Nintendo Fan's Club III

[Kenji 42]

FAS إنت شفت فلم Red ....نسيت تكملة الإسم لول، تكون الأحداث تقريبا ً كلها بالطيارة لكنه عجيب حده

باركوا لي شباب، من شوي شريت Half Life 2 لول
الأبديت قص ظهري ):

[FAS]

فيلم Red Eye
عجيب الفيلم , بس قصته أحسن من سينك بوايد ...
ياخي سنيك يتكلم عن شاهد وجريمة .... يعني شوي ما تسوى السالفه كل هالعنا

[cantona222]

Kenji 42:

أول شي مبروك على Half Life 2 و اذا علقت بمكان و ما تدري شتسوي قوللي ........ أنا موصل فيها

و فلم Red Eye عجبني أكثر من Snakes on a Plane
أنا أستانس عالبطلة مالت Red Eye

[Kenji 42]

الله يبارك فيك كانتونا.
منيت إني أخذت كوبي مثلك ):
الكوبي مافيه برنامج الـSteam صح ؟ لا يحوشك الستيم .!!!!! :@@@

+

بطلة Red Eye عجيبة لول

[yameii Wii]

تأهلنا !

هارد لك يالكويتيين.. بس تباً شفتوا الأخطاء الدفاعية؟ -_-

مبروووك للأبيض
وماشاء الله على المنتخب الكويتي لعب والمباراه كانت حلوه...

[cantona222]

الله يبارك فيك كانتونا.
منيت إني أخذت كوبي مثلك ):
الكوبي مافيه برنامج الـSteam صح ؟ لا يحوشك الستيم .!!!!! :@@@

لا مافيه Steam
أنا عندي Steam........ أشغل عليه الألعاب الأصلية. أنا عندي Counter-Strike و HL2:Ep.1 اصليين .......... أنا عقب ما شريت HL2 قلت لا يكون ان لازم أشغلها على Steam ........ لأان طواله ........ و لازم تكون أصلية (يطلبون الـCD Key) بس الحمد لله اشتغلت بدونه و كاني قاعد ألعب فيها.

طلة Red Eye عجيبة لول

[Hyrule Phantom]

السلام عليكم شباب ولله لكم وحشة خلصت امتحاناتي وحصلت الوي هدية مع زيلدا و واريو
ما قلتوا لي شباب شمسوين مع زيلدا وين موصلين ومنو فيكم خلصها؟

[Kenji 42]

لو شوف حوستي مع الستيم ):
أول شي، سويت Install عادس حقه. يوم خلص وسوه أبديت، شغلته مو راضي يشتغل .!
سويت ريستارت إشتغل ، بس ما أشوف شي جدامي :\ يوم أطق على الآيكون يطلع لي مسج ما أذكره عدل. دشيت Amazon وقريت Review's ملوت الأوادم اللي شارين اللعبة. نص الناس قاعدة تسب الستيم لووووووول واحد كاتب :
DO NOT BUY THIS GAME !!!! 50$ ??? NOOOOOOOOOO
لوووووووووول مسكين حده متأزم
بعدها Winter_wolf أنقذني بـURL، كابين إنه لازم أشيل برنامج Tune Up Utilities عشانه يسوي Block Access حق البرنامج
دووووووووووووووووووووخة -__-
Valve Sucks

[The Broken Legend]

خخخخخخخخخخخخخخخخخخخخخخخخ
السلام عليكم ورحمة الله وبركاته ^ ^
اولا مبروك للأبيض .. يستاهلون ^ ^ .. و الكويت لعبت لعب رائع الصراحة و مشرف ..
لكن صار اللي ما تتوقعونه .. بما اني مو رياضي اصلي و ما احب الرياضه وايد .. سو ..

نزلت تحت للصالة .. علشان اشوف المباراة .. ولا أشوف ..
اختي الصغيره و اختي الكبيرة وأبوي و (زوجه ابوي) و اخوي وأخوي الكبير .. كلهم قاعدين تحت بالصالة .. ولابسين أزرق .. و الهتافات .. حدث ولا حرج ..
" انا الكويتي .. انا الكويتي وافتخر اني كويتي وافتخر اني كويتي " و من هالكلمات المحمسه .. كانهم بالملعب صج ^ ^

فكالعادة .. اطلع انا عكسهم .. وأقول .. " تحيا الإمارات "
جان يطالعوني كلهم بنظره غريبه !!
قلت لهم انا اليوم بشجع الإمارات ( لووووووووووول عناد فيهم و علشان احرهم ^ ^ )
فبدأت المباراة .. وحطوا الإمارات أول قول .. و أنا على طول نقزت .. هيااااااااا قووووووول ( لووووووول عشت الدور )
فعصبوا هم .. بس ما اهتموا لأنه بأول المباراة ..
فلما حطوا الكويت قول التعادل .. اهما كلهم هياااااااااااااا ويا سلالالالالالالالالام .. و انا نسيت نفسي و قعدت اصفق ^ ^ بس بعدين تذكرت اني اشجع الإمارات .. فتظاهرت بالحزن و العصبيه .. لووول ..
و على طول الإمارات حطت القول الثاني .. و أهني انا مت من الضحك ^ ^ و اناقز و فرحان .. واقولهم ماطار طير وارتفع إلا كما طار وقع .. فعصبوا علي هنا كثير .. بس ليلحين ماسكين أعصابهم ..

و لما حطوا الإمارات القول الثالث بنهاية المباراة .. جان انقز حيل و اقول " هي يالله هي الله هي الله يالله يالله يالله هي يالله " ( غنيه كويتيه قديمه لووووووول ) فعلى طول ضربوني بالمخاد و الأقلام و العفش اللي كان موجود بالصالة .. و بالغصب هربت هههههههههههههههههههه ..

آخر شيء حزنت ><" حسافة الكويت خسرت << توني أصحى ^ ^

[Dukefleed]

السلام عليكم شباب ولله لكم وحشة خلصت امتحاناتي وحصلت الوي هدية مع زيلدا و واريو

وعليكم السلام! ومبروك عليك الجهاز

ما قلتوا لي شباب شمسوين مع زيلدا وين موصلين ومنو فيكم خلصها؟

قصدك منو ما خلصها.. لول

Edit:

Rofl @ The Broken Legend XD

ليش هالحركات لول هههههه

[THE ROCK IS THE BEST EVER]

عجيب لا تفوته , رائع , خصوصا الفتره الي هم فيها في الكازينو ...
ما راح اخرب عليك , بس تأكد انك تشوفه كامل ....
وتذكر , افلام جيمس بوند لها طابع تجاري , وأيضا فيها اسلحه وأدوات استخباريه ممكن تكون غير معروفه .
فإذا كنت تحب هالنوعيه , راح يعجبك الفيلم

شوقتني ان شاء الله اشوفه الحين مع العشا

واعطيك رائي في الفلم بعدين

فيلم Red Eye
عجيب الفيلم , بس قصته أحسن من سينك بوايد

اي الفلم ذا شفته

بصراحة فلم حلو

ما كنت اعرف البطله قبل ما اشوف هذا الفلم

[THE ROCK IS THE BEST EVER]

خخخخخخخخخخخخخخخخخخخخخخخخ
السلام عليكم ورحمة الله وبركاته ^ ^
اولا مبروك للأبيض .. يستاهلون ^ ^ .. و الكويت لعبت لعب رائع الصراحة و مشرف ..
لكن صار اللي ما تتوقعونه .. بما اني مو رياضي اصلي و ما احب الرياضه وايد .. سو ..

نزلت تحت للصالة .. علشان اشوف المباراة .. ولا أشوف ..
اختي الصغيره و اختي الكبيرة وأبوي و (زوجه ابوي) و اخوي وأخوي الكبير .. كلهم قاعدين تحت بالصالة .. ولابسين أزرق .. و الهتافات .. حدث ولا حرج ..
" انا الكويتي .. انا الكويتي وافتخر اني كويتي وافتخر اني كويتي " و من هالكلمات المحمسه .. كانهم بالملعب صج ^ ^

فكالعادة .. اطلع انا عكسهم .. وأقول .. " تحيا الإمارات "
جان يطالعوني كلهم بنظره غريبه !!
قلت لهم انا اليوم بشجع الإمارات ( لووووووووووول عناد فيهم و علشان احرهم ^ ^ )
فبدأت المباراة .. وحطوا الإمارات أول قول .. و أنا على طول نقزت .. هيااااااااا قووووووول ( لووووووول عشت الدور )
فعصبوا هم .. بس ما اهتموا لأنه بأول المباراة ..
فلما حطوا الكويت قول التعادل .. اهما كلهم هياااااااااااااا ويا سلالالالالالالالالام .. و انا نسيت نفسي و قعدت اصفق ^ ^ بس بعدين تذكرت اني اشجع الإمارات .. فتظاهرت بالحزن و العصبيه .. لووول ..
و على طول الإمارات حطت القول الثاني .. و أهني انا مت من الضحك ^ ^ و اناقز و فرحان .. واقولهم ماطار طير وارتفع إلا كما طار وقع .. فعصبوا علي هنا كثير .. بس ليلحين ماسكين أعصابهم ..

و لما حطوا الإمارات القول الثالث بنهاية المباراة .. جان انقز حيل و اقول " هي يالله هي الله هي الله يالله يالله يالله هي يالله " ( غنيه كويتيه قديمه لووووووول ) فعلى طول ضربوني بالمخاد و الأقلام و العفش اللي كان موجود بالصالة .. و بالغصب هربت هههههههههههههههههههه ..

آخر شيء حزنت ><" حسافة الكويت خسرت << توني أصحى ^ ^

خخخخخخخخخخخخخخخ

عليك حركات مو صاحية ياشيخ

[Hyrule Phantom]

هاهاها يالله كله واحد منو ما خلصها انا توني قاعد اجمع الحشرات حق Spirit of Light الثالث واقدر استخدم الطير الضخم

[Snake-87]

باك..
ما ادري ردي مسجته بالغلط ><"
توني راد من البر ^^"
فيني نوم حدي ><"
الماسنجر حاطه نايم ^^"

باركولي شريت 360 ... + GOW وما لعبته إلا شوي T_T
باجر عندي شغلة مهمة .. ادعولي الله يوفقني فيها يا رب >.>
كينجي .. حدي خايف T_T (مثل خوفك من استاذ بك xD)


ومنتخب الكويت يستاهل هالخسارة .. الحين إن شاء الله الإدارة راح تتطشر .. والمنتخب مساكين مالهم ذنب .. الإدارة هي السبب .. وهالمرة .. اليمن دخلت وطلعنا الأخير ... اول مرة بالتاريخ الكويت يطلع الأخير وأول مرة يطلع بدون ولا فوز xD .
هذا درس لهم .. بالتوفيق للسعودية والامارات .. والبقية xD


------
MONTADA IS ROOOOOOOOOOOOCK
تم إضافة كودات مواقع youtube وgoogle للمنتدى

السلام عليكم ورحمة الله وبركاته تم وضع كودين جديدين للمواد المرئية من google و youtube عبر منتدى المنتدى[youtube]مثال لطريقة الاستخدام :عند زيارة لموقع يوتوب تنسخ الرابط للمادة المرئية التي تريد وضعها في المنتدىyoutube.com/watch?v=YgW7or1TuFkتأخذ الكود الذي تحته خط و الذي يلي العلامة v= فتحصل على هذا الكود كمثالYgW7or1TuFkتستخدم الكود بين كود يوتوب الرسمي للمنتدى على هذا النحو
(وضعنا نقاطا حتى يظهر الكود بدون تشغيله*) [youtube.]YgW7or1TuFk[/youtube.]

ويشرفني أكون أول واحد على ما اعتقد واستخدم هالخاصية



ولا ننسى القوانين

قبل استخدام الكود بشكل غير مسؤول فيرجى مراجعة القوانين و اتباعها حتى لا تخالف :- يمنع وضع اي مواد مخلة بالاخلاق او تمس بالدين الإسلامي .
- يمنع وضع اي مواد غنائية او سينمائية .
- يمنع استخدام الخاصية في التوقيع . و " حتى لا يعلق المتصفح "
- يمنع وضع أكثر من اربع عروض في الموضوع .
- يمنع اقتباس المشهد في ردود أخرى من نفس الموضوع .

MONTADA IS THE BEST

يالله بنام
تصبحون على خير

[Kenji 42]

مبروك سنيك والله يوفقك إن شاء الله

*منتدى المنتدى إقتبس الـYou Tubes Code من منتدى "آخر" آنا مركب الكود هناك بنفسي *roll eyes*