\\^-مجلس المنتدى العام-^//... 2nd Impact

[Lezard Valeth]

هههههههههههههههههه

فلاش عجييييب, أضحك شي لمن دخل Akuma , وبعد سالفة الحب الي بين ساكورا وريو لول, ولا طريقة قتال الماتريكس , كثر من هالسوالف القعقاع, على راسي والله

[احلامو ادوماتو]

لا يفوتكم اعظاء و عظائات...

street fighter vs. Mortal combat

فلاش خطير... و حتى فيه حبتين رومنسية

والله تووووووووووحفه العرض ينطيك العافيه XD

بصراحة الموسيقى حلوة و الاخراج حقه ممتع بس القصة عليها سخافة

لكن يمكن احلى فلاش شفته

على كرة العرض كبير 5 ميغا وشوي و اظن هذي وصلة الفلاش للي يبي يحمله :

http://uploads.ungrounded.net/276000/276650_MKvsSF2.swf

[Yamato]

Oi Oi

القعقاع..
الكليب خرافي.. يعني شخص محترف عمليات اكشنة وضرابة قعد يشتغل عليها.. عجبني مشهد القتال عالجسر في السما..

All thanks to you DuDe

[Lena]

اسفوه:
وشو هذي الاشياء؟
الزرعات شكلها فير انترستنق
وش سالفتها؟



القعقاع:
والله والله مافتحهاT____T..مير عارفه وش بيطلع لي..
ولا ماشفت الجراذي الحمارينT____T





دراك سول:
ياحليلك بس..الحين ان الحريم مايدخلون انتصار وعداله ومدري وشو..خخخ
ليه يعني وش دخل؟ لهالدرجة كارهين الحريم ومعقدينكم في عيشتكم؟

[القــعـقـاع]

ليه يعني وش دخل؟ لهالدرجة كارهين الحريم ومعقدينكم في عيشتكم؟

و الرياض اشد من اللي عندكم ب10 مرات TT_____TT

شوفي احاسيس القهر و الغضب اللي عندك من هذي اللوحة و راح تاخذين فكرة بسيطة جدا عن اللي نحسه...

يا عالم من كثر ما هم حاكرينا صاروا الشباب هم اللي جالسين في البيت و الحريم هم اللي برا (مع انه المفروض الحرمة اللي تجلس في البيت و الرجال هو اللي يطلع برا TT_______TT)

[Yamato]

بسك يا وليدي يا قعقاع.. تراك قطعت تسبدي من كثر صياحك..

تعال الامارات وتفسح على راحتك

[القــعـقـاع]

يا اخي تهورت ذاك اليوم و جيت الامارات لكن اكتشفت ان الموضوع وصلت جذوره الى اعماق نفسي السحيقة و صار يحكرني من جوا..خخخخخخ...بالاضافة الى ان اهلي كانوا معي (دخلنا الwild wadi دقيقتين و طلعنا - بغض النظر عن نوعيات مرتاديه الا انه كان يحتوي على العاب مائية حلوة - فيبغى لي المرة الجاية اشوف لي طلعة شبابية نتونس فيها اكثر و نكسر حاجز الحكرة النفسي <_>)

[Lena]

ايه انتم يالسعوديين ما تستانسون الا مع الشباب..الاهل كخة >.>.....................هههههههههههه
دايم كذا بروح مع الشباب والسفرة مع الاهل تقل واجب وهم على قلوبكمP=
كذا بشكل عام ماحددت احد معين بس هذا الشي السايد..

وبصراحه مقدر احكم على وضع الرياض..مقد عشت فيها ولا طبيتها الا مرتين..

بس مدري صراحه تستاهلون .. حنا بنات العائلات المحافظة بالدمام مرة نمنع من الدخلات والطلعات بسبب الشباب الي محتلين كل المناطق ..وامي تعي نطلع ولا ندخل ولا نجي خايفه علينا..واشوى طلع مجمع الظهران وابن خلدون حقين عوائل..صراحه نطلع حرتنا فيهم..يعني حنا البنات مالنا الا الديرة ياحسرة..انتم طلعات ودخلات وكشتات وسفرات اشياء كثيرة تتهنون فيها ماعمرنا حسدناكم..جت على المجمعات والخياس الي هنا؟

تبغون كل شي لكم._. ... اليست هذه قسمة ضيزى؟


حاول تحط نفسك مكان البنات وفكر .. ترى طريقه حلوة للتفكير بالطرف الاخر ._. ...
(طبعا مب اي بنات :
بنت من عائلة محافظة وتخاف مرة على بناتها
+
بنت من عائله مب راعيه سفرات ولا دخلات
+
كل الاماكن بديرتها مختلطة واهلها بالتاكيد مراح يخلونها تروح
=
وين تروح هالمسكينه؟)

لا تقول تقعد ببيتها لان هذي قمة الselfishness
XD

[Yamato]

يحليلك يالقعقاع..

لينا..
لا تنسي انه في شباب ما يقدرون يسافرون ويحبون يوسعون صدورهم في المولات او ما شابه..

الا اقول يا شباب.. اريد اسافر خلال الصيف ان شاء الله.. حد عنده مكان حلو.. كنت افكر بالمانيا علشان كاس العالم

[7_Dark Soul]

مدري صراحه تستاهلون .. حنا بنات العائلات المحافظة بالدمام مرة نمنع من الدخلات والطلعات بسبب الشباب الي محتلين كل المناطق ..وامي تعي نطلع ولا ندخل ولا نجي خايفه علينا..واشوى طلع مجمع الظهران وابن خلدون حقين عوائل..صراحه نطلع حرتنا فيهم..يعني حنا البنات مالنا الا الديرة ياحسرة..انتم طلعات ودخلات وكشتات وسفرات اشياء كثيرة تتهنون فيها ماعمرنا حسدناكم..جت على المجمعات والخياس الي هنا؟

تبغون كل شي لكم._. ... اليست هذه قسمة ضيزى؟


حاول تحط نفسك مكان البنات وفكر .. ترى طريقه حلوة للتفكير بالطرف الاخر ._. ...
(طبعا مب اي بنات :
بنت من عائلة محافظة وتخاف مرة على بناتها
+
بنت من عائله مب راعيه سفرات ولا دخلات
+
كل الاماكن بديرتها مختلطة واهلها بالتاكيد مراح يخلونها تروح
=
وين تروح هالمسكينه؟)

لا تقول تقعد ببيتها لان هذي قمة الselfishness
XD

و انتي كل يوم طالعة لنا في محل....شجابكم الدمام....خبري انتو من الرياض..؟

....

زين انتي حطي نفسج محل الرجال العزوبي...و فكريشنو تسوين....


ممنوع يدخل اي مجمع....الا نادرا...

+

ما في اندية او منشأت رياضية...

+

كل ما راح الكورنيش....جاه واحد قاله الله يخليك بعد لان عايلتي هنا...

+

منبوذ....و يعتقدون انه بيغازل كل ما راح محل...

+

ما يقدر يتقضى اغراض له من المجمعات ...

+

اذا جلس في الشارع قالو عنه صايع....(تصدقين مرة كنت واقف مع ربعي قدام بيتنا...جانا شرطي قالنا...لا تجلسون في الشارع...و اذا تكلمتو...على طول الاحداث...يا ابن الذين و الله قدام بيتنا...وين يبينا نروح)


+

ما في مجالس تظمهم....

+

اغلب الاماكن خاصة بالعوايل...فقط..

+

خساير فلوس بسبب الدوارة الزايدة في الشوراع(بنزين السيارة)

=

مالك الا تروح القهاوي حق المعسل و الزقاير و الدمار ....

على الاقل انتو تقدرون تدخلون اي محل....اما احنا....ياحظي

هالايام صارو الحريم محرم لنا...-____-...ما نقدر نطلع بدونهم....


الحمد لله ان عندنا استراحة.....ولا كان رحنا وطي...

و بعدين من حقنا احنا العزاب نسافر بدون عوايل...مساكين احنا....نبي ننحاش من ذي الكلمة...T___T



القعقاع....

بخخخخخخ....روعة الفلاش....P:

موزحيكون جدا...^..^...

[Mada Mada Dane]

لينا / من جد إحمدي ربك @_@ خلاص الحين صار عندكم مجمع الظهران مالكم حجه صراحه xD



بس يعني انا شخصياً اشوف توازن في الشرقية بين منشئات الشباب والعوايل

انا بحكم اني مااحب الاسواق غالبا بمقهى للفيديو جيمز اسمه X-time بالخبر, أو بمحلق خوالي او بيت أهلي بالدمام. . .

والشباب الي يبون اسواق وتمشيات بمجمعات و و و و . . . عندهم الراشد

والكورنيش واسع يشيل العوائل والشباب, والي يبي بحر نظيف يجي الجبيل او يبي فلة من الشباب يروح الهاف مون . . .


صراحة بنطري أشوف في توازن رهيب بالشرقية, احسن من اهل الرياض خخخ متوهقين في إنجياز واضح للعوائل =_=

[Mada Mada Dane]

القعقاع ههههههههههههههههه وش هذا الفلاش


لووول طول العرض وانا اضحك, كثر من هذي الأمور ياخي XD

[القــعـقـاع]

لينا:

ما دام الوضع كذا وش رايك نتبادل بيوتنا ^__^ انتي تفلينها في الرياض و انا استانس في الدمام (طلعات+بحر+البحرين قريبة)

ياماتو:
اسمع نفسك و انت تقول باروح عشان كاس العالم...وش لك بالزحمة و المشاكل..اطلع جنوب شرق اسيا (تايلند-اندونيسيا-ماليزيا)طبيعة و رخص و تقدر تتفاهم معهم بالعربي ^___^ (الا اذا كنت مليت منهم #__#)

ما دام الفلاش اعجب الجميع انا باسوي زي جورج من ساينفيلد: That's it for me....طخ (صوت الباب)

[القــعـقـاع]

بس حبيت اذكر كم نقطة:

1-الواحد اذا سافر مع اهله نوعا ما يشيل مسؤولية تمنعه من الحصول على متعة كاملة
2-الحريم 24 ساعة في الاسواق -و اللي هو شي ممل جدا- حتى في السفر
3-الشاب يبغى يخش في نشاطات و اماكن شبابية و اللي في العادة تكون مليانة عزوبية ^^..فما ادري من الخبل اللي بياخذ اهله معه

اما فكرة ان: طلعة شبابية=دشرة...ففيه ناس يطلعون مع بنات و هم مسافرين مع اهلهم فبالتالي اللي يبغى الشي راح يحصله من دون طلعة شبابية...

[smigle]

الا اقول يا شباب.. اريد اسافر خلال الصيف ان شاء الله.. حد عنده مكان حلو.. كنت افكر بالمانيا علشان كاس العالم

Did somebody say Travelling????b

أحم أحم ...

أنت بس قول لي أيش طبيعة السفرة اللي تبي تروحها (تسوق، تمشي، أستجمام) وطبيعة البلد (عربي، أجنبي، الجو والشعب) وأنا أقول لك رأيي المتواضع (اللي أعرفه بس).

عندك هذا المينيو للدول اللي رحت لها.

1- البحرين

2- السعوديه (الخبر، جده، مكه، الطائف)

3- الكويت "فديت داركنس بس"

4-الأمارات

5- مصر (رحت لها وأنا صغير) لكن تو رفيجي راجع من هناك وقايل لي كلام وايد ممكن يفيدك.

6- لبنان.

7- أيران.....ودي عايزه كلام.

8- الأردن

9-بريطانيا

10- فرنسا (I know it like the back of my hand)

11- المانيا (علاج مع الوالد، خبرتي فيها قليلة)

12- أيطاليا (أحبها موووووت)

13- بليز Belize .......معضم الناس ما سمعوا فيها، هي بلد بجانب المكسيك ، بلد فقير بس وااااااااااااايد حلو.

14- اسبانيا (يومين)

15-اليونان.

16- كرواتيا.

17- أمريكا (تكساس، فلوريدا، لويزيانا)

عموماً إذا تبي تجرب سفره يديده وحلوه وتشوف أماكن عمرك ما شفتها (وعندك حفنه من النقود للصرف) أنصحك بالبواخر Cruse ships بس اجرائات السفر والحجز عليها شوي معقده

But once you try it you'll love it

شوف هذا موقع شبكة بواخر Celebrity Cruse

http://www.celebrity.com/home.do

الصيف اللي فات رحت مع الأهل في جولة معاهم أبتداء من أيطاليا مرورا بكرواتيا و اليونان وفرنسا وأنتهاء بأسبانيا، كانت من أروع السفرات وتجربه من تجارب العمر. بس العيب الوحيد أنك تقعد في كل بلد يوم واحد وتبات في الباخره علشان تنش ثاني يوم في بلد ثاني.

ولكم جزيل الشكر.