ديوانية استراحة المنتدى ..

[Classic Evil]

داركنس :
الصراحة ماعرف لا الصيني و لا عجاج ..
بخصوص الألعاب هذا شي راجع لك إنت, بس انت حدد نوع اللعبة اللي تحب مثلا مغامرات وراح نساعدك فيها

القعقاع :
جاثوم؟ أين عضلاتك المفتولة يا فتى ...
بس على فكرة : تأكد خصوصا -دامك قلت بعد الفجر- إنه مكان نومك كله في الظل, بمعنى لا تنام ونص جسمك في ظله والآخر توصله أشعة الشمس, وشوف بيجيك جاثوم عقبها ولا لا.. وادعي لي






يا شباب : سويت تحديث وطلع لي اللي ينقال له اسمه قريب من جونينيو ..
وقالي انك ضحية او نسخة مب اصلية.. كيف اتخلص منه؟ وهل هو مدمر للجهاز ولا بس متطفل؟
أظن هذا اللي قال عنه الكترو من قبل..
سامحني يالكترو هذا جزاء اللي ما يسمع نصيحة واحد مثلك ...

[Electro M]

القعقاع
هذه هجمة مرتدة على ذبتك على صورتي

ايفلوه
تستاهل

ماله حل الا انك تنزل باتشات مؤقتة يمكن تحل لك المشكلة
لكن ما عمري جربتها لذا ما اقدر اساعدك
جرب بوابة العرب

[Classic Evil]

الخترو :
هذي حركة من ميكروسوفت الظاهر..
عشان تخلي العملاء يتحققون من نسخ وندوز وملحقاته, فماظن تأثر على الجهاز ..
وعلى العموم هذا زامن التوقيت اللي أفكر أغير في الجهاز وأعيد برمجته من أول ..<<< حجة وحاجة

[Master ArNab]

بارني , كيف حالك
الفلم إيراني ورهيب .. لا يفوتك

القعقاع .. تجربة عنيفه

إيفل .. بالنسبه للكتاب فهو يسرد لك قصة وعلاقة وتفاصيل حميع الأجزاء .. ونسختك بالطريق

إيفل مره أخرى .. جاني مثل الي جاك

سهله وترى ذكرتها في المجالس السابقه

لازم تسوي kill للبروسيس من التاسك بار

بعدين رح مجلد الsystem32 وإحذف الملفين
WgaTray.exe
WgaLogon.dll
والخطوه الأخيره .. نخدع وندوز , حتى ما ينزل التوول مره ثانيه
أنشئ نفس الملفين .. لاحظ الحجم 0 .. مجرد تمويه للويندوز تحسباً
للمزيد من التفاصيل إبحث بقوقل عن WgaTray.exe

[Master ArNab]

عشان تخلي العملاء يتحققون من نسخ وندوز وملحقاته, فماظن تأثر على الجهاز ..

أنا سمعت إنه بعد مده بيقفل عليك الجهاز وما تقدر تدخل الوندوز البته

[Classic Evil]

أنا سمعت إنه بعد مده بيقفل عليك الجهاز وما تقدر تدخل الوندوز البته

لا بوووي الشييييمة كيف ينمسح ؟؟؟
كيف اسوي كيل ما طاع يستوي كل مرة يرد يشتغل مرة ثانية ؟؟
بالنسبة للكتاب, صراحة شي رائع, وهذا يعتبر ضالتي, اسميك يبتها صح ..
بشتريه وقريبا في مكتبتي العامرة .. إلا اذا اهديتني فهذا شي آخر ...

[Master ArNab]

إيفل
يا حليلك وأنت متروع
إدخل السيف مود وإحذف الملفين ( تلقاهم تحت السيستم 32 )

للدخول سيف مود
إكتب msconfig في التنفيذ
وحط صح على سيف مود
شف المرفقات *
الكتاب أكيد هديه , بس خل يوصل أول


القعقاع
إبحث بمواقع من دول معينة مثل تايوان وبتحصل phproxy بالدفنه ومنها نطاقات جامعية بعد


*

[hussien-11]

Darkness withiN



شباب شنو أحسن الألعاب على السوني 2؟

آربجي

Final Fantasy X
Tales of Legendia
Dragon Quest 8
و قريبا : Final Fantasy XII

تحدي

ما فهمت تحدي ، يعني ملتي بلاير ؟
مممم ..
Winning Eleven 10
Soul Calibur 3
Crash Nitro Cart

مغامرات

Jak 2&3
Ratchet and Clank
Devil May Cry 3
Onimusha Dawn of Dreams
Prince of Persia
بأجزائها الثلاثة ..

وشنو الألعاب على السوني 1 من نفس النوع الي تستحق أشتريها؟
شكراً مقدماً...

مم ، بالاَربيحي البلاي ستيشن الأول أفضل من الثاني ، عندك :

Final Fantasy VII
Final Fantasy VIII
Final Fantasy IX
Chrono Cross
Xenogears
Legend of Dragon
Final Fantasy Tactics
Valkyrie Profile
Vagrant Story

ملتي بلاير :

Crash Team Racing
Crash Bash

مغامرات :

Crash Bandicoot 3
Dino Crises 2
Castlevania Symphony of the Night

هذا اللي ببالي حاليا

[AOD]

الخترو :
هذي حركة من ميكروسوفت الظاهر..
عشان تخلي العملاء يتحققون من نسخ وندوز وملحقاته, فماظن تأثر على الجهاز ..
وعلى العموم هذا زامن التوقيت اللي أفكر أغير في الجهاز وأعيد برمجته من أول ..<<< حجة وحاجة

بالنسبة للتحديثات لاترد علهم والغي التحديثات التلقائيه من الاعدادات لان الي عندنا كوبي والظاهر كبشونا ويبونا نشتري الاصلي
واجمل الالعاب على البلاي 1 باراسيت ايف2 وتومبرايدر وريزدنت ايفل وداينو كرسيس وميتل قير وبرنس
والبلاي 2 تقريبا نفس الالعاب باجزاء جديدة
الا ايش رايكم بنتيجة التصويب ما لاحظتوا ان الغالبيه تتطالب بالتقسيم القديم للبلاي ستيشوون
بالتوفيق

[Electro M]

ايه اللي لاحظته ان اغلب اللي ما ينشرون مواضيع و لا يشاركون يبون التقسيم القديم

بينما العكس هو اللي حاصل
الاعضاء النشيطين يطالبون بالتقسيم الجديد

و السبب بكل بساطة ان اصحاب عدم الرد او الي ما ينشرون المواضيع ما يهمهم الا نفسهم و المواضيع اللي تهمهم
و يتقوقعون في منتداهم و يصير لهم مجتمعهم الخاص اللي يذكرني بفيلم ذا فيلج
بينما الاعضاء النشيطين يبون المنتدى كله يكون متفاعل مع بعضه البعض و ما فيه مجتمعات داخلية خاصة

اذكر مرة نشرت موضوع في منتدى الرعب
حسيت فعلا بالرعب من ردود بعض الناس هناك

كل واحد كاتب فيني قصيدة و هو يرد
"اهلا بيك بين اخوانك و اخواتك و اهلا بيك و لا تروح عننا ترانا نبيك"

حشى زومبيات

[smigle]

Dear all

Just wanted to say Hi, Nice to see that everyone is still there and I wish that the situation will be as same as before

شباب شنو أحسن الألعاب على السوني 2؟
آربجي
تحدي
مغامرات

Adventure
Devil may cry 1,3
Resident evil 4 & code veronica
ICO
Shadow of the colossus (still thinking of killing you for not playing it
Metal gear 2, 3
Zone Of the Enders 1,2
Onimusha 1,2,3

on ps1 I reccomend
MGS1
Fear Effect 1, 2

[Darkness withiN]

ايفل نفر
آخ بس...يبيلي أجيبلك الصيني على يوم تفصفصه وتعرف ماهيته
فديتك..ياخي مشتاق حق ياماتو
وبالنسبة للألعاب..أنا حددت مغامرات وتحدي وآربيجي^^


حسين و سميقل و أود
ألف ألف شكر ماقصرتم والله
بس كل هالألعاب عندي ولاعبها ماعدا فير إيفيكت ودراجون كويست ومحتار أشتريهم ولا لأ ممكن نبذه؟
<ميت ضحك

السموحه^^

[hussien-11]

بس كل هالألعاب عندي ولاعبها ماعدا فير إيفيكت ودراجون كويست ومحتار أشتريهم ولا لأ ممكن نبذه؟
<ميت ضحك

هههههههههههههه ، مو مشكلة ، استمتعت و انا أكتب بالرد و الله ، استرجعت ذكريات

فير افيكت كل اللي أعرفه انو اللعبة فيها خلاعة كثير .. فقرار شرائها من عدمه بيدك ..

دراجون كويست 8 هي أكثر لعبة باليابان مبيعا على أجهزة الجيل الحالي ( نعم .. أكثر من فاينل فانتسي ) ، لعبة اربيجي برسوم سيل شيدد ( كرتونية ) و تمثيل صوتي على النمط الأوروبي ، مدة عمرها طويلة جدا ( فوق الثمانين ساعة ) و نظام اللعب و القتال فيها كلاسيكي تماما ، تعتبر موجهة لعشاق عالم الاَربيجي ، أشرف على تصميمها يوجي هوري كمصمم رئيسي و كاتب للسيناريو ( مخترع الاربيجي و مبتكر السلسلة ) و قام برسم اللعبة و أداء الاَرت الرسام القدير أكيرا تورياما ( رسام سلسلة دراجون بول ) و أخرج اللعبة المبدع أكيرو هينو ( مخرج و مبتكر سلسلة دارك كلاود على البلاي ستيشن2 ) ملحن اللعبة أيضا مشهور و من أفضل ملحني سكوير ( نسيت اسمه للأسف ) .. اللعبة تم البدء على تصميمها تقنيا في استديوهات Level 5 ( فريق عمل دارك كلاود ) ثم عادت إلى مقر سكوير إنكس حيث أكملت انكس العمل عليها

أعتقد تم نشر مراجعة لها بموقع الألعاب العربي ( الموقع يعلق عندي حاليا للأسف ) .



Electro M


لهذا السبب صراحة أنا كنت ضد التصويت >< ، الأعضاء الأنانيين اللي يريدوا يقرؤوا بس بدون ما يشاركوا راح يفرضوا تيار سير المنتدى بما يعاكس مصلحته .. و المشكلة حتى المراقبين ما حد يقوم منهم بدور فعال هناك غير كاسح و msm ، استقالة Soliden خلّفت ثغرة كبيرة -__-
عودة القسم للتقسيمة القديمة راح تكون سيئة جدا لو حصلت ><

[Darkness withiN]

دعواتكم شباب...مسافرين سفره شكلها بتطول: )
تبقون بالقلب دايم ومابننساكم بالدعاء فلا تنسونا..


--

الله يعطيك ألف عافيه حسون^^
كنت عارف مسألة الرسم وإن اللعبة كلاسيكية
بيني وبينك...ماني كلاسيكي ذاك الزود وذيك الدرجة

أحب الألعاب نفس فاينل فانتسي وليجند أوف دراجون وليجند أوف ليجايا,يعني أسلوب يجذبك

مو قاهرني ألا لعبة بريف فينسر موساشي على السوني 1,كان الشريط من قوته نادر كثير والنسخ الي عندي كلها خربانه ويوم وصلت عند نص اللعبة خرب: (


اخس...فير ايفكت لعبه منتهيه
سميقل شدعوه ناوي تخربنا ياخي لاحقين بعدين ترا


حسين تنصحني بلعبة ميغا مان على الدي إس؟
ميغا مان باتل نتوورك

مب زد إكس..

؟

[hussien-11]

الله يعطيك ألف عافيه حسون^^
كنت عارف مسألة الرسم وإن اللعبة كلاسيكية
بيني وبينك...ماني كلاسيكي ذاك الزود وذيك الدرجة

أحب الألعاب نفس فاينل فانتسي وليجند أوف دراجون وليجند أوف ليجايا,يعني أسلوب يجذبك

مو قاهرني ألا لعبة بريف فينسر موساشي على السوني 1,كان الشريط من قوته نادر كثير والنسخ الي عندي كلها خربانه ويوم وصلت عند نص اللعبة خرب: (

الله يعافيك ^^
مع ذلك ، أنصحك تجربها ، لعبة كوبي يعني ما راح تخسر شي ماديا ، إما ما تعجبك و ترميها ، أو تصير واحدة من ألعابك المفضلة ، لأنها بجد مميزة .

حسين تنصحني بلعبة ميغا مان على الدي إس؟
ميغا مان باتل نتوورك

مب زد إكس..

؟

بصراحة ، أنا أعتبر انه سلسلة ميجامان كمستوى متميز انتهت بعد أصدارة X6 على البلاي ستيشن الأول .. و لكن لو انت من فانز السلسلة و لاعب الأجزاء اللي قبل من سلسلة باتل نتوورك و عجبوك .. give it a try .. غير هيك ما بنصحك صراحة .. حتى أتوقع ZX تكون أفضل ، و ترا بيبدوا سلسلة اربيجي جديدة بعد باتل نتوورك ثلاثية الأبعاد على الـDS .