[ الموضوع الرسمي ] FINAL FANTASY XII - انطباعات + اراء + استفسارات

[Al-7ussaini]

السلام عليكم شباب ,

يعني الحين اللعبه كامله؟ مافيها نقص ؟

لاني حصلتها و لعبت تقريباً 3-4 ساعات

و اللعبه عجيبه زياده عن اللزوم XD

يالليت احد يجيب من الي خلصوها , يقولون إذا كامله او لا =)

و شكراً

أخوي مع اني ما خلصت اللعبة .. بس اظمنلك ان اللعبه كامله

[Efreetex]

مشكووور اخوي و خاصه اني تعمقت فاللعبه و عجبتني ... و مو مستعد اتركها او اني ارجع اللعبها من اول >_<

مشكور مره ثانيه ^^

[ShRsHr]

انا شريت لعبه

وصارلي الحين 17 ساعه العب وصراحه لعبه مو طبيعيه ونظام القتال عجييب بس يمكن العيب الوحيد في القصه انه مافيه تشويق مو مثل الاجزاء الي طافة الي عودتنه ان نعيش القصه والاحداث

وحبيت اقول حق الي يذمون نظام القتال انه انظام يبيله تركيز وشوية تشير عشان تتعلم وتستانس

وانا من ناس الي ماعجبني نظام في البداية بس بعدين شوي شوي وفهمت كل شي


وبنسبه حق تنفيذ ليميت لازم تضغط على زر R2 مع المثلث والمربع والاكس بسرعه وقبل ماينتهي الوقت

[Artistic-Mind]

صراحة معليش بالنسبة للنظام صحيح واعترف اني مبتدأ بالآر بي جي صراحة
لكن فاينل لها معزلة خاصة انا ما يعجبني اول شي الا القصة + الـarchitecture فيها قمة يخلي القولون عندي يرقص وينتفخ ( والله اني ما اكذب )
ثانياً القتال
واكثر شي كان يحبطني نظام القتال صحيح انه اخراج وحركات لكن .... الفاصل الزماني بين الإنتقال من اللعب العادي الا المعركة اللودنج كان يخليني اطفش وبقوة
لكن الآن ابلعبها باستمرار
مشكورين ورجاء ياشباب NO SPOILERS

[لنكووووه]

هلا ..
هاي اول مره ادش من ثلاث سنين .. كنت ضايع ههههههه توه حصلوني .. :P

الصراحه من كلامكم اللعبه شكلها مبتكره بشكل كبير ..
بس تعودنا من فاينال فانتسي قوه القصه .. وقوه الجرافكس والتشويق .. والظاهر ما خاب ضننا في ها اللعبه

بس انا خايف اخذ الكوبي وتكون مب كامله..والا تكون الاصليه فيها اشيا زياده .. امممم

بس الظاهر ماعرف جم بتحمل ..باااااااجر اليمعه ..بيلس عند باب المحل من الساعه 4 العصر هههههه

بس حبيت اسأل عن شي ثاني ..

شو اللي العبه قبل فالكري بروفايل والا فاينال فانتسي مع انه فالكري بالنسبه لي ولا شي جدام الحبيبه فاينال فانتسي

[Efreetex]

ولله ياخوي انا اشتريتهم الاثنين ... و فالكيري للحين بالقرطاس الي على الشريط مافتحتها =)

على طول بديت العب بي فاينال و نسيت فالكيري XD و مافكر العبها الحين ^^

يعني بالمختصر .. العب FFxii =)

[caznova]

انا لي لو اربع سنوات واكثر واحب هلمنتدى احب اقرا ولا اشارك هع هع بس ابي اقول اللي عندي
وانا من عشااااااااااق فاينل فانتسي

كنت العب فالكيري واعجبتني ومشيت فيها بس صعبه وفجاه تجيني ff12 مااعرفت انا العب فالكيري او ff12

واقطعها واروح العب ff12 وتمنيت مالعبتها اول مره العب لعبه غصب عني العبها وانا معصب ههه ابي اشوف وش بصير بعد ساعه
الا اسوء واسوء ماانكر ان الجرافكيس روووووووعه وقتال حلو ((انا فكرت القتال مثل الكندم هارتز جلست كل مااشوف وحش اضغط اكس الين كسرته ههه )))مانقول شئ والاصوات روعه اللهجه بريطانيه واضحه ومناسبه (((بس لا عاد يجيبون صوت الرجاال اللي يقرأ القصه مافهمت كلمه منه كانه صوت مسجل خربان موبريطاني شكله ايرلندي جماعت وليام وولس اللي يأكلو الحرووف))))

بس قصه منتهيه اهم شئ عندي القصه حتى لو تجي العبه مثل ماريو اللي في كمبيوتر العائله وتكون القصه حلوه اهم شئ وشخصيات حلوه الاحركات القاضيه حقتهم البطل مثل المضيع بينهم مايدري وش السالفه والى الحين

لعبت 12 ساعه واكثر وماله دوور مهم غير انه اخوه مات و ..وتكملت عدد والعب واكمل غصب عني يمكن تحلو القصه
واصبر الييين راحو يبون ياخذون وحش الاستدعاء وامشي الين مليت قلت لو مايطلع هالوحش كبره مثل البيت وقوي ماباخذه واشوف شكله لما استدعيته فكرت لحاله يقاتل الا اشوفه جنبي مثل الخبل لو ماطلعته كان احسن ((( وانا متاكد الوحوش الثاني ماتو من الضحك من شكله انا صرفته بعدته بعيد رميت له عظمه ورحت اضارب لحالي )))
اكبر مافيه راسه وارجوله صغيره كانه خروف ميت جوع وحركته القاضيه مررررره بااااااايخه قام يرقص سامري هههه

وين فيجرنت ستوري قصتها روووووووووووووعه جداااا و الجزء العاشر لعبته حتى وصلت 100 ساعه .. القصه تجنن لما ختمته كنت بابكي هع هع وشخصيات مثل لولو و ارون اخ وكلش صح فيها عيوب بس نتغاضى عنها لانها بسيطه..((وباقي الاجزاء الا اكس تو ))


منجد برجع اكمل فالكيري اصرف منها جلسو اربع سنوات وبنهايه يطلعون بياخه وجلسو كم شهر وطلعوا فالكيري روعه احسن لهم لا يطولو وهم يسون لعبه بس بتظل في عيني حلوه لانها من سكوير (((بس لاتعيدينها )))
اصلا من بعد لعبت Ff7 وانا عارف ان الشركه زودتها خربت

[HAMAD 11]

اللعبة انا اشتريتها بس للحين في القرطاسة .. حمستوني صراحة بروح العبها !!

[hitman_design]

السلام عليكم
هممممم
كنت متوقع اني الوحيد اللي موعاجبه نظام القتال
بصراحه نظام تعيس جدا من اهم عناصر الار بي جي
هو القتال واستراتجياته اللي اصبحت معدومه في هالجزء
الشغل اصبح سهل جدا حتى فان قائد المجموعه تقدر تخليه يقاتل اوتو ماتيك
انا لسى بالخمس الساعات الاولى
انشاءالله مع التقدم بالعبه بندمج مع هالنظام التعبان

[HAMAD 11]

hitman_design يا ريت لو تخبرني شوي عن اللعبة .. لأنى اكثر شيء اكرهه فاينل فانتسي فياريت لو تحمسني

مثلاً كيف النظام بالمدينة ؟؟ ممكن تشتري أسلحة مثلاً او دروع ؟؟ وأنت مع بطلين اثنين هذول ممكن تطورهم بعد وتطور مستوياتهم ؟

هذا دايما الى يهمني في الألعاب ياريت لو تشرح لي الطريقة

[hitman_design]

هلا فيك اخوي حمد
اذا هذي اول مره لك مع فف
انصحك تبداء بالجزء العاشر سهل جدا وممتع
لانه الجزء 12 فاشل في نظام المعارك
لكن روعته هو البيئه الضخمه والجرافيك الممتاز وطبعا عروض الـCGمايحتاج نتكلم عنها قمة في الابداع
بشكل عام ومن خلال تجربتي الاوليه المدن واسلوب البيع والشراء المهمات ...الخ كلها عاديه يعني مثلها مثل باقي الاجزاء مع وجود اختلافات طبعا
طبعا تقدر تشتري دروع واسلحه لجميع اعضاء فريقك وتطورهم وتتحكم في اسلوب قتالهم والاولويات في القتال
بالنسبة لي المشكله فقط في نظام المعارك كل مايقترب من الاكشن كل مازاد كرهي له
انت جرب الجزء العاشر صدقني بيعجبك ولاتنسى تجرب الاسطوره الجزء السابع اللي مستحيل تتكرر.

[Flanteus]

قول ما عجبك مو فاشل ..

واضح انك تكره اي شيء اسمه اكشن

ويا ريته اكشن




بالنسبة للقصة انا اتعجب الصراحة من اللي يحكموا عليها قبل ما ينهوا اللعبة

[mgs7]

هلا شباااب


انا ماني فاهم كيف تحكموا على هالأسلوب كذي صراحه انا عاجبني افضل من القديم لكن القديم افضل من ناحية

الاستعراض يعني لما تستدعي او تسوي التيما تحس بشي ثاني بس اما النواحي الثانيه 12 افضل

واخوي حمد ترى في اشياء كثير تشتريها اسلحه ودروع وادوات وتكتيكات واسحار وجامبتس وشي تبغى اكثر من كذا ويمديك تبدل بين اي لاعب من السته تلعب به

والقصه صحيح ماتنفهم زين لكن انا اشوفها زي صعوبة فالكيري بروفايل في الفهم والي قول اللعبه سيئه يكمل اللعب احسن ما اعتقد ان مجله زي فايماتسو تعطيها بيرفكت شدي او اي جيام او غيرها من المجلات فالعبوا اللعبة لاتروح عليكم لعبة سنه 2006 ان شاء الله

[finaldream]

بصراحة اللعبة جدا رائعة


فعلا تستاهل 3 سنين من الانتظار واللي يقول غير كذا فهذا يحب النمط التقليدي من فاينل فانتسي
التطوير والتغيير شي ضروري
شركة سكوير ابدعت في الرسوم والصوتيات
ونظام القتال مرة رائع احلى شي لما تحاول تهرب والاعداء يلحقوك
بصراحة هل في طريقة مضمونة للهرب اشوف انه زر R2 ما منه فايدة

بعدين ايش فايدة الchain level

وكمان السحر كيف تقدر تاخذه لانه انا ما عندي غير الfire and cure

بعدين ايش رايكم في مستوى الصعوبة انا اشوف فوق المتوسط
يعني امكن الجيم اوفر 6 مرات مع انه في الاجزاء السابقة كان شي نادر انه يصير

[Mr_Gamer]

اقول شباب
مافي امل ألعب اللعبة بدون يد اصلية

انا فايق اشتريها بـ 120 ريال