[PS3]: هل يستحق فعلا الـ600$ ؟؟؟ ادخل لتعرف

[Abdul-Rahman]

شكرا على الموضوع الجبار والمعلومات القيمة وعندي كم سؤال:
سـ1/ وش هي خاصية الـ

( خاصية الـ MOTION SENSING )

وهل هي تنباع لحالها أي كل على حذا أم تجي مع الجهاز نفسه.

سـ2/ كيف طريقة هذي الخاصية

( الـ FREE ONLINE GAMING )

يعني أقدر العب مع واحد من المعارف وهو في بيته وأنا في بيتي
عن الطريق السوني >> سؤال غبي أكيد لكن والله الصراحة
أنا ما افهم في هذي الاشياء لكن لا جا وقت اللعب العب صح
المهم يعني طريقة اللعب بالخاصية هذي كيف يعني مثلا اشبك
سلك التلفون في السوني وصاحبي نفس الكلام وكل واحد في بيته
ومن ثم اقعد العب معاه مباراة >> ترا يا جماعة اتكلم من جد ما اسهبل
على العموم وهل هذي الخاصية يبالها شراء قطعة ولا إيش؟؟
----------------
سـ3/

اعمال نسخ و COPY الالعاب ايضا تعد من اصعب و اكبر المشاكل التي تواجه القراصنة نظرا لعدم توافر اية سيديهات BLU-RAY فارغة بالاسواق

افهم من كلامك إنه بتنقرض الالعاب المنسوخة من السوق
يا قهرررر طيب قيمة الشريط الواحد تتراوح ما بين كم وكم؟؟
وهل هناك إحتمال كبير بينزول الالعاب المنسوخة كما يقول أغلب الأعضاء
وإذا نزل مثل ما يقولوا إن شاء الله كم تتوقع سعر السي دي الواحد ؟؟؟
لانه على حسب كلامك إن السي ديات غير عادية لانها بلوراي مدري كذا اسمها
----------------
سـ4/ أ) ماهي هذي اللعبة RESISTANCE: FALL OF MAN
لا تقولي لعبة مسدسات >> اكره هذي الالعاب
ب) ما هي لعبة WARHAWK
من كلامك يبدو لي إنها طيارات
ج) ما عندك اخبار عن وينينج إليفين > أفضل شريط كورة في عالم الالعاب
>>> وهل هي صادرة على البلاستيشن 3 >> أكيد <<< بس متى ؟؟!
سـ5/ هل نقول وداعا لشراء وضياع الميموري كارد
أم الاشياء اللي تخزن الالعاب اللي تقول عنها برضها تنباع وما تجي مع السوني؟؟
----------------------------------------------
ملاحظات :
-- يد التحكم الجديدة خطيرة > حمستني لها مررة
وبالعكس ما تفرق معاي خاصيةالارتجاج لانها تجيبلي ارتجاج
-- معليش ثقلت عليك كثير بس سامحني لازم ناخذ شوية معلومات
-- لمن دخلت موضوعك حسبت نفسي في المنتدى رياضي
أو منتديات الاخبار قمة التعصب وكـل واحد يروج لجهازه المفضل
وتبقى سوني في المقدمة
وبإنتظار ردك أخي العزيز ولك مني على هذا الموضوع الممتاز
و على هذي المعلومات
والــســلامــ عــلــيــكــمــ

[rak_2_rak]

هههه عندي مثل حلو وعبرة حلوة لكم

(( اذا انت ماشي في مكان ضيق , ولاتعرف شو الحل شو تسوي ؟ , وفجأة يتصل بك
رفيجك يقولك انت يافلان انا مشيت في هالسكة بدون مااحس بالضيق , فشو السبب ؟
تعرفون ليش لانك انت مرتبك وماتعرف شو تسوي واما رفيجك يطالع بالسما وراسة مرفوع
شرات الصقر ويمشي باعتزاز , موب كل حد يقدر يخليه يتهزأ ))

فهمتوا ولا مافهمتوا مشكلتكم

[LANCE VANCE]

شكرا على الموضوع الرائع

انا اعرف واحد باليابان((واحد يعرف واحد...الين ما نوصل)))

تنصحوني اوصيه يشتريه لي من هناك ولا انتظر الين ما ينزل الكوبي و الاشرطة؟

[FOXKING]

انا سمعت انو راح ينزل في السعوديه بقيمة 4000هذا السعر الي راح ينزل في السعوديه من غير التزويدات الي راح تصير من الشركات

[baby_top]

ماعندي اي تعليق على الموضوع الجميل سكوت فقط

شكرآ على الموضوع الرائع بل اجمل من رائع


وتحياتي
لك اخوي على الموضوع الجميل

واتوقع النجاح لل PS3 على الاجهزه القادمه

[hamad_007]

البلاي3 يعرض 300 مليون مضلع وعلى البي سي فية كروت شاشه تعرض اشكل من 300 مليون مضلع
اذا ماتفهم بالبي سي لاتناقش عشان ماتحط نفسك بموقف محرج

سوني ما أعلنت المواصفات النهائية عشان تقول 300 مليون مضلع .
و نيفيديا صرحت بنفسها انه ستظهر كروت أقوى من الي في البلايستيشن3 في اواخر 2007 .
بعدين أنا أفهم بالبي سي .

[Lasto]

اخواني هل لعبة جراند ثيفت اوتو حصريه على جهاز البلاي ستيشن 3 ؟؟؟؟؟؟؟؟؟؟؟؟؟؟؟؟
وماهي الالعاب الحصريه عليه لوتكرمتوا....
وشكرا لكاتب الموضوع على المجهود الجبار

اخوي للحين مافي اي صور او اي معلومات من روكستار عن GTA: IV و لذلك ما نقدر نحدد هل هي حصريه ام لا
و شكرا على ردك

[joker_zambrotta=QUOTE]
شكرا للأخ the last snake عل موضوع
ونلاحظ التعصب الكبير من قبل بعض الشباب لبعض الاجهزة

[/QUOTE]

الله يسلمك حبيبي و التعصب جدا واضح بالموضوع لكن يللا شبنسوي اهم شي لايعتدون على الناس او الاسلام و خلاص

وهل هي تنباع لحالها أي كل على حذا أم تجي مع الجهاز نفسه.

حبيبي الخاصية هذي تكون بداخل الجويستك نفسه و معناتها خاصية الاحساس بالحركة فكيف تنباع لحالها ؟؟؟

سـ2/ كيف طريقة هذي الخاصية

لعبة WARHAWK هي اكبر مثال على هالخاصية يعني انت لما تحرك الجويستك بتتحرك معاه الطيارة بنفس الاتجاه طال عمرك

على العموم وهل هذي الخاصية يبالها شراء قطعة ولا إيش؟؟

لا حبيبي الخاصية تكون مرفقة مع الجهاز من اول مثل بعض الاجهزة الاخرى ^^

افهم من كلامك إنه بتنقرض الالعاب المنسوخة من السوق

و الله بعد انقراض العاب الـ PSP المنسوخة الظاهر انه سوني بتسوي حملة ضد النسخ نتيجة لتعرضها لهذي الاعمال امثر من غيرها من الشركات نظرا لكونها افضل شركة بالدنيا

يا قهرررر طيب قيمة الشريط الواحد تتراوح ما بين كم وكم؟؟

قال KAZU HIRAI رئيس و مدير SCEA ( SONY COMPUTER ENTERTAINMENT AMERICA ) بأن سعر اللعبة يتراوح بين 50$ الى 80$ حسب اللعبة

وهل هناك إحتمال كبير بينزول الالعاب المنسوخة كما يقول أغلب الأعضاء

الاحتمل ضعيف جدا جدا و لكن مثل ماقال بيل غيتس انه ال 360 مستحيل يستنسخ و ثاني يوم استنسخوه و طلعوه بعشرين و خمسطعشر ريال و الله اعلم

وإذا نزل مثل ما يقولوا إن شاء الله كم تتوقع سعر السي دي الواحد ؟؟؟

اتوقع انه ما يقل عن 50 ريال نظرا لغلاء البلوراي جدا جدا

ماهي هذي اللعبة RESISTANCE: FALL OF MAN

مثل ما انت قلت لعبة

لا تقولي لعبة مسدسات >> اكره هذي الالعاب

لا لا تراها اقوى لعبة بالـ PS3 من بعد MGS4 و يقال بانها رح تكون مرفقة مع الـ pS3 عند شرائه

ما هي لعبة WARHAWK
من كلامك يبدو لي إنها طيارات

نعم هي لعبة طيارات و يبدو انها اللعبة الوحيدة اللي تستخدم خاصية الاحساس بالحركة الموجودة بالـ PS3

عندك اخبار عن وينينج إليفين > أفضل شريط كورة في عالم الالعاب
>>> وهل هي صادرة على البلاستيشن 3 >> أكيد <<< بس متى ؟؟!

للحين مافي اية اخبار عن اية لعبة كرة قدم على الـ PS3 و لكنها ان شاء الله بتكون عليه اول ما تنزل

هل نقول وداعا لشراء وضياع الميموري كارد
أم الاشياء اللي تخزن الالعاب اللي تقول عنها برضها تنباع وما تجي مع السوني؟؟

ما نقوللها وداعا بس نقول SEE YOU LATER
عشانها شوي شوي بتتنقرض مع الايام مثل ما صار مع الـ FLOOPY DISK و مع الـ IR و غيرهم من الاجهزة

لمن دخلت موضوعك حسبت نفسي في المنتدى رياضي
أو منتديات الاخبار قمة التعصب وكـل واحد يروج لجهازه المفضل
وتبقى سوني في المقدمة

ههههههههه و الله حلوة هذي بس يللا مثل ما قلت حسبي الله و نعم الوكيل عليهم ><

وبإنتظار ردك أخي العزيز ولك مني على هذا الموضوع الممتاز
و على هذي المعلومات
والــســلامــ عــلــيــكــمــ

هذي كان ردي حبيبي و جزاك الله كل خير على الاسئلة المفيدة

(( اذا انت ماشي في مكان ضيق , ولاتعرف شو الحل شو تسوي ؟ , وفجأة يتصل بك
رفيجك يقولك انت يافلان انا مشيت في هالسكة بدون مااحس بالضيق , فشو السبب ؟
تعرفون ليش لانك انت مرتبك وماتعرف شو تسوي واما رفيجك يطالع بالسما وراسة مرفوع
شرات الصقر ويمشي باعتزاز , موب كل حد يقدر يخليه يتهزأ ))

مافهمت شي صراحه XD

شكرا على الموضوع الرائع

انا اعرف واحد باليابان((واحد يعرف واحد...الين ما نوصل)))

تنصحوني اوصيه يشتريه لي من هناك ولا انتظر الين ما ينزل الكوبي و الاشرطة؟

مشكور حبيبي على ردك و انا انصحك انك تنتظر شوي لين ما ينزل الكوبي احسن من ما تشتريه و بيطلع مافي كوبي و بتروح فيها انت وياه XD

انا سمعت انو راح ينزل في السعوديه بقيمة 4000هذا السعر الي راح ينزل في السعوديه من غير التزويدات الي راح تصير من الشركات

و الله هذي للحين اشاعات و اراء و لكن من المرجح ان يكون السعر 5000 ريال اول ما يطلع و بعد كم شهر بينزل لين يصير 2205 ريال و هو السعر الاصلي

ماعندي اي تعليق على الموضوع الجميل سكوت فقط

شكرآ على الموضوع الرائع بل اجمل من رائع


وتحياتي
لك اخوي على الموضوع الجميل

واتوقع النجاح لل PS3 على الاجهزه القادمه

مشكور حبيبي على ردك الكووول ^^
و نجاح الـ PS3 مضموووووون

مشكور على التفاعل ^^ و التعصب -_-

سلامز

[xnnx]

سوني ما أعلنت المواصفات النهائية عشان تقول 300 مليون مضلع .
و نيفيديا صرحت بنفسها انه ستظهر كروت أقوى من الي في البلايستيشن3 في اواخر 2007 .
بعدين أنا أفهم بالبي سي .

صباح الخير سوني اعلنت عن المواصفات من شهور
لاكن عشان عشان كرت الرسوم اضعف من كرت ال360 تحاول تعطي نفسك امل ان سوني تغير المواصفات

[Lasto]

صباح الخير سوني اعلنت عن المواصفات من شهور
لاكن عشان عشان كرت الرسوم اضعف من كرت ال360 تحاول تعطي نفسك امل ان سوني تغير المواصفات

اعتقد انه SONY قالت انها بتعلن عن آخر المستجدات و باقي المواصفات في TGS 06 و كرت

رسوم الـ PS3 اقوى من اي كرت آخر و لو كره المتعصبون

سلامز ^^

[CHALLENGER]

موضوع رائع الصراحة بس حبيت استفسر متى معرض طوكيو ؟

[hamad_007]

صباح الخير سوني اعلنت عن المواصفات من شهور
لاكن عشان عشان كرت الرسوم اضعف من كرت ال360 تحاول تعطي نفسك امل ان سوني تغير المواصفات

شوف عاد أنا اعرف انك متعصب للاكس من الدرجة الأولى و ردودك كلها تعصب في تعصب .
عشان جذي لو رديت أي رد تعصبي ترا بخبر المراقبين .

موضوع رائع الصراحة بس حبيت استفسر متى معرض طوكيو ؟

22\9

[Dark Slayer]

شباااااااااااااااااااب مني عارف ايش اقول

لو ناقشت بطلع برد اكبر من الموضوع نفسه وبعدها بكم ساعه الاقي تحت اسمي مكتوب (عضو موقوف)

فــــ خلينا بـمشكور عالموضوع

وانا آسف يا سنيك الاخير ماشفت الموضوع ليه3 ايام مااخش النت

الله يلعن اللي كان السبب

[Lasto]

شوف عاد أنا اعرف انك متعصب للاكس من الدرجة الأولى و ردودك كلها تعصب في تعصب .
عشان جذي لو رديت أي رد تعصبي ترا بخبر المراقبين

بارك الله فيك خلليك مثلي احسن خخخ

شباااااااااااااااااااب مني عارف ايش اقول

لاتقول شي لايطردونك الحين هع هع

لو ناقشت بطلع برد اكبر من الموضوع نفسه وبعدها بكم ساعه الاقي تحت اسمي مكتوب (عضو موقوف)

شفت شنو قلتلك انا خخخ

فــــ خلينا بـمشكور عالموضوع

و خلليني بـ مشكور على الرد

وانا آسف يا سنيك الاخير ماشفت الموضوع ليه3 ايام مااخش النت

الله يلعن اللي كان السبب

و انا بقول ليش هالثلاث ايام منورة اثاري السفاح المظلم كان غايب هع هع <<< مزحة بايخة

عاالعموم مشكور على الردود شباب

سلامز ^^

[xnnx]

اعتقد انه SONY قالت انها بتعلن عن آخر المستجدات و باقي المواصفات في TGS 06 و كرت

رسوم الـ PS3 اقوى من اي كرت آخر و لو كره المتعصبون

سلامز ^^

طيب ولا تزعل اقوى كرت
بس كيف يكون اقوى كرت وهو مايعرض غير 300 مليون مضلع مقارنة مع ال360 اللي يعرض 500 مليون
كيف يكون اقوى كرت وهو مايملك غير256 من الرام مقارنة مع ال360 يملك 10 ميجا زيادة
كيف يكون اقوى كرت وهو بس عندة 24 بيكسل ببلاين مقارنة مع ال360 اللي يملك 48 بيكسل ببلاين
كيف وكيف وكيف وكيف ...الخ
لو عندك خبرة بسيطة بالهارد وير ماتقدر تنكر انه مو اقوى كرت

شوف عاد أنا اعرف انك متعصب للاكس من الدرجة الأولى و ردودك كلها تعصب في تعصب .
عشان جذي لو رديت أي رد تعصبي ترا بخبر المراقبين .

انا غلطت عليك ؟؟؟؟
غلطت على احد الاعضاء ؟؟؟؟
قلت شي حرام ؟؟؟؟؟
اصلا انا اللي غلطان قاعد اناقش واحد مايفهم شي بقطع الجهاز اللي يحبه
روح بلغ بسرعة لا تتاخر

[hamad_007]

انا غلطت عليك ؟؟؟؟
غلطت على احد الاعضاء ؟؟؟؟
قلت شي حرام ؟؟؟؟؟
اصلا انا اللي غلطان قاعد اناقش واحد مايفهم شي بقطع الجهاز اللي يحبه
روح بلغ بسرعة لا تتاخر

ما عليه xnnx .