Super Street Fighter IV

[MoMeNTuM]

هههههههه مب بس في الاكس اي
و في السوبر ستريت بعد خخخخخخ اي شي مب فاهمينه بناخذ دروس عن سنادا و هو مايقصر P:

[Sanadax]

السويدي وألوكارد
الي يسمعكم يقول أني أستاذ في الالعاب القتالية .. ترا مستواي الا مثل مستوياتكم وأقل بعد
بخصوص XI أشوفه أفضل تحكم في الالعاب القتالية كلها .. وهو اللعبة الوحيده الي ما أشتكيت من تحكمها

بخصوص جاي حتى وهو مظلوم بعدني أشوفه قوي
من كذا يوم كنت العب مع شباب في غرفه فيها 8 لاعبين .. أهزمهم ويهزموني بعدين بدأت أعرف أتعامل معاهم بجاي لكن بعد فتره لاحظت أن الجميع لما يلعبون ضدي يلعبون turtle .. يعني واحد المين ماله ريو ولما يلعب مع اللاعبين الآخرين يلعب هجوم وكومبوهات ولما يلعب ضدي يلعب turtle .. أحصله يالس في الزاويه ويوم أقفز عليه يضرب تحت HP .. وواحد ثاني المين ماله كين ومعروف أن كين شخصية هجومية , يلعب ضدي turtle ومرات يلعب بكين مع الآخرين ولما أيي دوري بس يختار زانجيف .. لهذي الدرجة جاي مخيف ؟!
بصراحة هذاك اليوم حسيت أن جاي أكثر شخصية مرعبه في SSF4 .. وكبر في عيني أكثر
أنا ما أمدح نفسي بالعكس مستواي تحت المتوسط ومن حقهم يلعبون turtling بس حبيت أوضح هذي النقطه أن جاي مب شخصية ضعيفه

تان
مشكور على الفيديو وإذا عندك أشياء ثانية عن جاي لا تبخل علينا

[evil-kusanagi]

التحكم في XI ممتاز جدا و سريع للغاية .
يمكن 02 اقل سرعة منه لانه يعتمد بشكل كبير على الكومبو .
فكرتونا في ايام الزمن الجميل
http://www.youtube.com/watch?v=XkFYD4DW9P0


هو شوف كما قلت جاي هجمي . لكن عندما تلتقي شخصيتان هجوميتان .
لابد للاخرى ان تنتهج الاسلوب الدفاع . لانه تكون مغامرة الهجوم ضد شخصية هجومية.
سانادا كيف تموه بكودي الخصم انك راح تحمل الحجرة ثم تكنسلها.
و هل هناك حركات سرية في اللعبة غير موجودة بالكامند ليست.

[Sanadax]

كوسناجي
ذكرتنا بأيام زمان .. تصدق من فتره مالعبت XI
وصحيح كلامك لازم واحد يلعب دفاع لما تكون شخصية هجومية ضد هجومية بس كنت حاب أوضح أن جاي مب ضعيف مع أنه دفاعه سيء
بخصوص كودي وتمويه الحجر .. تحت و HP+HK في نفس الوقت
ومافي حركات مب موجوده في قائمة الحركات .. جميعها موجوده
أنت بس لما تدخل على قائمة الحركات أنزل بالسهل لتحت وبتحصل باقي الحركات ومنها حركه ساجات الي لما يمسك صدره

[AL999e3ry]

كوساناجي... صدقني مع الايام بتكتشف ان جاي ضعيف... و عن مباراة دايجو بجاي ما تقدر اتقول ان جاي يخوف و انا صراحة ما اقارن المستوى الامريكي بالياباني طبعا...


سانادا و الله انك يبتها عالجرح... تعرف شوه اللي يخوف فجاي يوم انك اتهاجمه وايد لكن يوم يلعبون ضدك ترتل او تقدر اتقول( ديفينس وايد) صدقني جاي يصير بلا فايده... و على فكره قامت تطلع فضايح جاي... مثال:

الحين الازونا دروب طلعت ما تمسك فكل الاحوال اذا اللي ضدك امسوي Crouch حتى لو حاولت تضربه كوع 80% هو اللي يضربك الشي الثاني لا تنسى انك اغلب الاوقات تلعب ويا ناس مب فاهمين اللعبه صح فعسب جيه ماخذ راحتك فيه... من الآخر جرب جاي ويا ناس تلعب بدون كومبو (يعني همها الفوز بس) صدقني راح اتشوف جاي ما يصرف(انا متأكد ان هالشخصيه ما ضبطوها عدل في السوبر و كأنهم متعمدين يقهروني)!

[evil-kusanagi]

انا عند رايي . جاي ممتاز بس العيب في الناس اللي تلعب فيه.
و لعبه متنوع كثير .
اصلا كل الناس همها الفوز . ما اهمية الكومبو بدون فوز.
و الناس في الشوريوكن تلقى عدد المهتمين بجاي كبير جدا.

[Blanca]

والله اخوي كلامك صحيح الناس اهم شي عندها الفوز وبس
وما تركز على الكومبوهات
انا دايما اخسر كثير تدري ليش
مو لاني ما اعرف العب
لاني دايما احب اسوي الكومبوهات الي متعلمها
ودايما متسرع في الهجوم
المشكلة اني ما استمتع في اللعب الا كده
وما احب ادافع ابدا
مع اني لما ادافع تكون النتايج حلوه
بس اهم شي عندي انا اني استمتع وانا العب

[RogerM]

للامانة احس يبالي اجازة عن ستريت فايتر4، أسبوع يمكن.
احس مستواي طايح وايد لا كومبوهات ولا شي لول

[evil-kusanagi]

اخوي بلانكا اي ناس تقصد.
الاعبيين الممتازين يلعبون كومبو و يفوزون.
اصلا ستريت فايتر ليست لعبة كومبو بشكل اساسي.
يعني اغلب الكومبوهات اللي يعملها المحترفون اليابانيون يقدر يعملها اي واحد في المنتدى الا ما ندر
يعني ما الكومبو اللي يعمله دايجو و ما يعمله الاخ الوكارد او سانادا او ......
كله نفس الكومبو .
الفرق هو الماند جيم. و انك تعرف تعمل كومبو هذا ليس دليل على انك تعرف تلعب.
لو كان هذا المنطق لشفنا اصحاب الفيديوهات للكومبوهات التعجيزية في اليويتوب يفوزون بالطولات.
اصلا انت تلعب ببلانكا و اي واحد في المنتدى يعرف انه شخصية دفاعية محضة.
يعني طريقة لعبك خاطئة . و بلانكا ما له كومبو .
اساس كل لعبة الفوز و كيف تفوز هناك مدرستين
المدرسة الهجومية اي انك تضغط على الخصم
المدرسة الدفاعية . اي انك تلعب على اخطاء الخصم.
حتى انا كنت مثلك لدي تفكير خاطئ احب ان اري الناس اني اعرف اعمل كومبوهات
لكن كنت اخسر جراء هذه الفلسفة و اليوم تغيرت صرت العب بمنطقية اكثر
و كل مرة اتعلم من اخطائي.

[Extreme Blue]

تقريبا طريقة لعبي مثل الاخ بلانكا .. وااااااايد هجوومي ونادرا ما ادافع .. ماعرف اتم مكان واحد >>>> مشكلة هالطريقة
وبالنسبة لجاي .. اهو لاعب ممتاز .. حركاته وكومبوهاته حلوة .. تنفيذها حلو ويبيبلها تركيز شوي لكن
وآنه اجوفه يعني يصلح حق خدع في الفايت.
تحيااتي .

[AL999e3ry]

انا العب كومبو و افوز بالتكنيك و الستراتيجيات و يوم قلت ان ستريت فايتر مب من اساسياتها الكومبو كلامك غلط, اللعب لازم يكون فيه الكومبو و لا ما بتقدر تبعد عن الناس اللي يسون كاونتر هت ريفرسال الخ, و تعتمد بشكل كبير على الكومبو... بخصوص جاي انا ماقولك اني محترف لكن اعرف اقيم الشخصيه من يوم العب بها مب فلسفه من عندي لكن هذا اللي اشوفه فيه... ببسطها اكثر... ابا واحد مستواه حلو بجاي يلعب ضد واحد مثله يلعب بأي شخصيه مثل كودي ريو جوكي الخ... ابا اشوفه شوه يسوي او حتى ضد الزانجيف و تي هوك...


جاي من الشخصيات اللي يباله سرعة لعبة و تمويهات و تفكير بكل خطوه و كان في الزيرو 3( الفا 3) كانت حركاته فعاله مب نفس الحين ضعفوها الحركات

ما استنتجته كالتالي:

- جاي كشخصيه حركاته ضعيفه ما تقدر تعتمد على حركاته, عن نفسي اشوف الفورتي احسن عنه بوايد(من ناحية السبيشل موفز و التمويهات و السرعه و الخ), ياخي حتى كانسل و بعدها الترا ما عنده بخلاف شخصيات اخرى(و هالشي يخلي كل معتدن اثيم ياخذ راحته عدال جاي لول)

[AL999e3ry]

حاب اشارككم به الفيديو... هالفيديو عباره عن كيفية مشاهدة الفيديو اللي عندك في الـ My Channel في الاونلاين مع الـ Friends ( للفائده فقط و بيني بينكم انا كنت متوهق قبل ما كنت اعرف انه في هالنظام في الاونلاين)!

الرابط:
http://www.youtube.com/watch?v=DgmMqL6nFLw

[Blanca]

اصلا انت تلعب ببلانكا و اي واحد في المنتدى يعرف انه شخصية دفاعية محضة.
يعني طريقة لعبك خاطئة . و بلانكا ما له كومبو .

يا شباب مو لاني اسمي بلانكا يعني العب ببلانكا
الاسم اخترته بس يوم جيت اسجل في المنتدى هو الي جا في بالي

[MoMeNTuM]

[QUOTE=AL999e3ry;6804890]انا العب كومبو و افوز بالتكنيك و الستراتيجيات و يوم قلت ان ستريت فايتر مب من اساسياتها الكومبو كلامك غلط, اللعب لازم يكون فيه الكومبو و لا ما بتقدر تبعد عن الناس اللي يسون كاونتر هت ريفرسال الخ, و تعتمد بشكل كبير على الكومبو...
QUOTE]

مممم يمكن يا تان مقارنه بين ستريت فايتر و كوف وبليز بلو و تيكين
يعني انا من راي الي اشوفه ان ستريت فايتر مب لعبه كومبوهات لاني يوم اشوف كوف او بليز بلو او تيكين اقول لا وين الكومبوهااات و خاصه في كوف شي مب طبيعي, لاكن في اجزاء من ستريت فايتر تروم تسوي كومبوهات فيها وايد مثل الفا في مود في الافا يخليك تسوي كومبوهات و نفس الشي مع capcom vs snk 2 , agroove هاذي نظامها كومبوهات و في ثيرد سترايك في وضع stun و الحينه برفع الفيديو
لاكن مقارنه بالعاب الثانيه, العاب الثانيه ما تحتاج guge او تعبي السوبر كامل عشان تسوي الكومبوهات

هاذي وحده من الكومبوهات في وضع stun في ثيرد سترايك و 100 % تستوي و في كومبوهات في Q و انا ماصدقت انها تستوي وصج في وضع stun سارت
و فالاخير الكل له رأي

[evil-kusanagi]

مع احترامي لك . فكلامك غلط الاخ القرعي.
ستريت فايتر ليست لعبة كومبوهات . هل شوريوكن كانسل ثم الترا كومبو.
لاحظ دايجو و ماجو ما يعملون اي كومبو بتاتا .
جاي ما عنده كانسل ثم الترا . كيف يعني.
و ما هذا.d+lp .lp.mp.hp.hk fadc ultra
لاحظ من الفيديو اللي اقصده . و راح تستنتج انه يمكن القيام باشياء عديدة .
و هناك العديد من الاختيارات اللي تخليك تنهيها بالترا.
http://www.youtube.com/watch?v=RHgdWjdAuYc
ما يعيب جاي الا ان لعبه صعب و يحتاج شخص سريع البديهة .
الستريت فايتر مقارنة مع بلايز بلو او الجيلتي او حتى الكوف .لا علاقة له بالكومبوهات
و هذا الشيئ معروف جدا جدا بين لاعبي العاب القتال.
العب الجيلتي جير و راح تعرف اين ستريت فايتر من الكومبوهات.