وبدا العد التنازلي ياشباب ... اليوم تاريخ 30-8-2009 وراح اروح اسوي تحاليل بالمستشفى مره ثانيه تاريخ 2-9-2009
نسالكم الدعاء ياشباب ...
وبدا العد التنازلي ياشباب ... اليوم تاريخ 30-8-2009 وراح اروح اسوي تحاليل بالمستشفى مره ثانيه تاريخ 2-9-2009
نسالكم الدعاء ياشباب ...
يا رب يشفيك
بالتوفيق ان شاء الله
والله يرجعك بالسلامه
ماكو الا الخير اخوي وعسى الله يقومك بالسلامه ويرجعك لنا سالم وان شاء الله سهالات
عسى الله يقومك بالسلامه اخوي وترجع لنا سالم وان شاء الله سهالات
الف الحمدلله ابشــركم اخواني ... امس سويت العمليه وخلصت ولله الحمد
وطلعت من المستشفى بنفس اليوم
وانا حاليا بالبيت قاعد اكتبلكم الخبر ...
صج انه في اشوية عواار ... بس فدوه ... المهم الواحد انه يخلص من مشكلته
الف شكر لكل من ساعدني وشجعني على العمليه ,..
وكل التوفيق والشفاء للشباب الي يعانون من نفس حالتي
واي استفسار بخصوص العمليه انا حاظر ان شالله
حمدالله على السلامة اخوي هم شي صحتك ومتى ان شاء الله نشوف صوره لبعد العملية ؟
الحمد لله ع السلامه اخوي والله فرحت لك ..
الف مبروك على نجاح العمليه يالغالي والحمد لله انتهيت من مشكلتك ..
وياليتك تساعد الشباب اللي يعانون من مشكلتك وتعلمهم بأسم الطبيب اللي كنت تراجعه وبإسم المستشفى اللي تابعت فيها حالتك وعملت فيها العمليه
الله يوفقك اخوي والحمد لله ع السلامه مره ثانيه
الف شكر لكم على المرور ...
بالنسبه للصور انا توني شايل المشد الي كانو معطيني ياه ... وتو الناس ع الصووور ...
لان الدكتور قالي بعد شهر تقريبا اشيل المشد ... وذيج الساعه بتكون الحاله 100% ان شالله ...
بس مايمنع اني انزل لكم الصور حاليا ... بس عطوني جم يووم لاني مدروخ بعد العمليه ...
موفق حبيبي
ودعوتي لك
إنك تحقق اللي تتمناه
يلا حمدلله على سلامتك
بس شكثر كان وقت العمليه؟يعنى شكثر قعدت بالمستشفى؟
وشنو هذا المشد؟شيسوى يعنى؟
وانت حاس ان فى فرق بعد العمليه ولا تو الناس؟:>
حمدالله على السلامه
وناطرين الصور
العمليه هي عباره عن ساعتين تقريبا ...
والدخول الي المستشفى قبلها بيوم (( عشان يخلونك تصوم لانك راح تتبنج بنج كامل ... ))
وثاني يوم يسوولك العمليه ... وبالليل (( مجرد مايروح تأثير البنج ..)) تقدر تطلع من المستشفى ...
وبالنسبه للسؤال عن المشد ... اهوه مثل حزام او استريج ... يعني شي ينحط على الصدر ويكون مشدوود حيل ... عشان لايصير تجمع دموي او اي اثار جانبيه بعد العمليه ... ومن الاحتياط انه الواحد يحط هل حزام مده شهر تقريبا ...
الحمد لله على السلامه مبرووك والله انك حققت اللي تبيه
والله يحفضك
وبالتوفيق ان شاء الله