الموضوع الرسمي | LittleBigPlanet ( محتوى الماء وتروفيز جديدة !! )

[Taykw]

السلام عليكم
كيف حالكم شباب ؟
حصلت اللعبة اوروبية عليها رقم 2 بـ 175 ريال في محل بو هنود يعني مش حالك... شرايكم ؟
انا بصراحة خبري سعر الالعاب بين 220 و 300 ؟
خفت تكون مستعملة ... سؤالي : شلون اتأكد 100% انها جديدة

سؤال ثاني : شلون اغير الكرت كارد اذا باشتري شي من الستور لاني استخدمت بطاقة صديقي عشان اشتري ملابس اضافية في ستريت فايتر بس الحين كل ما ادخل على شي يقول على طول تأكيد الشراء ؟

و عذرا للاطالة و شكرا

[الصهيبي]

بالنسبة للسؤال الاول انا شاريها كمان من هندي ب170 (لانه الالعاب اللي لها فترة نزلت تكون هذا سعرها ) وكيف تتأكد انها جديدة بتلاقيها مقرطسة وفي القرطاس خط مكتوب عليه بلاي ستيشن 3 ملون والالعاب حتى رزيدنت ايفل الحين ب 200 لا حد يزيد عليك ويقولك في لعبة حاليا ب 300

[Mr.CheeFo]

انا جربت العب فيها والله احلى لعبه

بس حيرني شيء واحد وهو كيف العب بـ مراحل متل جير


وانا حبيت بعد الي يلعب فيه اون لاين يضيفني

والي يبغى ID حقي يرسلي رساله خاصه

واتمنى من الي يضيفوني نسوي مرحله بالاون لاين او بـ MY moon

تحياتي..Mr.CheeFo

[الصهيبي]

انا جربت العب فيها والله احلى لعبه

بس حيرني شيء واحد وهو كيف العب بـ مراحل متل جير

وانا حبيت بعد الي يلعب فيه اون لاين يضيفني

والي يبغى ID حقي يرسلي رساله خاصه

واتمنى من الي يضيفوني نسوي مرحله بالاون لاين او بـ MY moon

تحياتي..Mr.CheeFo

انا كنت اسأل نفس سؤالك وطلع لازم تشتري المراحل حق ميتل جير من الستور بفلوس

والاون لاين بصراحة بيطلعلك روحك انا اشوف هذا هو عيب اللعبة الوحيد لااااااااااااااق

[General BiG Boss]

^^ في مراحل بالاونلاين صانعينها مثل ميتل جير بس مو بالضبط 100%
بس عاد دور ..
===============
تروفي الPrizes ابو 4 لاعبين مستحيل تطلعهم وانت عندك لاق
يعني لازم اشتري يدات وكل يده بـ10 دنانير بس علشان اخلصهم @_@

[Mr.CheeFo]

انا كنت اسأل نفس سؤالك وطلع لازم تشتري المراحل حق ميتل جير من الستور بفلوس

والاون لاين بصراحة بيطلعلك روحك انا اشوف هذا هو عيب اللعبة الوحيد لااااااااااااااق

شكرا بس الافضل انه يكون مجاني او تحميل<<مفلس

بس فعلا هو الي مخرب اللعبه بس انا ما يجني كثير مره او مرتين بالكثير

[Lonely Hunter]

تروفي الPrizes ابو 4 لاعبين مستحيل تطلعهم وانت عندك لاق
يعني لازم اشتري يدات وكل يده بـ10 دنانير بس علشان اخلصهم @_@

في طريقه سهله اطلعه حتى لو كان في لاق فظيع
سولك قروب فرند من 4 و دش على الميني جيم اللي في العالم الافريقي اللي اتناطط فيه و تاخذ الكور
و اذا مت بتحصل على التروفي *_^

او جرب تلعب مع واحد عنده 3 يدات ..اتوقع انا يوم لعبت كان في واحد معاي داش بلاعبين من جهازه و خذيت التروفي بهالمرحله بالهطريقه

[General BiG Boss]

^^ لا عبدالعزيز انا قصدي مراحل الstory في مكتوب x4 يعني لازم اربع لاعبين وماعندي غير يدتين ..
صارلي سبوع كل يوم أحاول ادش العب مع احد ونصير اربعه مو قادرين نطوف المكان من سبت اللاق
وخاصه آخر مراحل صعبة .. وصلت 98% prize bubbles
واقصد تروفي :-
Booty Master (Silver): Collect all the prize bubbles on the story levels.
هذا آخر واحد علشان اطلع البلاتنيوم @_@

[Lonely Hunter]

حسبت قصدك تروفي البارتي بيرسن

اهوه احسن شي تلعب مع ناس بالكويت او الامارات

السعوديه يكون في لاق اكثر مادري ليش -_-

انا يوم الخميس ان شاء الله بكون فاضي من بعد المغرب شرايك انقزرها ماراثون لتل بيق بلانيت P:

لان همن انا عندي بابلات وايد للحين ماخذيتهم ( موصل 88%)

[rare games]

عبدالعزيز ما سويتلك مرحله انت للحين ؟؟؟

شباب الي مسوي مرحله يا ليت يعطينا اسمها نبي نجربهم

الايدي z3eem19

انا مسوي مرحله فاشله اكيد ما اعرف ارفعها اونلاين ؟؟

في مراحل خرافيه موجوده مثل سايلنت هيل وديد سبيس وهجوم الديناصورات وانشارتيد مقسمه لمرحلتين

الحين في بدايه المرحله ناس تحطلي ساوندتراك اللعبه الاصليه اشلون انا اذكر ان ما اضيفت هالميزه خوف من حقوق الملكيه الفكريه

[Lonely Hunter]

^
افا عليك مسويها ..لم اتدش على اللعبه روح الكوكب اليسار عند قائمة الفرند اضغط على اللي تبي و بتشوف المراحل ملوته و اتهرتهم و اتهرت البروفايل (للحين ناقصني هارتين بس لبروفايلي -_-)

انا مسوي مرحله فاشله اكيد ما اعرف ارفعها اونلاين ؟؟

x- يمين- publish
سهله

الحين في بدايه المرحله ناس تحطلي ساوندتراك اللعبه الاصليه اشلون انا اذكر ان ما اضيفت هالميزه خوف من حقوق الملكيه الفكريه

مو جنه مايصير اصلا تحط ساوند تراك غير اللي باللعبه و اللي تحصلهم بالدي ال سي ؟

[Lonely Hunter]

اوكي توني حصلت على تروفي share بطريقه رخيصه

دشيت على يوزرين من اللي عندي و هرت بروفايلي و خذيته P:

[عاشق edge]

الشركة المطوره : Media Molecule ..
الناشر : Sony Computer Entertainment ..
الجهاز : Only on PLAYSTATION ..
نوع اللعبه : Platform ..
عدد اللاعبين : 1-4 ( Online 1-4 ) ..
موعد الإصدار : شهر إكتوبر ..






الشخصية الرئيسية

Sack Boy



صور لشخصيات متنوعه


...................

...................



صور من اللعبه


...................

...................

...................

المزيد من الصور ..



فيديو الرسمي للعبه


(1)




(2)





------------------------

شباب هذا الموضوع الرسمي لـLBP وبما انه اللعبه نزلت اتمنى انكم تشاركون بإنطباعاتكم عن اللعبه واخبار عنها ..
و تورونا تصاميمكم بالفيديو او الاسم علشان نلعب فيها ..
وتحطون اخر ابداعات اللعبه ..

ومشكورين مقدما ..


اقتباس:
سلام شباب

الموضوع هو اني حبيت أشارك في تحدي LittleBigChallenge الي ما يعرفه.. هو عباره عن مجموعة تحديات من مطورين LBP و التحدي الي انا شاركت فيه هو انتاج اي فيديو عن لعبتهم.

و هذا رابط موضوع التحدي في موقعهم الرسمي:
http://littlebigplanet.us.playstatio...oy-Scene!.aspx

الخلاصه:
سويت فيديو من انتاجي للمشاركة في هذا التحدي .... و أطلب منكم انه لو عجبكم الفيديو و رأيتم انه يستاهل ياريت تصوتون لي في اليوتوب بخمسة نجوم اذا ما اكلف عليكم.

عنوان الفيديو LittleBigDance

LittleBigDance

[rare games]

مو جنه مايصير اصلا تحط ساوند تراك غير اللي باللعبه و اللي تحصلهم بالدي ال سي ؟

هذا الي اعرفه بعد لكن لما لعبت مرحله انشارتيد متاكد ان ماخذين من الساوندتراك للعبه

وبعدين تعال شنو هالمراحل الي مسويها اربع مراحل وكلهم نفس الشي

تبي تنذبح حضرتك

دشيت مراحل وايت نايت صراحه شغله حلو ومراحله ممتعه

دشيت ديد اور لايف هي حلوه واحداثه بعد حلوه تعال دور المخرج بس مكرره كثيره

ومافيه شيك بوينت عموما شغله حلو يا ليت وايت نايت تعطيني اسم افضل مراحلك

[KasiH]

انا للحين اعاني من تروفي booty Master لازم اخذ كل البرايز بابلز ..