بمنتجات شركته المحبوبة
http://www.blu-ray.com/images/media/jvc.jpg
http://www.blu-ray.com/images/media/jvc2.jpg
http://www.blu-ray.com/images/media/lg.jpg
http://www.blu-ray.com/images/media/maxell2.jpg
http://www.blu-ray.com/images/media/memorex.jpg
http://www.blu-ray.com/images/media/panasonic.jpg
اكثرhttp://www.blu-ray.com/media/
كمان
لقرائة الخبر كامل*الثالث*..http://www.blu-ray.com/
والله احبك يا يوسف 
اتوقع نجاح باهر للـــــ HD DVD وهذا يرجع للأسباب التاليه
- نزوله قبل منافسيه
- سعر رخيص وتكلفة السيدي قليله وجودة واداء مضمون
-دعم قوي من كبرى شركات الأفلام ... وصناع اجهزة الكمبيوتر بحيث سيتم نشرة مع اجهزة اللابت توب بكثره وخاصة من الشركة الرائده في هذا المجال وهي توشيبا
- سعة التخزين المقدمه كافيه وهي 15 جيجا تستطيع استيعاب فلم بكامل صفاء الصوره ونقاء الصوت ومدته 4 ساعات هذا غير الدول لاير التي تصل الى 30 جيجا يعني مدة الفلم تصير دبل ... واعتقد صناع الأفلام مايبون اكثر من جذيه
رد ارد علي كل نقطة كتبتها ..
- نزوله قبل منافسيه ؟؟ ... يعني لو نزل قبل شو رح يأثر اذا نزل بعد 100 سنة , الناس يحكمون
على قوة الاداء وليس مدة النزول 
- السعر الرخيص اوافقك عليها , لكن الاداء هذي قضية ثانية معروفة خلاصتها ^^ ..
- الـ Blue-ray تدعمه اكثر من 12 شركة وهذي قائمة الشركات الى تدعم كل من الـ HD-DVD والـ Blue-ray ...
الـ Blue-ray :
Apple , DELL , HP , invent , HITACHI , LG Elctronics , MITSUISHI ELECTRIC , SAMSUNG ELETRONICS , Panasonic , THOMSON , PHILIPS , SHARP , SONY , TDK , Walt Dsney , 20th century fox , WB
الـ HD-DVD :
TOSHIBA , SANYO , Microsoft , UNIVERSAL , FUJITSU , PARAMOUNT , WB
18 شركة تدعم البلو راي و 7 شركات تدعم الـ HD-DVD , ولو رح تقول لي انها تعتمد على شعبيات الشركات وليس عددها , عندك بالـ Blue-ray اولاً سوني و LG وباناسونيك وسامسونج وما ننسي ديزني اكبر شركة افلام رسوم رقمية و20th century fox الشركة العالمية للأفلام والسينما , اما الـ HD-DVD , فعندك مايكروسوفت و SANYO و TOSHIBA ...
- انت ما تعرف سعة التخزين الي يحتاجها المبرمجين , التكنولوجيا تتطور كل جزء من الثانية ...
وبكل يوم تزداد سعات التخزين الى يحتاجها المبرمجين , تتذكر قبل لا ينزل البلاي ستيشن 2 ؟
كننا متعودين على الـ CD مع الالعاب الى حجمها 600 ميجا بايت بس , وبايام قبل نزول البلاي 2
سمعنا كثير انه ماله داعي يستخدمون DVD لأنه فيه سعة تخزين ضخمة جداً وما احد بيستفيد منها
وبعد كذلك شفنا العاب نزلت على اسطوانتين او 3 اسطوانات DVD لأنه قرص الـ DVD الواحد ما يكفيها , وحتى لو ما لها داعي , فزيادة سعة التخزين تعطيك نقاوة وصفاوة اكثر + فرصة اكبر
للتكبير البيئة في الالعاب وزيادة حجمها ومدتها , يعني مثلاً على الاكس بوكس يبون يسوون لعبة
تجول حر , حجم وسعة المدينة رح يكون 15 جيجا وهذا بالحجم الى يتحمله الـ HD اما على البلاي 3
ممكن يسوون حجم المدينة اكبر وبسعة 100 جيجا , يعني اكبر بحوالي 7 او 6 مرات , الخلاصة
انه مبرمجين الالعاب يقدروا يستفيدوا من سعة الاسطوانات بطرق كثيرة وعجيبة , يعني سعة
الاسطوانة الداعمة للجهاز دائماً تكون درع ومساعد له بغض النظر عن السعر وهذا الكلام اقصد فيه
مبرمجين الالعاب وكذلك ينطبق على اللاعبين ولكن ممكن يؤثر فيهم السعر ... وبخصوص الافلام
فيه افلام يوصل زمنها لـ 9 افلام , ومو ضروري انها تكون افلام بس , بشكل عام اي
نص بصيغة Media او اي برنامج مشغل فيديو يدعمه الجهاز ممكن يتشغل ... ومثل ما قلت لك التكنولوجيا تتطور , الافلام اول كانت مدتها 45 دقيقة فقط والحين صارت ثلاث ساعات وساعتين ...
وفيه نقطة ثانية مهمة بخصوص الكوبي , الكوبي على البلاي 2 كان يخرب الجهاز بينما على الاكس كان يخرب بشكل اقل لأنه كان مضاد للخدوش بشكل افضل من الـ DVD على البلاي 2 , لكن البلو راي عنده طبقة مانعة وعازلة وتغلف الاسطوانة كاملة , يعني لو تخدش من الصبح لين الليل
اللعبة يوم تشغلها ما رح يلاقيك اي ضرر وحتى البلاي 3 ما رح يلاقيه ضرر وهذا اذا اتضررت الاسطوانة نفسها اصلا +__+ , الدليل :
تركيبة بلاستيكية ذو عدة طبقات وهي طبقة غطائية وطبقة التسجيل طبقة فاصلة
بسمك 1.2 ملم وتتمييز بالتغليف القاسي المضاد للخدوش
وتستخدم ليزر نوع NA 0.85 لقرائتها.
بينما الـ HD-DVD ما عنده اي طبقة مانعة على اسطوانته وعرضته للخدوش اكبر , ولكن تبقي امكانية خراب الجهاز مثل فرصة خراب الاكس بوكس الاول ..
ايضاً تركيبة بلاستيكية ذو عدة طبقات هي طبقة غطائية وطبقة التسجيل والطبقة الفاصلة
بسمك 0.6 ملم بدون التغليف القاسي المضاد للخدوش
وهذا جبته من مقالة تقارن بين البلو راي والـ HD-DVD
وفي النهاية والله كلامي مو من تعصب , لكل جهاز مميزات واقول لكم البلاي 3 يساوي الاكس 360
اللهم كل جهاز يتغلب علي الثاني بمجموعة مميزات ... وكلامي الفوق هذا ما طلع من عندي , كله ادلة واقعية من ارضنا الحية...
والى رح يقول لي Sony Fan Boy انا ما عندي مشكلة لكن يعرف عمره انه هو اكبر Fan 
