استفساراتكم واسألتكم هنا 4

[Karazhan]

شوف انا مو متأكد عن طريقه الانفايت

قبل كان في مونت غير هذا اللي يكون نفس الفلاي مونت مال الهورد العادي بس لونه شفاف , هذا كان نفس الطريقه تسوي انفايت لرفيجك عشان تاخذه

لكن شلون طريقه الانفايت ؟

انك تدش اكاونتك و في داخل ترسل انفايت لرفيجك ان تكتب ايميله و ترسله دعوه لكن مو اي اكاونت , لازم يكون اكاونت موجود لكن صاحبه مادخل اللعبه من فتره طويله , وانت مثل ماتقول تسوي ress للأكاونت و تحيه مره ثانيه واهو يدخل مع مميزات ان يعطونه بليزرد شخصيه يختارها ويوصلها لفل 80 بدقيقه

وانت يعطونك مونت اللي لونه شفاف

يمكن هالمونت نفس الطريقه انك ترسل لشخص قطع اللعبه وتخليه يرجع ويشترك شهرين


تأكد بنفسك و انا بدش اكاونتي اشوف بعد وبتأكد

[aTurki]

تسلم والله.
يعني اخوي لو شراء حساب جديد وسويت له انفايت واشترك شهرين ماقدر احصل علي الماونت.

[Karazhan]

اول شي تدخل اكاونت وتروح للصفحه هذي




وتختار رقم 1 ويفتح لك تحت اللي تشوفه , في امرين الاول تسوي انفايت عشان تاخذ المونت اللي انت تبيه و الثاني اللي قلتلك عنه تحيي اكاونت صارله فتره مادخل و هم يعطونك المونت اللي قلتلك عنه نفس مال الهورد لكن شفافي




هني تسوي انفايت لكن انا لما سويت انفايت ماصار , الظاهر بس دول اوربيه تسوي انفايت , وانا كاتب الدوله الكويت , عشان جذي الظاهر مايصير

[Karazhan]

انا اكاونتي كويتي مكتوب البلد الكويت والظاهر ماتضبط الا لما يكون اكاونتك بريطاني

وماتقدر تغير الدوله الا لما تكلم الدعم الفني في بليزرد و هم يغيرونه لك

[aTurki]

انا الدوله في حسابي بريطاني مادري كيف صارت مع اني في السعوديه.
مشكور اخوي علي الشرح كفو والله ماقصرت. المفروض انك مشرف مو عضو

[Karazhan]

دام بريطانيا يعني انت من اول شي لما سويت الاكاونت كنت حاط بريطانيا

حلو جميل كلم رفيجك وخله يحط البلد بريطانيا بعد

بس انت ادخل اللي انا دخلته بالصور و شوف الانفايت شلون يكون لأني مااقدر اشوفه , شوف شنو يطلبون منك

اهو تحط ايميل رفيجك ويشترك على ايميله او تحط حسابه بالباتل نت , يعني افهم قبل تسوي اي شي ويروح عليك

انا كأني فهمت من كلامهم ان حتى لو ترسل انفايت ويسوي حساب تجريبي اللي لغايه لفل 20 راح تاخذ , ومن كلام الناس يقولون لا لازم تشترك شهرين

افهم منهم قبل تسوي اي شي

[aTurki]

انا اللي فهمته لو الحساب جديد واشتراء اللعبه كامله مع شهرين راح يعطوني الصاروخ وانا ما ابيه لان الصاروخ عندي .

[Karazhan]

حسب الصور من موقعهم الرسمي ان المونت اللي انت تبيه

واذا حتى لو عطوك الصاروخ كلم جيم ماستر يستبدله لك , قوله انا عملت كل شي عشان المونت التايغر اللي يطير وانتوا عطيتوني صاروخ وهو عندي

راح يبدله لك واذا مابدله قوله برفع عليك قضيه , راح يخاف ويبدله لك ويمكن يعطيك جولد

[aTurki]

ههههههههه حلوه يعطيني بس بجرب.
يعطيك العافيه

[ahmedwow999]

سوال ابا اغير الكلاس حقي انا روق وابا اخلي كلاسي روج كمبات عند مين بظبط اغيرو

[Karazhan]

روح للمدرب

اذا ماتعرف مكانه اسأل اي حارس بالمدينه ويدلك عليه

لما تروح للمدرب وتكلمه شوف اول اختيار اهو تغيير التالنت

[aTurki]

اخوي Karazhan انا عندي حساب قديم مافتحته من 7 اشهر ونسيت باسورده والايميل تقفل .
هل فيه طريقه اقدر ارجع حسابي واحط له ايميل جديد.

[Karazhan]

صعبه الا انك تكلم الدعم الفني وتعطيهم صوره فيها اسمك الاول والاخير مثل صوره الجواز و تعطيهم البيانات اللي تذكرها ان كنت تعرف الجواب السري او السيريال نمبر

متشددين حيل الجماعه خصوصا بالامور هذي

[aTurki]

طيب واذا عندي ارقام الاصدارات اللي شريتها كلها من لفل 60 وحتي لفل 90 . ينفع ؟

[Karazhan]

اي ينفع بس كلم الدعم الفني وياليت لغتك مضبوطه عشان تفهمهم ويفهمونك

قولهم هذا السيريال نمبر للعبه و هذا الاسم الاول والاخير وهذي صوره جوازي

اذا انت مثلي جوازك مع امك حط الهويه بس يكون البيانات بالانجليزي واذا جوازك بروحك دز صورته

وقولهم بغير الايميل لأن الايميل انسرق او ضاع